(بعد فتره)
عدت مده و الاحوال بقت كويسه لينا بقت جزء من العيله و الكل حبها واتعود عليها و بقت هي وزين اقرب من الاول وبيقعدو مع بعض كتير و بيتكلمو كتير و بقو صحاب جدا و ذاك سافر وبقا عمال يسافر ويرجع تاني و حياتو مش مستقره بس بقا مطمن علي لينا علشان معاهم و اركان و خديجه و ادم و زين بقو يقعدو في القاهره طول الاسبوع و يجو من بدايه يوم الخميس و يمشو يوم السبت بليل علشان الشغل معادا ادم الي شغلو كان متلغبط شويه بسبب شغلو في المخابرات بس كان بينزل اجازات و يروحلهم و مشت الاحوال علي كده لغايت ما الدراسه رجعت و لينا وميرال هيعملو زي ما اتفقو ولينا هتروح سكن الطلاب مع ميرال و صحبتها و قدمو في السكن و وافقو و لما هيدرسو و هينزلو في الاجازات هيروحو البلد مع بعض بس حد هيجي ياخدهم يعني
ـــــــــــــــــــــــــــــــــــــــــــــــــــــــــــــــ
الكل واقف بيودع لينا وميرال
هدى حضنت لينا وهي بتعيط: هتوحشيني جوي يابنتي
لينا: وانتي كمان والله ياهدهد
ميرال وهي واقفه في حضن جدها: خلاص بقا ياهدهد بطلي عياط
هدى: خلي بالكم من نفسكم
لينا وميرال: حاضر
ادم: خلاص ياهدهد بقالك اسبوع بتقوللهم كده
هدى: ملكش دعوه ياواد
زين وهو بيشيل الشنط في العربيه: يلا بقا هنتأخر
ميرال: يعني كنا رايحين الجنه انت كمان
زين: شوف تربيتك ياجدي
المنشاوي: ميرال انا قولتلك اي
ميرال بملل: اكلم الي اكبر مني حلو
المنشاوي: اهي شاطره وحافظه مدايق ليه
زين: والله دلعك ليها ده الي هيودينا في داهيه
أركان وهو بيقفل شنطه العربيه: انا خلصت
ادم: وانا كمان
زين: طب يلا نتحرك
الكل سلم بعد كده ذاك ركب مع ادم و ساب عربيتو عند المنشاوي علشان ذاك هيسافر و أركان و خديجه ركبو عربيه و زين كان معاه ميرال و لينا علشان اصرو انهم يبقو مع بعض في الطريق و العربيات اتحركت و كان وراهم تلات عربيات حراسه
لينا: ميرال هو انتي بتمشي بحراسه؟
ميرال بملل: اه وهيبقو معانا هناك
لينا بصدمه: افندم!
ميرال: حاجه تشل
لينا: اتفق
زين: يارب بس متعملوش حركه متخلفه كده ولا كده هاا يالينا
لينا بتمثيل: انا يابني ده انا غلبانه وميطلعش مني العيبه
زين: اوماااال انتي هتقوليلي
ميرال بصوت واطي: هنعمل اي
لينا: لما نوصل هقولك
زين: انا بقول تنامو علشان انا مش ناقص صداع
لينا: لا انا قاعده
زين: هو انتي بتعندي وخلاص
لينا: بستمتع وانا بدايقك كده بحس بفرحه وانت مدايق
زين: حسبي الله ونعم الوكيل بت احنا لسه في اول الطريق
لينا: ايوه اعملك اي يعني انط من العربيه علشان ترتاح انا اقولك وديني ل ذاك
زين: ميرا اكتمي الراديو الي فتح جنبك ده
لينا بصوت عالي شويه: وديني ل ذاااك
زين رن علي ذاك و حط التليفون علي مكبر الصوت
زين: حسبي الله ونعم الوكيل في الي قال اني اسوق بل بت دي
ذاك بضحك: انت لحقت ده احنا لسه مقولناش ياهادي
لينا بصوت عالي علشان ذاك يسمعها: ياذاك زين عمال يزعقلي وبيقول عليا راديو انا راديو!!
ذاك: وانتي عملتي اي علشان يقول كده
لينا: قولي ياميرال انا عملت اي
ميرال: ياذاك البت متكلمتش خالص
زين: ياجدع
لينا بتمثيل: من كتر الوجع
زين: اخرسي بقا يخربيتك
ذاك بضحك: خلاص اهدو اهدو
ميرال: ياعم دول صداع انا هنام احسن
ذاك: وانا والله عاوز انام يلا سلام
زين: سلام ياخويا
ذاك قفل
عدا وقت و ميرال كانت نامت و لينا ماسكه كتاب بتقرأ بعد كده قطعت الصمت
لينا: زين
زين: امم
لينا: ما تقف علي جنب واجي اركب قدام
زين: ليه
لينا: ياعم انجز
زين: ياصبر أيوب
زين ركن علي جنب و لينا نزلت وركبت قدام بعد كده زين كمل طريقو
لينا: الواحد حاسس انو ماشي وسط جيش بكميه العربيات دي
زين: ما كل عربيه فينا ليها عربيه حراسه و انتو عربيتكو هتبقا هناك عند السكن
لينا بصوت واطي: هبقا اسربها
زين: بتقولي اي
لينا: تاكل؟! معايا سندوتشات
زين: معاكي واحد جبنه رومي
لينا: اه استني
لينا طلعت علبه السندوتشات من شنطتها و طلعت سندوتش ل زين و واحد ليها
لينا: اتفضل
زين: شكرا بس عارفه ناقص اي
لينا: حاجه تبلع بيها
زين: شكلك فاهم ينصه
لينا: عيب عليك انا مظبطه كل حاجه
لينا طلعتو كنز بيبسي و فتحتها و ادتهالو
لينا: مسا مسا يا إبراهيم
زين: مسا مسا يا رءوف
زين شاف الكتاب الي مع لينا
زين: بتقرأي اي
لينا: ارض السافلين
زين: ده تاليف أحمد خالد!؟
لينا: أه
زين:واي رايك فيه
لينا: كتاب رايق كده بيفهمك كل حاجه بتشوفها قدامك وتفتكرها عادي بس هي مش عادي خالص و حاجات مكنتش تيجي في بالك بص هو كتاب جامد
زين: الكاتب شاطر وبيعرف بيوصل المعلومه هو اه بيلغبط شويه بس حلو
لينا: أتفق
لينا رجعت تاني للكتاب و فضلت تقرا و معداش كتير و كسرت الصمت
لينا: ينفعش اسالك سوال
زين: قولي
لينا: ازاي في سن صغير عرفت تبقا من اكبر رجال الاعمال وشركتك من اكبر الشركات في الشرق الاوسط
زين: بصي ياستي انا والدي كان رجل اعمال اسمو رفعت المنشاوي ف لما توفى الشركه بتاعتو اتقفلت وانا كنت لسه صغير المهم اني سافرت امريكا ودرست بيزنس واتخرجت و اشتغلت في شركه من اكبر شركات العالم و اتعلمت فيها كل حاجه وخدت خبره كبيره و فضلت اشتغل لغايط ما حسيت اني خلاص قادر اقف علي رجلي لوحدي ف رجعت مصر و فتحت شركه بابا تاني و اشتغلت فيها لغايت ما الشركه كبرت تاني و فتحت بدل الشركه كذه شركه
لينا سقفت: قصه كفاح تشرف اهنيك عليها
زين بغرور: شكرا شكرا
لينا بضحك: متتغرش اوي كده بكره ابقاfashion designer (مصممه ازياء) ومعرفكش تاتي
زين: يختي يختي
لينا: عارف فرحانه اني هرجع القاهره ليه
زين: ليه ماهو اكيد مش علشان الدراسه
لينا: ده اكيد طبعا بس العيال في الملجأ وحشوني اوي وانا كده بقالي كتير غايبه عنهم و كمان ريما وحشتني
زين: ربنا يخليكي ليهم
لينا: يارب...زين ممكن اطلب طلب
زين: طلباتك كتير
لينا: معلش بس حاجه مهمه
زين: قولي
لينا بحزن: لو حصلي حاجه في يوم متسبهمش و تزورهم كل مده
زين: بعد الشر عليكي وبعدين هيحصلك اي يعني ده انتي قطه بسبع ارواح
لينا: محدش ضامن عمره يازين
زين: ونعمه بالله
لينا فضلت ساكته و سرحانه بيأس
زين: لينا...بت...ياليلوو
لينا: اممم
زين: سرحانه في اي
لينا: هو انا لو مت هتزعل؟
زين: بطلي هزار اي السوال ده
لينا بجديه: مش بهزر...انا لو حصلي حاجه هتزعل عليا
زين ركن العربيه علي جنب و كانت استراحه و كان اول عربيه توصل فيهم
زين لف وبصلها: بتقولي كده ليه
لينا: مجرد سوال
زين بص لعنيها واتكلم بسرحان: مش عارف..انا اتعودت عليكي ف ازاي بتقوليلي انك في يوم هتمشي
لينا بيأس: بس ده قدر
زين بص قدامو وسكت شويه بعد كده بصلها واتكلم: لينا بتسالي ليه السوال ده
لينا: جه في دماغي ف قولتو
زين بحزن: اخر مره اتسالت فيها السوال ده كانت ليال و بعديها ب تلات ايام ماتت
زين سابها ونزل و لينا كانت قاعده مش عارفه تعمل اي
بعد كده لقت عربيه ادم و أركان وصلو وركنو العربيه و نزلو ف لينا صحت ميرال
لينا: ميرال... ميرو...يابت
ميرال: امم
لينا: احنا وصلنا الاستراحه عاوزه تنزلي
ميرال دعكت عينيها: اه هنزل افك رجلي شويه
لينا: طب يلا
كانت الشمس بتشرق وكانت المنظر جميل
لينا وميرال نزلو و راحلهم كانو وقفين قدام الكافتريا
لينا: مساء الخير
خديجه: مساء النور
ذاك: هتشربو اي
ميرال: انا عاوزه قهوه زياده
لينا: شوفلي كده لو في جنزبيل
ادم: جنزبيل!!! حد بيشرب جنزبيل
لينا: ملكش دعوه انا بحبو اللاه
ادم: خلاص هنشوفلك اقعدو انتو واحنا هنجيب ونيجي
ميرال: ماشي
ذاك: اقعد انت معاهم ياأركان وانا و ادم هنجيب ونيجي
أركان: خلاص ماشي
هما قعدو و أدم و ذاك دخلو يجيبو
لينا: زين فين
أركان: واقف هناك اهو
لينا: طب هروح اشوفو
لينا راحتلو وكان واقف باصص للشمس وهي بتشرق وبيشرب سجاره
لينا: احم
زين شرب اخر نفس في السجاره ورماها
لينا بأسف: أنا اسفه اني دايقتك
زين: حصل خير
لينا: كنت بتحبها
زين: اختي اكيد هحبها عليكي اساله يابت عجيبه
لينا: اللاه بسال...طب هسال سوال تاني علشان فضولي مموتني عليها
زين: خيير قولي
لينا: هي ماتت وهي عندها كام سنه
زين: 18
لينا: الله يرحمها
زين: امين
لينا: تصدق انك عيل كئيب مكنش سوال يعني اومال لو مت بجد هتعمل اي
زين: بعد الشر
لينا: ولا شر ولا حاجه ده نصيب وبعدين اول ما زعلت شربت سجاره كده علطول انا مش قولتلك متشربش
زين: دي واحده!!!
لينا: ولو متشربش ولا واحده ولا بقا علشان هتشغل في الدراسه ومش هعرف ارغي معاك ف هتقعد تشربلي في سجاير وقرف
زين: وانتي اي الي يرضيكي دلوقتي
لينا: متشربش سجاير تاني خالص
زين: خالص!!!
لينا بأمر: خالص ولا واحده ولما تبقا زهقان وخلاص يعني هتموت وتشرب واحده رن عليا رنه بس وانا هشغلك و افضل ارغي لغايط ما تنسى السجاير خالص
زين: أمري لله ماشي
أركان شاور ل زين يجو
زين: طب يلا نروحلهم
لينا: يلا
هما راحولهم
ذاك ضيق عنيه وباصلهم: كنت بتتكلمو في اي
زين بهدوء وهو بياخد القهوه: كانت بتديني تقرير عن اضرار شرب السجاير
ذاك بشك: اممم ماشي
لينا: لقيتو جنزبيل
ادم: اه حظك حلو خدي
لينا خدت الكوبايه: تسلم يابا
زين بإستغراب: انتي بتشربي جنزبيل
لينا بضحك: انتو مستغربين كده ليه انا بحبو
أركان: والله جدعه ده مفيد جدا للجسم
زين: ياعم اتنيل انا لو نفخت فيها هتقع
لينا بثقه: لا علفكره ميغركش ده انا بميت راجل
زين بصلها من تحت لفوق
لينا اتكلمت بصوت واطي لادم الي كان قاعد جنبها
لينا بصوت واطي: هو انا اڤورت
ادم بصوت واطي: شويه
لينا بصتلهم: احنا ممكن نقول خمسين راجل كفايه
كلهم ضحكو
زين: اتوكسي
لينا بقرف: مجتمع ذكوري متعفن
ميرال: ايوه اتفق
خديجه: حصل وانا شاهده
أركان: شاهده علي اي ياعنيا
خديجه: لا ياحبيبي وهو انا اتكلمت
أركان: بحسب
لينا بصوت واطي ل خديجه بس الكل كان سامعهم
لينا: لو ماسك عليكي حاجه قولي
خديجه بصوت واطي الكل سامعو: بعيد عن السامعين كده ياختي بس الجدع ده يبقا جوزي ولو اعترضت هتعلق من قفايا
لينا: انتي اي بس الي رماكي معاه يابنتي
خديجه: القلب وما يريد بقا هنعمل اي
الكل كان كاتم ضحكو علشان اندماج لينا و خديجه
أركان: انا حاسس انكم بتتكلمو عليا
خديجه: لا ياحبيبي ده انا بقولها قد اي انت راجل ديمقراطي و بتقبل بلاعتراض عادي
أركان: امم بحسب
الكل ضحك عليهم
ـــــــــــــــــــــــــــــــــــــــــــــــــــــ
بعد كده قعدو شويه و قامو ركبو العربيات و اتحركو و لينا ركبت قدام جنب زين و ميرال وره هتنام
ميرال: مش هتنامي يا لولي
لينا: لا ياميرو نامي انتي انا مش هنام علشان اعرف انام هناك
ميرال: ماشي تصبحو علي خير
لينا و زين: وانتي من اهل الخير
ميرال نامت و لينا فضلت سرحانه في الطريق
زين: سرحانه في اي
لينا بتردد: ولا حاجه
زين: قولي
لينا: بصراحه عاوزه اطمن علي عمي و مراتو
زين بصدمه: نعم!! ده الي هو ازاي
لينا: انا عاوزه اطمن عليهم و بلذات علي طنط سماح هي والله طيبه بس التعامل الي عمي كان بيتعاملو معاها و انها مش بتخلف كل دي حاجات خلتها متحبنيش
زين: وعاوزه تطمني ليه
لينا: يازين دول اهلي مهما حصل ومقدرش اتخلى عنهم مهما حصل و بعدين لو طنط سماح تعبت او حصلها حاجه اونكل عمر مش هيهتم بيها وهي ست كبيره
زين: وانتي مقولتيش ليه ل ذاك
لينا: شغل مخك معايا ذاك متهور في قرراته و عصبي و بيكره عمي و اي حد من نحيتو
زين: بس ده حقو انتي مشوفتيهوش وهو قالب عليكي الدنيا و قلبو محروق عليكي وكمان لما عرف الي عملوه فيكي كان لازم يكرهم
لينا: مهما حصل يازين الدم عمره ما هيبقا مايه وبصراحه انا عاوزه اطمن علي طنط سماح اكتر انا قلبي مش مطمني ناحيتها وحاسه ان فيها حاجه
زين: طب و المطلوب مني
لينا: يابني شغل عقلك بقولك عاوزه اطمن عليها يعني جبلي اخبارها
زين:و المقابل
لينا: شوف عاوز اي
زين: مش عارف بس كده انا ليا عندك واحده
لينا: اشطا
زين: خلصانه وبعون الله
لينا: هو انت عملت اي لما جيت الجامعه
زين: اي السوال الخبط اللزق ده
لينا بضحك: حبيت افجأك بس جاوب
زين بهدوء: جبتلك حقك
لينا: نص برود اعصابك و هحكم العالم
زين ضحك
لينا: طب مش ده المهم علشان العيال حكولي الي حصل المهم ساره وملك عملت اي معاهم
زين: ملكيش دعوه
لينا: مش بهزر
زين: ولا انا
لينا: قول بقا
زين: من ستره ربه ميفضحوش عبده
لينا: ونعمه بالله طب شغل قران
زين: حاضر
زين شغل سوره" العنكبوت" بصوت الشيخ "عبدالرحمن
مسعد" وكانت حاجه في قمه الهدوء و الجمال
ــــــــــــــــــــــــــــــــــــــــــــــــــــــ
بِسْمِ اللَّهِ الرَّحْمَنِ الرَّحِيمِ
{الم (1) أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ (2) وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ (3) أَمْ حَسِبَ الَّذِينَ يَعْمَلُونَ السَّيِّئَاتِ أَنْ يَسْبِقُونَا سَاءَ مَا يَحْكُمُونَ (4) مَنْ كَانَ يَرْجُو لِقَاءَ اللَّهِ فَإِنَّ أَجَلَ اللَّهِ لَآتٍ وَهُوَ السَّمِيعُ الْعَلِيمُ (5) وَمَنْ جَاهَدَ فَإِنَّمَا يُجَاهِدُ لِنَفْسِهِ إِنَّ اللَّهَ لَغَنِيٌّ عَنِ الْعَالَمِينَ (6) وَالَّذِينَ آمَنُوا وَعَمِلُوا الصَّالِحَاتِ لَنُكَفِّرَنَّ عَنْهُمْ سَيِّئَاتِهِمْ وَلَنَجْزِيَنَّهُمْ أَحْسَنَ الَّذِي كَانُوا يَعْمَلُونَ (7) وَوَصَّيْنَا الْإِنْسَانَ بِوَالِدَيْهِ حُسْنًا وَإِنْ جَاهَدَاكَ لِتُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا إِلَيَّ مَرْجِعُكُمْ فَأُنَبِّئُكُمْ بِمَا كُنْتُمْ تَعْمَلُونَ (8) وَالَّذِينَ آمَنُوا وَعَمِلُوا الصَّالِحَاتِ لَنُدْخِلَنَّهُمْ فِي الصَّالِحِينَ (9) وَمِنَ النَّاسِ مَنْ يَقُولُ آمَنَّا بِاللَّهِ فَإِذَا أُوذِيَ فِي اللَّهِ جَعَلَ فِتْنَةَ النَّاسِ كَعَذَابِ اللَّهِ وَلَئِنْ جَاءَ نَصْرٌ مِنْ رَبِّكَ لَيَقُولُنَّ إِنَّا كُنَّا مَعَكُمْ أَوَلَيْسَ اللَّهُ بِأَعْلَمَ بِمَا فِي صُدُورِ الْعَالَمِينَ (10) وَلَيَعْلَمَنَّ اللَّهُ الَّذِينَ آمَنُوا وَلَيَعْلَمَنَّ الْمُنَافِقِينَ (11) وَقَالَ الَّذِينَ كَفَرُوا لِلَّذِينَ آمَنُوا اتَّبِعُوا سَبِيلَنَا وَلْنَحْمِلْ خَطَايَاكُمْ وَمَا هُمْ بِحَامِلِينَ مِنْ خَطَايَاهُمْ مِنْ شَيْءٍ إِنَّهُمْ لَكَاذِبُونَ (12) وَلَيَحْمِلُنَّ أَثْقَالَهُمْ وَأَثْقَالًا مَعَ أَثْقَالِهِمْ وَلَيُسْأَلُنَّ يَوْمَ الْقِيَامَةِ عَمَّا كَانُوا يَفْتَرُونَ (13) وَلَقَدْ أَرْسَلْنَا نُوحًا إِلَى قَوْمِهِ فَلَبِثَ فِيهِمْ
أَلْفَ سَنَةٍ إِلَّا خَمْسِينَ عَامًا فَأَخَذَهُمُ الطُّوفَانُ وَهُمْ ظَالِمُونَ (14) فَأَنْجَيْنَاهُ وَأَصْحَابَ السَّفِينَةِ وَجَعَلْنَاهَا آيَةً لِلْعَالَمِينَ (15) وَإِبْرَاهِيمَ إِذْ قَالَ لِقَوْمِهِ اعْبُدُوا اللَّهَ وَاتَّقُوهُ ذَلِكُمْ خَيْرٌ لَكُمْ إِنْ كُنْتُمْ تَعْلَمُونَ (16) إِنَّمَا تَعْبُدُونَ مِنْ دُونِ اللَّهِ أَوْثَانًا وَتَخْلُقُونَ إِفْكًا إِنَّ الَّذِينَ تَعْبُدُونَ مِنْ دُونِ اللَّهِ لَا يَمْلِكُونَ لَكُمْ رِزْقًا فَابْتَغُوا عِنْدَ اللَّهِ الرِّزْقَ وَاعْبُدُوهُ وَاشْكُرُوا لَهُ إِلَيْهِ تُرْجَعُونَ (17) وَإِنْ تُكَذِّبُوا فَقَدْ كَذَّبَ أُمَمٌ مِنْ قَبْلِكُمْ وَمَا عَلَى الرَّسُولِ إِلَّا الْبَلَاغُ الْمُبِينُ (18) أَوَلَمْ يَرَوْا كَيْفَ يُبْدِئُ اللَّهُ الْخَلْقَ ثُمَّ يُعِيدُهُ إِنَّ ذَلِكَ عَلَى اللَّهِ يَسِيرٌ (19) قُلْ سِيرُوا فِي الْأَرْضِ فَانْظُرُوا كَيْفَ بَدَأَ الْخَلْقَ ثُمَّ اللَّهُ يُنْشِئُ النَّشْأَةَ الْآخِرَةَ إِنَّ اللَّهَ عَلَى كُلِّ شَيْءٍ قَدِيرٌ (20) يُعَذِّبُ مَنْ يَشَاءُ وَيَرْحَمُ مَنْ يَشَاءُ وَإِلَيْهِ تُقْلَبُونَ (21) وَمَا أَنْتُمْ بِمُعْجِزِينَ فِي الْأَرْضِ وَلَا فِي السَّمَاءِ وَمَا لَكُمْ مِنْ دُونِ اللَّهِ مِنْ وَلِيٍّ وَلَا نَصِيرٍ (22) وَالَّذِينَ كَفَرُوا بِآيَاتِ اللَّهِ وَلِقَائِهِ أُولَئِكَ يَئِسُوا مِنْ رَحْمَتِي وَأُولَئِكَ لَهُمْ عَذَابٌ أَلِيمٌ (23) فَمَا كَانَ جَوَابَ قَوْمِهِ إِلَّا أَنْ قَالُوا اقْتُلُوهُ أَوْ حَرِّقُوهُ فَأَنْجَاهُ اللَّهُ مِنَ النَّارِ إِنَّ فِي ذَلِكَ لَآيَاتٍ لِقَوْمٍ يُؤْمِنُونَ (24) وَقَالَ إِنَّمَا اتَّخَذْتُمْ مِنْ دُونِ اللَّهِ أَوْثَانًا مَوَدَّةَ بَيْنِكُمْ فِي الْحَيَاةِ الدُّنْيَا ثُمَّ يَوْمَ الْقِيَامَةِ يَكْفُرُ بَعْضُكُمْ بِبَعْضٍ وَيَلْعَنُ بَعْضُكُمْ بَعْضًا وَمَأْوَاكُمُ النَّارُ وَمَا لَكُمْ مِنْ نَاصِرِينَ (25) فَآمَنَ لَهُ لُوطٌ وَقَالَ إِنِّي مُهَاجِرٌ إِلَى رَبِّي إِنَّهُ هُوَ الْعَزِيزُ الْحَكِيمُ (26)
وَوَهَبْنَا لَهُ إِسْحَاقَ وَيَعْقُوبَ وَجَعَلْنَا فِي ذُرِّيَّتِهِ النُّبُوَّةَ وَالْكِتَابَ وَآتَيْنَاهُ أَجْرَهُ فِي الدُّنْيَا وَإِنَّهُ فِي الْآخِرَةِ لَمِنَ الصَّالِحِينَ (27) وَلُوطًا إِذْ قَالَ لِقَوْمِهِ إِنَّكُمْ لَتَأْتُونَ الْفَاحِشَةَ مَا سَبَقَكُمْ بِهَا مِنْ أَحَدٍ مِنَ الْعَالَمِينَ (28) أَئِنَّكُمْ لَتَأْتُونَ الرِّجَالَ وَتَقْطَعُونَ السَّبِيلَ وَتَأْتُونَ فِي نَادِيكُمُ الْمُنْكَرَ فَمَا كَانَ جَوَابَ قَوْمِهِ إِلَّا أَنْ قَالُوا ائْتِنَا بِعَذَابِ اللَّهِ إِنْ كُنْتَ مِنَ الصَّادِقِينَ (29) قَالَ رَبِّ انْصُرْنِي عَلَى الْقَوْمِ الْمُفْسِدِينَ (30) وَلَمَّا جَاءَتْ رُسُلُنَا إِبْرَاهِيمَ بِالْبُشْرَى قَالُوا إِنَّا مُهْلِكُو أَهْلِ هَذِهِ الْقَرْيَةِ إِنَّ أَهْلَهَا كَانُوا ظَالِمِينَ (31) قَالَ إِنَّ فِيهَا لُوطًا قَالُوا نَحْنُ أَعْلَمُ بِمَنْ فِيهَا لَنُنَجِّيَنَّهُ وَأَهْلَهُ إِلَّا امْرَأَتَهُ كَانَتْ مِنَ الْغَابِرِينَ (32) وَلَمَّا أَنْ جَاءَتْ رُسُلُنَا لُوطًا سِيءَ بِهِمْ وَضَاقَ بِهِمْ ذَرْعًا وَقَالُوا لَا تَخَفْ وَلَا تَحْزَنْ إِنَّا مُنَجُّوكَ وَأَهْلَكَ إِلَّا امْرَأَتَكَ كَانَتْ مِنَ الْغَابِرِينَ (33) إِنَّا مُنْزِلُونَ عَلَى أَهْلِ هَذِهِ الْقَرْيَةِ رِجْزًا مِنَ السَّمَاءِ بِمَا كَانُوا يَفْسُقُونَ (34) وَلَقَدْ تَرَكْنَا مِنْهَا آيَةً بَيِّنَةً لِقَوْمٍ يَعْقِلُونَ (35) وَإِلَى مَدْيَنَ أَخَاهُمْ شُعَيْبًا فَقَالَ يَا قَوْمِ اعْبُدُوا اللَّهَ وَارْجُوا الْيَوْمَ الْآخِرَ وَلَا تَعْثَوْا فِي الْأَرْضِ مُفْسِدِينَ (36) فَكَذَّبُوهُ فَأَخَذَتْهُمُ الرَّجْفَةُ فَأَصْبَحُوا فِي دَارِهِمْ جَاثِمِينَ (37) وَعَادًا وَثَمُودَ وَقَدْ تَبَيَّنَ لَكُمْ مِنْ مَسَاكِنِهِمْ وَزَيَّنَ لَهُمُ الشَّيْطَانُ أَعْمَالَهُمْ فَصَدَّهُمْ عَنِ السَّبِيلِ وَكَانُوا مُسْتَبْصِرِينَ (38) وَقَارُونَ وَفِرْعَوْنَ وَهَامَانَ وَلَقَدْ جَاءَهُمْ مُوسَى بِالْبَيِّنَاتِ فَاسْتَكْبَرُوا فِي الْأَرْضِ وَمَا كَانُوا سَابِقِينَ (39) فَكُلًّا أَخَذْنَا بِذَنْبِهِ فَمِنْهُمْ مَنْ أَرْسَلْنَا عَلَيْهِ حَاصِبًا وَمِنْهُمْ مَنْ أَخَذَتْهُ الصَّيْحَةُ وَمِنْهُمْ مَنْ خَسَفْنَا بِهِ الْأَرْضَ وَمِنْهُمْ مَنْ أَغْرَقْنَا وَمَا كَانَ اللَّهُ لِيَظْلِمَهُمْ وَلَكِنْ كَانُوا أَنْفُسَهُمْ يَظْلِمُونَ (40) مَثَلُ الَّذِينَ اتَّخَذُوا مِنْ دُونِ اللَّهِ أَوْلِيَاءَ كَمَثَلِ الْعَنْكَبُوتِ اتَّخَذَتْ بَيْتًا وَإِنَّ أَوْهَنَ الْبُيُوتِ لَبَيْتُ الْعَنْكَبُوتِ لَوْ كَانُوا يَعْلَمُونَ (41) إِنَّ اللَّهَ يَعْلَمُ مَا يَدْعُونَ مِنْ دُونِهِ مِنْ شَيْءٍ وَهُوَ الْعَزِيزُ الْحَكِيمُ (42) وَتِلْكَ الْأَمْثَالُ نَضْرِبُهَا لِلنَّاسِ وَمَا يَعْقِلُهَا إِلَّا الْعَالِمُونَ (43) خَلَقَ اللَّهُ السَّمَاوَاتِ وَالْأَرْضَ بِالْحَقِّ إِنَّ فِي ذَلِكَ لَآيَةً لِلْمُؤْمِنِينَ (44) اتْلُ مَا أُوحِيَ إِلَيْكَ مِنَ الْكِتَابِ وَأَقِمِ الصَّلَاةَ إِنَّ الصَّلَاةَ تَنْهَى عَنِ الْفَحْشَاءِ وَالْمُنْكَرِ وَلَذِكْرُ اللَّهِ أَكْبَرُ وَاللَّهُ يَعْلَمُ مَا تَصْنَعُونَ (45) وَلَا تُجَادِلُوا أَهْلَ الْكِتَابِ إِلَّا بِالَّتِي هِيَ أَحْسَنُ إِلَّا الَّذِينَ ظَلَمُوا مِنْهُمْ وَقُولُوا آمَنَّا بِالَّذِي أُنْزِلَ إِلَيْنَا وَأُنْزِلَ إِلَيْكُمْ وَإِلَهُنَا وَإِلَهُكُمْ وَاحِدٌ وَنَحْنُ لَهُ مُسْلِمُونَ (46) وَكَذَلِكَ أَنْزَلْنَا إِلَيْكَ الْكِتَابَ فَالَّذِينَ آتَيْنَاهُمُ الْكِتَابَ يُؤْمِنُونَ بِهِ وَمِنْ هَؤُلَاءِ مَنْ يُؤْمِنُ بِهِ وَمَا يَجْحَدُ بِآيَاتِنَا إِلَّا الْكَافِرُونَ (47) وَمَا كُنْتَ تَتْلُو مِنْ قَبْلِهِ مِنْ كِتَابٍ وَلَا تَخُطُّهُ بِيَمِينِكَ إِذًا لَارْتَابَ الْمُبْطِلُونَ (48) بَلْ هُوَ آيَاتٌ بَيِّنَاتٌ فِي صُدُورِ الَّذِينَ أُوتُوا الْعِلْمَ وَمَا يَجْحَدُ بِآيَاتِنَا إِلَّا الظَّالِمُونَ (49) وَقَالُوا لَوْلَا أُنْزِلَ عَلَيْهِ آيَاتٌ مِنْ رَبِّهِ قُلْ إِنَّمَا الْآيَاتُ عِنْدَ اللَّهِ وَإِنَّمَا أَنَا نَذِيرٌ مُبِينٌ (50) أَوَلَمْ يَكْفِهِمْ أَنَّا أَنْزَلْنَا عَلَيْكَ الْكِتَابَ يُتْلَى عَلَيْهِمْ إِنَّ فِي ذَلِكَ لَرَحْمَةً وَذِكْرَى لِقَوْمٍ يُؤْمِنُونَ (51) قُلْ كَفَى بِاللَّهِ بَيْنِي وَبَيْنَكُمْ شَهِيدًا يَعْلَمُ مَا فِي السَّمَاوَاتِ وَالْأَرْضِ وَالَّذِينَ آمَنُوا بِالْبَاطِلِ وَكَفَرُوا بِاللَّهِ أُولَئِكَ هُمُ الْخَاسِرُونَ (52) وَيَسْتَعْجِلُونَكَ بِالْعَذَابِ وَلَوْلَا أَجَلٌ مُسَمًّى لَجَاءَهُمُ الْعَذَابُ وَلَيَأْتِيَنَّهُمْ بَغْتَةً وَهُمْ لَا يَشْعُرُونَ (53) يَسْتَعْجِلُونَكَ بِالْعَذَابِ وَإِنَّ جَهَنَّمَ لَمُحِيطَةٌ بِالْكَافِرِينَ (54) يَوْمَ يَغْشَاهُمُ الْعَذَابُ مِنْ فَوْقِهِمْ وَمِنْ تَحْتِ أَرْجُلِهِمْ وَيَقُولُ ذُوقُوا مَا كُنْتُمْ تَعْمَلُونَ (55) يَا عِبَادِيَ الَّذِينَ آمَنُوا إِنَّ أَرْضِي وَاسِعَةٌ فَإِيَّايَ فَاعْبُدُونِ (56) كُلُّ نَفْسٍ ذَائِقَةُ الْمَوْتِ ثُمَّ إِلَيْنَا تُرْجَعُونَ (57) وَالَّذِينَ آمَنُوا وَعَمِلُوا الصَّالِحَاتِ لَنُبَوِّئَنَّهُمْ مِنَ الْجَنَّةِ غُرَفًا تَجْرِي مِنْ تَحْتِهَا الْأَنْهَارُ خَالِدِينَ فِيهَا نِعْمَ أَجْرُ الْعَامِلِينَ (58) الَّذِينَ صَبَرُوا وَعَلَى رَبِّهِمْ يَتَوَكَّلُونَ (59) وَكَأَيِّنْ مِنْ دَابَّةٍ لَا تَحْمِلُ رِزْقَهَا اللَّهُ يَرْزُقُهَا وَإِيَّاكُمْ وَهُوَ السَّمِيعُ الْعَلِيمُ (60) وَلَئِنْ سَأَلْتَهُمْ مَنْ خَلَقَ السَّمَاوَاتِ وَالْأَرْضَ وَسَخَّرَ الشَّمْسَ وَالْقَمَرَ لَيَقُولُنَّ اللَّهُ فَأَنَّى يُؤْفَكُونَ (61) اللَّهُ يَبْسُطُ الرِّزْقَ لِمَنْ يَشَاءُ مِنْ عِبَادِهِ وَيَقْدِرُ لَهُ إِنَّ اللَّهَ بِكُلِّ شَيْءٍ عَلِيمٌ (62) وَلَئِنْ سَأَلْتَهُمْ مَنْ نَزَّلَ مِنَ السَّمَاءِ مَاءً فَأَحْيَا بِهِ الْأَرْضَ مِنْ بَعْدِ مَوْتِهَا لَيَقُولُنَّ اللَّهُ قُلِ الْحَمْدُ لِلَّهِ بَلْ أَكْثَرُهُمْ لَا يَعْقِلُونَ (63) وَمَا هَذِهِ الْحَيَاةُ الدُّنْيَا إِلَّا لَهْوٌ وَلَعِبٌ وَإِنَّ الدَّارَ الْآخِرَةَ لَهِيَ الْحَيَوَانُ لَوْ كَانُوا يَعْلَمُونَ (64) فَإِذَا رَكِبُوا فِي الْفُلْكِ دَعَوُا اللَّهَ مُخْلِصِينَ لَهُ الدِّينَ فَلَمَّا نَجَّاهُمْ إِلَى الْبَرِّ إِذَا هُمْ يُشْرِكُونَ (65) لِيَكْفُرُوا بِمَا آتَيْنَاهُمْ وَلِيَتَمَتَّعُوا فَسَوْفَ يَعْلَمُونَ (66) أَوَلَمْ يَرَوْا أَنَّا جَعَلْنَا حَرَمًا آمِنًا وَيُتَخَطَّفُ النَّاسُ مِنْ حَوْلِهِمْ أَفَبِالْبَاطِلِ يُؤْمِنُونَ وَبِنِعْمَةِ اللَّهِ يَكْفُرُونَ (67) وَمَنْ أَظْلَمُ مِمَّنِ افْتَرَى عَلَى اللَّهِ كَذِبًا أَوْ كَذَّبَ بِالْحَقِّ لَمَّا جَاءَهُ أَلَيْسَ فِي جَهَنَّمَ مَثْوًى لِلْكَافِرِينَ (68) وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ (69)}
صدق الله العظيم♡
ـــــــــــــــــــــــــــــــــــــــــــــــــــــــــــــ
لينا غمضت عنيها وهو القرآن شغال و نامت شويه ومصحيتش غير و زين بيصحها
زين: لينا... لينا
لينا صحيت: اممم
زين: يلا وصلنا
لينا: ماشي
زين لف وشو ل ميرال: ميرال...ميرا
ميرال بنوم: اي
زين: يلا وصلنا
ميرال فتحت عنيها بتعب و بدأت تفوق: ماشي
بعد كده نزلو من العربيه و نزلو الشنط و كانو قدام سكن الطلاب و ذاك و ادم و أركان و خديجه ركنو
ونزلو يودعو لينا وميرال وفضلو يسلمو عليهم
ذاك بقلق ممزوج بحنيه: خلي بالك من نفسك وطمنيني عليكي كل شويه
لينا: حاضر
ذاك: ومتكلميش حد متعرفهوش
لينا: حاضر
ذاك: ولو ولد فكر كده يكلمك رني عليا رنه وهبقا قدامك و هنفخو
لينا: متقلقش وراك رجاله
ادم: خلاص يابني بقالك ساعه بتقولها خلي بالك من نفسك دول اسبوع و راجعين
ذاك: ولو وبعدين انت مالك انت
ادم: ورايا شغل يابا انجز
ذاك: خلاص ماشي
لينا كانت بتضحك وهي مبسوطه وان فعلا ربنا عوضها لينا بتشوف ذاك أب ليها
ذاك بحنيه: عاوزه حاجه
لينا حضنتو بخفه وذاك طبطب عليها بحنيه و فضلو كام ثانيه
زين: ماخلاص ياعشق الممنوع منك ليها
ذاك: والله انتو عيال رخمه
أركان بضحك: يلا فعلا علشان كده الطياره هتفوتك
ذاك: أمري لله ماشي يلا سلام
لينا: سلام
ميرال و لينا و دعوهم بعد كده دخلو وكانو الحراس دخلو الشنط الاوض
ميرال مسكت لينا و دخلت و ميرال مكنش ليها تعامل مع بنات كتير يعني ف سلم علي كذه واحده بس بعد كده راحو اوضه المديره
ميرال خبطت و دخلت هي ولينا
ميرال: صباح الخير ياأستاذه مريم
لينا: صباح الخير
مريم(المديره) بإبتسامه: صباح النور عليكو تعالو
هما دخلو ووقفو قدامها
مريم: انتي لينا صح
لينا: اه
مريم: نورتينا لو عوزتي اي حاجه انا موجوده و ميرال هتعرفك علي المكان وتفهمك القوانين
لينا بإبتسامة: شكرا لحضرتك
ميرال: انا بس كنت عاوزه طلب صغير خالص
مريم: بخاف من طلاباتك بس قولي
ميرال: خايفه ليه بس ده كل الي انا عاوزه اوضه تلمنا احنا التلاته
مريم: اممم وتخططو لمصايب
ميرال بدراما: تعرفي عني كده
مريم: لا خالص بس اعرف عن دليلا
ميرال: دليلا دي نسمه تتحط علي الجرح يطيب
مريم: انتي هتقوليلي دي مكسره كل زمايلها
ميرال بإندفاع : بتدافع عن نفسها اومال يعني تسكت
مريم: ماشي ياميرال موافقه هنقلكم في اوضه انتو تلاته لوحدكو بس لو حصل حاجه انتو الي هتتحملو المسؤليه قدامي ومعاكم دليلا طبعا
ميرال و لينا: موافقين
مريم: خلاص ماشي روحي ياميرال عرفي لينا علي المكان عقبال ما اقولهم يجهزو الاوضه
ميرال: شكرا يااحلا مريومه في الدنيا
مريم ضحكت علي حماسها و ميرال خدت لينا وخرجو
لينا بإستغراب: متاكده ان دي مديره
ميرال: ايوه يابنتي بس احنا بنعتبرها اختنا الكبيره بس مقولكيش وهي متعصبه بقا ولا لو حصل مصيبه كده ولا كده ببقا مرعوبه منها المهم تعالي نروح ل دليلا و اعرفكم علي بعض
لينا: يلا
هما راحو ل دليلا وكانت قاعده في الصاله واول ما شافتهم قامت بسرعه حضنت ميرال
دليلا: وحشتيني اووي
ميرال: وانتي كمان
بعد كده بعدو عن بعض
ميرال: دي دليلا صحبتي الي قولتلك عنها يالينا و دي لينا الي حكتلك عنها يادليلا
دليلا بتلقائيه: عرفاكي مش انتي الي في كليه فنون جميله الي كانت عامله مشكله و الجامعه كلها اتفرجعت عليكي
لينا بإحراج: احم اه
ميرال خبطت دليلا في كتفها من غير ما لينا تاخد بالها
ميرال: معلش يابنتي هي بس كلامها دبش حبتين
دليلا: انا اسفه والله مكنش قصدي
لينا بإبتسامه: ولا يهمك
ميرال: انا روحت ل مريم وهي وافقت تخلينا كلنا في اوضه و قالتلي افرج لينا علي المكان واعرفها علي القوانين عقبال ما الاوضه تجهز
دليلا: طب يلا بينا
دليلا مسكتهم هما الاتنين و انجچو بعض ومشيو هما التلاته
دليلا: اهم قانون هنا بقا ياستي ان محدش يخرج غير بإذن مريم و سبحان الله احنا كل مره بنتعاقب عليه
لينا: بتهربو
دليلا: ياريت الحراس الي مع ميرال بيقفشونا زي الكتاكيت ف مش بنلحق اوعي تقولي انك انتي كمان معاكي حراسه
لينا: لو علي موضوع الحراسه سبوه عليا
ميرال: هتعملي اي
لينا: انا هكلم زين و اقولو يخلي الحراس حازم وياسر ودول بقا هنعرف نتعامل معاهم
دليلا بفرحه: اشطااا يلا نفرجك علي المكان
البنات فضلو يتمشو ويرغو وارتاحو لبعض وفضلو يلفو لغايت ما المديره كلمتهم قالتلهم الاوضه جهزه ف البنات طلعو و رتبو الهدوم و خدو دوش و غيرو و هينامو بس لينا طلعت وقفت في البلكونه ورنت علي زين
ـــــــــــــــــــــــــــــــــــــــــــــــــــــ
لينا: انا حسيت انك عاوز تشرب سجاير ف قولت اكلمك
زين: حصل احساسك صحيح
لينا بغرور: عيب عليكي يابني
زين ضحك
زين: حصل حاجه ولا اي
لينا: لا عادي اتصلت اسلم
زين: عاوزه اي يالينا
لينا: والله انت ظالمني
زين: لينا!!
لينا: بص بصراحه انا عاوزه ياسر وحازم يرجعو معايا تاني بدل الي انت جايبهم دول
زين: اشمعنا
لينا: ياسر و حازم طيبين و شايفني اختهم الصغيره و بصراحه ناس محترمه وانا كنت متعوده عليهم
زين: هفكر
لينا: يازيزو بقاا
زين: قولت هفكر
لينا: يعني اعتبر انك موافق
زين: بقولك...
لينا قطعتو: طب شكرا يازيزو متحرمش منك ابدا يارب يلا سلام بقا علشان معطلكش ومتشربش سجاير
وقفلت من غير ما تسمع ردو وسابتو في صدمتو بجنونها بعد كده قفلت البلكونه و فكت الحجاب و قعد علي السرير بتعب
ميرال: هاا وافق
لينا: مش بلظبط
دليلا: عملتي اي
لينا بضحك: حطيتو قدام الامر الواقع بس هو شبه وافق يعني متقلقوش
دليلا فضلت تغني بفرحه: مسيطرة همشيك مسطره
و لينا و ميرال قعدو يضحكو عليها
ميرال: قوليلي صح مين وصلك
دليلا: يوسف ماهو كان اجازه بقا
لينا: يوسف مين
دليلا: ده ياختي يبقا اخويا ضابط حربيه
لينا: امم ماشاءالله
دليلا: بس ياشيخه سبحان الله انا وضعي من وضعكو ومش محطوطلي حراسه الحمدلله
لينا: مش فاهمه
دليلا: انا بابا يبقا لواء في الداخليه و اخويا ظابط حربيه ف انا وضعي وسطهم خطر فاهمه
لينا: اهااا طب وبيمشوكي من غير حراسه كده عادي
دليلا: اه عادي
ميرال: ياظلمه دول جابولك حراس قد كده وانتي الي بتمشيهم وبعدين عدي كده ونبي اتخطفتي كام مره
دليلا: اربعه خمسه اظن يعني و الحمدلله عايشه اهو ومحصليش حاجه
لينا: يخراشي و انتي شايفه ان الموضوع عادي كده
دليلا: انا بعرف العب بوكسينج كويس جدا ويوسف مدربني اكني راجل ومعرفني نقاط ضعف الي قدامي و هعرف ادافع عن نفسي ليه بقا يبقا معايا حارس قوتي من قوتو
ميرال: ياحبيبتي هو راجل و الراجل قوتو اكتر من الست مهما كنتي قويه ودي حاجه معروفه
دليلا: بقولكم اي مش انا اتخطفت قبل كده
ميرال و لينا: اه
دليلا: واهو لسه عايشه ومحصليش حاجه و بعدين كل الي خطفوني مكنوش يقدرو يقربو مني علشان حرفيا هما عارفين اي الي هيحصلهم
لينا: والله كلامك مقنع ابقي علميني بقا بوكسينج علشان كان نفسي العبو اوي
دليلا: من عنيا يلا ننام ونكمل رغي بكره
لينا: ماشي بس اخر سؤال هو انتي في كليه اي
دليلا: تجاره انجلش وعرفت ميرال في السكن
لينا: امم ماشي تصبحو علي خير
دليلا و ميرال: وانتي من اهل الخير
بعد كده البنات نامت من التعب
ـــــــــــــــــــــــــــــــــــــــــــــــــــــــــــــــ
دليلا: بنوته شقيه اوي وبتحب الخناقات وبتعرف تاخد حقها كويس و لسانها طويل بس بأحترام علشان هي عارفه حدودها كويس مع الكل،وشخصيتها قويه، وبتحب الهزار، مش بتتعود علي الناس بسرعه الي بتستريحلهم بس و هي كانت مستريحه ل لينا علشان ميرال حكتلها كل حاجه عنها من ساعه ما وصلت، بشرتها قمحويه عيونها عسلي فاتح رموشها تقيله وشكلها حلو الي بيميزها عيونها و جسمها مظبوط وهي محجبه بس شعرها ويفي وطويل
عندها 21سنه زي لينا و ميرال و تعتبر اقرب صاحبه ل ميرال و بتحبها اوي و بيعتبرو بعض اخوات
ميرال الرأس المدبره و دليلا الي بينفذ وكده انضم معاهم لينا
ــــــــــــــــــــــــــــــــــــــــــــــــــــــ
كده البارت خلص ياقمرات قولولي رايكم في كومنت ولو حد عندو اي تفسير او تعليق يقولي
تفتكرو اي الي هيحصل في الايام الجايه؟
و ميرال و دليلا و لينا مدام اتجمعو يبقا هتقوم حروب مش مصايب
اقابلكم في بارت جديد ياقمرات سلاااام
تُنسى كأنك لم تكُن، تُنسى كمصرعِ طائرٍ،ككنيسةٍ مهجورة تُنسى،
كَحُب عابِر ، و كَوَردَة في التّلج ،تُنسى...
ــ محمود درويش
أنت تقرأ
لن اتخلى عنكِ
Romanceلن تكمل قصتي معك و لكن اقسم انني لم أكمل قصتي الا معك I Didn't complete my story with you, but I swear that I Didn't complete my story without you
