لينا صحيت قبل اذان الفجر بشويه و توقعت ان محدش هيبقا صاحي بس كانت عطشانه ف نزلت تشرب
لينا نزلت لقت هدى قاعده و قدامها مصحف بتقرأ قران
لينا بإبتسامه: صباح الخير
هدى بحنان: صدق الله العظيم صباح النور نمتي كويس
لينا: اه الحمدلله ده انا قولت هنزل مش هلاقي حد
هدى بضحك: ده معاد الصحيان
لينا قعدت جنبها: بدري كده ده انا صحيت صدفه
هدى: احنا نصحا علي أذان الفجر و نصلي وكده بدا يومنا
لينا: اهااا حلو النشاط بردو
هدى: اومال انتي صحيتي ليه
لينا: كنت عطشانه ف نزلت اشرب
اذان الفجر اذن
هدى: طب قومي اشربي وانا هقوم اصحي الرجاله تروح تصلي
لينا: ماشي
هدى: اتوضي و عدي علي ميرال في طريقك صحيها
لينا: تمام هي انهي اوضه
هدى شاورتلها عليها بعد كده طلعت ولينا شربت مايه وطلعت ل ميرال و كان بابا الاوضه مفتوح شويه
لينا خبط و مكنش في رد و لينا سامعه صوت شهقات عياط بسيطه ف قلقت علي ميرال و دخلت بهدوء لقت ميرال قاعده علي السرير و ماسكه صوره و بتعيط بسرحان
لينا: ميرال
مفيش رد
لينا: ميرال انتي كويسه
ميرال بخفوت: سبيني لوحدي
لينا بقلق : مالك
ميرال قطعتها بحده وزعيق بسيط: قولت سبيني لوحدي
لينا اتخضت وبعد كده خرجت ورجعت اوضتها وكانت مدايقه اوي من الموقف و مش فاهمه حاجه
لينا اتوضت و لبست ازدال و نزلت لقت الرجاله بيخرجو من البيت ورايحين المسجد و ملقتش هدى ولا ميرال و وقفت صلت الثنه و و خلصت لقت هدى و ميرال بيصلو جنها وهي مخدتش بالها منهم و هما مكملوش خمس دقايق وكانو خلصو
هدى: صليتي الفرد
لينا:لا دي الثنه
هدى: طب يلا نصلي جماعه
بعد كده وقفو وصلو وخلصو
هدى: يلا يابنات اطلعو غيرو و تعالولي المطبخ لما اعلمكم حاجه تنفعكم
هما: حاضر
كل واحده طلعت اوضتها و لينا نزلت قبل ميرال وراحت ل هدى في المطبخ
هدى بأسف: متزعليش من ميرال يابنتي هي مكنش قصدها هو انا معرفش هي عملت اي بس شكلكم اتخانقتو
لينا: لا والله محصلش حاجه وبعدين متقلقيش انا مش زعلانه منها
هدى بتغير الموضوع: قوليلي بقا بتعرفي تطبخي
لينا: اه
هدى: طب والله شطره وبتعرفي تعملي اي
لينا: انا شاطره في الحلويات اكتر من الحوادق وفاشله بقا في المحشي
هدى: ليه كده
لينا: مش عارفه والله لما عملتو باظ مني
هدى: هبقا اعلمهولك
ميرال نزلت ووقفت تساعد الستات الي كانو في المطبخ(الشغلين) بس وهي ساكته ومجتش جنب لينا
بعد مده الرجاله كانت جت وقعدو في الصاله عقبال ما الستات تخرج الاكل
هدى: يلا الفطار
كلهم اتجمعو علي الطربيزه
أركان: انا هطلع انادي خديجه
هدى: مجامتش ليه صحيح
أركان: كانت تعبانه بليل ف نامت متاخر ف مصحيتش الصبح بس هطلع اشوفها اهو
هدى: ماشي يابني
محدش كل غير لما اركان و خديجه نزلو
اركان كان ماسك اديها وهما نازلين وكان باين علي خديجه التعب و أركان سندها وهي بتقعد
المنشاوي: مالك يابنتي
خديجه بتعب: تعبانه شويه
هدى: ياتكوني حامل
ادم بفرحه: الله هبقا عم
زين بفرحه: وانا كمان
ميرال بفرحه: وانا هبقا عمتو
ذاك بصدمه:ادا لا لا انا مش عاوز اكبر بسرعه دي وحد يقولي ياعمي لالا بلاش
هدى: دي حاجه حلوه ياولدي
ذاك فكر بعد كده ابتسم بفرحه: الله هلعب بلنونه...(كمل بانفعال) مليش دعوه انا الي هسميها او اسميه
خديجه: ليه كنت ابوها ولا امها
ذاك: عمها وليا الحق مليش دعوههه بقااا
خديجه: ده علي جثتي
ذاك: والله اخطفها منكو انا اصلا مقنون
كلهم فضلو يضحكو
خديجه: والله ماانت مسمي عيالي
ذاك: هسميهم ولا اي رايك يا اركان
اركان بضحك: ايوه طبعا
خديجه بغيظ: ايوه اي
اركان بيمثل الجديه: بقول لا طبعا
خديجه طلعت لسنها ل ذاك
ذاك: شوف ياجدي بتعمل اي شوف
المنشاوي بضحك: خلاص خلاص يلا ناكل علشان اقوم علي الشغل
هما قعدو ياكلو وخلصو
المنشاوي: يلا هروح انا بقا
ادم: خدني معاك
ذاك: وانا كمان
المنشاوي: طب يلا وانت مش هتيجي يازين
زين: هاجي اومال اقعد لوحدي
اركان: وانا هروح المستشفى
خديجه: انا هاجي معاك
اركان: لا خليكي انتي اطلعي خدي العلاج و نامي شويه
خديجه بإستسلام: ماشي ياحبيبي
ذاك: اهو بدأنا فقره العشاق
خديجه طلعت لسنها ل ذاك: غيري مني و ولعي صعب جدا تلمعي
اركان: بكره نشوفك ياخويا وانت متجوز هتعمل اي
ذاك: ياعم فال الله ولا فالك
ادم: بس ياعم ده كل يوم مع واحده شكل
زين بص ل ذاك بدراما: اه ياخااااين بعتني علشان واحده
ذاك: بذمتك جوليا تستاهل ولا متستهلش
زين بص ل هدى: شوفتي يا هدهد هو الي بيجرني للرزيله وانا غلبان والله
لينا : بس يخربيتكو(بعد كده بصت ل ذاك) انت طلعت بتاع نسوان
ذاك: ابقا بتاع نسوان احسن من اني بتاع رجاله صح ولا لا
لينا بتفكير: تصدق صح
هما قعدو يضحكو بعد كده الرجاله مشيت و الستات شالو الاكل
لينا: مالك يا خديجه شكلك تعبان اوي
خديجه: لا ده علشان الشتا بقا وكده ف دخلي دور برد
لينا: ده احنا لسه في اول الشتاء
خديجه بضحك: انا من اول يوم لاخر يوم بيفضل عندي برد
لينا بضحك: الف سلامه
خديجه: الله يسلمك
لينا: صح هو أركان تعبان ولا اي
خديجه: لا ليه
لينا: علشان راح المستشفى وانتي كمان كنتي هتروحي
خديجه: لا يابنتي أركان دكتور وانا دكتوره ف لما بنيجي هنا بيروح المستوصف الي هنا يساعد الي هناك وكده وانا كنت بروح معاه سعات
لينا: اهاااا فهمت
هدى: هعملكم بقا انهارده المحشي
خديجه: الله الله علي الجمال
لينا: و هتعلميني
هدى بضحك: هعلمك... اطلعي انتي بقا ياخديجه ناميلك شويه وانتي تعالي معانا ياميرال
خديجه: حاضر ياهدهد
ميرال: حاضر
خديجه طلعت الاوضه و ميرال و لينا و هدى دخلو المطبخ و قعدو يعملو في المحشي و بيساعدهم الستات و ميرال ساكته مش بتكلم لينا ابدا و متجهلاها
لينا بصت ل ميرال: هاتي الملح من جنبك ياميرال معلش
ميرال مردتش عليها و تجهلتها و هدى لاحظت الموقف ف مسكت الملح ادتو ل لينا
هدى: خدي يابنتي
لينا بضيق: شكرا
لينا خلصت الي كانت بتعملو واتكلمت بضيق:طب انا هروح اشم هواء شويه واجي
هدى: ماشي ياحببتي
لينا خرجت وقفت في الجنينه
خديجه نزلتلهم المطبخ: مساء الخيررر
هدى بصت للستات: اطلعو ظبطو البيت
الستات طلعت ومتبقاش غير ميرال و هدى و خديجه و هدى باصه ل ميرال بعتاب
خديجه: في اي
هدى: عاجبك الي بيحصل ده
خديجه: حصل اي
هدى بصت ل ميرال: احكي الي حصل
ميرال اتكلمت بخنقه و حكت كل الي حصل
هدى بعتاب: في حد يعمل كده
ميرال بخنقه: ياتيته انا كل ما اشوفها افتكرها وافتكر يوم موتها
خديجه: ياحببتي بس لينا ملهاش ذنب انك تعملي معاها كده
ميرال بدموع: خايفه اتعامل معاها يحصلها زي ما حصل ل ليال
خديجه راحت حضنتها بعد كده قعدتها علي كرسي
خديجه: بوصي ياحببتي الي حصلها ده قدر ومكتوب والي مكتوب هيتشاف هيتشاف و ربنا كان رايد ده ولو رايد ل لينا بكده هيحصلها كده محدش يعرف اي الي هيحصل بكره
ميرال بعياط: وحشتني اوي
هدى حضنتها: اهدي يابنتي وادعلها بلرحمه
ميرال بتحاول تهدا: الله يرحمها
هدى: بوصي ياحببتي اعرفي ان محدش دايم غير الله سبحانه وتعالى ف اتعلمي انك تعيشي لحظات حياتك الحلوه و اتعملي مع الكل بحب علشان محدش ضامن عمرو
خديجه: صح وبعدين مش يمكن ربنا بعتلك لينا عوض
ميرال: انتو رايكو كده
خديجه وهدى: اه
ميرال: خلاص انا هصلح الموضوع
ميرال قامت راحت ل لينا
ـــــــــــــــــــــــــــــــــــــــــــــــــــــــــــــــ
لينا سابتهم وخرجت قعدت في الجنينه وهي بتحاول تهدي نفسها و متعيطش بس مقدرتش وقعدت تعيط
زين جيه من وراها وقعد علي الكرسي الي جنبها
زين: ادا مالك
لينا مسحت وشها بس مقدرتش تتكلم ف مردتش
زين بقلق: مالك يالينا
لينا بصت في الارض وخبت وشها ب اديها و عيطت تاني
زين : اهدي طيب اهدي....انا عملت حاجه طيب طب انا اسف
لينا بشهقات: لا انت معملتش حاجه
زين: طب مالك طيب....اهدي علشان خاطري
لينا مكمله في العياط
زين: يالينا... ياليلو... خلاص بقا اهدي علشان خاطري عندك
زين وطى راسو و بص في وش لينا الي كانت باصه في الارض
زين بهزار: ياليلو...وريني ضحكتك كده
لينا ضحكت
زين:ايوه كده خلاص فكي بقا قوليلي مين مدايقك وانا هقطعو
لينا مسحت وشها: خلاص مفيش حاجه
قبل ما زين يتكلم قاطعهم دخول ميرال و لينا مسحت وشها بسرعه
ميرال: احم مساء الخير
زين: مساء النور يختي
ميرال: ممكن اخد لينا شويه
زين: اوعي يابت تكوني انتي الي مزعلاها والله اقطعك
ميرال بصت ل لينا بدراما: طب ده يرضيكي يالينا
لينا بضحكه: لا ميرضنيش
ميرال: طب تعالي معايا
ميرال مسكت اديها و طلعت اوضه كانت لينا اول مره تشوفها و اول ما ميرال فتحت الباب و لينا دخلت شافت صوره بنت شبها جدا فاتصدمت
ميرال: دي ليال
لينا بصدمه: دي اكنها تؤامي
ميرال: فعلا
ميرال طلعت صندوق و ادتو ل لينا
لينا قعدت علي السرير و فتحت الصندوق كان كلو صور ل ليال لوحدها و مع العيله من طفولتها ل سن الشباب و لينا قعدت تتفرج بدهشه
ميرال قعدت جنبها و بصت للارض بسرحان وكانت بتسترجع الماضي
ميرال بسرحان وتعب: كان يوم اتنين كنت قاعده بلعب انا وهي و فجأ تعبت ومكنتش قادره تاخد نفسها فناديت تيته و زين و خدناها علي المستشفى اول ما روحنا دخلوها العمليات و للاسف ماتت
لينا بزعل: الله يرحمها بس من اي
ميرال: ليال اتولدت وهي عندها ثقب في القلب و ساعتها عملنلها عمليه هي اه مخفتش بس كانت كويسه و الدكتور قال ان في عمليه هتتعمل بس احتمال ضعيف اوي لو عملتها علشان هي بقت كويسه بس للاسف حصلها مضاعفات موفجأ
لينا: الله يرحمها...علشان كده كنتي متجهلاني
ميرال كانت كاتمه الدموع في عنيها: كنت خايفه اتعلق بيكي زيها و تبعدي(ميرال مقدرتش وعيطيت) انا كنت بحبها اوي
لينا قامت حضنتها و هدتها
لينا: بوصي لو وجودي مدايقك و عاوزاني امشي من دلوقتي همشي
ميرال: لا متمشيش...انا فهمت ان ده قدر وهي زمنها دلوقتي في مكان احسن
لينا: ادعلها بلرحمه
ميرال: الله يرحمها
لينا بهزار: خلاص بقا بدل والله اعيط انا كمان
ميرال ضحكت ومسحت وشها: خلاص خلاص
لينا: شطوره...تيجي اعملك دونتس بتعرفي تعملي؟
ميرال: انا مش شاطره في الحلويات بس شاطره في الحوادق
لينا بضحك: انا بقا العكس تعالي ننزلهم وانا اعملك بعد الغدا دونتس تاكلي صوابعك وراها
ميرال بإبتسامه: طب يلا
لينا و ميرال خرجو و قفلو الاوضه و نزلو وهما بيضحكو
زين كان واقف ولما شافهم خرجين من الاوضه فهم الموضوع
زين: عرفتو اخر الاخبار
ميرال: اي
زين بخبث: ذاك قرر ان لينا هتسافر معاه
ميرال: ده علي جثتي هي هتبقا ليال و لينا كمان
زين: الله وانا مالي يالمبي
ذاك دخل وقف جنب زين
ذاك: مسا..
ميرال قطعتو بزعيق: انت هتسفر لينا معاك
ذاك بخضه: في اي!! انا لسه معرفش
ميرال: متعرفش ازاي
ذاك: يعني هعمل الي لينا هتقول عليه
ميرال بصت ل لينا: انتي هتسافري؟
لينا: لا
ميرال حضنت لينا: لينا قاعده معايا
زين: ياخواتي عليكو وياترا فراحكم امتا
لينا بدلع: يوم الخميس الجاي اي رايك يابيبي
ميرال بدلع: موافقه ياروحي
ذاك: يختي يختي يلا يابت منك ليها انا جعاان
زين: يلا يختي انتي وهي علي المطبخ
لينا بقرف: رجاله عنصريه
زين: يلا يابت
ميرال و لينا راحو ل هدى وخديجه في المطبخ و خرجو الاكل و قعدو كلو وسط هزار و رغي بين الكل و خلصو وخرجو قعدو في الجنينه بعد ما الستات عملت الشاي و لينا عملت الدونتس و خرجتلهم
لينا: قولولي رايكم بقا
الكل كل وعجبتهم اوي وفضلو يشكرو فيها
ادم: تعالو نلعب كوتشينا
خديجه: يلا يلا
ادم قام جاب كوتشينا و بنك الحظ و قعدو يلعبو و المنشاوي و هدى قاعدين يتفرجو عليهم بحب وفرحه
هما فضلو يلعبو ويهزرو وعملو ساندوتشات وفضلو قاعدين لغايط بليل بعد كده كل واحد طلع نام
ـــــــــــــــــــــــــــــــــــــــــــــــــــــــــــــــ
كده البارت خلص اقابلكم في بارت جديد ياقمرات💕
بس تفتكرو الحياه هتفضل مبتسمه كده كتير ولا في مصاعب هتواجهم؟
هنعرف كل حاجه في البارتات الجايه
الكاتبه "چنا عمرو"
لو أبصر المؤمن ماخفى من لُطف ربه، لاستلذّ البلاء كما يستلذّ العافية.♡
أنت تقرأ
لن اتخلى عنكِ
Romanceلن تكمل قصتي معك و لكن اقسم انني لم أكمل قصتي الا معك I Didn't complete my story with you, but I swear that I Didn't complete my story without you
