Unicode
''သခင်ကြီး ခရီးလမ်းချောမွေ့ခဲ့ပါရဲ့လား''
''ပိုင်ချောင်? မင်းပြန်ရောက်နေပြီလား''
''ဟုတ်ကဲ့ သခင်ကြီး''
''ဘယ်လိုလဲ မွေးရပ်မြေပြန်တာအဆင်ပြေခဲ့ရဲ့လား''
''ဟုတ်ကဲ့ ပြေပါတယ် သခင်ကြီးရော အိမ်ရှေ့စံနဲ့အဆင်ပြေကြပါရဲ့လား တစ်ခုခုဖြစ်ကြသေးလား?''
ပိုင်ချောင်ရဲ့အမေးစကားကြောင့် ဝမ်ရိပေါ်နဲ့သူနဲ့ဖြစ်ခဲ့တဲ့အကြောင်းအရာတွေကရှောင်းကျန့်ခေါင်းထဲ ရုပ်ရှင်တစ်ကားဖွင့်ချပြလိုက်သလိုကိုတန်းစီပေါ်လာတော့သည်။
''ဘာဖြစ်ရမှာလဲ! ဘာမှမဖြစ်ဘူး ဘာတွေလာမေးနေတာလဲ! ကျွန်တော်ပင်ပန်းနေပြီ သွားနားတော့မယ်''
ပိုင်ချောင်သူဘာရယ်မဟုတ်မေးလိုက်တဲ့မေးခွန်းကို မျက်နှာတွေနီရဲလာပြီးတောင်စဥ်မရေမရာတွေဖြေသွားတဲ့သခင်ကြီးကြောင့် ကြောင်အသွားသည်။ ဒီအပျိုဖြန်းလေးလိုဖြစ်သွားတဲ့ပုံစံကဘာကြီးလဲ။ သူမေးလိုက်တာတစ်ခုခုမှားသွားတာလား။ တကယ်ပဲအိမ်ရှေ့စံနဲ့တစ်ခုခုဖြစ်ခဲ့တာလား။ ဒီနှစ်ယောက်အဆင်ပြေမယ်လို့တော့သူမမျှော်လင့်ထားပေမယ့် သခင်ကြီးရဲ့တုံ့ပြန်ပုံအရဆို မူမမှန်တာတစ်ခုခုဖြစ်ခဲ့တယ်ဆိုတာပိုင်ချောင်အနံ့ရနေတယ်။
ရှောင်းကျန့်အခုထိတောင်သူ့ခေါင်းတွေပူနေတုန်းပဲ။ သူမတွေးချင်တာတောင် ဝမ်ရိပေါ်နဲ့အဖြစ်အပျက်တွေကတောက်လျှောက်မျက်စိထဲပေါ်လာနေတာ မျက်နှာတွေလည်းပူလွန်းလို့ပေါက်ထွက်တော့မလားတောင်ထင်ရတယ်။ ပြီးတော့ပိုင်ချောင်ကရော ဘာလို့အဲ့လိုမေးတာလဲ။ သူနဲ့ဝမ်ရိပေါ်ကိစ္စတွေကိုသိသွားတာများလား။ မဖြစ်နိုင်ပါဘူး။ ဒီကိစ္စကဝမ်ရိပေါ်သာအာမချောင်ရင်ဘယ်သူမှသိစရာအကြောင်းမရှိဘူး။
'ဟုတ်တယ် ရှောင်းကျန့် မင်းစိတ်အေးအေးထား ဘယ်သူမှမသိဘူး'
ရှောင်းကျန့်အတတ်နိုင်ဆုံးစိတ်ကိုတည်ငြိမ်အောင်ထားလိုက်တယ်။ ပြီးတော့ဝမ်ရိပေါ်ကိုကျိန်ဆဲလိုက်တယ်။ အဲ့ဒီလူလိုနားမလည်တဲ့ကောင်လေးကြောင့်သာမဟုတ်ရင် သူဒီလိုတွေခံစားနေရမှာမဟုတ်ဘူးလေ...။
YOU ARE READING
My Nephew is My Husband!
FanfictionUnicode 'တူလေးဝမ်ရိပေါ်ရေ မင်းကဇာတ်လိုက်မဆီမှာရှိနေရမှာကို ဘာလို့ငါ့ကိုပဲဒီလိုညစ်ညစ်ညမ်းညမ်းတွေလာလာလုပ်နေရတာလဲကွာ..' Zawgyi 'တူေလးဝမ္ရိေပၚေရ မင္းကဇာတ္လိုက္မဆီမွာရွိေနရမွာကို ဘာလို႔ငါ့ကိုပဲဒီလိုညစ္ညစ္ညမ္းညမ္းေတြလာလာလုပ္ေနရတာလဲကြာ..' ( Not incest )