في اوضه لينا
الباب خبط
لينا: ادخل
زينه دخلت: صباح الخير
لينا: صباح النور
زينه: اي النشاط ده انا قولت هاجي هلاقيكي نايمه
لينا: عيب عليكي ده نشاط علشان الامتحان بس
زينه بضحك: انا قولت كده بردو...استاذ زين بيقولك افطري قبل ما تمشي
لينا: قوليلو مش جعانه
زينه: طب ما تنزلي تقوليلو انتي وبعدين حرام عليكي انتي شبه مش بتاكلي خالص
لينا: مش ببقا جعانه والله انا خلاص اهو هظبط الطرحه وانزل اروح الكليه
زينه: ابقي البسي كاب علشان الشمس
لينا: ماشي
زينه: طب انا نازله عاوزه حاجه
لينا: تسلميلي
وزينه نزلت
ـــــــــــــــــــــــــــــــــــــــــــــــــــــــــــــــ
علي تربيزه الاكل
زين: ناديتي علي لينا
زينه: اه نازله ورايا
زين: تمام
زينه: بعد اذنك (ومشيت)
خمس دقايق وكانت لينا نزلت
لينا: احم صباح الخير
زين وباصص في الطبق: صباح النور اقعدي افطري
لينا: شكرا مش جعانه
زين بحده: قولت اقعدي
لينا بضيق: حاضر
لينا كلت حاجه بسيطه وقامت
لينا: الحمدلله انا همشي علشان متاخرش
زين: هتخلصي امتا
لينا: علي 10بلكتير يعني
زين: تمام
لينا: سلام (وخرجت)
ـــــــــــــــــــــــــــــــــــــــــــــــــــــــــــــــ
"بعد تلات سعات في الجامعه "
لينا خرجت من المدرج لقت ريما جايه جري عليها
لينا بأستغراب: ريما!! اي الي جابك
ريما وهي بتنهج من الجري: جايه اهربك
لينا بعدم فهم: مش فاهمه
ريما: مفيش وقت تعالي معايا بس تعالي نخرج من اي بوابه بعيده عن العربيه و الحارس الي معاكي
لينا: طب تعالي
وخرجو وركبو العربيه بتاعت ريما ومشيو
لينا: فهميني رايحين فين طيب
ريما: عندي في البيت
لينا: و باباكي
ريما: سافر اسبوع ف هتيجي تقعدي معايا انا وماما لغايط ما نشوف اي شقه صغيره تقعدي فيها وابدأي حياتك بعيد عن زين وعمك وكلهم
لينا بتوتر: وكده مش هيعرفو يوصلولي
ريما: مش عارف بس نبقا جربنا وعملنا الي علينا انا مش هرضى اسيبك معاه اخاف يعمل فيكي حاجه
لينا بيأس: مكنش عندي حل غير ده...قولتي ل مامتك اي؟
ريما: قولتلها ان اهلك ميتين وعايشه في بيت لوحدك ف قولتلك تيجي تقعدي معايا وهي مقالتش حاجه
لينا بأسف: انا اسفه مدخلاكي في مشاكلي وانتي ملكيش ذنب
ريما: متقوليش كده انتي صحبتي الوحيده وده واجبي قوليلي عملتي اي في الامتحان
لينا:الحمدلله كان كويس وبعدين ده انا تلميذه دكتور مصطفى حجازي لازم يبقا الامتحان سهل
ريما بضحك:علي رايك منا جتلك بدري علشان عارف انك هتطلعي بدري
لينا:اه صح هي الساعه كام
ريما:9 ويلا ننزل احنا وصلنا وماما عملالك حته اكله تحفه
لينا بضحك: طب يلا بينا
وطلعو
ـــــــــــــــــــــــــــــــــــــــــــــــــــــــــــــــ
بعد ساعتين في مكتب زين
الموبيل رن
ياسر: الو يازين بيه
زين: في اي
ياسر بسرعه: احنا مش لاقين لينا هانم
زين بخضه و زعيق: خليك مكانك انا جي
زين خرج من الشركة بسرعه وراح علي الجامعه و عربيه الحراسه وراه وكان بيرن عليها طول الطريق بس تليفونها مغلق لغايط ما وصل الجامعه ودخل لاوضه الكاميرات وكان معاه ياسر و حازم و العميد جيه
العميد بجديه: اهلا يااستاذ زين انا العميد الجديد اساعدك ازاي
زين: عاوز اشوف الكاميرات بعد امتحان انهارده لكليه فنون جميله
العميد: تمام
شغلو الفيديو وزين شاف الي حصل بهدوء وجواه بركان
العميد: في حاجه يااستاذ زين
زين: ولا حاجه الموضوع اتحل خلاص بعد اذنك
العميد: اتفضل
زين خرج تحت انظار الكل ورجع الشركه
زين قعد علي كرسي مكتبو وقدامو حازم و ياسر
زين بهدوء: اي الي حصل
حازم بتوتر: حضرتك هي قالتلنا ان الامتحان من 7ل10ولما يخلص هتطلع وان هي احتمال كبير هتطلع قبل ما الوقت يخلص
ياسر بتوتر: احنا قعدنا نستناها و الساعه جت 10وهي لسه مخرجتش قلبنا الجامعه كلها ملقنهاش بعد كده رنيت علي حضرتك
زين قام بعصبيه واتكلم ب زعيق: وازاي ده يحصل اومال انا ممشيكم معاها ليه
حازم بخوف: احنا كن..
زين قطعو بحده: لو حصلها حاجه او الموضوع اتكرر تاني حسابكم هيبقا عسير..امشو دلوقتي
حازم و ياسر خرجو وهما باصين في الارض
زين قعد وهو متعصب وبعد نص ساعه الموبيل رن
زين بجمود: الو
: اي يازيزو الرد ده هو انا موحشتكش
زين بص علي الموبيل وشاف مين رن
ذاك بدلع اكنو بنت: لا ازعل منك معقول معرفتش صوتي
زين بضحك: لا ياخويا اتصدمت بس
ذاك بصدمه: اتصدمت لالا ده انا شكلي غيابي طال اوي
زين: هو طول فعلا هاا قررت هتنزل مصر امتى
ذاك: مش عارف الموضيع بتتعقد معايا ومش عارف لسه اعمل اي
زين: ليه كده
ذاك: مش عارف انقل الشغل كلو مصر ولا اخلي بره ولا انيل اي
زين: بوص انت كده كده هتنزل مصر صح
ذاك: ايوه طبعا
زين: ولما تلاقيها هترجع امريكا
ذاك: احتمال منا بردو هشوف رأيها أفرض رفضت تسافر
زين: خلاص خلي شغلك نصو بره ونصو في مصر وكده انت بتكبر في الشغل وكمان علشان تعرف تنزل
ذاك: ماشي هشوف كده
زين: المهم هتنزل امتا
ذاك: يجي شهر كده
زين: ماشي
ذاك: مال صوتك مش مظبوط
زين: دور برد
ذاك: ويق ويق ظريف.. مالك بجد
زين: ولا حاجه حوار كده
ذاك: ايوه حوار اي
زين: حوار تحس نفسك في فلم خيال علمي
ذاك بضحك: للدرجاتي
زين: والله ربنا حدف عليا واحده ربنا يصبرني عليها لغايط ما حوارها يخلص
ذاك: اوووه الحوار في بنت
زين: اه هحكيلك كل حاجه لما تيجي بس مش هتصدق البنت دي شبه مين
ذاك: مين
زين: ليال
ذاك بإستغراب: الله يرحمها بس ازاي
زين: مش عارف انت حرفيا لو جبتهم جنب بعض هتقول تؤام و الاختلاف حاجات بسيطه
ذاك: سبحان الله يخلق من الشبه اربعين
زين: الله يرحمها يلا سلام علشان اخلص الشغل و اروح
ذاك: ماشي سلام
زين قفل و كمل شغلو ومكنش عارف يركز فيه وبعد مده روح البيت
ـــــــــــــــــــــــــــــــــــــــــــــــــــــــــــــــ
في بيت ريما بعد ما اتغدو و لينا لبست من هدوم ريما وقعدو مع بعض يرغو شويه
لينا: بس حصل حاجه انهارده مستغرباها
ريما: حصل اي
لينا: العميد استقال و جيه عميد جديد بس شكلو كويس و احمد و ساره و ملك مشوفتهمش خالص
ريما:اي التغير ده
لينا: مش عارفه و اكتريه الطلاب واقفين يبصولي ويتهمسو بين بعض وانا مش فاهمه حاجه
ريما: تفتكري زين وره الموضوع
لينا: احتمال.. مش عارفه
ريما: هو اصلا رجعك الجامعه ازاي انتي قولتيلي انك هتعيدي السنه وممنوعه من الامتحانات بعد كده قولتيلي انا هحضر الامتحان انا مش فاهمه
لينا: انا رجعت من عندك لقيتو بيقولي اني لازم اذاكر علشان الامتحان وانو حل الموضوع واني همتحن عادي بعد كده روحت الجامعه لقيت كل ده حصل
ريما: هموت واعرف عمل اي
لينا: تصدقي نسيت اسالو فرحتي نستني
ريما: انتي عليكي امتحان بكره؟
لينا: اه ده امتحان مهمه ربنا يعديه علي خير
ريما بتوتر: تفتكري هيبعت حازم و ياسر يجبوكي
لينا بخوف: مش عارفه طب لو بعتهم اعمل اي
ريما بتفكير: مش عارفه... بوصي انا للاسف مش هعرف اجي اجيبك علشان عندي مؤتمر مهم بس انتي لو لقتيهم ابقي اخرجي من اي بوابه تانيه و اتنكري
لينا: اتنكر ازاي
ريما: البسي كاب اسود و كمامه وانتي كده كده بتبقي في حالك يعني
لينا:ماشي ربنا يستر
ريما: يلا ننام علشان نصحا بكره بدري
لينا: يلا تصبحي على خير
ريما: وانتي من اهل الخير
ونامو
ـــــــــــــــــــــــــــــــــــــــــــــــــــــــــــــــ
زين روح و اول ما دخل كانت زينه في وشو
زينه: اهلا يازين باشا دقايق وهيبقا الاكل جاهز
زين: لا مش هاكل انا هطلع انام
زينه: تمام
زينه بتردد: استاذ زين لينا لسه مرجعتش
زين: عارف... هتيجي بكره
خلص كلامو ودخل اوضتو وقعد متعصب ومش عارف ينام وفضل صاحي ل تاني يوم
ـــــــــــــــــــــــــــــــــــــــــــــــــــــــــــــــ
تاني يوم ريما وصلت لينا الجامعه بعد كده راحت المؤتمر
لينا خلصت الامتحان و راحت ل بوابه بعيده شويه وهي متوتره بصت علي البوابه من بعيد لقت حازم واقف جنب العربيه قدام البوابه ومعاه حارس تاني ف مشيت بسرعه راحت بوابه تانيه بعيده بردو لقت ياسر بردو جنب العربيه علي اول البوابه ومعاه حارسين ف جريت قبل ما يشوفوها وراحت ل بوابه تالته بتعب لقت اكتريه الطلاب واقفين ومكنتش فاهمه ليه بس قالت في نفسها كويس علشان تعرف تخرج ومحدش يشوفها
خرجت لقت زين واقف ساند علي العربيه و مربع ايدو وباصص عليها ومبتسم ابتسام نصر وكان وراه عربيه حراسه
لينا حسيت انها اتجمدت ومش عارفه تتحرك
زين راح وقف قدامها
زين بهدوء: يلا
وخلاها تمشي قدامو وهي كانت ماشيه خايفه بس مش مبينه ووصلت قدام العربيه ووقفت وكل ده تحت انظار الطلاب في منهم الي مصدوم والي بيتفرج و الي بيحسدها
زين فتحلها باب العربيه: اركبي
لينا بصوت شبه مش مسموع: لا
زين بيحاول يمتلك اعصابو: قولت اركبي
لينا بخوف وتوتر: لا انت هتخطفني
زين بحده وعصبيه بسيطه: يلاا
لينا خافت وركبت وفضلو طول الطريق ساكتين لغايط ما لينا قطعت الصمت
لينا بتوتر: احنا رايحين فين ده مش طريق البيت
زين مردش عليها
لينا بتتصنع القوه : علفكره انا مش خايفه منك انت متقدرش تعملي حاجه
زين بصلها بحده وهي سكتت لغايط ما وصلو قدام كافيه ونزلو قعدو فيه
لينا بتوتر: انت هتعمل فيا اي طيب
زين بانفعال: هعمل اي يعني يالينا انتي كمان
لينا: استهدا بالله الناس بتبص علينا
زين بيحاول يهدا: لا إله إلا الله
لينا: هو سؤال واحد بس انت عاوز مني اي
زين: يابنت الحلال هعوز منك اي يعني
لينا: انا قولت كده بردو
زين: هربتي ليه
لينا بيأس: ما الي انا فيه ميرضيش ربنا وبعدين اعتبرني اختك دلوقتي انت ترضى علي اختك تقعد مع راجل غريب
زين: اكيد لا بس انتي عندك حل غير كده وبعدين ما انتي قاعده مع زينه و عم محمد
لينا: ولو مش مبرر
زين: طب ممشتيش من الاول ليه
لينا بيأس: علشان مكنش ليا مكان اروحو
زين: وبقا ليكي دلوقتي
لينا: اه انا قاعده عند ريما ولما باباها يرجع من السفر هبقا اجرت شقه وربنا يرزقها والقي شغل او ارجع ل شغلي القديم
زين:طب عندي حل
لينا: قول
زين: هتقعدي في البيت عندي لغايط ما امتحاناتك تخلص ولما تخلص هأجرلك شقه تقعدي فيها وهجبلك وظيفة
لينا : بس انت مش مطلوب منك تساعدني
زين: انتي في امانتي وبعدين اعتبريني اخوكي الكبير وبعدين يا ذكية في حد يهرب من غير ما ياخد هدومو
لينا بضيق: من حلاوتهم يعني وبعدين الموضوع جيه فجأه
زين: فجأه!! هي سفاريه يلا يابت قومي
لينا: علفكره ليا اسم
زين: قومي ياست لينا حلو كده
لينا بغرور: نص نص
زين: الصبر يارب
لينا بضحك: خلاص خلاص قولي بس احنا هنروح فين
زين: مشوار
لينا: ايوه فين يعني
زين: يارب لا اسالك رد القضاء ولكني اسالك الطف فيه قومي قومي
لينا بضحك: حاضر
وراحو ركبو العربيه
زين مسك التيلفون واتكلم فيه
زين: الغي مواعيد انهارده
كريم(السكرتير): بس انهارده اجتماع مع استاذ معاذ الشاذلي
زين:قولو مش هيعرف يحضر ل ظروف خاصه وخلي الاجتماع في اقرب وقت ممكن
كريم: تمام
زين قفل
لينا بدراما وصدمه: انت هتخطفني تاني
زين بنفاذ صبر: انا خطفتك اولاني علشان يبقا تاني
لينا ببلاها: هو لا بس اه
زين وبيحاول يطول بالو معاها: ده ازاي
لينا: لما خدتني من الجامعه
زين بعصبيه: لا إله إلا الله وهو انا خطفتك
لينا: لا بس احتمال تخطفني
زين بحده: اسكتي يالينا
لينا بعد سكوت عشر دقايق: طب ممكن اسال سوال صغير
زين بصلها بتحذير
لينا ببراءة: والله صغنن خالص
زين: قولي يااخرت صبري
لينا: هل انت جوزي؟
زين: لا طبعا
لينا: مالك بتقولها بقرف كده ليه هو انت تطول
زين: يعني انا اسيب بنات العالم الي بيجرو ورايا وابصلك انتي
لينا بسخريه: حوش حوش لا انا الي دايبه في هواك
زين بسخريه: لا وانتي بصراحه يداب في هواكي اوي
لينا يغرور: ده انا واقف عليا طبور رجاله كده بس انا الي برفض
زين: اومااال المهم كنتي بتسالي السوال ده ليه
لينا: اه صح كنت هتنسيني بوص ياسيدي انت ولا جوزي ولا خطيبي ولا اخويا ولا ابويا ولا حد من قرايبي ف اكيد مش هثق فيك و هبقا عارفه انك هتغدر بيا في اي لحظه
زين: ليه متقوليش ان لسه في ناس كويسه
لينا: علشان متعملتش مع حد كويس غير بلظبط (مسكت اديها و عدت علي صوابعها زي الاطفال ) هما اربعه والباقي توكسيك
زين ركن قدام محل هدوم محجبات فخم: طب انزلي ياام توكسيك
لينا نزلت: احنا رايحين فين بقااا
زين: يلا ادخلي
لينا دخلت ومكنتش فاهمه حاجه وزين كان وراها
زين بهدوء ممزوج بحنيه: خشي جيبي اي حاجه نقصاكي وتعجبك وانا هستناكي هنا
لينا بصدمه وفرحه: قول والله (كملت بإحراج)و الفلوس
زين بتفكير:خلاص هبقا اخصمهم من مرتبك بس يلا
بنت من الشغل جتلهم: تحبو اساعدكو في حاجه
لينا وحاسه انها مش مستوعبة
زين بهزار: يلا ياماما مفيش وقت
لينا بحماس: طب يلا يلا
خدت البنت وقعدت تجيب في لبس كتير وكل حاجه نقصاها وجابت كتير علشان هي شبه معندهاش هدوم خالص وزين قعدت علي كرسي يستناها
أنت تقرأ
لن اتخلى عنكِ
Romanceلن تكمل قصتي معك و لكن اقسم انني لم أكمل قصتي الا معك I Didn't complete my story with you, but I swear that I Didn't complete my story without you
