لينا صحيت من النوم علي صوت ميرال و هي بتصحيها
ميرال: لينا... يابت قومي بقا انا تعبت
لينا بنوم: عاوزه اي
دليلا: عاوزين نفطر قومي بقا
لينا: انا جايه وراكو اهو
دليلا حدفت عليها مخده واتكلمت بحده: لو مقومتيش في خلال خمس دقايق هكلك واحلي ب ميرال
لينا بضحك: خلاص هقوم
ميرال:و اه رني علي ذاك طمنيه عليكي
لينا: هو رن ولا اي
ميرال: رن عليا قالي عمال ارن علي لينا ومش بترد ف قولتلو هي نايمه وكاتمه التليفون
لينا: قلبو خفيف الواد ده
ميرال: اتفق
لينا قامت ومسكت تليفونها ولقت ان ذاك رن عليها 7مرات ف رنت عليه
لينا: صباح الخير
ذاك بإنفعال: مش بتردي ليه خضتيني عليكي
لينا بخضه: اي يابني استهدا بالله وبعدين كنت نايمه اللاه
ذاك: اه ما ميرال قالتلي.. ها عامله اي
لينا: الحمدلله والله بعد ما مشيتو الصبح طلعنا نمنا علطول ويادوب لسه صاحيه
ذاك: صباح الخير يابا
لينا: صباح النور يازميلي...وصلت امتا
ذاك: نزلت من الطياره يجي من ساعه ويادوب لسه داخل البيت
لينا: حمدالله على السلامة
ذاك: الله يسلمك
دليلا بصوت عالي: انجزي بقا عاوزين ننزل
ذاك: مين الي بتجعر جنبك دي
لينا بضحك: دي دليلا
ذاك: قوللها تهدا علي نفسها شويه
لينا بضحك: لا قولها انت
لينا فتحت المكبر و جابت دليلا جنبها
ذاك: ماتهدي علي نفسك شويه ياحجه
دليلا: وانت مااالك
ذاك: مالي في البنك
دليلا: نينيني ظريف اوي...بت يالينا الواد ده و امو اسمهم اي
لينا بضحك: هو ذاك وهي أرابيلا
دليلا: اي ياربي الاسماء دي المهم اللهي ياذاك ياابن ارابيلا تجيلك واحده تلغبطلك حياتك و تكفيك علي وشك كده ولا تبقا عارف انت رايح فين ولا جي منين
ذاك: ايييي ياما اي دعاء هو وخلاص ده مستقبل
دليلا: احسن احسن
ذاك: منك لله
دليلا بصت ل لينا: انجزي عاوزه اكلللل
ذاك: روحي يالينا دي شويه و هتفترسك
لينا بضحك: ماشي سلام
ميرال خرجت من الحمام: كنتو بتكلمو مين
دليلا: الزفت
لينا بضحك: ذاك بس فاتك المكالمه
ميرال بضحك: توقعتها
دليلا: طب يلا بجد انا جعاااانه
لينا: طب يلا نلبس
لينا خصلت لبس و البنات كانو لسه
لينا: طب بقولكم اي انا هنزل استناكم تحت
ميرال: هتروحي فين
لينا: هنزل استناكم جنب السلم مش هروح في حته يعني
ميرال: اشطا
دليلا: ماشي واحنا خمس دقايق وهنبقا عندك
لينا: ماشي
و لينا نزلت
ـــــــــــــــــــــــــــــــــــــــــــــــــــــــــــــــ
السكن كان عباره عن بيت كبير مقسوم دورين الدور الي فوق يبقا عباره عن الغرف و الدور الاول يبقا الصالون و المطبخ و مكتب المديره و قدام البيت في جنينه صغيره كده و بره البيت في أمن و ركن للعربيات و طبعا عربيه لينا وميرال
ـــــــــــــــــــــــــــــــــــــــــــــــــــــــــــــــ
لينا نزلت ووقفت جنب السلم وهي ماسكه التليفون و زين رن عليها
زين: صباحو فلل يابا
لينا: صباحو عسل يازميلي
زين: اقنعيني انك بنت
لينا: يووووه
زين بضحك: خلاص خلاص هسكت
لينا: لا ياعم متسكتش
زين: طب عامله اي
لينا: الحمدلله اهو واقفه مستنيه العيال تنزل ونروح نفطر
زين: صاحبت ميرال لطيفه معاكي ولا اي
لينا: الحمدلله دي طلعت عسوله
زين: اومال بتبقي خايفه ليه في الاول
لينا: هو انا كده ببقا خايفه اتعامل مع اي حد معرفوش
زين: مفكرتيش تتعالجي من الموضوع ده
لينا: ياااه فكرت كتير و حاولت اكتر بس كلها محاولات فاشله
زين: علشان كده انتي و ريما صحاب
لينا: لا ريما...(لينا سمعت زعيق وراها ف بصت لقت اتنين بنات بيتخانقو) طب زين اقفل دلوقتي
لينا قفلت و راحت للخناقه وكان في بنات بتتفرج بس محدش تدخل و لينا دخلت الخناقه بإندفاع وعصبيه و اول ما قربت البنت الاوله زقت البنت التانيه جامد و وقعت علي لينا و لينا لحقتها قبل ما تقع جامد
لينا: في اي اهدي شويه بتزقيها كده ليه
البنت¹: الحيوانه دي دلقت عليا العصير
البنت² بتقطع في الكلام: ان.ا مكنش قص.دي والله
لينا: خلاص حصل خير هي اعتذرت
البنت¹ بزعيق: وانتي مالك اصلا و الموضوع مخلصش انتي عارفه التيشرت ده بكام ده يشتريكي انتي وعيلتك كلها
ميرال و دليلا كانو نزلين و شافو الخناقه وراحو وقفو مع لينا وكانو سمعو البنت وهي بتزعق
لينا: انتي مش محترمه
البنت¹: انا مش محترمه!!!والله انتي الي محتاجه تتربي
دليلا بحده: ماتلمي نفسك وتتكلمي كويس يا كاميليا
كاميليا: علي اخر الزمن انتي الي تقوليلي اتكلم ازاي انتي اتهبلتي ولا اي
ميرال: خلاص ياجماعه حصل خير متكبريش الموضوع يا كاميليا
كاميليا بإستهزاء: ادا ياميرال طلعتي بتتكلمي اومال القطه بتبلع لسانك لما بتشوفيني ليه
لينا: انتي هبله يابت انتي
دليلا بصت ل ميرال و شورت بعنيها انها تمشي هي والبنت و ميرال خدتها وبعدو عنهم شويه وقعدت البنت علي الكنبه و فضلو يبصو عليهم بخوف علشان ميرال عرفت دليلا هتعمل اي
كاميليا بإستهزاء: انتو متخيلين انتو بتدافعو عن مين دي واحده مش بتعرف تقول كلمه كامله علي بعضها
لينا بإنفعال: الي بتتريقي عليها دي احسن من مليون واحده زيك
كاميليا بزعيق: لا بقا انتي شكلك عاوزه تتربي
كاميليا زقت لينا و دليلا مسكت كاميليا من شعرها و لينا ضربت كاميليا و لينا و دليلا فضلو يضربو في كاميليا و صحاب كاميليا جم و ضربو في لينا و دليلا وفضل كلو يضرب في كلو لغايط ما ميرال دخلت حجزت بينهم و البنات البقايه دخلو بينهم علشان يبعدوهم ومعرفوش ف نادو الامن و فضلو يحوشو بينهم و بعد كده المديره جت من بره
مريم بصوت عالي و عصبيه: بسسسس
الكل بعد عن بعضو
مريم بحده: تعالو ورايا علي المكتب
مريم دخلت قعدت علي المكتب بعصبيه وهما دخلو وراها و وقفو صف جنب بعض وباصين في الارض
مريم بعصبيه: اي الي حصل
كاميليا: حضرتك هما الي ضربوني
لينا: انتي كدابه
كاميليا: انتي الي كدابه
مريم بعصبيه: بسسس مهما حصل مينفعش تمدو اديكو علي بعض دي مش تربيه
دليلا: بس هي..
مريم قطعتها بحده: اطلعو استنوني بره
البنات طلعت بغيظ و البنت التانيه الي كانت في الخناقه(سلمى) دخلت و حكت كل حاجه ل مريم و مريم شافت الكاميرات بعد كده خلت سلمى تستنا بره و لينا و دليلا دخلو بعديها
مريم: مش هنكر ان الي عملتوه صح بس بردو مكنش ينفع تمدو اديكو
دليلا بإنفعال: يعني تزق لينا وعاوزاني اسكت
مريم: لا تضربيها ما احنا في شارع
لينا: احنا كنا بندافع عن نفسنا وبعدين دي قليله الادب
مريم بعصبيه: الي يقل ادبو عليكي تيجي وتقوليلي وانا هتعامل معاها لكن مش تضربيها احنا مش في الشارع
لينا و دليلا سكتو
مريم: لكل فعل عقاب و عقابكو انكم ملكمش اجازه الاسبوع ده
دليلا: بس..
مريم قطعتها: مفيش بس يلا بره
لينا و دليلا خرجو و ميرال و سلمي جريو عليهم و كاميليا والي معاها دخلو بعديهم
ميرال: قالتلكم اي
لينا بضيق: ملناش اجازه الاسبوع ده
سلمى بتقطع: ا.نا اس.فه والله ك.ل ده بس.ببي
دليلا: ياستي ولا يهمك
لينا: متتاسفيش هي الي كانت غلطانه
ميرال: خلاص وانا هقعد معاكم
دليلا بفرح: دي هتبقا خرااااب
بعد كده سمعو صوت زعيق مريم وكان عالي و سلمى اتخضت جامد
ميرال مسكت اديها و طبطبت عليها: متقلقيش احنا معاكي
سلمى هديت وبعد كده مريم خرجت و وراها البنات و وقفت في نص الصاله و سط الكل و لينا و البنات راحو وراهم و بقيت البنات واقفه قدام البنات التانيه و مريم واقفه في النص
مريم بصت ل كاميليا بحده
كاميليا بضيق: sorry
مريم بحده: كاميليا!!
كاميليا بضيق: انا اسفه ياسلمى
سلمى ابتسمت بلطف ومردتش
مريم: الي حصل ده ميتكررش تاني يلا كل واحد يروح علي مكانه
لينا و دليلا و ميرال و سلمى راحو ناحيه المطبخ
دليلا: الحقيني بسندوتش بسرعه يا فوفا
عفاف (الي مسؤله عن المطبخ): من عنيا
عفاف عملتلها سندوتش بسرعه و ادتهولها
عفاف: خدي صبري نفسك عقبال ما اعملكو سندوتشات
دليلا: ماشي...سلمى انتي فطرتي
سلمى: لا
دليلا: اعملي حساب لينا و سلمى يافوفا
عفاف: حاضر
لينا و البنات كانو قعدين علي طربيزه
لينا: هي عملت كده ليه وبتتكلم كده ليه اصلا
ميرال: كاميليا علطول كده فكك منها
دليلا:مش بحبها البت دي
لينا: ولا انا مرتحلها
ميرال بعتاب: بس مكنش ينفع الي انتو عملتوه ده
دليلا:وانتي عاوزاني اشوفها وهي بترخم عليكي وعلي سلمى و زقت لينا كمان و اقعد ساكته يبقا بتحلمي
لينا:خلاص ياجماعه الي حصل حصل
ميرال بصت ل سلمى: انتي كويسه؟
سلمى: ا.اه
دليلا بحنيه: سلمى انتي اكيد عارفه ان كاميليا بتخرف وان كلامها كلو غلط صح
سلمى بيأس: صح
لينا: هي دي مش اول مره!!!
ميرال هزت راسها بحزن ب لا
لينا قامت من كرسيها وراحت قعدت جنب سلمى
لينا بدراما: انا حصلي كده بردو وشكلنا مابينا حاجات متشركه ولازم نرتبط
كلهم قعدو يضحكو
لينا بصت ل سلمي: ايوه ياست اضحكي كده
عفاف جتلهم بصنيه سندوتشات
عفاف: بلهنا علي قلبكو
ميرال: الله يهنيكي يافوفا
عفاف: والله وحشتوني ياعيال
دليلا و عفاف و سلمى: وانتي كمان
عفاف: مين الوجه الجديد
ميرال: دي لينا تبقا قربتي
عفاف: نورتي ياقمر
لينا: بنورك
عفاف: ها هتشربو اي..ومش هعملك نسكافيه يادليلا
دليلا بتوسل: علشان خاطري
عفاف: امك محلفاني مقدرش انا هعملكم شاي بلبن
و عفاف دخلت وهما قعدو ياكلو و لينا مفصل اديها كان واجعها و كان باين علي ملامحها
سلمى: ما..لك
لينا: مفصل ايدي واجعني شويه بس
ميرال: من الخناقه؟
لينا: اظن اه
دليلا: خلاص نخلص فطار و و نطلع الاوضه احطلك مرهم و الفهولك برباط الضغط
لينا: ماشي
البنات قعدو فطرو وشربو الشاي بلبن و سط ضحك وهزار بعد كده البنات طلعو اوضهم و دليلا عملت ايد لينا ومعدتش خمس دقايق و الباب خبط و لينا فتحت
البنت: انتي لينا
لينا: اه
البنت: الامن تحت عاوزك علشان بيقول حد عاوزك
لينا بإستغراب: ماشي هنزل
ميرال: في اي يالينا
لينا: بتقول حد عاوزني استني انزل هشوف واجي
ميرال: ماشي
لينا لبيت الطرحه و نزلت راحت عند البوابه و لقت راجل ضخم و شبهت عليه وافتكرتو وطلع حارس من حراس زين
لينا: في اي
الحارس اداها التلفون من غير ما يتكلم
لينا خدت التلفون ولقتو زين
زين بزعيق: انتي مش بتردي ليه
لينا بإرتباك: اهدا انا هفهمك
زين بعصبيه: تفهميني اي انتي كمان انا قولت حصلك حاجه
لينا بتحاول تطمنه: اهدا..انا كويسه
زين: مش مصدق
لينا: طب انا هطلع وارن عليك احكيلك
زين: ماشي
لينا قفلت وادت التليفون للحارس و طلعت الاوضه
دليلا: مين الي كان عاوزك
لينا: زين...هخلص معاه و اجي
ميرال بتوتر: احنا هنقولو ازاي
لينا: معرفش ربنا يستر
لينا دخلت البلكونه ورنت علي زين
زين: خناقه اي الي حصلت
لينا: انت عرفت!!
زين بعصبيه مكتومه: اي الي حصل يالينا
لينا: يعني خناقه وعدت كده الحمدلله
زين: انتي بتستعبطي
لينا: ياعم احنا كويسين الحمدلله ف عادي
زين بشك: طب افتحي فيديو كول و كلميني انتي و ميرال
لينا: طيب اقفل
زين: تمام
زين قفل و لينا خلت ميرال تلبس الطرحه و رنت علي زين من اللاب توب الي مع لينا و لينا كانت مخبيه اديها
لينا: ها اطمنت
زين: مخبين اي تاني
ميرال بتوتر: ولا حاجه
زين: بتكدبي
لينا: بوص بصراحه هي حاجه صغيره خالص
زين: قولي
لينا: اصل هو يعني
زين:انجزي
لينا بسرعه: احنا مش هننزل اجازه الاسبوع ده
زين: نعم!!! انتي بتتكلمي بجد
ميرال: انت لو فهمت الموضوع هتعرف اننا مش غلطانين
زين: لالا هو قبل الموضوع تقدرو تقولولي هتقولو للباقي ازاي
لينا: البركه فيك بقا
زين: ومالو ومالو استنو كده
زين دخل ذاك المكالمه
زين: كده تقدرو تحكو براحتكو
ذاك: سااامو عليكووو
لينا: وعليكوو السلااام يازميلي
ميرال كانت قاعده بإرتباك وذاك خد بالو
ذاك: حصل حاجه ولا اي
لينا: انا عاوزك تاخد الموضوع بصدر رحب
ذاك: عملتي اي يامصيبه
ميرال: اهدو واحنا هنحكي
زين: احكو
هما حكو الي حصل
زين: بغض النظر عن الي حصل بس ايدك فيها حاجه
لينا: هاا ليه
زين: اصلك قاعده متكتفه كده وانتي قاعده
ذاك: وانا لحظت كده بردو
لينا: بوصو بصراحه هو لكل حرب ضحايه وانا كنت ضحيه بسيطه
لينا طلعت اديها
زين: يخربيتك حصل اي
لينا: ولا حاجه ايدي اتجزعت بس
ذاك بعصبيه: ده انا هاجي اطربق المكان علي الي فيه
دليلا من وره اللاب توب: ماتهدا ياشبح
ذاك: مين الاخ
ميرال: دي دليلا
ذاك: هي طلعالي في البخت
زين: استنو بس واي كان عقاب البنات التانيه
لينا: بصراحه معرفش بس احنا سمعنا زعيق جامد وكده بس فككم يعني الموضوع عدا علي خير
ذاك: والله حرب مشرفه افتخر بيها
لينا: اخويااااا
ميرال بتوتر: هو احنا هنقول ل أركان ازاي
ذاك: احنا!!! لا مع نفسكم أركان لو عرف هيكسر المكان كلو
زين: اتفق
لينا: احنا نقول ل خديجه و خديجه تقولو هي بتعرف تتعامل معاه
زين: حلوه الفكره دي
ميرال: خلاص ماشي انا هكلمها
ذاك: طب انا هقفل علشان داخل اجتماع سلاااام
الكل: سلام
وذاك قفل
زين: طب انا هقفل وبطلو مشاكل شويه بالله
لينا وميرال: حاضر باااي
زين: باي
وقفلو
دليلا: ذاك قريبك ده رخم اوي و عامل نفسو هوبا وهو شكلو هيطلع اهبل
لينا: يابنتي ده خالي
دليلا: اصلااا
لينا: اممم
ميرال: بس علفكره ذاك مش كلام وخلاص ذاك عصبيتو صعبه
دليلا: ازاي
ميرال: احكلها عمل اي في عمك
لينا: بوصي ياستي....
وقعدو يحكو ويتحاكو لغايط ما معاد الغدا جيه و نزلو اتغدو بعد كده طلعو اوضهم و قعدو شغلو فلم علي اللاب توب وعملو فشار وقعدو لغايط ما معاد النوم جيه و نامو
ـــــــــــــــــــــــــــــــــــــــــــــــــــــــــــــ
كده البارت خلص ياجميلات قولولي رايكم بقا
تفتكرو كاميليا والي معاها هيسكتو ولو هيعملو حاجه؟
وياترا اركان لو عرف هيعمل اي؟
هل خُلق الجَمال لتختصره عينيك أم عيناك خُلقت لتقنعني أن لا جمال بعدها..𓆩
أنت تقرأ
لن اتخلى عنكِ
Romanceلن تكمل قصتي معك و لكن اقسم انني لم أكمل قصتي الا معك I Didn't complete my story with you, but I swear that I Didn't complete my story without you
