Unicode
''အိမ်ရှေ့စံကကျန့်ကျန့်ဆီမှာညအိပ်မယ်ပေါ့လေ!''
''ဟုတ်ပါတယ် မယ်တော်ကြီး''
''ဘယ်လိုဖြစ်တာလဲ''
''အဲ့ဒါတော့ကျွန်တော်လည်းသေချာမသိပါဘူး ဒါပေမယ့် ကျွန်တော်သတိထားမိသလောက်အိမ်ရှေ့စံနဲ့ဦးရီးတော်ကဒီတစ်လောအရင်တုန်းကထက်ပိုပြီးအနေနီးလာပါတယ် ရန်စောင်နေတာတွေလည်းသိသိသာသာလျော့နည်းသွားပါတယ်''
''တကယ်ပဲလား မင်းပြောတဲ့အတိုင်းဆိုဒီတစ်ခေါက်ခရီးမှာသူတို့နှစ်ယောက်ကိုတစ်ခန်းတည်းထားလိုက်တဲ့ငါ့အစီအစဥ်ကတော်တော်အလုပ်ဖြစ်သွားတယ်ထင်တယ်''
''ဟုတ်လောက်ပါတယ် မယ်တော်ကြီးဝမ်းသာလို့ရပါပြီ''
''ဒါပေါ့ ဝမ်းသာစရာကိစ္စပဲလေ ဒီနှစ်တွေအတွင်းမှာဒီနှစ်ယောက်မတည့်တဲ့ကိစ္စကငါ့ကိုတော်တော်ခေါင်းကိုက်စေခဲ့တာ၊ အခုတော့အေးအေးချမ်းချမ်းနေရမဲ့နေ့ရက်တွေရောက်လာတော့မယ်ထင်ပါရဲ့၊ ဒါပေမယ့်မင်းလည်းမပေါ့နဲ့ဦး သူတို့နှစ်ယောက်ကိုအရင်ကထက်ပိုပြီးထပ်ကြပ်မကွာစောင့်ကြည့်ထား တစ်ခုခုထူးတာရှိတာနဲ့ငါ့ကိုချက်ချင်းလာပြော''
''ဟုတ်ကဲ့ပါ မယ်တော်ကြီး''
စိတ်ခုနေတဲ့ကိစ္စကျေအေးခါနီးပြီးမို့ မယ်တော်ကြီးတစ်ယောက်ကတော့ပျော်ရွှင်နေလေရဲ့။ ဒါပေမယ့်အိမ်ရှေ့စံနဲ့သူ့ဦးလေးရဲ့လတ်တလောဆက်ဆံရေးအစစ်အမှန်ကိုသိသွားတဲ့အခါသူမအခုလိုပြုံးနိုင်ဦးမလားဆိုတာကတော့စိတ်ဝင်စားစရာပါဘဲ. . .။
''အိမ်ရှေ့စံ ဦးရီးတော်ရှောင်းဆီမှာအိပ်မယ််ဆို ဘာလိုကြောင့်များပြန်လာတာလဲ''
ရှောက်မေလိဒေါသတကြီးနဲ့ပြန်ရောက်လာတဲ့အိမ်ရှေ့စံရဲ့ပုံစံကြောင့် စိုးရိမ်ကာမေးလိုက်မိသည်။ သို့သော်လည်းထုံးစံအတိုင်းပင် သူမချစ်ရတဲ့အိမ်ရှေ့စံကသူမကိုဆိုရှိတယ်လို့ကိုမထင်။ မေလိရဲ့စကားကိုလှည့်ဖြေဖို့နေနေသာသာ သူမဘက်ကိုတစ်ချက်တောင်မလှည့်ကြည့်ဘဲခြေလှမ်းကျဲကြီးများဖြင့်သူ့အခန်းရှိသာကိုသာသွားနှင့်ပြီဖြစ်သည်။
YOU ARE READING
My Nephew is My Husband!
Hayran KurguUnicode 'တူလေးဝမ်ရိပေါ်ရေ မင်းကဇာတ်လိုက်မဆီမှာရှိနေရမှာကို ဘာလို့ငါ့ကိုပဲဒီလိုညစ်ညစ်ညမ်းညမ်းတွေလာလာလုပ်နေရတာလဲကွာ..' Zawgyi 'တူေလးဝမ္ရိေပၚေရ မင္းကဇာတ္လိုက္မဆီမွာရွိေနရမွာကို ဘာလို႔ငါ့ကိုပဲဒီလိုညစ္ညစ္ညမ္းညမ္းေတြလာလာလုပ္ေနရတာလဲကြာ..' ( Not incest )