Unicode
ရှောင်းကျန့်တစ်ယောက် သူ့ရဲ့မဟာလုပ်ငန်းကြီးကိုစဖို့ နန်းတော်ကိုမသွားချင်လည်းသွားရတော့မယ်။ သူအေးချမ်းစွာနေထိုင်နိုင်ဖို့ ဒီလောက်တော့ရင်းရမှာပေါ့လေ။ ဒါပေမယ့်နန်းတော်ကိုဒီတိုင်းတော့သွားလို့မဖြစ်။ ပလန်လေးဘာလေးတော့ကြိုဆွဲထားသင့်တယ်။
ဇာတ်ကြောင်းအရ ဒီအချိန်ဆိုဇာတ်လိုက်မကနန်းတော်က ဥယျာဥ်တော်ထဲမှာအလုပ်လုပ်နေလိမ့်မယ်။ အဲ့ဒီတော့ရှောင်းကျန့်ကဇာတ်လိုက်နဲ့ဇာတ်လိုက်မ ဆုံအောင်လို့ ဝမ်ရိပေါ်ကိုဥယျာဥ်ထဲခေါ်သွားလိုက်ရုံပဲ။ ပြီးရင်သူတို့နှစ်ယောက်နီးစပ်အောင်လို့ နည်းနည်းပါးပါးလမ်းဖောက်ပေးရမှာပေါ့။ သူ့မှာလည်းဗီလိန်ဘဝကနေ အခုမှအောင်သွယ်တော်ဘဝကူးပြောင်းနေရပြီ။
ရှောင်းကျန့်သူ့ဟာသူ ပလန်တွေအပြည့်ချထားလိုက်ပြီး နန်းတော်ကိုထွက်လာခဲ့လိုက်တယ်။ နန်းတော်ရောက်တော့အိမ်ရှေ့စံကိုအရင်ဆုံးရှာပေမယ့် သူ့ကိုမယ်တော်ကြီးကတွေ့သွားခဲ့တယ်။
''ကျန့်ကျန့် မင်းမလာတာကြာပြီကွယ်၊ ခြေထောက်ရောသက်သာရဲ့လား''
''ဟုတ်ကဲ့ အခုအကုန်ကောင်းသွားပါပြီ''
''တော်သေးတာပေါ့''
''မယ်တော်ကြီး အိမ်ရှေ့စံဘယ်မှာရှိလဲသိလား''
''ဟင်...သူ့အခန်းထဲမှာရှိမှာပေါ့''
''အာ. . .ဟုတ်လား ကျေးဇူးတင်ပါတယ် ဒါဆို နှုတ်ဆက်ပါတယ်မယ်တော်ကြီး''
သူ့ကိုနှုတ်ဆက်ပြီးထွက်သွားတဲ့ရှောင်းကျန့်ကို ယွဲ့ရှယီလိုက်ကြည့်ရင်း မျက်လုံးပြူးနေတော့သည်။
'အိမ်ရှေ့စံတောင်သူ့ဦးရီးတော်နဲ့အဆင်ပြေနေပြီပဲ'
ရှောင်းကျန့်ဝမ်ရိပေါ်ရဲ့အခန်းရှေ့မှာရပ်ပြီး တံခါးခေါက်ရမလား မခေါက်ရမလား တွေဝေနေမိသည်။ ဝမ်ရိပေါ်နဲ့ရှောင်းကျန့်နဲ့ဆိုတာတည့်တာလည်း မဟုတ်ဘူး။ အခုလိုရုတ်တရက်ကြီးဝမ်ရိပေါ်ဆီလာတာကကောင်းပါ့မလား။ ဝမ်ရိပေါ်ကတစ်ခုခုထင်ပြီးရန်ငြိုးတွေပိုဖွဲ့နေမှဒုက္ခ။ ဒါပေမယ့်သူကရောလာချင်လို့လာတာမှမဟုတ်တာ။ ကိစ္စရှိလို့လာတာလေ။ တကယ်ပါပဲ စိတ်ညစ်လိုက်တာ။
YOU ARE READING
My Nephew is My Husband!
FanfictionUnicode 'တူလေးဝမ်ရိပေါ်ရေ မင်းကဇာတ်လိုက်မဆီမှာရှိနေရမှာကို ဘာလို့ငါ့ကိုပဲဒီလိုညစ်ညစ်ညမ်းညမ်းတွေလာလာလုပ်နေရတာလဲကွာ..' Zawgyi 'တူေလးဝမ္ရိေပၚေရ မင္းကဇာတ္လိုက္မဆီမွာရွိေနရမွာကို ဘာလို႔ငါ့ကိုပဲဒီလိုညစ္ညစ္ညမ္းညမ္းေတြလာလာလုပ္ေနရတာလဲကြာ..' ( Not incest )
