في المطبخ
لينا: صباح الخير
زبنه: صباح النور اي كل النوم ده
لينا:ليه هي الساعه كام
زينه: 3العصر
لينا: طولت انهارده بس عادي
زينه: طب احضرك الفطار
لينا: لا تسلميلي انا هعملي حاجه اشربها وهروح مشوار كده
زينه: راحه فين ياصيعه
لينا بضحك: راحه مكتبه اجيب ملازم يختي علشان عندي امتحان بكره
زينه: اهااا
لينا: عندك زنجبيل
زينه: اه اهو(ادتهولها)
لينا بدراما: شكرا كثيراً
زينه بضحك: العفو.. بس مالك حساكي تعبانه
لينا: اه مصدعه شويه هشرب الزنجبيل وهبقا زي الفل
زينه: ماشي بس اه صح انتي قولتلي لاستاذ زين
لينا: اقولو علي اي
زينه: انك هتروحي المكتبه
لينا: لا مقولتش ومش هقول
زينه: ليه كده هيقلب عليكي وهيتعصب
لينا: وانا اقولو ليه
زينه: علشان محدش بيخرج بره البيت ده غير بموافقتو
لينا: ولو مقولتش هيحصل اي
زينه: اولا انتي هتخرجي مع حازم و ياسر صح
لينا: صح
زينه: هما بقا مش بيتحركو غير بأذن منو و ثانيا استاذ زين لو عرف هيولع فيكي وفينا كلنا ف لازم تقوليلو
لينا: يعني انا المفروض اكلمو علشان اقولو اني راحه اجيب كتب!!
زينه: ايوا وبعدين ماهو قالك محدش بيتحرك من البيت غير بأذن منو او اي حاجه بتحصل من غير موافقتو
لينا: لا مش فاكره بس امري لله هكلمو بس بعد ما اخلص الزنجبيل
زينه: ماشي
لينا بعد ما خلصتو خرجت بره ورنت علي زين وبعد فتره رد
لينا: صباح الخير
زين بهدوء: صباح النور نعم
لينا: لا انا بس كنت عاوزه اقولك اني هروح المكتبه
زين: هتروحي!! يعني قررتي من غير ما ترجعيلي
لينا: احم منا رنيت اهو اقولك
زين: تمام
لينا: بس ممكن طلب
زين: قولي
لينا: عاوزه اروح لوحدي
زين: لوحدك ازاي يعني
لينا: من غير ياسر و حازم يعني عاوزه ابقا لوحدي
زين بإستهزاء: ليه هتهربي
لينا : بلاوكسه هروح فين يعني الموضوع كلو اني عاوزه ابقا لوحدي شويه...ينفع
زين: لا
لينا: ليه
زين: هو كده سلام
لينا: استنى بس نتفاهم
زين: انا قولت الي عندي متمشيش من غيرهم
لينا بضيق: تمام سلام
زين: سلام
وقفلو ولينا راحت ل زينه
لينا: انا هطلع اجهز عاوزه حاجه اجبهالك
زينه: لا تسلمي
لينا: اه صح هو عم محمد هيجي امتا
زينه: انهارده المفروض
لينا: يجي بلسلامه
زينه: يارب
لينا طلعت تجهز
ـــــــــــــــــــــــــــــــــــــــــــــــــــــــــــــــ
في مكتب زين
كريم: احنا محتاجين مدير للحسابات علشان زي ما حضرتك عارف استاذ محسن اتنقل لفرع اسكندريه
زين: نزل إعلانات وقول للHR
كريم: تمام يافندم حاجه تاني
زين:ابعتي ورق الصفقه الجديده
كريم: تمام بعد اذنك
كريم خرج و موبيل زين رن
زين بهزار: لالا الحج المنشاوي بذات نفسو بيرن عليا لالا كتير عليا
المنشاوي: ايوه ياخويا هزر هزر ما انا لو حصلي حاجه مش هتسال فيا
زين: بعد الشر عليك ياجدي
المنشاوي: ولا شر ولا حاجه
زين: حقك عليا والله انا عارف اني مأثر معاكو ومبسالش
المنشاوي: ايوه واطي
زين بضحك: ربنا يخليك ده من ذوقك
المنشاوي بضحك: ضحكتني وانا بكلمك اهزقك
زين: طب مش عيب لما يبقا عندي28 سنه واتهزق
المنشاوي: ومش عيب لما متجلناش كل ده انت بقالك اكتر من شهر مجتش
زين بتنهيده: متزعلش والله بس ضغط شغل
المنشاوي: وه مالك.
زين: ولا حاجه بس في موضوع كده هخلصو وهحكيلك
المنشاوي: حصل اي يابني
زين بزعل: شوفت بنت شبها
المنشاوي بزعل: الله يرحمها
زين: الله يرحمها معلش هقفل دلوقتي علشان ورايا اجتماع
المنشاوي: ماشي يابني ربنا معاك سلام
زين: سلام
زين قفل و قعد سرحان بضيق
ـــــــــــــــــــــــــــــــــــــــــــــــــــــــــــــــ
العربيه وصلت ولينا نزلت مشيت خطوتين ناحيه المكتبه بعد كده رجعت تاني
لينا: بقولكو اي انا هتاخر جوه شويه
حازم باستفسار: كتير يعني
لينا: مش عارفه بس تعالو اقعدو جوه عقبال ما اخلص
ياسر: لا مش مهم
لينا: يلا هو كده كده شبه كافيه وانا احتمال اتاخر
حازم بص ل ياسر: طيب يلا
ياسر: ماشي
هما دخلو المكتبه ولينا شاورتلهم علي تربيزه يقعدو عليها وهي راحت ناحيه الكتب وطلعت كتاب وراحت ناحيه راجل كبير في السن
لينا: سااامو عليكو يادكتور مصطفى
مصطفى: اهلا اهلا يالينا اي كنتي مختفيه فين اليومين الي فاتو
لينا: عادي يعني كان في حوارت كده المهم بس انت عامل اي
مصطفى: تمام الحمدلله اقعدي واقفه ليه
لينا قعدت
مصطفى: يلا نبدا بدل ما تتاخري
لينا: يلا
دكتور مصطفى خد منها الكتاب وقعد يشرحلها الماده وكل ده تحت انظار حازم و ياسر
بعد ساعتين
مصطفى: احنا كده خلصنا
لينا: الحمدلله بس قولي مالك مهموم كده ليه
مصطفى بتنهيده: الواد وليد رفضوه من الشغل
لينا: ليه كده
مصطفى: كانو بيخففو العمال ومشوه وحماتو بتتلكك علشان تفركش الخطوبه وعلشان يعني لسه مخلصش تجهيز الشقه وكده
لينا: واي الحل
مصطفى: مش عارف بس اهم حاجه يلاقي شغل كويس يقدر يسكت بيه حماتو
لينا سكتت شويه تفكر بعد كده اتكلمت: هو خريج كليه تجاره انجلش صح
مصطفى: صح
لينا: خلاص الموضوع اتحل
مصطفى: ازاي
لينا: خلاص بقا متشغلش دماغك انا عندي طريقه لو نفعت هكلمك بليل اقولك او بلكتير بكره الصبح بس قول يارب
مصطفى: يارب يابنتي بس قوليلي مين الرجلين الي معاكي دول
لينا: دول من ضمن الحوارت الي حصلت بس هما امان متقلقش يلا همشي انا بقا سلام
مصطفى: سلام
لينا راحت لقت حازم بس الي قاعد
لينا: ادا ياسر فين
حازم: راح مشوار كده علي السريع هرن عليه يجي
لينا: ماشي
عدا نص ساعه وياسر جيه وركبو العربيه و رحو وزينه خرجتلهم بره اول ما وصلو
زينه: استاذ زين عاوزكو في المكتب
ياسر: ليه
زينه: معرفش بس هو متعصب ف ربنا يستر
حازم: طيب يلا
هما دخلو المكتب وكانو خايفين من زين وزين كان قاعد علي كرسي المكتب
زين باصص ل ياسر بغضب مكتوم: كنت فين
لينا بخوف: كنا في المكتبه
زين بعصبيه: مش هكرر السوال
لينا بصت ل ياسر: هو كان بيجبلي حاجه صح يا ياسر
ياسر بارتباك: اه اه صح
زين: طب اخرجو وخليكي يالينا
لينا بصوت واطي: ربنا يعديها علي خير
زين: بقيتي محاميه امتى
لينا: احم لا مش قصدي وبعدين قولي بس اي الي مدايقك
زين بعصبيه: علي اساس انك متعرفيش
لينا ببرأه: والله معرف
زين خد نفس طويل علشان يهدا: طب اي كل التاخير ده
لينا: منا قولتلك اني راحه المكتبه اجيب كتب وملازم
زين: وانتي بقالك ساعتين ونص بتجيب كتب وملازم
لينا: ما دكتور مصطفى كان بيشرحلي الماده علشان همتحن بكره
زين: وانتي قولتيلي انك هتتاخري
لينا بإحراج: احم لا
زين: و دكتور مصطفي مين ده كمان
لينا: ده صاحب المكتبه كان دكتور في جامعه بس طلع علي المعاش ف بروحلو كل مده يشرحلي المواد
زين: تمام بس الي حصل ده ميتكررش تاني
لينا ببراءة: انا اسفه وده مش هيتكرر تاني
زين: تمام
لينا مشيت خطوتين ورجعت تاني
لينا: هو ممكن ولا خلاص
زين:اقعدي وقولي عاوزه اي
لينا قعدت: هو طلب صغير والله
زين: طلباتك كترت
لينا بإحراج: انا اسفه
زين: طلب اي
لينا بتردد: بوص اصل هو يعني
زين: اهدي وقولي
لينا خدت نفس واتكلمت بسرعه: بوص هو راجل محترم جدا واضمنهولك ولو حصل اي حاجه حاسبني انا
زين قاطعها: استني بس مين ده
لينا: وليد
زين: ايوه وليد مين
لينا: فتح دماغك معايا بس وليد ده ابن دكتور مصطفى
زين: انا بدات اتعصب ف اخلصي
لينا: اخلص في اي منا قولتلك
زين: لا إله إلا الله
لينا: محمد رسول الله
زين بدا يتعصب: لا انتي قاصده تعصبيني
لينا: استهدا بالله بس وانا هفهمك
زين: لا إله إلا الله احكي
لينا: وليد اترفد من الشغل
زين: ليه
لينا: كانو بيقللو العمال ف مشي
زين: وبعدين
لينا: حماتو بقا بتتلكك علشان تفشكل الخطوبه وانو يعني لسه مخلصش الشقه وكده وانو بقالو سنتين خاطب و عيله وليد علي قدهم يعني فاهمني
زين: وبعدين
لينا: احنا بقا عايزين نلاقيلو وظيفة يسكت بيها حماتو
زين: عايزاني اعينو في الشركه
لينا: احم اه
زين: علشان اي
لينا: علشان خاطري
زين: يختي بطه... طب هو معاه اي
لينا: معاه شهاده من كليه تجارة انجلش
زين: معاه حاجه تاني
لينا: الستر والصحه
زين: هيق هيق ظريفه
لينا: ده من ذوقك
زين: امشي يابت
لينا: استنى بس يعني هتعينو
زين: وانتي مهتمه بيه ليه
لينا: هو جدع وبيحب خطبتو ولو ملقاش وظيفه احتمال كبير هيسبها وهي مش هتعرف تعمل حاجه مع مامتها وبعدين دكتور مصطفى راجل طيب ووقف جنبي كتير
زين: تمام قولي ل دكتور مصطفى يقول ل وليد يجي الشركه بكره الساعه 8 بلظبط
لينا بفرحه:ربنا يكرمك وميورنيش فيك حاجه وحشه وتتجوز الي بتحبها وتعيش في هنا وسعد
زين: خلاص ياحجه يلا روحي ذاكري ومتناميش علشان تتعشي الاول
لينا بنفس الفرحه: حاضر حاضر
وقامت تخرج بس هو وقفها بكلامو قبل ما تخرج
زين: علفكره انا عارف ياسر كان فين
لينا بإحراج: احم طب س.. سل.. سلام انا
وخرجت بسرعه وزين ضحك علي رده فعلها
ـــــــــــــــــــــــــــــــــــــــــــــــــــــــــــــــ
لينا راحت سلمت علي زينه وبعد كده طلعت اوضتها ورنت علي دكتور مصطفي
لينا بفرحه: الو يادكتور مصطفى
مصطفى: اي يابنتي طمنيني
لينا: اعتبره اتعين من بكره
مصطفى بفرحه:بجد ربنا يخليكي يارب ويكرمك ومايحوجك لحد ابدا
لينا: متقولش كده انت في مقام ابويا
مصطفى: ربنا يخليكي يابنتي
لينا: ويخليك المهم خليه بكره يروح شركه" زين المنشاوي للاستراد" الساعه 8 و ابقي كلمني بكره طمني عمل اي
مصطفى: ماشي وانتي خلي بالك من امتحانك
لينا: حاضر يلا سلام
مصطفى: سلام
لينا قفلت معاه وغيرت ونزلت ل زينه في المطبخ
لينا: مساء الخيررر
زينه: مساء النور
لينا: انا جايه اساعد قوليلي اعمل اي واعملو
زينه: لا ياحببتي اطلعي انتي ذاكري
لينا: يخربيت المذاكره الي مش بتخلص بوصي انا ذاكرت وعملت الي عليا ومش هذاكر انهارده تاني
زينه بضحك: خلاص ماشي بوصي اعملي السلطه
لينا: خلاص ماشي
عم محمد دخل عليهم: السلام عليكم
لينا وزينه: وعليكم السلام
لينا: حمدالله على السلامة
عم محمد: الله يسلمك عاملين اي
زينه: احنا الحمدلله انت اي اخبارك واي اخبار البلد
عم محمد قعد بتعب: كل الي هناك بيسلمو عليكي و حسن بيسلم عليكي (غمزلها)
زينه:الله يسلمو قره عيني
لينا: ثانيه بس حسن مين
زينه: خطيبي
لينا: انتي مخطوبه!!
زينه: اه يابنتي مانتي سالتيني وانا قولتلك اه
لينا بضحك: طب والله نسيت
عم محمد: طب هسيبكم انا وهروح انام
زينه: مش هتاكل
عم محمد: لا تسلمي
عم محمد راح اوضتي و هما كملو تجهيز الاكل وبعد شويه خلصو وخرجو الاكل
زينه: روحي قولي ل استاذ زين ان العشاء جهز وانا هطلع باقي الاطباق
لينا: ماشي هو فين
زينه: في الجنينه بره
لينا: ماشي
لينا خرجت وزين كان بيتكلم في التليفون بصوت عالي وزعيق ومكنش واخد بالو منها وهي وقفت استنتو يخلص
زين بزعيق: وربي لاجبهولك.... هجبهالك ولو في بطن الحوت.... ما انت الي رافض تقولي اي معلومات عنها...(خد نفس واتكلم بهدوء) خلاص برحتك.. انت جي امتى... طب شوف وقولي... سلام
وقفل و لينا كانت خايفه منو شويه
لينا: احم
زين بصلها: اي مالك
لينا بارتباك: ولا حاجه بس زينه بتقولك العشا جهز
زين: تمام جي
هما دخلو وقعدو يتعشو في سكوت
لينا قطعت السكوت: احم ممكن سوال
زين شاورلها تقول
لينا: هو انت بتدايق لما اقولك زين
زين: بتسالي ليه
لينا: اصل كلو بيقولك يا استاذ و كده وانا الوحيدة الي بقول اسمك عادي
زين: انتي عاوزه تناديني ب اي
لينا: زين بس لو مش هتدايق
زين: لا مش هدايق
لينا: انت شغال في مافيا
زين اتصدم بعد كده ضحك
زين بضحك: لا ليه
لينا بخوف: بصراحه انا سمعتك وانت بتتكلم في التليفون
زين: اهااا لا عادي ده موضوع كده
لينا: يعني انت مش تبع مافيا ولا رئيس عصابه زي الروايات
زين بضحك: لا وخفي روايات شكلها كلت دماغك
لينا: ماشي انا هطلع انام تصبح على خير
زين: وانت من اهل الخير
لينا طلعت نامت و زين قعد شويه وطلع نام
ـــــــــــــــــــــــــــــــــــــــــــــــــــــــــــــــ
كده البارت خلص قولولي رايكم 🐢💕
تفتكرو زين و لينا هيفضلو عايشين مع بعض كده؟
وياترا زين كان بيكلم مين وقصدو علي مين؟
وزين افتكر مين؟
"چنا عمرو "
❀المشاعر التي تغيرت بسبب الإدراك لا تعود، المُدرك ليس كلغاضب، المُدرك لا يعود، لا يعود ابداً...❀
دوستويفسكي.
أنت تقرأ
لن اتخلى عنكِ
Romanceلن تكمل قصتي معك و لكن اقسم انني لم أكمل قصتي الا معك I Didn't complete my story with you, but I swear that I Didn't complete my story without you
