” دليلا حكتلهم كل الي حصل مع فارس ‟
لينا: طب وهتعملي اي
دليلا: مش عارفه
ميرال: انتي بتحبيه!!!
دليلا بصتلها ومردتش
لينا بصدمه: انتي اكيد بتهزر
ميرال: انتي لسه بتحبيه بعد كل الي حصل!!!
دليلا بإنفعال: معرفش معرفش
البنات فضلت ساكته و ميرال و لينا عمالين يبوصو لبعض
لينا: بوصي يادليلا القرار قرارك وانتي حره
دليلا: هو انا كل ما احكي لحد يقولي القرار قرارك منا متنيله مش عارفه اخد قرار
ميرال: استني بس انتي حكيتي لحد تاني
دليلا: اه ذاك
ميرال و لينا بصو لبعض بسرعه وكانو مصدومين
دليلا بإستغراب: في اي
ميرال: اصل..
لينا قطعتها: اصل افتكرنا ان ذاك سافر علشان قال انو هيسافر
دليلا بيأس: اه قالي
ميرال: طب هتعملي اي
دليلا: هعمل زي ما قولت ل ذاك لو فارس ظهر تاني هقولو بابا موجود وتقدر تكلمو
لينا: ولو كلمو هتوافقي؟
دليلا: ليه لا
البنات فضلت ساكته
دليلا كانت سرحانه وقاعده بتفكر في الي حصل
لينا وميرال كانو بيفكر في ذاك علشان عارفين انو بيحبها
فضلو سكتين لغايط ما دليلا اتكلمت
دليلا: قولولي صح كنتو فين
لينا: احم انا كنت عند دكتور مصطفي
ميرال: و..وانا كنت في كافيه بذاكر بس
دليلا: بس اي
ميرال بارتباك: ولا...ولا حاجه
دليلا: طب قولي انتي يالينا وسيبي ميرال في الاخر
لينا: يابنتي محصلش حاجه انا روحت مكتبه الدكتور وقعد شرحلي لقيت زين جيه وقال انو جي علشان وليد وبس بعد كده خلصت وهو خلص و اتغدينا و وصلني
دليلا غمزت ل لينا: خربانه معاك يسطا
لينا: بس يامتخلفه انتي انا وزين صحاب وبس
دليلا: ماشي ياعم مسيرك ياملوخيه تجيلي علي المخرطه
البنات ضحكت علي دليلا
دليلا: هااا وانتي ياست ميرال
ميرال بارتباك: هاا انا اي
دليلا: تعاليلي سكه ودغري وقوليلي عملتي اي انهارده
ميرال: انا روحت الكافيه وكنت بذاكر ماده دكتور أسر
لينا بمكر: اممم دكتور أسر
ميرال: بس إلا مش هكمل
دليلا بضحك: خلاص ياستي كملي
ميرال: من حيث لا ادري لقيتو قدامي وبيسلم عليا
دليلا بصدمه: دكتور أسر!!
ميرال: اتصدمت زيك بردو
لينا بحماس: طب كملي
ميرال: قالي هسيبك بقا تذاكري ويادوب مشي خطوتين ناديتو وقولتلو يشرحلي المحاضره
دليلا بحماس ممزوج بفرحه: ايوه ياميرو ياجاااامد
لينا بفرحه: خربااانه يسطاااا
ميرال بخجل: بس بقا انا بجد مش عارفه عملت كده ازاي
لينا: الحب يصنع المستحيل ياقلبي
دليلا بحماس: طب كملي قالك اي
ميرال: قالي ماشي وقعد يشرحلي بس كده
دليلا: بس كده!!
ميرال بعدم فهم: اه
لينا: يعني متكلمتوش في حاجه غير المحاضره
ميرال: لا اتكلمنا بس كلام عادي يعني
دليلا: ايوه الي هو اي بقا
قاطعهم رنت موبيل ميرال
ميرال بتهرب: هرد ونكمل
ميرال ردت وكانت خديجه وقعدو يرغو و لينا و دليلا كلمو خديجه معاها و البنات قعدو شويه ونسو الحوار الي كانو بيتكلمو فيه وبعد شويه نامو
ـــــــــــــــــــــــــــــــــــــــــــــــــــــــــــــــ
زين وصل لينا وراح الشغل و بعد كده روح و دخل البيت ودور علي ذاك ولقاه في الجنينه ف راحلو وقعد علي الكرسي الي جنبو
زين: سرحان في اي
ذاك عدل قعدتو واتكلم بجديه
ذاك بجديه: هتفضلو كده كتير
زين بإستغراب: مش فاهم
ذاك: زين انا مش غبي ولا مختوم علي قفايا انا عارف انك بتحب لينا
زين: احم انت عرفت
ذاك بإنفعال: من بدري و استنيتك تيجي تقولي و تاخد خطوه بس ملقتش كده ممكن تقولي ليه بقا
زين : اهدا علشان اعرف افهمك
ذاك بعصبيه مكتوم: اديني هديت اتفضل انا سامعك
زين: انا مقولتلهاش
ذاك: وبعدين
زين: هقولها اني بحبها..
ذاك قطعو بعصبيه وانفعال: وبعدين ترتبط بيها وتخليها تحبك ف تتعلق بيك وتتعشم فيك وفي الاخر تزهق و تسبها زي الكلبه اصلها لعبه في ايدك صح انا مش هسمح بده يازين فاهم!!!
زين: اهدا يخربيتك اديني فرصه اكمل كلامي
ذاك سكت علشان زين يكمل
زين: انا هقولها اني عاوز اتقدملها ولو وافقت هنعمل خطوبه
ذاك بإستهزاء: ومين قالك اني موافق
زين: نعم ياعنيااا (كمل بعصبيه مكتومه) طب بعيداً عن إن رأيك ميهمنيش اصلا بس مش موافق ليه ان شاءلله
ذاك: البت لسه صغيره وبتدرس وعندها احلام عاوزه تحققها
زين: حد قالك اني هربطها جنبي!!منها هخليها تكمل تعليمها او نتجوز بعد ما تخلص
ذاك: برود مش موافق هاا
زين: ذاك حصل اي
ذاك بضيق: محصلش
زين بتفكير: اتخانقت انت ودليلا؟
ذاك مردش وملامح الحزن باينه علي وشو
زين: شكل الموضوع بجد المرادي في اي
ذاك حكالو مختصر الي حصل والي دليلا قالتو
زين: وانت معملتش حاجه!!!
ذاك بيأس: هعمل اي يعني دي حياتها وهي حره
زين: بس انت بتحبها ومينفعش تسبها لحد تاني
ذاك بحزن: كده هبقا اناني يازين
زين: مش اناني بس مينفعش تسبها
ذاك بيأس: انا مش هقولك انو بيحبها اكتر مني علشان محدش بيحبها قدي بس....هي بتحبو وهتبقا مبسوطه معاه
زين بزعل: وانت
ذاك بإبتسامه باهته: انا هبقا كويس لما هي تبقا مبسوطه
زين: طب علي الاقل حاول
ذاك: اعمل اي
زين: قولها انك بتحبها
ذاك بحزن: لو قولتلها و اختارت فارس هبقا خسرت دليلا للابد...وانا مش عاوز اخسرها
زين قعد جنب ذاك و طبطب عليه وحاول يواسيه
زين: لو بتحبك عمرها ما هتتخلى عنك ادعي انت بس
ذاك بتعب: ياارب
ـــــــــــــــــــــــــــــــــــــــــــــــــــــــــــــــ
"تاني يوم"
البنات خلصو الامتحان واتقابلو وخرجو يتمشو للبوابه التانيه علشان زين و ذاك واقفين هناك وبعد مده وصلو وكان الفرق بينهم كام خطوه
مره واحده سائر وقف قدامهم قطع طريقهم
سائر: ازيكم ياقمرات
البنات كانو هيمشو بس هو وقفهم تاني
سائر: هو انا لحقت اتكلم علشان تمشو
دليلا بقرف: عاوز اي
سائر بمكر: انا جي اسلم بس
دليلا بعصبيه: طب غور بقا بدل ما اعملك خريطه في وشك
سائر بمكر وغمزلها: احبك ياشرس انت
دليلا كانت لسه هتزعق بس قاطعها ذاك و زين الي وقفو قدام سائر و البنات بقت وراهم
ذاك: في حاجه يانجم
سائر: لا ياخويا مفيش
زين: طب يلا شوف سكتك
سائر بص ل ميرال
سائر غمزلها واتكلم بخبث: مسيرك تحن ياقمر
زين و ذاك اتعصبو والدم غلي في عروقكم
زين ضرب سائر بوكس وقعو في الارض و ذاك وزين كملو ضرب برجليهم فيه و البنات كانت بتبعدهم
لينا كانت ماسكه دراع زين وبتحاول تبعدو
لينا: خلاص يازين سيبو..يازييين
دليلا كانت بتبعد ذاك عنو بردو
دليلا: ابعد عنو يا ذاك خلاص
بس زين و ذاك كانت العصبيه اتملكت منهم خلاص
ميرال مكنتش عارفه تعمل اي لغايط ما شافت دكتور أسر جي في طريقهم بس بعيد شويه ومكنش واخد بالو منهم ف راحتلو بسرعه تناديه
ميرال:دكتور أسر... يا أسرر
ميرال وقفت قدامو
أسر بخضه: مالك ياميرال
ميرال: الحقو بسرعه
أسر وهو بيبص حواليه: الحق مي..
أسر ملحقش يكمل كلامو وشاف سائر مرمي علي الارض و زين وذاك نازلين فيه ضرب ف جري عليهم بسرعه وميرال وراه
اسر بعدهم عنو وقوم سائر وسائر مشي بسرعه وكان بيمشي بصعوبه و وجع وذاك وزين بصو ل ميرال الي كانت شبه واقفه وره أسر
ذاك بعصبيه: مين الحيوان ده
زين بعصبيه: دي مش اول مره يقولك كده صح
ميرال خافت ورجعت خطوه لورا فبقت ورا أسر
أسر بصلها بحنيه كان بيحاول يطمنها بعد كده بص ل زين ذاك
أسر: طب ممكن تهدو وانا هفهمكم
زين: انت مين اصلا
أسر: انا دكتور اسر دكتور ميرال في الجامعه
ذاك بص للبنات انهم يروحو العربية ف راحو و الرجاله فضلت تتكلم شويه بعد كده بصو التلاته علي ميرال
أسر كان مبتسم و زين مبتسم بس مصدوم وذاك بقا مصدوم علي الاخر بعد كده رجعو اتكلمو تاني بعد كده سلمو علي بعض و أسر مشي و زين و ذاك راحو للبنات وركبو العربيه ولينا كانت باصه ل زين بقلق وخايفه انو يتعصب
زين بهدوء: مقولتيش ليه علي الواد ده
ميرال بخفوت: مكنتش عاوزه اعمل مشاكل
ذاك: ولو مكناش موجودين كنتي هتعملي اي
دليلا: علفكره انا كنت هرد عليه
ذاك: اتوكسي
دليلا: لا علفكره انا كنت لسه هرد عليه بس انتو الي قطعتوني
زين: وكنتي هتقولي اي
دليلا:حبك برص ياحيوان
ذاك بشك: وهو قال اي علشان تقولي كده
دليلا: كان بيقولي ا...
ميرال حط اديها علي بوق دليلا بسرعه و دليلا مكنتش فاهمه في اول ثانيتين بعد كده فهمت هي كانت هتقول اي
ميرال: كان جي يسلم ويعمل روش يعني
دليلا: ايوه ايوه
ذاك بشك اكبر: في اي
دليلا: ولا حاجه (حاولت تغير الموضوع) هتسافر امتا صح
ذاك: السفر اتأجل اسبوع
دليلا: طب كويس
كل ده ولينا كانت باصه للشباك وسرحانه بحزن وزين ملاحظ ده
زين: مالك يالينا
مفيش رد
دليلا:يا لولي
مفيش رد
ميرال كانت قاعده جنبها ف قرصتها في دراعها
لينا بوجع: اييييي بتقرصيني ليه
ميرال: سرحانه في اي
لينا: ولا حاجه
زين: مالك
لينا بهدوء: مفيش
ذاك ركن العربيه
زين: طب اطلعو جيبو الشنط ونمشي
ميرال ولينا: ماشي
ذاك: مين هيجيلك يادليلا
دليلا: مش عارفه بابا في الشغل ويوسف مش هنا ف شكلي هاخد اوبر
ذاك: خلاص هنوصلك في طريقنا
دليلا: لا ياعم هجيب اوبر
زين: طب يلا اطلعي ولما تنزلو هنشوف هنعمل اي
البنات طلعت و مقعدوش كتير ونزلو عشان كانو مجهزين الشنط اصلا يعني يادوب غيرو ونزلو و زين وذاك كانو واقفين قدام العربيه وبيتكلمو و زين كان بيشرب سجاره
البنات نزلت وزين لما شاف لينا رمى السجاره وهي شافتو بس معملتش اي رد فعل وفضلت ملامحها بارده وسرحانه والكل كان واخد بالو لان دي مش طبيعه لينا
ذاك: اي يابنتي الهدوء الي نازل عليكي ده
لينا بإبتسامه بهتانه ومتعبه: ولا حاجه عاوزه انام بس
دليلا: متاكده؟؟
لينا: اه متقلقيش
دليلا: ماشي ابقو طمنينو عليكو لما توصلو
ميرال: وانتي كده هتعملي اي
دليلا: هستنى نادر بقا
ذاك باستغراب: نادر مين
دليلا: ابن خالي هيجي ياخدني
ذاك: ماكنتي تخليه و نوصلك احنا
دليلا بضيق: عادي بقا
زين: مالك انتي كمان
دليلا بصت ل ذاك وهو فهم انو على موضوع فارس
دليلا: ولا حاجه مرهقه شويه
زين خد الشنط وشالها في شنطه العربيه وفضلو واقفين مع دليلا عقبال ما قريبها يجي
بعد فتره عربيه جت ودليلا اول ما شافتها فرحت جدا
نزل من العربيه شاب طويل بس مش اوي وعريض وملامحه رجوليه وعندو دقن سوده وشعر اسود و دليلا اول ما شافتو جريت عليه حضنتو بفرحه وهو استقبلها بحضن وفرحه و ذاك مكنش فاهم حاجه بس توقع انو اخوها علشان شبه الوصف الي دليلا وصفتو قبل كده بس ده ميمنعش انو كان مدايق
دليلا بفرحه: وحشتني اوووي ياچوو
يوسف بفرحه: وانتِ كمان بس اي رأيك في الموفجأ
دليلا: احلا موفجأ والله تعالا سلم علي صحابي
يوسف: اشطا
دليلا مسكت يوسف من دراعو وراحت نحيتهم
دليلا شاورت عليهم وهي بتتكلم
دليلا: دي ميرال وده زين ابن عمها ودول انت عارفهم
يوسف:ايوه(مد ايدو يسلم علي زين) ازيك يازين
زين: الحمدلله انت اخبارك اي
يوسف: تمام والله..ازيك يا ميرال
ميرال: الحمدلله حمدالله على السلامة
يوسف: الله يسلمك
دليلا: دي بقا لينا الي حكتلك عنها وده ذاك خالها الي حكلتك عنو بردو...ده يوسف اخويا
يوسف: محكتيش عني؟؟؟
ذاك بضحك: ياعم دي صدعتنا بيك
يوسف بضحك: انت هتقولي اختي وعارفها
بعد كده سلمو علي بعض
لينا: حمدالله
يوسف: الله يسلمك
دليلا مالت علي يوسف واتكلمت بصوت واطي بس مسموع للكل
دليلا:امك عامله اكل اي
يوسف بصوت واطي زيها: بط و مكرونه بلبشامل و رقاق بلحمه
دليلا بفرحه:طب ياجماعه اشوفكم علي خير سلام انا
ميرال بضحك: هتمشي من غير ما تسلمي عليا ياواطيه
دليلا: وانا اقدر بردو
دليلا حضنت ميرال وسلمو علي بعض وسلمت علي لينا الي فضلت هاديه
دليلا: لما هروح هكلمك ماشي
لينا: تمام
دليلا كلمت ميرال في ودنها
دليلا: خليكي معاها وشوفيها مالها
ميرال: متقلقيش مش هسيبها
دليلا: يلا سلام ياذاك سلام يازين
ذاك وزين: سلام
يوسف: سلام ياجماعه فرصه سعيده
الكل بابتسامة: سلام
يوسف ودليلا راحو العربيه ومشيو و الباقي ركبو العربيه ومشيو
عدو علي بيت زين خدو شنط زين وذاك بعد كده عدو علي اركان و خديجه في طريقهم و مشيو مع بعض بس اركان وخديجه في عربيه اركان وكل ده حصل و لينا ممثله انها نايمه من اول ما ركبت العربيه وفضلت كده لغايط ما نامت فعلا هي و ميرال و زين و ذاك كانو بيبدلو في السواقه وكل واحد بينام شويه لغاايط ما وصلو البلد و زين صحاهم و نزلو و لينا سلمت علي اركان و خديجه وبعد كده دخلو البيت و هدى و المنشاوي استقبلوهم وسلمو عليهم وقعدو
هدى: وحشتوني ياعيال
ميرال: اديني هقعد معاكي شهر ونص
هدى: جليل بردو
ميرال: بعديها هقعد معاكي علطول
ذاك بخبث: مش علطول اوي يعني
الكل بص ل ذاك وهما مستغربين بس زين كان فاهم قصدو
زين: اصل في خبر كده هنقولكم عليه بس بعد الغدا انا هموت من الجوع
هدى: الاكل جاهز اهو
منشاوي:مالك يالينا شكلك تعبان ومهموم كده ايه
لينا: ولا حاجه ده انا بس علشان لسه صاحيه من النوم وكنت تعبانه
زين: اهي هي كده من اول ما شوفت خلقتها
لينا: مفيش حاجه والله عادي
هدى: طب يلا جومو ناكل ونتكلم بعدين
الكل قام علي الاكل وقعدو ياكلو وبعد مده خلصو و طلعو غيرو ونزلو قعدو مع بعض شويه قبل ما ينامو
ـــــــــــــــــــــــــــــــــــــــــــــــــــــــــــــــ
دليلا روحت هي و يوسف واتغدو و قعدو يرغو و يحكو كتير مع اهلهم وبعد كده دخلو اوضتها يتكلمو و حكتلو علي موضوع فارس
يوسف: وانتي حاسه ب اي
دليلا: مش عارفه جزء بيقولي اديلو فرصه هو ملوش ذنب و جزء بيقولي لا انتي نسيتي الي عملو
يوسف: ودول طبعا قلبك وعقلك واحنا اتفقنا ان لما يحصل خلاف بين القلب و العقل بنمشي مع مين
دليلا بيأس: مع العقل
دليلا فضلت ساكته و كان ملامحها باين عليها الحزن
يوسف: بوصي يادودو مش كل القرارات بتتاخد بلعقل وبردو مش بناخدها كلها بلقلب
دليلا: يعني اعمل اي
يوسف: القرار الصح هو الي يبقا قلبك و عقلك متفقين عليه
دليلا: ولو مش عاوزين يتفقو
يوسف: يبقا محتاجه تراجعي نفسك وتفكري في اولوياتك وحياتك
دليلا بتعب: انا تعبت من التفكير
يوسف:طب نامي دلوقتي ونتكلم بكره
دليلا: ماشي تصبح على خير
يوسف: وانتِ من اهل الخير
يوسف خرج ودليلا نامت
ـــــــــــــــــــــــــــــــــــــــــــــــــــــــــــــــ
الكل كان متجمع وكان منهم الي بيتكلمو و الي ماسك الموبيل والي مركز مع التليفزيون
زين:اركان تعالا معانا ثانيه
زين و اركان و ذاك قامو و وقفو في الجنينه
اركان: في اي
زين: في عريس لاختك
اركان باستغراب: عريس!! مين عريس الغفله
ذاك: الدكتور بتاعها اسمو أسر
اركان: حصل امتا الكلام ده
زين: ولا حاجه روحنا نجيبهم من الكليه ف شفنا معاهم ف قالنا بس البنات متعرفش انا مرضتش اقولهم
اركان: خلاص هشوف كده
ذاك: ماشي هو اصلا كان عاوز رقمك وانا ادتهولو
اركان: تمام
زين: مالك حاسك مصدوم
اركان : البت كبرت بسرعه
زين: عادي يابني اي بنت مسيرها تكبر
اركان بحنيه: دي مش اي بنت يازين دي بنتي انا الي مربيها وكبرت علي ايدي
ذاك: حاسس بيك
اركان بصلو بإستغراب: حاسس بيا!!!
ذاك: اه اصل البت لينا كبرت بردو وجالها عريس
اركان: عريس!!!! مين ده
ذاك: عريس اسود عاوز ياخد البت مني وانا ملحقتش اقعد معاها
زين: بقولك اي هتغلط هغلط
ادم جيه من وراهم وكان سمع شويه من الحوار
ادم: عريس مين ده الي جيه ل لينا
ذاك: هتقول ولا اقول انا
زين: يخربيتك عيل فضيحه
اركان: انجز احكي
زين بأبتسامه كبيره وفرحه: انا اتقدمت ل لينا من ذاك بس مستني اقولها
ذاك: بوص مببتسم ازاي محسسني اني وافقت
زين: اسكت بقا
ادم زغرط بس كان صوتو واطي
ادم: لولولوولولي
الكل ضحك عليه
ادم حضنو: مبروك يازيزووو
زين بفرحه: الله يبارك فيك
اركان حضن زين بعد ادم
اركان بفرحه: مبروك يازوز
زين بفرحه: الله يبارك فيك ياخويا
زين: بس بقولكم اي محدش يقولها ولا يلمح هاا
الكل:عيب عليييك
هما سمعو صوت زعيق ف دخلو يشوفو في اي
زين: اي صوت الزعيق ده
منشاوي: ده من بره
الرجاله خرجو تشوفو في اي ولقو ان الحارس بتاع الدوار بيزعق ل بنت ف راحولو
منشاوي: في اي يا صالح
صالح: الحرمه دي عاوزه تدخلك ياعمده
منشاوي بص للبنت الي كانت مداريه نص وشها بلطرحه ومكنش باين غير لون عنيها الفيروزي الي تخطف اي حد
منشاوي: انتي مين يابنتي
البنت شالت الطرحة من علي وشها
منشاوي بصدمه: فيروزه!!
ـــــــــــــــــــــــــــــــــــــــــــــــــــــــــــــــ
البارت خلص يابنات اشوفكم في البارت الجاي
بس تفتكرو مين فيروزه؟
و اي قصتها؟
و ذاك هيعمل اي مع دليلا؟
ولينا مالها؟
وزين هيقول ل لينا امتا؟
واي هيكون ردة فعلها؟
و هل ميرال هتوافق علي دكتور أسر؟
و سائر كده صحفتو اتقفلت ولا هيظهر تاني بمصيبه جديده؟
ياترا اي تاني مستخبي
وأنا أستثنيك كنتُ أعلمُ بأنكَ ستكونُ أجمل حزنٍ مرَّ في قلبي
هدير_مدحت
أنت تقرأ
لن اتخلى عنكِ
Romanceلن تكمل قصتي معك و لكن اقسم انني لم أكمل قصتي الا معك I Didn't complete my story with you, but I swear that I Didn't complete my story without you
