” في بيت ادم ‟
ادم دخل البيت لقا فيروزه لابسه دريس بينك كان بسيط وهادي و حجاب لونو ابيض وكانت خارجه من المطبخ وفي اديها كوبايه نسكافيه
ادم: السلام عليكم
فيروزه: وعليكم السلام ورحمة الله وبركاته
ادم قعد علي الكرسي بتعب وحط شنطه الاكل علي الطربيزه و فيروزه راحت قعدت علي الكنبه الي جنبو بهدوء
ادم: انا جبتلك سندوتشات علشان بصراحه مش قادر اطبخ
فيروزه: شكرا بس انا مش جعانه
ادم:اتعشيتي ؟
فيروزه: لا
ادم بشك: هو انتي كلتي اي من الصبح؟
فيروزه بلامبالاه: مش فاكره
ادم بجديه: مش بهزر انتي كلتي ولا لا
فيروزه بتفكير: امم لا
ادم: يعني من الساعه 6الصبح مكلتيش حاجه
فيروزه بلامباله: اه
ادم: نسكافيه ده؟
فيروزه: اه
ادم: يعني مكلتيش من الصبح و بتشربي نسكافيه
فيروزه: حاسه انك مكبر الموضوع
ادم: مكبر الموضوع!!! يابنتي انتي كده بتدمري نفسك
فيروزه مسكت موبيلها و ردت بلامباله
فيروزه: مش فارقه كتير
ادم فاهم الحاله الي هي فيها علشان عدا بنفس الفتره
ادم قام خد منها النسكافيه وشربها كلها علي بوق واحد
فيروزه: اي اي يخربيتك
ادم: اممم طعمو حلو
فيروزه بنرفزه: منا عارفه بس ده بتاااعي
ادم ببرود: وانا شربتو
فيروزه بضيق: انت رخم
ادم: عارف...قومي كلي
فيروزه بعند: مش هاكل
ادم جاب شنطه الاكل وطلع السندوتش
ادم: خدي
فيروزه لفت وشها عنو
ادم بحده: فيروزه انا مش بكرر كلامي!
فيروزه خدت السندوتش بنرفزه
ادم: هطلع اغير واجي تكوني خلصتيه
فيروزه مردتش عليه وهو طلع خد دوش ولبس ونزل لقا فيروزه كلت نص السندوتش و كانت مسكه السندوتش و سرحانه
ادم راح قعد علي الكرسي الي جنبها وهي مكنتش حاسه
ادم: فيرو..فيروو
فيروزه فاقت من سرحنها
فيروزه: كنت بتنادي
ادم: اه مكلتيش ليه؟
فيروزه سابت السندوتش علي الطربيزه
فيروزه: مش قادره اكملو
ادم: انتي كده كلتي!!! خلص الاكل يافوزي
فيروزه بأستغراب: فوزي مين
ادم: انتي
فيروزه: ربنا يمكلك بعقلك بجد
ادم: امين كملي اكلك بقا
فيروزه: مش عااوزه والله
ادم: كلي بدل ما الاكل يجري وراكي يوم القيامه
فيروزه: دمك خفيف
ادم: كلي وهعملك موفجأ
فيروزه: موفجأ اي
ادم: كلي وهتعرفيها
فيروزه بصتلو بشك
ادم: بصالي كده ليه ههزر معاكي انا يعني
فيروزه بشك: اه ممكن
ادم: كلي بقا ده انتي رغايه
فيروزه مسكت السندوتش واتكلمت قبل ما تبدا تاكل
فيروزه: عارف اي الحاجه الوحيده الي هتفرحني؟
ادم بأبتسامه ممزوجه بفضول: اي؟؟
فيروزه بأبتسامه بهته: اروحلها
ابتسامه ادم تلاشت، مكنتش عارف يقولها اي ولا يوسيها ازاي بس كان حاسس انو عاوز يعملها اي حاجه لأجل بس انها تكون كويسه
السكوت ملأ المكان و فيروزه كانت بتاكل السندوتش وهي سرحانه و الدموع محبوسه في عنيها و ادم كان ملاحظ ده وكان باصصلها بحزن ممزوج بشفقه
بس ادم قرر انو يغير الموضوع
ادم: اه صح يافيرو...
فيروزه فاقت من سرحانها ومسحت عنيها
فيروزه: امم
ادم: موضوع اي الي عوزانا نتكلم فيه
فيروزه: اه فكرتني
فيروزه سابت السندوتش و بصتلو بتركيز وملامح جاده
فيروزه بجديه: هو احنا هنبقا ازاي
ادم بعدم فهم: مش فاهم قصدك
فيروزه: يعني انا حياتي كانت ماشيه علي نظام وانت حياتك علي نظام وكل حاجه اختلفت في يوم وليله ف احنا كده هنتغير زي ما الواقع اتغير صح؟
ادم: صح بس اي المطلوب بردو
فيروزه: يعني واحنا بنتكلم الصبح قولتلي انك مرتبط ببنات كتير والنظام ده
ادم بعدم فهم: ماشي!!
فيروزه بنرفزه: هو انت شايف الموضوع سهل كده ليه!!
ادم: علشان الموضوع عادي والكل بيعمل كده!
فيروزه: وانت لما تقف قدام ربنا هتقولو كلو بيعمل كده!!!(فيروزه خدت نفس طويل و هدت نفسها وكملت كلامها)
فيروزه: دلوقتي انت هتعمل اي
ادم: بوصي اولا انا قولتلك كنت مرتبط يعني بقالي مده مليش في اللعب ده
فيروزه قطعتو بحده و نرفزه: الكدب حرام لو متعرفش
ادم بنرفزه: انا مش كداب
فيروزه بأستهزاء: واضح
ادم بحده ممزوجه بعصبيه: فيروزه انا مش بكدب و بعدين هكدب عليكي ليه هستفاد اي!!!
فيروزه بعصبيه: معرفش بس انت بتكدب علشان انت كلمتها قدامي الصبح
ادم بصدمه: انا!!!
فيروزه بحده: لما كلمتها بعد ما خلصت فطار
ادم فكر لغايط ما افتكر
ادم بدهشه: انت كنت بكلم صحبي!!!!!
فيروزه بشك: صحبك وتقولو قلبي!!!!
ادم: اه عادي
فيروزه: طب عموما الي حصل حصل بس احنا عاوزين نحط شروط ل حياتنا علشان نعرف نعيش مع بعض
ادم: تمام و اول شرط انك متقوليش عليا كداب و تصدقي الي بقولو
فيروزه: عاوزني افهمها ازاي !! واحد لسه قايلي انو ارتبط كتير و بعديها يكلم حد يقولو قلبي عاوزني افهم اي!!!
ادم: تمام الي حصل حصل وانا وضحتلك الي حصل بس اول حاجه عاوزك تعرفيها عني اني مش كذاب وبكره الكذب و الي بيكذبو
فيروزه: تمام و موضوع البنات
ادم: بمعني؟
فيروزه: بمعني انك دلوقتي متجوز يعني لو كلمت بنات او مشيت معاهم هيبقا اسمك راجل خاين وانا بكره الخيانه
ادم بخبث: طب ما انا ممكن اكلم بنات براحتي من غير ما تعرفي
فيروزه بهدوء: لو مش خايف علي شكلك قدامي خاف علي شكلك قدام ربنا...راجع نفسك يا أدم
فيروزه قامت تطلع اوضتها وسابت ادم وسط تفكيرو وان فيروزه فعلا كلامها صح وان بقالو مده بعيد عن ربنا
فيروزه كانت هتدخل اوضتها بس وقفت من كلام ادم
ادم: انتي صليتي العشا
فيروزه: انت لسه مصلتوش؟
ادم: اه كنت في مشوار
فيروزه: طب روح صلي و صلي معاه قيام الليل
فيروزه دخلت اوضتها و ادم نفذ كلامها و قام اتوضى و صلى العشا و قيام الليل
ـــــــــــــــــــــــــــــــــــــــــــــــــــــــــــــــ
" عند اوضه لينا "
لينا كانت ماسكه شريط برشام و بتاخد منو برشامه و مره واحده الباب فتح وكانت ميرال ف لينا خبت الشريط بسرعه تحت المخده و ميرال شافتها
ميرال بخبث: بتخبي اي
لينا بهدوء: مخبتش حاجه
ميرال راحت ل لينا بسرعه و هي بتحاول تشوف خبت اي
لينا: اهدي ياميرال قولتلك مفيش حاجه
ميرال: يابت انا شوفتك
لينا بعصبيه: خلاص بجد ياميرال
ميرال: خلاص اهدي
ميرال بعدت وقعدت جنبها علي السرير
لينا بهدوء: كنتي عاوزه حاجه
ميرال: امم جايه اشوف مالك
لينا: انا كويسه
ميرال: امم واضح يعني ولا بتنزلي تاكلي ولا بتنزلي تقعدي معانا ولا بقيتي بتخرجي بره اوضتك ومش عاوزه تردي علي ذاك
لينا بعصبيه: علشان حيوان
ميرال: بصراحه عندك حق كلميه بقا و هزقيه براحتك
لينا: مش طيقاه ولا طايقه صوتو
ميرال بإستسلام: براحتك
لينا كانت باصه ناحيه البلكونة بسرحان و ميرال استغلت الفرصه و سحبت شريط البرشام من جنب لينا بسرعه وقامت من علي السرير
لينا بارتباك: ق.قولتلك مفيش حاجه
ميرال بصدمه: ادا يالينا
لينا خدت منها الشريط بسرعه
لينا بأرتباك: د.ده مسكن
ميرال بصدمه: لينا انتي بتاخدي ادويه اكتئاب!!!
لينا بأرتباك: و.وانتي عرفتي منين
ميرال بصدمه: مش ده الموضوع يالينا(كملت بصيغه أمر) لينا انتي لازم تبطليه
لينا بيأس: انا اصلا كنت بطلتو
ميرال: ورجعتي تاخديه تاني ليه!
لينا بصت في الارض ومرضتش
ميرال راحت قعدت جنب لينا ومسكت اديها
ميرال: لينا انا عارفه ان حصل حاجه بينك و بين زين ولو مش عاوزه تحكي حصل اي متحكيش بس علي الاقل فضفضي الي جواكي
لينا: الموضوع ملوش علاقه ب زين
ميرال: اومال ب مين
لينا: ذاك
ميرال: طب ما هو كلمك كتير وانتي الي مش راضيه تردي عليه
لينا: ياميرال انا مش في دماغو اصلا هو قرر و نفذ من غير حتا مايقولي هو حطني قدام الامر الواقع
ميرال: انا عارفه انو غلطان وفعلا حقك تدايقي بس متعمليش في نفسك كده وبعدين خلاص الموضوع اتحل و ذاك هيرجع إن شاءلله
لينا: مبقتش فارقه
ميرال: ازاي يعني ده انتو ماصدقتو تلاقو بعض اصلا
لينا بخفوت: وجيه بعد فوات الاوان
ميرال: بس جيه وخلاص كل حاجه بقت كويسه
لينا بأنفعال ودموع محبوسه: مش كل حاجه ياميرال مش كل حاجه... ذاك مش بيفكر فيا هو ديما بيفكر في نفسو وانا اخر حاجه في دماغو...فضل يعتذر و يقول انو خلاص لقاني وكل حاجه بقت كويسه و إن الفتره دي مش هترجع تاني و الي اتكسر هيتصلح و انو مش هيمشي تاني...بس اول ما حس انو بدأ يتوجع فكر في نفسو وسافر... مفكرش فيا ولا انا هحس ب إي ولا جيت علي بالو اصلا ومرنش عليا غير بعد ما زين كلمو وقالو اني سالت عليه لكن غير كده هو نساني اصلا...(كملت بخفوت) زي ما نساني زمان
لينا مقدرتش تمسك نفسها وبدأت تعيط وميرال خدتها في حضنها وهي بتحاول تهديها
لينا بعياط: انا افتكرت ان كل حاجه بقت كويسه بجد
ميرال متكلمتش علشان عارفه ان اي كلمه هتقولها مش هيبقا ليها فايده ف فضلت سكته وهي بتطبطب عليها علشان تحاول تخرج كل التعب الي جواها
لينا فضلت تعيط لمده طويله اوي
بعد كده ميرال حست ان تنفس لينا بقا منتظم وانها هديت تدريجياً ف عرفت انها نامت ف خلتها تفرد علي السرير و غطتها وطفت النور و خرجت وهي مدايقه اوي علي حالتها
ميرال دخلت اوضتها ورنت علي ذاك وهو رد عليها بسرعه
ـــــــــــــــــــــــــــــــــــــــــــــــــــــــــــــــ
ميرال بعصبيه: ذاك هو انت حيوان؟؟
ذاك بيأس: هي عامله اي دلوقتي
ميرال بعصبيه: نفسيتها وحشه اوي اوحش مما تتصور
ذاك بأستسلام: طب وانا اعمل اي
ميرال: ارجع ياذاك
ذاك: مش هعرف ولا هقدر
ميرال: ليه يا ذاك موضوع دليلا واتحل و لينا محتاجاك
ذاك سكت و مرضش
ميرال: ماترد عليا اي الي منعك!؟
ذاك مرضش بس ميرال سمعت صوت حد بيتكلم وكان بيستعجلو
ذاك: طب ياميرال انا هقفل دلوقتي بس علشان خاطري حاولي معاها ومتخليهاش تقعد لوحدها
ميرال بإستسلام: حاضر.. باي
ذاك بتنهيده: باي
ـــــــــــــــــــــــــــــــــــــــــــــــــــــــــــــــ
ميرال قفلت معاه وراحت اطمنت علي لينا ولقتها نايمه وفي سابع نومه وده كان بسبب البرشام الي خدتو
ميرال بعد ما اطمنت علي لينا رجعت اوضتها و رنت علي دليلا وبعد مده ردت
ـــــــــــــــــــــــــــــــــــــــــــــــــــــــــــــ
ميرال: السلام عليكم
دليلا كانت بتعيط وحاولت تبين انها عادي وصوتها يطلع كويس الي حدا ما
دليلا: وعليكم السلام
ميرال: عملتي اي
دليلا بدأت تعيط تاني
دليلا بعياط: بكلمو ومش بيرد عليا
ميرال: اهدي ياقلبي اهدي
دليلا بشهقات: هو بيعمل كده ليه...ده غبي
ميرال: يابنتي هو راجع
دليلا: عرفتي منين
ميرال: انا معرفش بس هو اكيد هيرجع يادليلا....ذاك مش هيسيبك ولا هيسيب لينا كده
دليلا بقلق: مالها لينا؟؟
ميرال بتنهيده:بردو نفسيتها وحشه اوي
دليلا: ليه
ميرال: شايفه ان ذاك مفكرش فيها وانها مش في تفكيرو
دليلا بخفوت: ذاك مفكرش في حد غير نفسو
دليلا و ميرال فضلو ساكتين شويه كل واحد سرحان بعد كده دليلا قطعت السكوت
دليلا: هو هيرجع صح
ميرال: اكيد هيرجع
دليلا:هو قالك؟؟
ميرال:لا بس هو اصلا كان هيقعد اسبوع و يجي ف اكيد هيجي يعني
دليلا:يااارب
ميرال: متقلقيش انتي و نامي دلوقتي وكل حاجه هتبقا كويسه
دليلا: هحاول...يلا تصبحي على خير
ميرال: وانتي من اهل الخير
ميرال قفلت و مكملتش خمس ثواني و لقت رقم غريب بيرن ف ردت
ـــــــــــــــــــــــــــــــــــــــــــــــــــــــــــــــ
: السلام عليكم
ميرال: وعليكم السلام مين معايا
أسر: انا أسر
ميرال بصدمه: دكتور أسر!!
أسر: دكتور اي حرام عليكي ده انا هبقا جوزك
ميرال بكسوف: احم احنا لسه منعرفش
أسر: منعرفش ازاي يعني
ميرال: لسه منعرفش أركان هيوافق ولا لا
أسر: المهم عندي رأيك
ميرال: تمام
أسر: هو اي الي تمام انتي موافقه ولا لا
ميرال: انا رأي من رأي اخويا
أسر: افرضي بقا اخوكي مرضاش هتعملي اي
ميرال: الي في خير يقدمو ربنا
أسر: ونعمه بالله
ميرال: استنا بس انت جبت رقمي منين
أسر: ملكيش دعوه
ميرال: هو اي الي مليش دعوه ده رقمي
أسر: فكك فكك قوليلي بس انتي عامله اي
ميرال بتنهيده: الحمدلله
أسر: مالك
ميرال: مفيش شويه مشاكل في البيت
أسر: لو عاوزه تفضفضي انا سامعك
ميرال بلطف: شكرا
أسر: بتشكريني علي اي انا بتكلم بجد
ميرال: بجد شكرا و صدقني اول ما هعوز اتكلم هكلمك
أسر بلطف: ماشي
ميرال: هو انت كلمت أركان؟
أسر: أيوه
ميرال بتوتر: وقالك اي
أسر: اتفقنا اني هاجي يوم الخميس يتعرف عليا...واشوفك
ميرال: مش عاوزه اصدمك بس انا مش هبقا موجوده
أسر بصدمه: ليه !!!
ميرال: انا عند جدو اصلا و حضرتك مش هتقدر تشوفني غير لو أركان وافق و قالك هات اهلك و تقرأو الفتحه
أسر بفرحه ممزوجه بحماس: هيوافق إن شاءلله
ميرال بضحك: إن شاءلله
أسر: طب انا هقفل بس هستنا رأيك
ميرال بلطف: تمام..باي
أسر بإبتسامة ممزوجه بهيام: باي
ميرال قفلت وحضنت الموبيل و قعدت سرحانه بفرحه كبيررره
ـــــــــــــــــــــــــــــــــــــــــــــــــــــــــــــــ
” الساعه 1 بليل ‟
فيروزه راحت تخبط علي باب اوضه ادم بس لقت الباب شبه مفتوح ف خبطت مرتين كده وهو مرضش ف فتحت الباب بتوتر و دخلت وقفت جنب السرير وهي بتحاول تصحيه
فيروزه: ادم...ادم...ياادم
ادم بنوم: امممم
فيروزه: قوم
ادم بنوم: ليه
فيروزه: عاوزاك تجبلي حاجه
ادم: حاجه اي
فيروزه: اصحا طيب علشان اقولك
ادم بنوم: بكره بكره
فيروزه: قوووم بقاا ولا انزل انا يعني
ادم: هي الساعه كام
فيروزه: احم واحده
ادم: واحده اي
فيروزه: هيكون واحده الظهر يعني...واحده بليل
ادم قام نص قومه و بصلها بنوم
ادم: في اي يافيروزه
فيروزه بإحراج: البريود جاتلي
ادم بإستغراب: طب وانا اعمل اي
فيروزه: انزل جبلي فوطه صحيه من الصيدليه وياريت تبقا سوفي
ادم: انتي هتتقمري
فيروزه: انجز بقا يا ادم ولا انزل انا يعني
ادم بخفوت ممزوجه بنرفزه: استغفر الله العظيم...حاضر يافيروزه حاضر
فيروزه بقرف: شكرا
ادم بقرف: العفو يختي
فيروزه خرجت راحت المطبخ تعملها حاجه سخنه تشربها و ادم خد الفلوس وخرج
ادم: عاوزه حاجه تانيه من تحت؟
فيروزه بهدوء: لا شكرا
ادم: العفو
ـــــــــــــــــــــــــــــــــــــــــــــــــــــــــــــــ
"بعد شويه"
ادم كان بيتمشي في الشارع راجع البيت ف عدا علي سوبر ماركت ف افتكر موقف كان بينو و بين اختو ليال
أنت تقرأ
لن اتخلى عنكِ
Romanceلن تكمل قصتي معك و لكن اقسم انني لم أكمل قصتي الا معك I Didn't complete my story with you, but I swear that I Didn't complete my story without you
