المصرية والكوري 🇪🇬🇰🇷 (مكتملة)

الفصل الأول ♥️

(هالووو .. جيالكم ببارت جديد في الرواية ومن أولها كده بقول يرجع تفاعل زمان وإلا هحذفهم الاتنين)

©©في بناية بمنطقة المعادي ...
#كانت هناك فتاة تقف أمام مرآة غرفتها ترتدي ثيابها الرسمية للعمل المكونة من سترة قماشية وبنطال من اللون الرمادي وتعقص شعرها ذيل حصان وأثناء ذلك دخلت عليها صديقتها المقربة وهي تنظر لها مبتسمة وجلست على فراشها تنتظرها ...

"فاطمة" :- صباح الجمال والكراميلا يا نوتيلا إيه ده كله إيه ده كله شياكة وطعامة وحلاوة كده رايحة ع فين يا قطة من غيري بقى يلا قِري وإعترفي .

"سهيلة" بابتسامة وتنظر لإنعكاسها :- صباح النور يا بطوط لأ ياختي ولا شياكة ولا حاجة دي عيونك وده علشان الشغل النهاردة أول يوم ف السفارة الكورية .

"فاطمة" بغمز :- أيوة ياعم يسهلووو بقى وأخيرا أهو هتنزلي وهتشتغلي ف السفارة الكورية بعد معاناة مع عمو محمد وهتقدري تمارسي حياتك عادي وتترجمي لقيادات وناس مهمة هناك كمان .

"سهيلة" بغيظ :- ياختي إهمدي إنتي بقى وأُقعدي ع جمب وبعدين ما كفاية إللي شوفته ف السنة المهببة إللي فاتت وما صدقت هكمل حياتي ف هدوء ونازلة أمارس شغلي وأشتغل بشهادتي بدال مهي متعلقة ع الحيطة كده ملهاش تلاتين لازمة حتى يوه .

"فاطمة" بجدية :- يابنتي إنسي بقى وبعدين أنا بس إللي عارفة إنك قوية وصلبة وكملتي من جديد ودهو كان لازم يحصل من بدري وهو أهو غار ف داهية من هنا والله أعلم فين أراضيه وكل ما تفكري بسلبية كدا هتجذبي برضو سلبية وإنتي بتقولي يا هادي النهاردة ف شغلك والمفروض تنسي كل إللي حصل خلاص أنا معاكي متقلقيش ياروحي .

"سهيلة" بإيماءة وجدية أيضاً :- عندك حق يا بطوط أنا فعلا عملت كده وموقفتش حياتي عليه وكل إللي قاهرني إنه وهمني بالحب وضحك عليا وإتجوزنا لكن الحمدلله إتطلقنا علشان مش بخلف وهو أصلا مزفت وهباب وبهدل حياتي ف السنة إللي إتجوزنا فيها وده غير الحرق إللي عمله ف دراعي وشوه منظره ولغاية دلوقتي بفتكر عمل فيا إيه بس خلاص هيكون شغلي هو رقم واحد وهقفل قلبي للأبد .

"فاطمة" بابتسامة وربتت على كتفها :- بلاش الكلام الأهبل ده وأيوة هتركزي ف شغلك بس مش هتقفلي قلبك لأنه لسه هيدق تاني وع فكرة الأولاني مكانش حُبك الأول وهتحبي تاني وهتتجوزي كمان وهتكوني سعيدة ومبسوطة وهتقولي بطوط قالت قريب بس إنتي إدي لنفسك فرصة تانية وخليكي فاتحة قلبك ومش تقفليه فهمتي ولا لأ .

"سهيلة" بلامبالاة وتبتسم بتصنع :- عادي بقى ما أنا أهو زي الفُل يا بطوط ويلا بقى نمشي علشان الزحمة والطريق ومنتأخرش ع شغلنا إحنا الاتنين .

"فاطمة" بإيماءة :- يلا ياختي وزوغي من الكلام زي عوايدك وأنا مش هضغط عليكي وخلينا نخلع قبل ما الطريق يزحم وتتأخري .