لينا صحيت علي 3العصر و لبست دريس بسيط و لفت حجابها ونزلت ل زينه لقتها قاعده في الصاله قدام التليفزيون
لينا: صباح الخير
زينه: صباح النور تعالي اقعدي
لينا راحت قعدت جنبها
زينه: اي النوم ده كلو
لينا: هي الساعه كام
زينه: اصلا!! الساعه 3العصر ياحلوه
لينا: اممم علشان خدت الدواء
زينه باستغراب: دواء اي
لينا اتخضت من الي قالتو بس حاولت تبين انها عادي: هاا اه اصلي كنت تعبانه امبارح شويه ف خدت مضاد حيوي
زينه: الف سلامه عليكي حاسه ب اي
لينا: لا عادي زوري كان واجعني شويه
زينه: طب اعملك حاجه سخنه
لينا: لا خليكي انا هقوم اعملي زنجبيل اعملك حاجه تشربيها
زينه: لا لسه مخلصه الشاي
لينا: ماشي
وقامت المطبخ عملت ورجعت قعدت جنبها تاني
زينه: عاوزه اسألك سؤال
لينا: اسألي
زينه: انتي بتنامي بالحجاب ليه
لينا: علشان انا في بيت غريب و معرفش اي الي ممكن يحصل اومال انتي بتنامي ازاي
زينه: بقفل الباب بلقفل
لينا: فكره بردو
زينه: قوليلي بقا كنتي فين امبارح وأول
لينا بضحك: محاوله هروب فاشله
زينه: يخربيتك
لينا: هحكيلك
وقعدو يرغو ويحكو لغايت بليل و زين جه
زين: السلام عليكم
لينا و زينه: وعليكم السلام
زينه: احط الاكل
زين: اه ياريت
زينه: حاضر
لينا: انا جايه معاكي
زينه: لا خليكي انتي تعبانه
لينا: لا يابنتي انا تمام
زين كان علي السلم طالع اوضتو وسمعهم: مالك يالينا
لينا بتحاول متتوترش: ولا حاجه زوري واجعني شويه
زين: الف سلامه
لينا: الله يسلمك
بعد كده زين دخل اوضتو و لينا و زينه و عم محمد كانو واقفين في المطبخ
لينا: قولي ياعم محمد انت شغال هنا بقالك كام سنه
عم محمد: 8سنين
لينا: ياااه كتير اوي ومستحمل كتله البرود دي ازاي
عم محمد بضحك: وطي صوتك ل يسمعك وبعدين علي قد البرود الي بيمثلو قلبو طيب و حنين وعمره ما ظلم حد
لينا: اممم وانتي يازينه بقالك كام سنه
زينه: 3سنين اظن وخلاص دي اخر سنه
لينا: ليه كده
زينه: علشان هتجوز قره عيني
لينا: ماشيه معاك ياعم
زينه بضحك: طب يلا يختي نخرج الاكل
(لينا مقعدتش معاهم كتير بس هما حبوها بسرعه و كمان بقت هي وزينه اصحاب ولا اكنهم بقالهم كتير يعرفو بعض)
زينه ولينا خرجو الاكل وزين خد دوش ولبس ونزل و لينا مقعدتش تاكل
زين: مش هتاكلي
لينا بكدب: لا انا كلت
زين: متاكده
لينا: اه طبعا انا هروح ل عم محمد
وسابتو و دخلت ل عم محمد في المطبخ
لينا: عم محمد هي سوهاج حلوه
عم محمد: جميله جدا
لينا: نفسي اروحها اوي
عم محمد: اشمعنا
لينا: بحب الخضره و الزرع ابقا قاعده كده علي الزرع و بتفرج علي القمر و النجوم
محمد: ياااه فكرتيني بشبابي
لينا: الله احكيلي احكيلي
عم محمد: ايام ما كنت باخد مراتي الله يرحمها ونروح نقعد في الارض وسط الزرع ونشغل ام كلثوم
لينا بحب: كنت بتحبها
عم محمد: كلمه بحبها قليله انا كنت بعشقها هو اه احنا اتجوزنا اجباري من الاهل و مشوفتهاش ولا مره غير يوم الفرح بس من اول ما شوفتها وهي خطفت قلبي شعرها الاسود الطويل وعنيها المكحله ورموشها الطويله ممكن تبان عاديه بس في عيني اجمل ست
لينا: ايوه ياعم محمد يا رومانسي انت
عم محمد بضحك: والله انتي فقريه
لينا بحماس: طب كمل كمل
عم محمد: كنا نصحى الفجر نفطر مع بعض وبعد كده اروح الارض وهي تعملي الاكل الي بحبو وارجع الاقي البيت مرتب و الاكل جاهز نقعد ناكل بعد كده تعمل كوبايتن شاي ونطلع نقعد في الارض تحت الشجره واقعد احب فيها لغايت ما جبنا القرده الصغيره و لف الزمن و القرده كبرت واتجوزت و جابت بنت و ولد و مراتي ماتت الله يرحمها
لينا: الله يرحمها
عم محمد: المعلومه الي تطلعي بيها اي بقا
لينا: اي بقا
عم محمد: انك تحمدي ربنا علي الوحش قبل الحلو وترضي بلكتوبلك و ان البساطه كنز مش الكل يفهمها
لينا: كلام جميل والله
زينه دخلت عليهم: بتقولو اي من غيري
عم محمد: بحكيلها علي ايامي مع ست الكل
زينه: اممم الله يرحمها
لينا: كنتي فين يابت
زينه: روحت انا وعم لطيف نجيب حاجات من السوبر ماركت
لينا: اممم
ــــــــــــــــــــــــــــــــــــــــــــــــــــــــــــــــــــــــــــــــــ
زين كان قاعد في الصاله بيتفرج علي فيلم ومره واحده الباب فضل يخبط كتير وجامد كل الي في البيت اتخض وزين قام فتح الباب
ذاك: ساااااامو عليكوووو
زين بضحك ممزوج بفرحه: ياشيخ خضتني حرام عليك
ذاك: ده المطلوب بس اي رايك في المفجأه
زين حضنو: احلا مفجأه والله ادخل ادخل
ذاك دخل ومكملش خطوتين ووقف من الصدمه...
لينا كانت واقفه علي اول المطبخ بصدمه كبيره بعد كده اتحولت ل فرحه
لينا: ذاك
ذاك: لينا
لينا جريت عليه حضنتو وهي ماسكه دموعها من النزول و ذاك كان مصدوم بس لما استوعب حضنها بفرحه
و الكل واقف مصدوم و زين الدم غلي في عروقه ومش فاهم اي الي بيحصل
زين بعدهم عن بعض: اي منك ليها لمو نفسكو تعرفو بعض منين
ذاك بفرحه: دي لينا بنت اختي الي قولتلك عليها بس هي اي الي جبها هنا
لينا وهي بتمسح دموعها: يااااه ده موضوع
زين: طب ادخلو نقعد ونفهم علشان دماغي لفت...اعمللنا قهوه يازينه
زينه: حاضر
وراحو قعدو
زين: انتو تقربو ل بعض اي
ذاك: هي اي الي جابها هنا!!
لينا: اهدووو انا هفهمكو بص يازين ذاك يبقا خالي و المفروض كان مسافر امريكا يدرس
زين بص ل ذاك: يعني دي بنت اختك الي مصدعنى بيها
ذاك: اه بس اي الي جابها هنا متخلونيش افهم غلط
زين: لا متفهمش غلط ولا حاجه كل الموضوع ان عم لينا كان...
لينا قطعتو بسرعه: استنى يازين... ذاك اوعدني انك مش هتعملو حاجه
ذاك: اعمل ل مين
لينا بتوتر: عمر(عمها)
ذاك بعصبيه مكتومه: قولو الي حصل
لينا: ياذاك..
ذاك قاطعها بحده: حصل اي يالينا
زين: اهدا ياذاك الي حصل ان كان بيني وبنت عمها صفقه و هو خسر وبدل ما يدني فلوسي كامله اداني لينا
ذاك بعصبيه: نعم!!! اقسم بالله لأندمو علي الي عملو
لينا: اهدا ياذاك
ذاك قام وقف بعصبيه: هو فين
لينا شاورت ب رأسها لا
زين مسك ذاك قعدو: اقعد ياذاك بس
ذاك: وانت عاوزني اقعد اكن محصلش حاجه
زين: لينا روحي استعجلي زينه علي القهوه
لينا: متسبهوش يازين
زين: روحي انتي بس
زين اتكلم لما اتاكد ان لينا مشيت
زين: انا حلفتلك قبل كده اني اجبهولك تحت رجلك ولسه عند حلفاني
ذاك بحده: بكره يبقا في المصنع يازين وربي لاخليه يبوس رجليها علشان تسمحو و ارحمو
زين: اهدا انت بس
ذاك بشك: وحصل اي تاني
زين ضربو علي راسه : انت اهبل يلا هعمل اي يعني دي زي اختي وبعدين دي تشل
ذاك: عملت اي
زين: هربت
ذاك بفخر: جدعه
لينا دخلت عليهم بصنيه القهوة وقعدت
لينا: انتو بقا تعرفو بعض منين
ذاك: زين كان زميلي في السكن و اتصحبنا بس هو رجع عمل شغلو في مصر وانا كملت شغل بره لغايت ما بقا الي قدامك ده صاحب اكبر شركه من شركات المعماري
لينا: قول والله
ذاك: اه والله
لينا: مبرووووك يازيزو
ذاك بضحك: الله يبارك فيكي يااختشي
و قعدو يضحكو
ذاك: قوليلي صح انتي عرفتي شكلي ازاي وانتي بقالك سنين مشوفتنيش
لينا بتلقائيه: منا شوفت صورك علي الانستجرام بس خدت بعدها حته علقه كنت بموت
ذاك بغضب مكتوم : هو مد ايدو عليكي
لينا بتلقائيه: ياااه كتير (بعد كده اتصدمت من الي قالتو) الي انا قولتو ده كدب
ذاك: وربي لاندومو بدل المره الف
لينا: استهدا بالله بس ده راجل قد ابوك
ذاك بزعيق: وهو لو كان رجل كان مد ايدو عليكي
ذاك سكت وقعد سرحان بشر
لينا بخوف: ذاك انت بتفكر في اي
ذاك بخفوت وسرحان: كل خير
لينا بصت ل زين علشان يتكلم ويهديه
زين: خلاص ياذاك الي حصل حصل ارمو الي فات وافتحو صفحه جديده وبعدين انت مش كنت هتموت وتوصلها اديك وصلت اهو
لينا: ايوه ياذاك وبعدين انا مبحبش المشاكل خلينا نعيش اليومين الي ناقصينلي اعشهم من غير مشاكل
ذاك وزين: بعد الشر عليكي
لينا بصت ل ذاك: يعني مش هتعمل حاجه
ذاك بص ل زين وزين بصلو انو يهاودها وخلاص
ذاك: خلاص يالينا
لينا: اوعدني طيب
زين: يابنتي خلاص قومي قولي ل زينه تجهز ل ذاك الغدا وياريت تاكلي
ذاك: هي مش بتاكل ولا اي
زين: خاالص
ذاك بص ل لينا: ده ليه
لينا: طب انا هقوم قبل ما اطلع علي المسرح
لينا قامت وراحت ل زينه وحضرو الاكل وهما بيرغو و لينا بتفهم زينه الي حصل و بعد. كده خرجوه علي الطربيزه و ذاك طلع اوضتو خد دوش وغير علي السريع كده ونزل سلم علي عم محمد وزينه علشان عرفين بعض و بعد كده قعد ياكل
ذاك بص ل زين: البت دي اتغدت
زين: ولا فطرت حتى
ذاك : اقعدي كلي يالينا
لينا: مش عاوزه اكل كل انت
ذاك بصيغه امر: مش بعزم عليكي اقعدي
(لينا قعدت وبدأو ياكلو )
لينا: بس قولي انت عرفتني ازاي لما شوفتني
ذاك: انتي متغيرتيش كتير عن صغرك ملامحك لسه طفوليه ولسه قصيره يعني كل الي اتغير فيكي حاجات بسيطه في ملامحك قوليلي صح انتي رفعتي كده ليه بقيتي لحم علي عضم اوعي تقولي ان مكنوش بيأكلوكي كمان
لينا: لا بصراحه دي الحاجه الوحيده الي كانو بيعملوها بس انا الي مبقتش اكل
ذاك: ده ليه
لينا: عادي يابني متكبرش الموضوع
ذاك: ماشي ياستي
لينا: ده اكيد... هقوم انا اغسل ايدي
ذاك: ماشي
لينا قامت غسلت اديها ورجعت كان ذاك خلص اكل ف شالت الاكل هي وزينه بعد كده راحت ل زين وذاك في الصاله
زين: راحه فين
لينا: هقعد
زين: ليه انتي مش وراكي امتحان بكره
لينا: زيزو رجع وعاوزه اقعد معاه
ذاك بحنيه: يلا يالينا اطلعي ذاكري وانا هطلع انام علشان تعبان
لينا بغيظ: مذاكره مذاكره المذاكره دي مش بتخلص
زين بدراما: نسخه مصغره من ذاك ايام الدراسه
كلهم ضحكو
ذاك: يلا يابنتي وانا والله هنام وبكره نقعد طول اليوم
لينا: حاضر
لينا طلعت اوضتها تذاكر وذاك طلع نام من التعب وزين فضل قاعد لغايت معاد العشا ف طلعت زينه تشوف لينا تتعشا بس لقتها نايمه ف زين مكنش جعان اوي ف طلع نام
ـــــــــــــــــــــــــــــــــــــــــــــــــــــــــــــــــــــــــــ
ذاك: يبقا اخو مامت لينا الصغير يعني خال لينا الفرق مابينهم 6سنين يعني زي زين وعندو 27سنه ملامحه ايطاليه بشرته لونها ابيض بس مش اوي وشعرو عسلي وعندو دقن بسيطه لونها عسلي ولون عينو بني و طولو نفس طول زين ويبقا هو وزين اعز صحاب لبعض وكل اسرارهم مع بعض مش بيعرفو يخبو حاجه علي بعض يعني
ـــــــــــــــــــــــــــــــــــــــــــــــــــــــــــــــــــــــــ
لينا صحيت تاني يوم ولبست فستان سكري هادي ولبست حجابها ونزلت وكانت مستعجله
لينا وهي بتنزل من علي السلم بسرعه: صباح الخير
زين كان قاعد علي الطربيزه هيفطر: صباح النور تعالي افطري
لينا: لالا انا متاخره اوي
زين: براحه يابنتي هتقعي
لينا: يلا يلا سلام
لينا خرجت بسرعه وركبت العربيه و مشيت
زين بهدوء: اطلع مشيت
ذاك طلع من المطبخ وهو بياكل تفاحه
ذاك: حكيت ل عم محمد قصه حياتي كلها وهي لسه منزلتش
زين: معلش ياخويا يلا احنا
ذاك: بس اي رايك في البدلة
زين: اخر شياكه
ذاك بغرور: طبعا يابني مش زوقي
زين بضحك: طب يلا ياخويا
زين و ذاك خرجو و وقفو قدام العربيات
زين: ذاك خد عربيتك و معاها عربيه حراسه و اطلعو علي المصنع وانا هروح اجيبو واجيلكو
ذاك: هتجيبو ازاي
زين: متقلقش الموضوع بسيط يلا علشان منتأخرش
ذاك: ماشي
كل واحد اتحرك علي طريقو
ـــــــــــــــــــــــــــــــــــــــــــــــــــــــــــــــ
زين دخل المكتب و وراه كريم
زين: هو فين
كريم: مستنيك في اوضه الاجتماعات
زين: تمام انا هخرج وهاجي علي الظهر ف أجل المواعيد
كريم: حاضر بس متنساش حضرتك عندك معاد مع جاسر الساعه1
زين: تمام... وليد عامل اي في الشغل
كريم: بصراحه الي باين قدامي انو كويس ومش بيراكم شغل عليه وعندو افكار حلوه عاوز يعرضها علي حضرتك
زين: طب ابقا جهز الورق ابص عليها
كريم: تمام
ـــــــــــــــــــــــــــــــــــــــــــــــــــــــــــــــــــــــــ
زين دخل اوضه الاجتماعات
عمر قام وقف(عم لينا): اهلا اهلا استاذ زين
زين ببرود: تعالا معايا
عمر بإرتباك: فين
زين: مش عاوز اتكلم في مكتب
عمر:ماشي
زين و عمر نزلو
زين: اركب معايا وخلي عربيتك تروح وانا هبقا ارجعك البيت
عمر: هتعبك معايا
زين: روح بس قولهم يمشو ويلا علشان منتأخرش
عمر: حاضر
عمر راح خلا السواق و الحارس يخدو العربيه ويروحو ورجع ركب مع زين وكان مستغرب الطريق علشان كان طريق صحراوي
عمر: احنا رايحين فين أستاذ زين و اي الموضوع الي حضرتك عاوزني علشانو
زين بهدوء: حد عزيز عليك عاوز يشوفك متقلقش مش هنتأخر اوي
عمر اتوتر اكتر لغايط ما وصلو قدام المصنع ونزلو و دخلو وعمر كان خايف
عمر دخل بخوف: اي الي جبنا هنا
ذاك طلع من ورا الباب وكان ورا عمر: عامل اي ياعموره
عمر لف بخوف قابل بوكس من ذاك وقعو على الارض
ذاك: ليك وحشة والله
ذاك نزل في مستوى عمر
عمر بخوف: ذ..ذا.ك
ذاك ببرود: امم ذاك موفجأ مش كده
عمر بيمثل الحب بس بيتكلم بخوف:ازيك يابني..كده متسالش علينا ولا حتى علي لينا
ذاك بسخريه: هو انا مقولتلكش انا اصلا جايبك هنا علشانها
عمر بخوف وارتباك: ز.زين هو.الي.اخد..ها
ذاك قام وقف وبص للحراس ف جم مسكو عمر وقعدوه علي كرسي و ربطوه وزين قلع جاكيت البدله و قعد علي الكرسي بيشرب سجاره وبيتفرج بأستمتاع
ذاك لبس حديد في اديه: يعني ياواطي اسيبلك طفله تعمل فيها كده
وضربو بوكس خلاه وشو ينزف
ذاك بعصبيه: وربي لاندمك علي كل لحظه ضربتها
ونزل فيه ضرب لغايط ما اغمى عليه
زين: ماكفايه كده
ذاك بغيظ: متغااظ يازين متغاظ منو
زين: كفايه علشان يعرف يجي يعتذر ل لينا
ذاك: هي هتاخد بالها من الي حصل
زين كاتم ضحكتو: لا خااالص
ذاك قرب من عمر لقاه لسه بيتنفس
ذاك: ماهو عايش اهو مكبر الموضوع ليه
زين: طب انا هروح الشركه علشان ورايا اجتماع وكام حاجه كده
ذاك: ماشي و انا هقعد معاه
زين بتحذير: ذاك!
ذاك بضيق: نعم
زين: خليه عايش
ذاك بخبث: متقلقش
زين رمى السجاره ولبس جاكيت البدله و خرج ورجع الشركه
ـــــــــــــــــــــــــــــــــــــــــــــــــــــــــــــــ
لينا خلصت الامتحان و خرجت من المدرج وهي خارجه بره الجامعه سمعت بنات وراها بيتهامسو بس بصوت مسموع شويه هما بنات من دفعتها بس ملهمش علاقه بباقي الكليه لينا عرفاهم بس ك شكل بس
البنت¹: دي شكلها وقعت واقفه
البنت²: انتي مشفتيش عمل اي
البنت³: شوفت يابنتي بس بردو هما يستاهلو
لينا مقدرتش تقف ساكته ورجعت وقفت قدامهم
لينا: لو سمحت ممكن سؤال
البنات حسو بتوتر علشان عرفو انها سمعتهم
البنت³: اتفضلي
لينا: هو اي الي حصل
البنت¹: انتي متعرفيش!!
لينا: لا والله هو يوم غيبتو رجعت لقيت الدنيا اتشقلبت
البنت²: اصل خطيبك
لينا قطعتها بدهشه: خطيبي!!
البنت¹: قولتلكم ده جوزها
لينا بصدمه: جوزي!! انتو قصدكم علي مين بلظبط
البنت³ بتفكير: اسمو...اسمو...اه زين
لينا بصدمه: زين!! هو اي الي حصل
البنت²: زين ده بقا جيه وقلب الجامعه كلها
البنت³: خلا العميد يستقيل وهموت واعرف عملها ازاي
البنت¹: وبيقولو ان ابو احمد اتحبس في شحنه مخدرات والعلم عند الله
البنت²: ساره و ملك اختفو من اليوم ده ومحدش يعرف راحو فين
لينا بصدمه: واي كمان
البنت³: بيقولو ان زين دن اتخانق معاهم وضرب المعيد وكسر دراع احمد وكانت خناقه كبيره و كان معاه راجل تاني معرفش اسمو بس شكلو دراعو اليمين كده
البنت²: بس بصراحه يستاهلو انا فرحانه فيهم
لينا كانت سرحانه بصدمه
البنت¹: لينا... سرحتي في اي هو انتي مكنتيش تعرفي
لينا هزت راسها ب لا بصدمه
البنت³: بس شكلك غاليه اوي عندو
البنات: يابنتي... لينا... روحتي فين
لينا فاقت من السرحان: هاا ولا حاجه شكرا يابنات سلام
البنات: سلام
لينا مشيت وهي مصدومه ومكنتش مصدقه انو عمل كل ده
لينا ركبت العربيه بدون كلام
حازم: لينا... يالينا
ياسر باستغراب: مالها
حازم: معرفش
ياسر بصوت عالي: يالينا
لينا: اي اي
حازم: سرحانه في اي كل ده
لينا: لا ولا حاجه
ياسر: سقطي في الامتحان ولا اي
لينا: لا لا الحمدلله الامتحان كان كويس انا بس مصدعه شويه
ياسر: اممم
حازم: الف سلامه
لينا: الله يسلمك
لينا فضلت سرحانه لغايت ما وصلو البيت ونزلت بعد كده رجعت تاني العربيه وركبت
لينا: اطلعو علي العياده الي في اكتوبر الي روحنلها من مده
ياسر: بس زين بيه ميعرفش
لينا: مش هيقول حاجه متقلقش
حازم: لازم يعرف يالينا
لينا: يلا وانا هرن عليه اقولو يلا بس بسرعه
حازم بص ل ياسر بتردد
ياسر: يلا ياعم هي موته ولا اكتر
لينا: اسمع كلام ياسر
حازم: رفدي علي اديكو
لينا: علي الله
العربية اتحركت و لينا رنت علي زين لقت تليفونو مقفول مكملتش خمس دقايق كان دكتور مصطفى رن عليها
لينا: السلام عليكم
مصطفى: وعليكم السلام اي يابنتي مختفيه فين
لينا: والله مواضيع كتير اوي حصلت بس المهم ان ذاك رجع من السفر
مصطفى بفرحه: بجد الف الف مبروك
لينا: الله يبارك فيك
مصطفى: قولتلك صبراً جميل اديه رجع اهو الحمدلله
لينا: الحمدلله يارب المهم طمني عليك وعلي وليد
مصطفى: الحمدلله اتعين من اول يوم وبقا مدير الحسابات ومرتاح اوي في شغلو و مرتبو حلو اوي
لينا: طب الحمدلله و حماتو عملت اي لما عرفت
مصطفى: كانت متغاظه علشان عاوزه تجوز بنتها ل ابن اختها الي جي من الكويت بس طبعا معرفتش
لينا: ربنا يعينك ياوليد والله علي الست دي
مصطفى: خدي كلميه انتي بقا
لينا: هاتو
وليد خد الفون من مصطفى الي كان قاعد جنبو
وليد: اهلا اهلا بالي مش بتسال
لينا: انا بردو
وليد بضحك: لا بصراحه انا بس انتي عارفه بقا المرمطه الي انا فيها
لينا: ربنا يعينك والله قولي فطومه عامله اي وحشاني
وليد: بتسلم عليكي والله
لينا: الله يسلمها
وليد: بجد يالينا شكرا اوي انا مهما عملت مكنتش هعرف اوصل لشركه المنشاوي
لينا: متشكرنيش ولا حاجه ده رزقك و نصيبك اهم حاجه بس متصغرنيش
وليد: عيب عليكي
لينا: استنى انت المفروض دلوقتي تبقا في الشغل انت بتعمل اي عند ابوك
وليد: ابوك!! يخربيت الفاظك المهم ولا حاجه استأذنت من استاذ زين اروح علشان تعبان شويه وهروح للدكتور
لينا: الف سلامه عليك مالك
وليد: الله يسلمك ولا حاجه بس ضهري واجعني بقالو مده طويله وانا مش عارف اعملو اي ف هروح بقا للدكتور يكتبلي حاجه
لينا:اهااا الف سلامه
وليد: الله يسلمك
لينا: طب هقفل انا بقا سلملي علي فطومه و دكتور مصطفى
وليد: حاضر سلام
لينا: سلام
لينا قفلت وكانت وصلت قدام العماره الي فيها عياده ريما
ياسر: ده المكان صح
لينا: اه هو بوصو مش هتاخر المرادي بس لو عاوزين تلفو اي حته روحو وانا هخلص وارن عليكو تيجو
حازم: لا بدل ما يحصل حاجه
لينا: هيحصل اي يعني متكبرش الموضوع بوص في قهوه علي نصيه الشارع الجاي روحو اقعدو عليها عقبال ما اخلص
ياسر: اشطا
لينا طلعت ودخلت العياده
سلمى(سكرتيره ريما): اهلا يالينا اقعدي
لينا : ريما عندها حد ولا اي
سلمى: اه شويه وهتخلص اقعدي اعملك حاجه تشربيها
لينا: لا تسلمي قوليلي صح كنتي فين المره الي فاتت كنت هنا من كام يوم كده وملقتكيش
سلمى: كان عندي دور برد قمر كده
لينا: الف سلامه ملهم الناس كلها تعبانه ليه
سلمي: علشان تغير الجو احنا خلاص قربنا ندخل علي الشتاء
لينا: احلى جو والله
سلمي: حصل المطر وحشني
لينا: وانا كمان بجد
خرج شاب صغير من اوضه ريما ومشي
لينا: متقوليش ان ده المريض
سلمى باسف: للاسف هو
لينا: ياعمري ده صغير
سلمي: عندو 15سنه
لينا: ياعمري ده عندو اي
سلمي: باباه ومامتو مطلقين ومحدش فيهم مهتم بيه ومشاكل كتير كده ف جالو رهاب اجتماعي
ريما خرجت من الاوضه: ناقص حد تا.. اي دا لينا انتي بتختفي فين يابت
لينا: تعالي احكيلك
ريما:يلا
لينا: بعد اذنك
سلمي: اتفضلو
هما دخلو الاوضه وقعدو
لينا: انا دماغي عامله ايرووور
ريما: حصل اي
لينا: انا عرفت زين رجعني الكليه ازاي
ريما: ازاي
لينا حكتلها علي البنات والي قالوه
ريما بصدمه: زين عمل كل ده طب ليه
لينا: ما ده الي هيجنني وبعدين دول فكرينو خطيبي او جوزي ما هو ميعقلش ان واحد ميعرفنيش يعمل كل ده
ريما: هو ممكن يكون حبك؟!
لينا: لالا حب اي يابنتي هيحب واحده ميعرفهااااش هو ممكن اكون صعبت عليه
ريما: ممكن بردو
لينا: اقولك مفجأه
ريما: ابهريني
لينا: ذاك رجع من السفر
ريما بصدمه: ذاك مين.. ذاك خالك
لينا: ايوه
ريما: ولقتيه ازاي
لينا: هقولك....
وقعدت تحكلها كل الي حصل
ريما: الحكايه دي ميصدقاش طفل بتحكيلو قصه قبل النوم حرفيا
لينا: يابنتي ولا انا مصدقه والله انا صحيت كنت حاسه ان الي حصل ده حلم ولغايط دلوقتي حاسه اني في حلم
ريما: حقك بصراحه بس المهم انك لقتيه وان خلاص الي جي ورد ومفيش وحش تاني
لينا: اي يابت العشم ده وبعدين والله كل الي فارقلي ان الي ناقصلي في حياتي اعيشو مبسوطه
ريما: بطلي تشائم بقا تفألي خير
لينا: كلنا هنموت اي الي يدايق في كده انا يدوب اروح قبل ما زين يروح وذاك يصحى
ريما: ماشي ابقى كلميني طمنيني عليكي
لينا: حاضر
لينا و ريما خرجو بره الاوضه
ريما: يلا قفلي ياسلمى وهوصلك في طريقي
سلمى: ماشي
لينا: يلا سلام انا
ريما و سلمى: سلام
لينا نزلت لقت العربيه مركونه بس حازم وياسر مش موجودين ف راحتلهم القهوه لقتهم قاعدين جابت كرسي وقعدت قدامهم وياسر و حازم مصدومين
لينا: متيجو دومنه
ياسر و حازم: نعم!!
لينا: بتعرفو ولا لا
ياسر تحت تاثير الصدمه: بنعرف
لينا: طب يلا
ياسر و حازم بصين مش فاهمين حاجه
لينا: هتفضلو باصين كده كتير يلا نلعب دور ونقوم
حازم باستسلام: ماشي
وقعدو يلعبو و ياسر كسب وبعديه حازم و لينا خسرت
لينا: ادا بقااا العبو تاني
حازم بضحك: هتخسري بردو
لينا: مش هقوم غير لما اكسب
ياسر: ماشي تشربي اي
لينا: شاي
ياسر جبلها كوبايه شاي و قعدو لعبو دورين كمان لغايت ما لينا كسبت في الدور التالت
لينا: قولتلكم هكسبكم
حازم: ماشي ياستي مبروك عليكي
ياسر: انا بقول نقوم علشان اتاخرنا اوي
حازم: كلمتني استاذ زين صح؟
لينا: هاااا
ياسر: لو الي في دماغي صح فقومو جري نروح
هو قامو رجعو ركبو العربيه بسرعه ورجعو ولينا اتفقت معاهم انها هتقول انها عدت علي ريما لكن ولا يقولو قهوه ولا حاجه
لينا دخلت البيت وراحت ل زينه المطبخ
لينا: مساء الخير
زينه: مساء النور اي التاخير ده
لينا: خليها في سرك بقا
ذاك جيه من وراها: كنتي فين ياصيعه
لينا بخضه: يخربيتك خضتني
ذاك: بتصيعي فين كل ده مش المفروض تبقي في البيت 1 الظهر دلوقتي 3العصر
لينا: منا روحت ل ريما
ذاك: ريما مين
لينا: صحبتي ف عديت عليها اقعد معاها شويه
زينه: وطبعا مقولتيش ل استاذ زين
لينا: احم لا
زينه: ده هينفخك
ذاك بغرور: بس طبعا لو مكنتش موجود
لينا: اخوياااا
ذاك: يخربيتك تؤام ابوكي ده انا قولت اتغيرتي وبقيتي بنت كيوت بس السرسجي سرسجي
لينا: كلو الا تربيه بابا لو سمحت الله يرحمه
ذاك و زينه: الله يرحمه
لينا: بوصو احنا هنقول ل زين اني كنت عند ريما عادي يعني ولا حاجه
ذاك بخبث: كنتي فين تاني يالينا
لينا بارتباك: عند ريما بس
ذاك: تؤتؤ روحتي فين تاني
لينا بصوت مش مسموع: القهوه
ذاك مسمعش: ايه؟؟
لينا: احم القهوه
ذاك: يخربيتك روحتي القهوه تعملي اي
زين طلع من وراهم
زين: قهوه!
لينا بخفوت: اتفضحت
ذاك: كنتي بتعملي اي علي القهوه كنتي بتشربي شيشه؟
(كمل بدراما) شيشه يانوها!!!
لينا بدراما: شيشه يا عيد!
زين بعصبيه: انتو بتستعبطو شيشه اي!!
لينا: بهزر وبعدين انا عندي حساسيه علي صدري اصلا
زين: لو معندكيش كان هيبقا عادي يعني
لينا: بقولكو اي انتو هتحفلو من دلوقتي
زين:كنتي فين كل ده اصلا
لينا بصوت شبه مسموع: عند ريما
زين: وانتي قولتلي انك هتروحي
لينا: رنيت وانت مردتش و معيش رقم ذاك اقولو
ذاك: يابنتي قوليلي كنت بتعملي اي علي القهوه و مع مين
لينا: مكنوش دورين دومنه علي كل ده
ذاك: دومنه!! مع مين
لينا: ياسر وحازم
ذاك: مين دول كمان
لينا: السواق و الحارس
زين: يخربيتك هو ده الي فارق معاك
لينا:اهدو بس وتعالو نقعد
خرجو وقعدو في الصاله وهي قعدت علي كرسي قدامهم
زين: حصل اي بقا
لينا: انا روحت عند ريما شويه وقلتلهم يقعدو علي القهوه عقبال ما اخلص عقبال ما خلصت كسلت ارن عليهم ف روحتلهم القهوه وقولتلهم نلعب دور دومنه قامو الجزم كسبوني (كملت بفخر) بس في الاخر كسبت متقلقوش
زين بص ل ذاك بيأس: البت دي يامتخلفه ياهبله
لينا: والله انتو مكبرين الموضوع انا هطلع اغير ياعم وسعو
زقتهم وطلعت اوضتها
ذاك: رجعني امريكا وارمي البت دي ل عمها تاني
زين: انا بقول كده بردو استنى صح عملت اي معاه
ذاك ببراءه: وللا حاجه خالص
زين: انجز
ذاك: كلها كام ساعه ويجي و موضوعو يبقا خلص
زين: تمام انا هطلع اغير
ذاك: ماشي
ـــــــــــــــــــــــــــــــــــــــــــــــــــــــــــــــ
نص ساعه و اتجمعو كلهم علي طربيزه الاكل وقعدو ياكلو
لينا: صح يازين انت عملت اي في الجامعه
زين: عملت اي يعني مش فاهم
لينا: عملت اي يعني خلتهم يرجعوني وكمان العميد استقال ومفيش سيره في الجامعه غير عن الموضوع
زين: عادي يعني ولا حاجه
ذاك: هو حصل اي
لينا: ده انت محتاج قاعده اصل فاتك كتير اوي
ذاك: انا فاضي في اي وقت
لينا: اشطاا... زين
زين: نعم
لينا: انت هتعمل حاجه ل ياسر وحازم والله انا الي خلتهم يلعبو والله
زين: بس هما نفذو حاجات مش من اومري
لينا بصت ل ذاك برجاء
ذاك: خلاص يازين عديها المرادي
زين: استنو بس هما ازاي وافقو يمشو من غير موافقتي
لينا ببراءة: احم منا قولتلهم هكلمك اقولك وانك مش هيبقا عندك مانع ف احنا افتكرنا في الاخر اني نسيت ارن عليك
زين: اصلا!! الصبر يااارب
ذاك قاعد بيحاول يكتم ضحكتو
زين: اضحك ياخويا ما هي هتجيبو منين
ذاك بيكتم الضحكه: اللاه البت عاوزه تلعب دومنه متلعبش يعني
زين: ومالو ياخويا خليها تلعب..يارب كنت مبتليني بواحد بقو اتنين اللهم لا اسالك رد القضاء ولكني اسالك اللطف فيه
وقام من علي الاكل و ذاك و لينا ماتو من الضحك
بعد كده قامو ولينا وزينه شالو الاكل و زينه راحت مشوار و لينا و زين و ذاك قعدو يحكو لغايط ما الباب خبط و لينا قامت فتحت
لينا بصدمه: عمي!
عمر: اذيك يابنتي
لينا بخضه وخوف عليه: انت كويس اي الي حصل
عمر بص ل ذاك و زين الي واقفين ورا لينا
عمر: كانت حادثه بسيطه كده انا بس جي عاوز اقولك كلمتين لو تسمحيلي
لينا: اتفضل طبعا
ودخلو وكلهم قعدو وعمر بص ل لينا انهم يبقو لوحدهم ف لينا بصت ل ذاك و زين خلتهم يقومو
لينا: في اي ياعمي
عمر: انا جاي اعتذرلك علي الي عملتو معاكي انا كنت قاسي معاكي انا اسف يابنتي انا خلاص كبرت واحتمال اموت في اي لحظه وعاوز اموت وانا ومستريح و ذاك معاكي وزين انا بس عاوزك تسمحيني
لينا: اي الي حصل خلاك تقول كده
عمر بيأس بس تمثيل: ولا حاجه يابنتي وبعدين من ردك ده انتي كده مش مسمحاني
لينا قعدت عشر دقايق ساكته مغمضه عنيها بقوه و مخليه وشها في الارض و عماله تفرك ب اديها و رجليها عماله تترعش بشكل ملحوظ جدا
عمر بخوف من نظرات زين وذاك الي واقفين ورا: سمحيني يابنتي انا اسف والله انسيني حتى لو عاوزه... انا عارف اني كنت غلط وانك تعبتي معايا كتير وان كانت معاملتي وحشه وان كل الي عملتو غلط بس سامحيني عشان خاطر اغلى حد عندك
لينا بخفون: اغلى حد عندي هو اخوك الي انت بتكرهه ... انا مسمحاك بس ليا عندك طلب
عمر: أومري
لينا: انا مش عاوزه اشوفك تاني
عمر: حاضر
عمر قام مشي بسرعه و لينا فضلت قاعده علي نفس الحاله وذاك زين راحولها
ذاك:لينا انتي كويسه
لينا مردتش وكانت غمضه عنيها عماله تقفل بشكل اقوى اكنها بتفتكر كل اللحظات الي عدت عليها مع عمها و هزه رجليها كانت بتزيد وبتفرك باديها كتير
زين: لينا في اي
ذاك نزل علي ركبتو قدامها ومسك اديها جامد علشان تهدا: لينا فتحي عينك...فوقي
لينا فتحت عينها بهدوء
زين: اهدي هو خلاص مشي انسيه
لينا: ياريت كان ينفع انا هطلع اوضتي
وسابتهم وطلعت
ذاك بيأس: مكنتش متخيل انها توصل للمرحله دي كل ده بسببي يازين
زين: اهدا ده قدرها و الي حصل حصل دلوقتي الي عليك عوضها الي حصلها و خلي حالتها تتحسن
ذاك بتعب: يااارب
ـــــــــــــــــــــــــــــــــــــــــــــــــــــــــــــــ
لينا دخلت اوضتها فتحت الدرج و خرجت برشام وخدت حبايه علشان تهدا بس معملش مفعول وفضلت قاعده علي السرير ضامه رجليها عليها ومخبيه وشها بإديها وبتعيط
عدا ساعتين وزينه طلعت ندت لينا انهم بيقوللها تنزل وهي نزلت
لينا: احلى مسااا عليكم يارجاله
ذاك بصدمه: اكيد موصلتش للانفصام
زين بنفس الصدمه: مين دي
لينا بضحك: اهدو ياجماعه انا خلاص بقيت كويسه اهو
زين: انتي متاكده انك كويسه
لينا: ايوه ياعم متكبروش الموضوع المهم عملتو كده ليه
ذاك: عملنا اي
لينا: م انا مش هبله علشان اصدق انو عمل حدثه و سبحانه الله وشو بس الي اتصاب
زين: حتا لو عملنا مدايقه ليه
لينا: هقولكم
ذاك: قولي
لينا: بما ان كلنا هنموت ف انا عاوزه اكمل حياتي من غير خناق و اعيش يومين حلوين بقا كفايه خناق وكفايه الي حصل ف اوعدوني انكم مش هتعملو مشاكل بسببي تاني ولا نفتح سيره الماضي يلا اوعدوني
زين: ممكن
ذاك: هحاول
لينا: يارب اهديهم
زين وذاك في نفس الوقت: اميين
وقعدو كلهم يضحكو بعد كده زينه نادتهم علشان العشا جهز
لينا: انا يدوب بقا هطلع اكمل المذاكره وانام
زين: مش هتاكلي؟!
لينا: اعفوني من المهمه دي
ذاك: يلا يابت كلي علشان تعرفي تركزي وانتي بتذاكري
لينا: ما انا..
زين قاطعها: انتي بتناهدي كتير كده ليه ماتقعدي بقا
لينا: حااضر
وقعدو اتعشو بعد كده كل واحد طلع اوضتو ولينا سهرت تذاكر شويه بعد كده نامت
ـــــــــــــــــــــــــــــــــــــــــــــــــــــــــــــــــــــــ
كده البارت خلص ياقمرات قولولي رايكم علشان بجد تعبت فيه واعملو ڤويت و كومنت علي البارت
وعاوزاكم تتوقعو اي الي هيحصل بعد كده
وهل ذاك ولينا هيفضلو عايشين مع زين؟
وهل عمر هياخد حقو ولا هيخاف؟
وياترا اي تاني مستنيهم؟
اقابلكم في البارت الجاي ياقمرات سلاااام🙈💕
"چنا عمرو"
كُل الأوقات التي أقضيها معك لا أريد أن تنتهي أبدًا أريد أن تقف اللحظة التي نكون بها معاً...♡
أنت تقرأ
لن اتخلى عنكِ
Romanceلن تكمل قصتي معك و لكن اقسم انني لم أكمل قصتي الا معك I Didn't complete my story with you, but I swear that I Didn't complete my story without you
