في اوضه لينا
زينه: لينا....يا لينا... يابنتي اصحي
لينا فتحت نص عنيها: انتي مين
زينه: مين اي انا زينه
لينا: زينه مين
زينه حطت اديها علي راس لينا: انتي سخنه ولا اي
لينا باستيعاب: اهاا خلاص خلاص افتكرت
زينه بضحك: انتي بتفقدي الذاكره ولا اي
لينا بضحك:ببقا كده اول ما اصحي هي الساعه كام
زينه: 7
لينا: طب هقوم البس و اروح الجامعه
زينه: ماشي و اه صح الاستاذ زين بيقولك نص ساعه وتبقي تحت علشان تفطري و متتاخريش
لينا باستهزاء: ولو اتاخرت
زينه: هيتعصب و يكسر البيت علي دمغنا
لينا بتوتر: خمس دقايق وهبقا تحت
زينه: ماشي انا هنزل عاوزه حاجه
لينا: ممكن كوبايه نسكافيه لو مش هتعبك
زينه: انتي تومري
زينه نزلت و لينا قامت خدت دوش و لبست هدوم مكنتش احسن حاجه كانت موضه قديمه و شبه دايب و لفت حجابها
ــــــــــــــــــــــــــــــــــــــ
بعد شويه نزلت و كان زين قاعد بيفطر وهي راحت قعدت
لينا: صباح الخير
زين و هو باصص في الطبق و مكمل اكل: اتاخرتي سبع دقايق
لينا: اسفه
زين: متتكررش تاني
لينا بكسره: حاضر
هي مكملتش عشر دقايق و كانت خلصت اكل
لينا: بعد اذنك
و قامت راحت ل زينه في المطبخ
لينا: صباح الخيررر
زينه: يصباح الفل اتفضلي النسكافيه
لينا خدت الكوبايه: تسلميلي
دخل عليهم راجل في الخمسينات من عمره ماسك شنط خضره
: خدي يازينه
زينه وهي بتاخدهم منو: هات ياعم محمد
عم محمد: مين دي يابنتي
زينه: دي لينا الاستاذ زين جابها تقعد معانا فتره
عم محمد: اهاا ازيك يابنتي
لينا: الحمدلله يا عمو انت عامل اي
عم محمد: الحمدلله في فضل ونعمه
زينه بهزار: ده عمي محمد المسؤل عن البيت بس كبر و عجز وانا جيت اساعدو
لينا: متقوليش كده ده لسه شباب و صغير
عم محمد بضحك: تسلمي يابنتي
لينا: طب انا همشي علشان هتاخر علي الجامعه سلام
عم محمد و زينه: سلام
لينا مشيت
عم محمد: اي الموضوع يابنتي
زينه: انا هقولك اصل امبارح...
وحكتلو الي حصل امبارح
ــــــــــــــــــــــــــــــــــــــ
لينا خرجت لقت عربيه واقفه مستياها و اول ما خرجت الحارس فتحلها الباب تركب وكان في سواق في العربيه وبعد كده ركب الحارس وبدأو يتحركو
لينا: صباح الخير
حازم: صباح النور
ياسر: صباح الفل
لينا استغربت انهم مسالوش علي المكان او حاجه
لينا: ممكن سوال
حازم: اتفضلي ياانسه لينا
لينا بهزار: وعارفين اسمي كمان
ياسر: اه استاذ زين قالنا
لينا: طب انتو عرفتو الطريق ازاي
حازم: طريق اي
لينا: طريق الجامعه
ياسر بضحك: من استاذ زين بردو شكلك متعرفهوش كويس
لينا: لا بصراحه معرفوش
حازم: استاذ زين مش بيتعامل مع حد غير لما يبقا عارف عنو كل حاجه
لينا: كل حاجه كل حاجه
حازم: من اول ما اتولدتي لغايط اخر نفس في عمرك
لينا: اممم طب اسمائكم اي
حازم: انا حازم الحارس بتاع حضرتك
ياسر: وانا ياسر اي مشوار هتروحيه هتلاقيني جاهز وتحت امرك
لينا: تسلمو بس بلاش انسه و حضرتك دي انا مش بحب الرسميات
ياسر: شكلك ناويه علي موتنا
لينا بضحك: ليه
حازم: دي تعليمات استاذ زين و مينفعش نقولك اسمك كده من غير رمسيات لو سمعنا هيقتلنا
لينا : هو بيحب الرسميات وكده
ياسر: جدااا
لينا: اممم طب قولولي لينا وهو مش موجود ولما يبقا موجود ابقو حطو القاب
حازم وياسر:ماشي
لينا: طب هاتو ارقمكو علشان لو حصل حاجه اعرف اوصلكو
حازم: ماشي هاتي موبيلك
لينا ادتو الموبيل و هو سجل الرقمين
ــــــــــــــــــــــــــــــ
و نص ساعه وكانت وصلت الكليه و حضرت المحاضره بسرعه علشان كانت هتتاخر عليها و خلصت و راحت في الكافتريا بتدور علي شخص معين بعد كده وقفت بصدمه و قربت علي الشخص ده
لينا: احمد!!!
احمد باستهزاء: اوه لينا ده انا قولت انك مش جايه انهارده
احمد كان واقف وحاطت ايدو علي ضهر اكتر بنت لينا بتكرها بسبب تنمرها عليها و البت كانت شبه واقفه في حضنو
لينا بصدمه وعدم استيعاب: انت واقف معاها ازاي كده و واقف معاها ليه
احمد بضحك: قوليلها ياقلبي انا واقف كده ليه
ساره: انا واحمد خطوبتنا كانت امبارح يخساره نسيت اعزمك
(الكافتريا اتجمعت علي صوتهم وكلهم واقفين بيتفرجو)
احمد: ياقلبي حتا لو عزمناها مكنتش هتعرف تيجي
ساره: ياترا ليه
احمد: امبارح كان في راجل بيشتراها
ساره: ادا بجد و دفع فيها كام
احمد بضحك: مظنش دفع كتير
ساره بضحك: لا يابني ده خدها بدل سفقه خسرانه
ملك بضحك(صاحبه ساره): ده كده خسر اكتر انتي مش شايفه هي عامله ازاي ولا لبسها عامل ازاي
ساره بضحك: ياعيني الراجل صعبان عليا
ساره خدت كوبايه عصير و دلقتها علي لينا و لينا كانت مصدومه لغايط ما فاقت من صدمتها و ضربت ساره بلقلم ف احمد زقها و ضربها قلم اقوى بكتير و كانت هتقع بس سندت علي الطربيزه و كان وشها علم مكان الضربه
احمد بعصبيه: شكلك نسيتي نفسك و عاوزاني افكرك... انتي ولا حاجه يا لينا انتي فاكره نفسك مين علشان احبك ولا حتا اني معجب بيكي تبقي هبله الموضوع كلو كان لعبه وانا عمري ما حبيتك ولا حتا فكرت فيكي
لينا بصتلو بكسره و توعد: ورحمه ابويا لاخد حقي منكو كلكو (ومنزلتش ولا دمعه وفضلت ملامحها بارده)
امن الجامعه جيه و خدهم علي اوضه العميد
ــــــــــــــــــــــــــــــــــــــ
العميد: اي الي حصل
احمد: مظنش ده يخصك في حاجه الي تقدر تقدمو دلوقتي انك تمنع البت دي من امتحانات السنادي
العميد: اهدا بس يا احمد بيه وقولي هي عملت اي
ساره بعصبيه: الحيوانه دي ضربتني بلقلم
العميد بعصبيه: الكلام ده حصل يا لينا
لينا فضلت ساكته و باصلهم ببرود
ملك: طبعا مش عارفه ترد
احمد بعصبيه: انا قولت القرار و هيتنفذ علشان اظن كده لو كل واحد فينا سحب تبرعات الكليه هتخسر كتير اوي وانت ميرضكش الخساره ولا يرضيك
العميد: لا طبعا ميرضنيش لينا انتي محرومه من امتحانات السنادي
لينا ببرود: تمام
العميد: يلا اخرجي بره
لينا خرجت و كانت الجامعه كلها بتتفرج عليها و لقتهم مسكين التليفونات و مشغلين فيديو الخناقه هي اتحرجت اوي بس فضلت ممثله ملامح البرود و خرجت بسرعه و لقت ان السواق و الحارس كانو ركنين عند بوابه تاني بعيد عن الكافتريا ف مسمعوش الي حصل لينا راحتلهم وركبت العربيه
لينا: اطلع يا ياسر
حازم بجديه (الحارس): مالك يا لينا وشك احمر هو في حاجه
لينا:مفيش ياحازم تعبانه شويه
و نص ساعه و كانت وصلت ودخلت البيت بسرعه و قابلت عم محمد
حج محمد: ازيك يابنتي
لينا وهي بتطلع اوضتها بسرعه: تمام
بعد كده دخلت اوضتها بسرعه رمت شنطتها علي الارض و قعدت علي السرير منهاره
بعد دقايق الباب خبط
زينه: ممكن ادخل
لينا: ادخلي
زينه دخلت و اتصدمت من شكلها و هدومها المتبهدله و وشها المعلم ان حد ضربها و راحت قعدت جنبها
زينه بخضه: مالك حصل اي
لينا اترمت في حضنها عماله تعيط و زينه بتهديها وبعد شوية هديت و حكتلها كل الي حصل
زينه: ياولاد *** بس ثانيه احمد ده مين اصلا
لينا: ولد كنت معجبه بيه في الجامعه و هو جيه قالي انو بيحبني و ارتبطنا بس الموضوع كلو طلع لعبه
زينه: وانتي كنتي بتحبيه
لينا: مش هتفرق وكل الي اعرفو دلوقتي اني مش هسيب حقي و هردلو القلم
زينه: ازاي
لينا: معرفش بس وربي منا ساكته
زينه: طب ومين ساره وملك دول
لينا: دول بنات في الكليه بس معاهم فلوس كتير يعني و متنمرين من الدرجه الاوله تنمر علي لبسي و اني رفيعه و علي اساس ان ده ب ايدي يعني
زينه: طب قومي خدي دوش واهدي كده وانا هجبلك مرهم تحطيه في وشك
لينا: ماشي
لينا قامت خدت دوش و غيرت وخرجت قعدت علي السرير و زينه جابتها المرهم و حطتو بعد كده نزلت تعمل الغدا و لينا قعدت تفكر في الي حصل وفي امتحاناتها الي مش هتحضرها و تعب السنادي هيروح علي الفاضي و علي اهانتها وكل حاجه وفضلت تعيط
ــــــــــــــــــــــــــــــــــــــــــــــــــــــ
بعد ساعات الباب خبط
لينا: اتفضل
زينه: يخراشي انتي لسه بتعيطي كل ده
لينا: اه بطلع زعلي في العياط
زينه: طب اهدي طيب
لينا: حاضر...انتي كنتي طالعه تقولي اي
زينه: اه صح استاذ زين بيقولك يلا علشان الغدا
لينا: قوليلي طلعت لقتها نايمه
زينه: يخراشي عاوزاني اكدب معرفش هيقفشني
لينا: متكبريش الموضوع قوليلي طلعت لقتها نايمه
زينه: استهدي بالله كده و يلا انزل ماشي
لينا بضيق: مااشي طب وهعمل اي في وشي المعلم ده لو سال اقولو اي
زينه: مش عارفه بصراحه
لينا: خلاص هتصرف
زينه: ماشي
نزلت زينه و عشر دقايق و كانت لينا نزلت و زين مكنش قاعد ف هي قعدت و مكملش دقيقتين و كان نزل من اوضتو ب برودو المعتاد و لينا فضلت لافه وشها بعيد عنو علشان مياخدش بالو و كمان كانت مخبياه ب الحجاب شويه يعني كانت ماسكه جزء من الطرحه و شبه حطاه علي وشها بلفه غريبه اول مره تعملها ف زين استغرب من شكلها
زين: عملتي اي في الكليه انهارده
لينا بارتباك وتحاول تبين ان صوتها كويس: احمم تمام
زين: مالك لافه وشك كده ليه
لينا بارتباك: ولا.. ولا حاجه
زين ساب الاكل وبصلها: بوصيلي
لينا: لازم
زين بجمود: مش هكرر كلمتي
لينا لفت باصتلو بارتباك بس فضلت ماسكه الطرحه
زين: شيلي الطرحه من علي وشك
لينا شالتها ببطء
زين شاف علامه الضرب وفضل باصص بغموض و عصبيه بيحاول يخبيها
زين: مين ضربك
لينا بارتباك: لا ده انا كنت..
زين قاطعها بحده: مين ضربك
لينا بتوتر: احمد
زين: حصل اي
لينا بصت في الارض: كانت خناقه
زين: ده ليه
لينا وبدات دموعها تنزل: علشان الموضوع كان لعبه و ضربني علشان ضربت ساره و في الاخر اتمنعت من حضور الامتحانات
هي معرفتش تتمالك نفسها و عيطت و قامت طلعت اوضتها بسرعه و زين فضل قاعد سرحان بعد مده قام مكتبو
ـــــــــــــــــــــــــــــــــــــــــــــ
بعد ساعه في مكتب زين وهو بيتكلم في الموبيل
زين: تمام جهز الاوراق و بكره الصبح تبقا علي مكتبي
: تمام حاجه تاني
زين: اعمل حسابك انك هتيجي معايا الجامعه بكره
: تمام يافندم
وقفل السكه
زين بسرحان: لما نشوف اخرتها معاكي
بعد كده خرج راح المطبخ ل زينه
زين: زينه جهزي العشا
زينه: حاضر حاجه تاني
زين: اه ابقي نادي لينا تتعشا
زينه: لسه نازله من عندها من شويه وهي نامت
زين: تمام
وعدا وقت و زين اتعشا و طلع نام
ـــــــــــــــــــــــــــــــــــــ
بارت 2خلص ياريت تقولولي رايكم ولو عندكم اي تعليق قولو
و تفتكرو زين هيروح الجامعه يعمل اي؟
وهل لينا هتتمنع فعلا من امتحانتها؟
♡قناعتك بفعل المستحيل هي فقط ماتجعلك مؤهلاً لفعل المستحيل♡
أنت تقرأ
لن اتخلى عنكِ
Romanceلن تكمل قصتي معك و لكن اقسم انني لم أكمل قصتي الا معك I Didn't complete my story with you, but I swear that I Didn't complete my story without you
