زين صحي قبل الفجر وكان البيت كلو نايم ف نزل وقف في الجنينه شويه وطلع سجاره يشربها
زين فضل واقف سرحان و فاق من سرحانه علي زعيق وراه خضو
لينا بزعيق ممزوج بصدمه: زين!!
زين بخضه: اي
لينا بزعيق: انت بتشرب سجاير
زين: يشيخه حرام عليكي خضتيني قولت حصلك حاجه
لينا: انا هيحصلي حاجه فعلا لو فضلت تشرب كدا
زين كمل شرب في السجاره: هيحصلك اي يختي
لينا كحت: اطفي الزفته دي عندي حساسيه و ريحتها بتخنقني
زين رماها: طب تعالي نقعد
لينا قعدت علي المرجيحه و زين قعد علي الكرسي الي جنبها
لينا: هما عرفين انك بتشرب؟
زين: اه
لينا: وساكتين!!!
زين: هيعملو اي يعني
لينا: يمنعوك وبعدين دي غلط كدا صحتك هتروح
زين: خايفه عليا
لينا بإحراج: احم متغيرش الموضوع(كملت بجديه) اوعدني انك تبطلها
زين:لازم!
لينا: اوعدني دلوقتي
زين:اوعدك اني هحاول ابطلها
لينا: لا مش هتحاول انت هتبطلها مفهوم
زين بهزار: حاضر ياماما
لينا: شاطر يازيزو
بصو لبعض و قعدو يضحكو
زين: بس قوليلي اي الي مصحيكي بدري كده
لينا بضيق: جالي كابوس ف صحيت وقفت في البلكونه لقيتك قولت انزل بلمره اشم هوا
زين: كابوس!!! خير يارب كابوس اي
لينا: لا متشغلش بالك عادي
زين: مشغلهوش ازاي يعني
لينا: عادي والله انا متعوده هو كل مده بيجيلي كابوس
زين: انتي غريبه
لينا بضحك: ليه بتقول كده
زين ابتسم و سرح في عينيها واتكلم بسرحان: مبينه انك سطحيه بس انتي غمضه و في حاجات كتير مخبياها عليا
لينا وزين فضلو باصين لبعض بسرحان
عدا يجي خمس ثواني وهما علي نفس الحال وفاقو علي صوت قرأن الفجر و كل واحد فيهم بص في ناحيه تانيه ولينا كانت في قمه إحراجها وكسوفها
زين طلع علبه السجاير و طلع سجاره
لينا: انت بتعمل اي
زين: اي! كلا مالا يسهو سُهيت عليا
لينا: سُهيت عليك!! هات العلبه دي
زين: عاوزه تجربي ولا اي
لينا: نينيني ظريف(بجديه) هاتها!!
زين ادهلها وهي مسكت السجاير الي فيها كسرتهم ورمتهم
لينا: قوم اشرب عصير احسنلك
ادم دخل عليهم وهو ساند هدى و حطيت عليهم شال
ادم: بتعملو اي يا كتاكيت
زين: كتاكيت! ليه شايفني ادم
ادم: لا شايفك زين
زين: نينينيني
لينا ضحكت و قامت خدت هدى تقعد جنبها: تعالي ياتيته اقعدي
وادم جاب كرسي وقعد جنب زين
ادم: صحيتي من بدري ولا اي
لينا: لسه من نصايه كده..شوفتي الي حصل ياتيتا
هدى: حصل اي
لينا: الواد زين طلع بيشرب سجاير
هدى بصدمه: انت مش قولتلي انك بطلتها يابني
زين: ايوه حصل
هدى: اومال اي
زين: ياهدهد كنت بهودك يعني عديها وبعدين الي جنبك دي بوزت السجاير و رمتها
هدى: جدعه يابت
ادم: والله يابنتي نصحتو قد كده ولا بيحوق معاه
لينا: ايوه عيل متعب
زين: عيل!! يابت راعي فرق السن الي بينا انا لو كنت اتجوزت كنت جبت قدك
لينا: يخربيت دي جمله كل شويه بتقولها
ادم: انتي عندك كام سنه
لينا: ٢١
ادم: طب يعني الفرق بيني و بينا يجي خمس سنين ده انتي تقوليلي ياابيه
لينا: ابيه! واي كمان
زين: وانا قوليلي يا أونكل
لينا: أونكل و أبيه! قوم يالا منك ليهه نصحيهم علشان نصلي
الاذان اذن
ادم بضحك: يلا فعلا
ادم سند هدى و دخلو وكل واحد طلع اوضتو و لينا عدت علي ميرال صحتها و زين عدا علي اوضه اركان و فضل يخبط لغايط ما صحيو بعد كده اتجمعو كلهم تحت وقبل ما الرجاله تخرج ميرال راحت ل جدها
ميرال بصوت واطي: جدو
المنشاوي بنفس الصوت: نعم ياحبيبه جدو
ميرال: ممكن طلب صغنون
المنشاوي بحنيه: اطلبي ياقلبي
ميرال: اي رايك متروحوش المسجد انهارده و نصلي كلنا مع بعض
المنشاوي بتفكير: اممم ماشي احنا عنينا ليكي
ميرال حضنتو: حبيبي
المنشاوي بصوت عالي: بقولكم اي احنا هنصلي هنا يلا
زين: ايوه طبعا ما ميرال دي طلابتها أوامر
المنشاوي: ده غصب عنك يلا ياواد
زين بضحك: ماشي ياعم
هما وقفو كلهم و لسه المنشاوي هيبدأ صلاه زين قطعو
زين: استنو لينا فين
لينا خرجت من اوضتها و نزلت بسرعه
لينا: انا جايه اهو
لينا نزلت وقفت جنب خديجه و ميرال و هدى كانت قاعده علي الكرسي و بدأو صلاة بعد كده خلصو و المنشاوي بدأ يدعي
المنشاوي: اللهم أهدنا الي الصراط المستقيم
الكل:أمين
المنشاوي: اللهم اسكنا الجنه الفردوس
الكل: امين
المنشاوي: اللهم اكفل كل يتيم
الكل: أمين
المنشاوي: اللهم لا تحرمنا من لقائك
الكل: امين
المنشاوي: اللهم اشفي كل مريض
الكل: أمين
المنشاوي: اللهم تقبل منا صالح الاعمال
الكل: أمين
المنشاوي: اللهم يسر احوالنا
الكل: أمين
المنشاوي: اللهم ارحم المسلمين الاحياء منهم و الاموات
الكل: أمين
المنشاوي: اللهم تقبل صلاتنا
الكل: أمين
المنشاوي: اللهم تقبل دعائنا
الكل: أمين
المنشاوي: اللهم ثبتنا علي دينك
الكل: امين
المنشاوي: اللهم احسن خاتمتنا و خاتمه جميع المسلمين
الكل: امين
المنشاوي: اللهم حرم جسدنا علي النار
الكل: امين
المنشاوي: اللهم نجينا من عذاب القبر و عذاب جهنم
الكل: امين
المنشاوي: اللهم امين يارب العالمين
ذاك: نسيت اهم دعاء
المنشاوي: اي هو
ذاك: اللهم ارزقنا الذريه الصالحه
ميرال: والزوج الصالح
ادم: و الزوجه الصالحه
الكل بضحك: امين
ذاك بضحك: واللهم خديجه تجبلنا نونو نلعب بيها
الكل بضحك: أمين
خديجه: ده انا مش هخليك تلمس النونو بص لمسه كده
ذاك: ده انا الي مش هخليكي انتي الي تلمسيه انا هاخدو منكم واسافر
أركان: احلم ياخويا احلم
هدى: طب يلا يارجاله اقعدو اعملو قعده ذكر وادعيه كده واحنا هنعمل الفطار
الرجاله: ماشي
الرجاله قعدو و فضلو يتكلمو في الدين و ايام الانبياء و الصحابه وكانت قاعده جميله و الستات راحو المطبخ جهزو الفطار و بعد مده خرجو الاكل علي التربيزه و نادو علي الرجاله و قعدو يفطرو
ميرال: انتي لسه بتدرسي صح
لينا: اه خلاص ناقصلي اخر سنه
ميرال: وانا كمان طب انتي في جامعه اي
لينا: القاهره وانتي
ميرال بضحك: القاهره بردو
لينا: طب احنا هنعمل اي
ميرال: الحل بسيط انتي هتبقي معايا
لينا: مش فاهمه
ميرال: بصي انا بقعد في سكن الطلاب و بنزل اجازه يوم الجمعه و السبت ومعايا صحبتي و انتي هتيجي معانا اي رايك
لينا بتفكير: مش عارفه
ميرال: طب انتو اي رايكم ياجماعه
زين: شايفه حل كويس
ادم: وانا كمان
المنشاوي: وانا بردو
هدى: وانا موافجه اهو تبقو مع بعض
اركان وخديجه: اتفق
الكل ضحك بعد كده بصو ل ذاك
ميرال بحماس: ها اي رايك
ذاك بضيق: مش عارف...انا شبعت الحمدلله
وسابهم و خرج وقف في الجنينه
لينا: طب بعد اذنكم
ولينا خرجت راحتلو
ـــــــــــــــــــــــــــــــــــــــــــــــــــــــــــــــ
كانت الشمس بدات تظهر
لينا وقفت قدامو: انت ياواد يانخله انت
ذاك بهدوء: نعم
لينا: مالك
ذاك بضيق: جوايا حاجات متلغبطه
لينا: طب قولي عليهم وانا هرتبهم
ذاك: مش عاوز اسافر بس لازم و مش عاوز اسيبك لوحدك تاني و خايف عليكي يحصلك حاجه تاني او معرفش اوصلك تاني او عمر المتخلف يعملك حاجه و يبعدك عني وانا مش هسمح بده ابدا ومش عارف اعمل اي
لينا: وانا عندي ليك الحل
ذاك: قولي
لينا: بص اولا كده انت هتسافر علشان شغلك اهم حاجه وبعدين انت تعبت علشان توصل للي انت فيه مينفعش تضيع كل ده من قرار غبي ثانيا بقا متخفش عليا ياسيدي انا كويسه وهبقا كويسه ان شاءلله وسيبها علي ربنا وبعدين انا مش لوحدي كلهم هنا جنبي و حاسه انهم اهلي و رجعولي شعور الامان تاني ثالثا انا مش هبقا لوحدي لما اروح السكن هيبقا معايا ميرال (كملت بضحك) وبعدين ده زين بيمشي معانا رجاله شبه الدب القطبي كده وكبير اوي
ذاك ضحك
لينا: ايوه ياعم كده اضحك وفك يعني احنا بعدنا عن بعض يجي ١٠سنين و ربنا جمعنا ببعض تاني هتيجي بقا علي سنه دراسه و تخاف ياعم الله هو الحارس سبها عليه
ذاك: ونعمه بالله
لينا: خلاص بقا مدايقكش ده انت عيل كئيب تعالا واعملك شاي بلنعناع
ذاك: اذا كان كده ماشي يلا
لينا مسكت في دراع ذاك ودخلو(مأنجچين بعض يعني) وكان الباقي قام من الاكل و الستات بتشيل الاكل
ادم: تصدق وتؤمن بالله لو مكنتش بنت اختك كنت قولت خطيبتك ولا مراتك
ذاك: يابني لينا دي حبي
لينا: حبيبي ياناس
ذاك بص لادم: غيري مني و ولعي
زين: يلا ياخويا منك ليه مش ناقصه محن
لينا بصت لزين: ياصفرااا يالي شغلا بالك بياا تعالي اشربي بييبس
زين مسك مخده وحدفها في وش لينا
لينا: انا بقول يلا تمشو علشان متتاخروش
كلهم ضحكو
الرجاله مشيت الشغل و الستات شالو الاكل بعد كده قعدو مع بعض وهما بيشربو شاي
خديجه: انتي في كليه اي يالينا
لينا: فنون جميله
خديجه: اوووه معانا فنانه هنا
لينا بضحك: متكبرش الموضوع يافوزي
و قعدو يضحكو
لينا: وانتي ياميرال
ميرال: انا في حسابات ومعلومات
لينا: ياجامد
هدى: تفتكرو هعيش لغايط ما اشوفكو بالابيض
ميرال: الكفن ولا اي
هدى: بعد الشر ياحيوانه جصدي الفرح
ميرال: لا مش دلوقتي خالص
لينا: وانا لما هتجوز مش هعمل فرح
هدى بصدمه: ليه يابنتي كده
لينا: مبحبش الافراح و فكره ان كلو مركز معايا دي حاجه بتوترني اوي و حوار كده
ميرال: والله وجهه نظر بس انا مش معاكي علشان بصراحه بحب الافراح
خديجه(بخبث): خلاص ياهدهد احنا هنحضر فرح ميرال قريب
ميرال قرصتها من غير ما حد ياخد بالو
هدى: أمين يابنتي بس انتي ايش عرفك
ميرال: بتتوقع ياهدهد وبعدين قومي بسرعه انتي سايبه الاكل علي النار
هدى بخضه: يخراشي
وقامت بسرعه
خديجه: الله في اي ياميرو
ميرال: احنا قفلنا الموضوع ده
خديجه: انا مش شيفاه غير زوجك المستقبلي
لينا: استنو بس قصدكو مين
خديجه بمكر: أسر
ميرال: اسمو دكتور أسر ده يبقا دكتوري في الجامعه
لينا بصدمه: حرام عليكي ده زمانو كبير في السن (كملت بضحك) كده هيبقا شوجر دادي
خديجه: لا يابت ده صغير عندو 26سنه قد ادم يعني
لينا بغمزه: طب ماحلو اهو
ميرال: انتو بتقولو اي ده الدكتور بتاعي مش اكتر
لينا: خدتي بالك انتي ياديچه من كلمه بتاعي
خديجه: خدت يختي وبعدين انتي اي مشكلتك ياميرو منا أركان كان مديري وانا كنت تحت تدريب وعادي اتجوزنا بردو
لينا: الله لا نبقا نقعد وتقعدي تحكيلي ياديچه
خديجه: من عنيا
لينا: هاا نقرا الفاتحه
ميرال قامت: لالا انتو مجانين
خديجه شتدتها قعدتها تاني
لينا: هي مدايقه ليه؟ هو وحش؟
خديجه: ده قمر بس مش اكتر من أركان يعني بس بسم الله ماشاء الله راجل ملوي هدومو كده طول بعرض بعضلات و راجل ناجح في حياتو و محترم و بيبر والديه
ميرال: وانتي عرفتي ده كلو امتا ده انتي شوفتيه مره
خديجه: يابنتي انا ليا نظره بردو
لينا: وانا بصدق في نظره ديچه
ميرال: انا هقوم اروح ل تيتا اساعدها بدل الهبل الي انا قاعده فيه ده
ميرال قامت و لينا و خديجه بصو لبعض بنظرات خبيثه فهمو معناها بعد كده قامو راحو ل هدى في المطبخ وقعدو يهزرو و يضحكو و حضرو في الاكل و لينا عملت كيكه بلشكولاته و فضلو قاعدين بيرغو لغايط ما الرجاله جت و مكملش خمس دقايق و أركان جيه وراهم و طلعو يغيرو و الستات سخنت الاكل و طلعتو علي التربيزه و قعدو ياكلو
أركان: هتمشو امتا
ذاك: تعرف يا منشاوي بيه انت ربيت العيال دي احسن تربيه اه والله بس نسيت حاجه مهمه انك تعلمهم اساليب الكلام بص طريقه كلامو عامله ازاي
المنشاوي بضحك: تصدق نسيت بجد
زين بضحك: انا بكره الصبح يعني هصلي الفجر و امشي
ادم: وانا كمان
ذاك: هو وانا كمان بس علي امريكا
لينا بزعل: ليه
ذاك: أرثر كلمني و قالي ان في عميل عندنا عامل مشكله كبيره ومش عاوز يتعامل غير معايا (كمل بأنفعال ضحكهم) اصل انا فيا سكر فيا عسل انا ما يتنيل يتعامل مع ارثر ولا جون ولا ماثيون هو اه عيل تنح بس شاطر
لينا بضحك: اهدا ياخويا اهدا هيجيلك الضغط
ذاك بانفعال: مهو جيه خلاص جيه وربع
هما قعدو يضحكو
ادم: طب هترجع امتا
ذاك: مش عارف بس مظنش هطول يعني و بعدين انا لقيت حل كده اني انقل شغلي هنا ولو الحل نفع هقيم في مصر
خديجه: يعني هتفضل قاعدلنا كده
ذاك برخامه: علي قلبك مش رايح في حته وكلمه كمان هروح ابات معاكو و هخلي أركان مينامش معاكي وبنام معايا
خديجه بصت ل لينا:لموخذه يالينا (بعد كده بصت ل ذاك) ده عند الست الوالده الي هي امك يعني
ذاك: اي هتروحي تباتي مع امي في المقابر
خديجه: حرام عليك ياشيخ رفعتلي الضغط انت لو ضرتي مش هتعمل كده
ذاك طلع لسانو
والكل كان بيموت من الضحك عليهم
ـــــــــــــــــــــــــــــــــــــــــــــــــــــــــ
بعد كده خلصو اكل وكل واحد شال طبقو وهو قايم و الرجاله سعدوهم وشالو معاهم بعد كده كلهم قعدو في الجنينه وهما عاملين شاي بلنعناع و حطين الكيكه الي لينا عملتها و قعدو يهزور و يتكلمو
لينا: طب انا كده هدومي هناك عند زين اعمل اي
زين: فلحه...بوصي انا كده كده جاي الاسبوع الجاي هبقا اخلي زينه تلم هدومك كلها واجبهملك وانا جاي
لينا: وانا لسه هستنا اسبوع كامل الشتا دخل و الجو بقا سقعه
ميرال: خلاص هبقا اديكي من عندي عقبال ما هو يجي خلصانه
لينا: خلصانه يازميلي
زين: لينا عندها موهبه تكبير المواضيع الهيفه
ادم: لا دي البنات كلها مش لينا بس اسال مجرب
لينا بصدمه: انت بتاع نسوان يا أدم
ادم: لا مسمحلكيش انا متربي
لينا: طب الحمدلله
ادم: بس مش متربي اوي يعني
ذاك: كده انت اخويا
كلهم قعدو يضحكو
هدى بضحك: معلش يابنتي معرفتش اربيهم في الحته دي وهما يعني هيجبوه من بره
المنشاوي: قصدك انا يعني
هدى: ايوه كنت كده في شبابك
المنشاوي: بس ده قبل ما اشوفك انا بعد ما شوفتك ماشوفتش ست بعدك انتي عندي بيهم كلهم (بعد كده باس اديها)
هدى بكسوف: وه مش قدام العيال
زين: يخلاثي عليكو كتاكيت
المنشاوي: بس ياواد
ذاك: اللاه الواد مكدبش شكلكم قمرات كده
ادم: ولا اكنهم لسه متجوزين امبارح
المنشاوي: وانت ياهبل فاكر ان لما بتحب بجد الحب بيقل بعد الجواز
ميرال: اومال اي ياجدو
المنشاوي: الحب الي بجد عمره ما يقل الحب ديما بيزيد بس ده لما تبقا مختار الشخص الصح الشخص الي يشيلك وقت حزنك الي قبل ما تقول انت محتاج اي يبقا هو جبهولك و في فرق بين انت محتاج اي و انت عاوز اي لما بتكون محتاج بتبقا حاجه معنويه لكن الي عاوز بتبقا حاجه ماديه بس في جميع الاحوال وفي كل الظروف هتلاقيه اول الواقفين قدامك بيقولك متقلقش انا موجود وهفضل موجود مهما حصل مهما قالو عنك و مهما عملو هيقولك انا بحبك و واثقه فيك
المنشاوي خلص كلامو والكل سقف بفرحه و المنشاوي بص ل هدى و خدها في حضنو وهما قاعدين و خديجه كانت قاعده في حضن أركان
أركان: كلام مظبوط اوي وحلو بس ده مش معناه ان شريك حياتك ميبقاش فاهم انت محتاج اي علشان انت مش مبين او محسسو انك محتاج يبقا كده هو غلطان يعني مثلا انا لو تعبان ف هقول انا تعبان او علي الاقل هيبقا باين في ملامحي ف خديجه هتعرف اني تعبان لكن لو خفيت عنها تماما وهي مبقتش فاهمه هي كده مش غلطانه علشان انا الي مخبي
اركان خلص كلامو ولينا كملت
لينا: بس مش معنى اننا نخبي نبقا احنا الغلط احنا ممكن نخبي علشان مثلا منخسرش الي قدامنا او انو يبعد بعد ما يعرف او انو يبقا شايل همي ف انا مش عاوزه ادايقو ف انا ماشيه بجمله متحكمش علي الي قدامك مدام انت مش شايف الصوره كامله
ميرال: صح احنا كلنا بنبقا مخبين جزء في الصوره
ادم: بس الجزء ده هيظهر في يوم ل شخص معين و دورك بقا انك تختار الشخص الصح الي توريه الجزء ده
لينا: مش شرط الجزء ده يبان في ناس بتموت وهي دافنه جواها الجزء ده
زين: هتلاقي ساعتها ان ده سبب الموت انو فضل كاتم فب نفسو كل ده
لينا: ممكن
ذاك بدهشه: سبحان الله اي الحكم الي نزلت عليكو مره واحده دي
الكل ضحك
ذاك: فككم بقا وتعالو نلعب اونو
الكل: يلا
وقعدو يلعبو كتير و يضحكو و يهزور و يرغو لغايط ما تعبو و قامو كلهم نامو علشان هيصحو بكره بدري
ـــــــــــــــــــــــــــــــــــــــــــــــــــــــــــــــ
كده البارت خلص ياقمرات قولولي رايكم في كومنت و اعملو ڤويت للبارت
بس تفتكرو اي الجزء الي كل واحد مخبيه جواه؟
واي سر غموض لينا زي ما زين بيقول؟!
اقابلكم في البارت الجاي ياقمرات بااااي
يَوماً مَا سَنلتَقي...سَنلتقي كما يَليقُ بِنا اللقاء♡.
أنت تقرأ
لن اتخلى عنكِ
Romanceلن تكمل قصتي معك و لكن اقسم انني لم أكمل قصتي الا معك I Didn't complete my story with you, but I swear that I Didn't complete my story without you
