لن اتخلى عنكِ

14

" في السكن  الساعه 4الفجر "
دليلا كانت قاعده بتكلم اخوها في التلفون
يوسف: السلام عليكم
دليلا: وعليكم السلام عامل اي ياچوو والله وحشتني في اليومين دول
يوسف: حوشي يابت الحب ولع في الدره
دليلا: الحق عليا بسال فيك بدل ما انت وحداني ولا حد بيعبرك غيري
يوسف: حاسس اني بتهان
دليلا: لا ياحبيبي وهو انا اقدر بس قولي بجد مش ناوي تتجوز
يوسف: وهي بنت الحلال جت
دليلا: اه وقاعده مستنيه اشاره بس منك
يوسف بتمهيده: احنا اتكلمنا في الموضوع ده قبل كده
دليلا: يا يوسف البنت بتحبك
يوسف: الي بيحب حد بيحميه وانا بحبها ومش عاوزها تتظلم معايا
دليلا: يابني البت هتروح من ايدك و هتتجوز حد غيرك
يوسف بإندفاع: مش هيحصل
دليلا: لا هيحصل لو فضلت رافضها كده اهلها هيجبروها علي الجواز و هي ماشاءالله العرسان عليها كتير
يوسف: انتي قصده تعصبيني
دليلا: يايوسف ياحبيبي انت بتحبها وهي بتحبك و الموت ده حاجه في ايد ربنا ولو ماتت هيبقا ده قدرها
يوسف بيأس: بس هتبقا ماتت بسببي و بعدين مش كفايه انتي
دليلا: مالي بقا منا زي الفل
يوسف: مش عاوزه تمشي بحراسه و معرضه للخطر في كل ثانيه
دليلا: انسى موضوع الحراسه ده خالص انا بعرف احمي نفسي
يوسف: مش هتعرفي في كل مره
دليلا: اولا متقاطعش كلامي و ثانيا بقا حتا لو اتخطفت مش هيقدرو يموتوني علشان عارفين اني لو مت هيبقا دخلو الجحيم برجليهم
يوسف : محدش يقدر يقربلك اصلا
دليلا: اخوياااا .... ينفعش اقولك حاجه
يوسف: قولي
دليلا: احم انا مش هنزل اجازه الاسبوع ده
يوسف: ادا ليه
دليلا حكتلو مختصر الي حصل
يوسف: جدعه البت دي لازم تقف عند حدودها
دليلا: فكك منها دي مهزقه بس المهم دلوقتي انا عاوزاك تقول ل ماما
يوسف: اشمعنا
دليلا: احنا هنستعبط ما انت عارفه انك قريب من ماما اكتر مني
يوسف: خلاص ماشي طب و الحج
دليلا: لا حجيجه بقا سيبو عليا
يوسف بضحك: خلاص ماشي اقفلي بقا عاوز الحق انام شويه
دليلا: ماشي سلام
يوسف: سلام
ـــــــــــــــــــــــــــــــــــــــــــــــــــــــــــــــ
ميرال كانت في البلكونة بتكلم خديجه في التليفون
ميرال: السلام عليكم
خديجه: وعليكم السلام عامله اي ياميرو
ميرال: انا تمام الحمدلله انتي اخبارك اي
خديجه: الحمدلله تمام
ميرال: واركان عامل اي
خديجه: كويس الحمدلله اديه اهو في العمليات
ميرال: ربنا معاه هو انتي في المستشفى؟
خديجه: اه كان في حاله طارئة ل طفل ف جيت... يومي بدأ بدري
ميرال: ربنا معاكي
خديجه: يارب و لينا و دليلا عاملين اي
ميرال: تمام الحمدلله احنا بدانا دراسه اهو و القرف
خديجه: معلش كلها كام يوم و تنزلي اجازه
ميرال: احم ما انا كلمتك علشان كده
خديجه: في اي
ميرال: انا مش هنزل اجازه الاسبوع ده
خديجه: يختااي ليه
ميرال قعدت حكتلها الخناقه الي حصلت
خديجه بخضه: يعني انتو كويسين
ميرال: اه الحمدلله متقلقيش
خديجه: و هتقولي ل جدك و اركان ازاي بقا
ميرال: جدي زين هيكلمو الموضوع سهل
خديجه: واركان؟
ميرال: البركه فيكي بقا
خديجه: نعم يختي
ميرال: ياديچه انتي الوحيدة الي تقدري تقوليلو وبعدين انتي بتعرفي تتصرفي معاه
خديجه: انتي كده بتحطيني قدام المدفع
ميرال: خليها عليكي المرادي معلش
خديجه: خلاص هقولو وابقا اقولك
ميرال: اشطا
خديجه: يلا سلام انا بقا
ميرال: سلام ياقلبي
خديجه قفلت وميرال دخلت الاوضه
ـــــــــــــــــــــــــــــــــــــــــــــــــــ
و الاذان اذن قعدو رددو وراه وبعد كده قالو الدعاء
دليلا: هقوم اتوضى و انتي صحي لينا ونصلي جماعه
ميرال: ماشي
دليلا قامت و ميرال راحت عند لينا و وزقتها شويه و قعدت جنبها
ميرال: لينا...بت...اصحي يابت
لينا بنوم: اممم
ميرال: قومي هنصلي الفجر
لينا بنوم: ماشي
ميرال: طب قومي... اصحي بقا
لينا فتحت نص عين و بصتلها: عاوزه اي
ميرال: كفايه نوم قومي
لينا: هو انا لحقت انام
ميرال: وهو انتي نايمه امتا
لينا: مش فاكره بس علي المغرب او العشا كده
ميرال: طب انتي نمتي كتير اهو اصحي بقا
لينا قامت قعدت بنوم: اهو قومت
ميرال: جدعه احكيلي عملتي اي امبارح بقا بعد ما انا نمت
لينا: حد حكالك حاجه
ميرال باستغراب: حاجه اي
لينا: ولا حاجه ولا حاجه
ميرال: طب عملتي حاجه مهمه امبارح ماانتي لازم ترغي علشان تفوقي
لينا: روحت لزين في الشركه
ميرال: وه ليه
لينا: علشان مشكله ياسر و الحمدلله يعني الموضوع اتحل وخد امبارح نص يوم
دليلا خرجت من الحمام وكانت سامعه الحوار
دليلا بخبث: علشان ياسر بردو
لينا باستهبال: ايوه
ميرال بخبث: يالينا يعني تروح لزين مخصوص علشان ياسر
لينا: ايوه اومال هيبقا اي يعني
دليلا: كنتي عاوزه تشوفيه مثلا
لينا: مش فاهمه قصدكو
دليلا بتلقائيه: انتي بتحبيه؟
لينا باندهاش: مين زين لا طبعا لالا ده اخويا يابنتي
ميرال: اخوكي بردو
دليلا: متلفيش و تدوري قولي بصراحه بتحبيه؟
لينا سرحت وفكرت انها ممكن تبقا فعلا حبتو بعد كده  افتكرت حاجه غيرت تفكيرها
لينا بابتسامه باهته: انا وزين مينفعش نبقا حاجه غير صحاب...متفتحوش الموضوع ده تاني
لينا قامت دخلت الحمام وسط استغراب البنات
لينا بصت لنفسها في المرايا وكل الذكريات بتتعاد قدامها... ذكريات حاربت كتير علشان تنساها وعلشان تعرف تكمل حياتها بس للاسف الذكريات بتطاردها في كل مكان كل ما ماتقول انها نسيتها تفتكرها تاني
لينا مسحت وشها و اتوضت وخرجت وطلعت الاسدال
ميرال باسف: احنا اسفين يا لينا
دليلا بأسف: مكنش قصدنا ندايقك
لينا بضحك: اي يااوڤر ده يلا يابت قومي اتوضي عقبال ما اصلي الثنه ويلا يادليلا قومي صلي
ميرال و دليلا: حاضر
دليلا و لينا وقفو صلو الثنه و ميرال جت صلت بعد كده صلو جماعه و بعد ما خلصو فضلو قاعدين يقرأو قران
ـــــــــــــــــــــــــــــــــــــــــــــــــــــــ
سوره" يس "
﴿ بِسْمِ اللَّهِ الرَّحْمَنِ الرَّحِيمِ ﴾
يس (1) وَالْقُرْآنِ الْحَكِيمِ (2) إِنَّكَ لَمِنَ الْمُرْسَلِينَ (3) عَلَى صِرَاطٍ مُسْتَقِيمٍ (4) تَنْزِيلَ الْعَزِيزِ الرَّحِيمِ (5) لِتُنْذِرَ قَوْمًا مَا أُنْذِرَ آبَاؤُهُمْ فَهُمْ غَافِلُونَ (6) لَقَدْ حَقَّ الْقَوْلُ عَلَى أَكْثَرِهِمْ فَهُمْ لَا يُؤْمِنُونَ (7) إِنَّا جَعَلْنَا فِي أَعْنَاقِهِمْ أَغْلَالًا فَهِيَ إِلَى الْأَذْقَانِ فَهُمْ مُقْمَحُونَ (8) وَجَعَلْنَا مِنْ بَيْنِ أَيْدِيهِمْ سَدًّا وَمِنْ خَلْفِهِمْ سَدًّا فَأَغْشَيْنَاهُمْ فَهُمْ لَا يُبْصِرُونَ (9) وَسَوَاءٌ عَلَيْهِمْ أَأَنْذَرْتَهُمْ أَمْ لَمْ تُنْذِرْهُمْ لَا يُؤْمِنُونَ (10) إِنَّمَا تُنْذِرُ مَنِ اتَّبَعَ الذِّكْرَ وَخَشِيَ الرَّحْمَنَ بِالْغَيْبِ فَبَشِّرْهُ بِمَغْفِرَةٍ وَأَجْرٍ كَرِيمٍ (11) إِنَّا نَحْنُ نُحْيِي الْمَوْتَى وَنَكْتُبُ مَا قَدَّمُوا وَآثَارَهُمْ وَكُلَّ شَيْءٍ أَحْصَيْنَاهُ فِي إِمَامٍ مُبِينٍ (12) وَاضْرِبْ لَهُمْ مَثَلًا أَصْحَابَ الْقَرْيَةِ إِذْ جَاءَهَا الْمُرْسَلُونَ (13) إِذْ أَرْسَلْنَا إِلَيْهِمُ اثْنَيْنِ فَكَذَّبُوهُمَا فَعَزَّزْنَا بِثَالِثٍ فَقَالُوا إِنَّا إِلَيْكُمْ مُرْسَلُونَ (14) قَالُوا مَا أَنْتُمْ إِلَّا بَشَرٌ مِثْلُنَا وَمَا أَنْزَلَ الرَّحْمَنُ مِنْ شَيْءٍ إِنْ أَنْتُمْ إِلَّا تَكْذِبُونَ (15) قَالُوا رَبُّنَا يَعْلَمُ إِنَّا إِلَيْكُمْ لَمُرْسَلُونَ (16) وَمَا عَلَيْنَا إِلَّا الْبَلَاغُ الْمُبِينُ (17) قَالُوا إِنَّا تَطَيَّرْنَا بِكُمْ لَئِنْ لَمْ تَنْتَهُوا لَنَرْجُمَنَّكُمْ وَلَيَمَسَّنَّكُمْ مِنَّا عَذَابٌ أَلِيمٌ (18) قَالُوا طَائِرُكُمْ مَعَكُمْ أَئِنْ ذُكِّرْتُمْ بَلْ أَنْتُمْ قَوْمٌ مُسْرِفُونَ (19) وَجَاءَ مِنْ أَقْصَى الْمَدِينَةِ رَجُلٌ يَسْعَى قَالَ يَا قَوْمِ اتَّبِعُوا الْمُرْسَلِينَ (20) اتَّبِعُوا مَنْ لَا يَسْأَلُكُمْ أَجْرًا وَهُمْ مُهْتَدُونَ (21) وَمَا لِيَ لَا أَعْبُدُ الَّذِي فَطَرَنِي وَإِلَيْهِ تُرْجَعُونَ (22) أَأَتَّخِذُ مِنْ دُونِهِ آلِهَةً إِنْ يُرِدْنِ الرَّحْمَنُ بِضُرٍّ لَا تُغْنِ عَنِّي شَفَاعَتُهُمْ شَيْئًا وَلَا يُنْقِذُونِ (23) إِنِّي إِذًا لَفِي ضَلَالٍ مُبِينٍ (24) إِنِّي آمَنْتُ بِرَبِّكُمْ فَاسْمَعُونِ (25) قِيلَ ادْخُلِ الْجَنَّةَ قَالَ يَا لَيْتَ قَوْمِي يَعْلَمُونَ (26) بِمَا غَفَرَ لِي رَبِّي وَجَعَلَنِي مِنَ الْمُكْرَمِينَ (27) وَمَا أَنْزَلْنَا عَلَى قَوْمِهِ مِنْ بَعْدِهِ مِنْ جُنْدٍ مِنَ السَّمَاءِ وَمَا كُنَّا مُنْزِلِينَ (28) إِنْ كَانَتْ إِلَّا صَيْحَةً وَاحِدَةً فَإِذَا هُمْ خَامِدُونَ (29) يَا حَسْرَةً عَلَى الْعِبَادِ مَا يَأْتِيهِمْ مِنْ رَسُولٍ إِلَّا كَانُوا بِهِ يَسْتَهْزِئُونَ (30) أَلَمْ يَرَوْا كَمْ أَهْلَكْنَا قَبْلَهُمْ مِنَ الْقُرُونِ أَنَّهُمْ إِلَيْهِمْ لَا يَرْجِعُونَ (31) وَإِنْ كُلٌّ لَمَّا جَمِيعٌ لَدَيْنَا مُحْضَرُونَ (32) وَآيَةٌ لَهُمُ الْأَرْضُ الْمَيْتَةُ أَحْيَيْنَاهَا وَأَخْرَجْنَا مِنْهَا حَبًّا فَمِنْهُ يَأْكُلُونَ (33) وَجَعَلْنَا فِيهَا جَنَّاتٍ مِنْ نَخِيلٍ وَأَعْنَابٍ وَفَجَّرْنَا فِيهَا مِنَ الْعُيُونِ (34) لِيَأْكُلُوا مِنْ ثَمَرِهِ وَمَا عَمِلَتْهُ أَيْدِيهِمْ أَفَلَا يَشْكُرُونَ (35) سُبْحَانَ الَّذِي خَلَقَ الْأَزْوَاجَ كُلَّهَا مِمَّا تُنْبِتُ الْأَرْضُ وَمِنْ أَنْفُسِهِمْ وَمِمَّا لَا يَعْلَمُونَ (36) وَآيَةٌ لَهُمُ اللَّيْلُ نَسْلَخُ مِنْهُ النَّهَارَ فَإِذَا هُمْ مُظْلِمُونَ (37) وَالشَّمْسُ تَجْرِي لِمُسْتَقَرٍّ لَهَا ذَلِكَ تَقْدِيرُ الْعَزِيزِ الْعَلِيمِ (38) وَالْقَمَرَ قَدَّرْنَاهُ مَنَازِلَ حَتَّى عَادَ كَالْعُرْجُونِ الْقَدِيمِ (39) لَا الشَّمْسُ يَنْبَغِي لَهَا أَنْ تُدْرِكَ الْقَمَرَ وَلَا اللَّيْلُ سَابِقُ النَّهَارِ وَكُلٌّ فِي فَلَكٍ يَسْبَحُونَ (40) وَآيَةٌ لَهُمْ أَنَّا حَمَلْنَا ذُرِّيَّتَهُمْ فِي الْفُلْكِ الْمَشْحُونِ (41) وَخَلَقْنَا لَهُمْ مِنْ مِثْلِهِ مَا يَرْكَبُونَ (42) وَإِنْ نَشَأْ نُغْرِقْهُمْ فَلَا صَرِيخَ لَهُمْ وَلَا هُمْ يُنْقَذُونَ (43) إِلَّا رَحْمَةً مِنَّا وَمَتَاعًا إِلَى حِينٍ (44) وَإِذَا قِيلَ لَهُمُ اتَّقُوا مَا بَيْنَ أَيْدِيكُمْ وَمَا خَلْفَكُمْ لَعَلَّكُمْ تُرْحَمُونَ (45) وَمَا تَأْتِيهِمْ مِنْ آيَةٍ مِنْ آيَاتِ رَبِّهِمْ إِلَّا كَانُوا عَنْهَا مُعْرِضِينَ (46) وَإِذَا قِيلَ لَهُمْ أَنْفِقُوا مِمَّا رَزَقَكُمُ اللَّهُ قَالَ الَّذِينَ كَفَرُوا لِلَّذِينَ آمَنُوا أَنُطْعِمُ مَنْ لَوْ يَشَاءُ اللَّهُ أَطْعَمَهُ إِنْ أَنْتُمْ إِلَّا فِي ضَلَالٍ مُبِينٍ (47) وَيَقُولُونَ مَتَى هَذَا الْوَعْدُ إِنْ كُنْتُمْ صَادِقِينَ (48) مَا يَنْظُرُونَ إِلَّا صَيْحَةً وَاحِدَةً تَأْخُذُهُمْ وَهُمْ يَخِصِّمُونَ (49) فَلَا يَسْتَطِيعُونَ تَوْصِيَةً وَلَا إِلَى أَهْلِهِمْ يَرْجِعُونَ (50) وَنُفِخَ فِي الصُّورِ فَإِذَا هُمْ مِنَ الْأَجْدَاثِ إِلَى رَبِّهِمْ يَنْسِلُونَ (51) قَالُوا يَا وَيْلَنَا مَنْ بَعَثَنَا مِنْ مَرْقَدِنَا هَذَا مَا وَعَدَ الرَّحْمَنُ وَصَدَقَ الْمُرْسَلُونَ (52) إِنْ كَانَتْ إِلَّا صَيْحَةً وَاحِدَةً فَإِذَا هُمْ جَمِيعٌ لَدَيْنَا مُحْضَرُونَ (53) فَالْيَوْمَ لَا تُظْلَمُ نَفْسٌ شَيْئًا وَلَا تُجْزَوْنَ إِلَّا مَا كُنْتُمْ تَعْمَلُونَ (54) إِنَّ أَصْحَابَ الْجَنَّةِ الْيَوْمَ فِي شُغُلٍ فَاكِهُونَ (55) هُمْ وَأَزْوَاجُهُمْ فِي ظِلَالٍ عَلَى الْأَرَائِكِ مُتَّكِئُونَ (56) لَهُمْ فِيهَا فَاكِهَةٌ وَلَهُمْ مَا يَدَّعُونَ (57) سَلَامٌ قَوْلًا مِنْ رَبٍّ رَحِيمٍ (58) وَامْتَازُوا الْيَوْمَ أَيُّهَا الْمُجْرِمُونَ (59) أَلَمْ أَعْهَدْ إِلَيْكُمْ يَا بَنِي آدَمَ أَنْ لَا تَعْبُدُوا الشَّيْطَانَ إِنَّهُ لَكُمْ عَدُوٌّ مُبِينٌ (60) وَأَنِ اعْبُدُونِي هَذَا صِرَاطٌ مُسْتَقِيمٌ (61) وَلَقَدْ أَضَلَّ مِنْكُمْ جِبِلًّا كَثِيرًا أَفَلَمْ تَكُونُوا تَعْقِلُونَ (62) هَذِهِ جَهَنَّمُ الَّتِي كُنْتُمْ تُوعَدُونَ (63) اصْلَوْهَا الْيَوْمَ بِمَا كُنْتُمْ تَكْفُرُونَ (64) الْيَوْمَ نَخْتِمُ عَلَى أَفْوَاهِهِمْ وَتُكَلِّمُنَا أَيْدِيهِمْ وَتَشْهَدُ أَرْجُلُهُمْ بِمَا كَانُوا يَكْسِبُونَ (65) وَلَوْ نَشَاءُ لَطَمَسْنَا عَلَى أَعْيُنِهِمْ فَاسْتَبَقُوا الصِّرَاطَ فَأَنَّى يُبْصِرُونَ (66) وَلَوْ نَشَاءُ لَمَسَخْنَاهُمْ عَلَى مَكَانَتِهِمْ فَمَا اسْتَطَاعُوا مُضِيًّا وَلَا يَرْجِعُونَ (67) وَمَنْ نُعَمِّرْهُ نُنَكِّسْهُ فِي الْخَلْقِ أَفَلَا يَعْقِلُونَ (68) وَمَا عَلَّمْنَاهُ الشِّعْرَ وَمَا يَنْبَغِي لَهُ إِنْ هُوَ إِلَّا ذِكْرٌ وَقُرْآنٌ مُبِينٌ (69) لِيُنْذِرَ مَنْ كَانَ حَيًّا وَيَحِقَّ الْقَوْلُ عَلَى الْكَافِرِينَ (70) أَوَلَمْ يَرَوْا أَنَّا خَلَقْنَا لَهُمْ مِمَّا عَمِلَتْ أَيْدِينَا أَنْعَامًا فَهُمْ لَهَا مَالِكُونَ (71) وَذَلَّلْنَاهَا لَهُمْ فَمِنْهَا رَكُوبُهُمْ وَمِنْهَا يَأْكُلُونَ (72) وَلَهُمْ فِيهَا مَنَافِعُ وَمَشَارِبُ أَفَلَا يَشْكُرُونَ (73) وَاتَّخَذُوا مِنْ دُونِ اللَّهِ آلِهَةً لَعَلَّهُمْ يُنْصَرُونَ (74) لَا يَسْتَطِيعُونَ نَصْرَهُمْ وَهُمْ لَهُمْ جُنْدٌ مُحْضَرُونَ (75) فَلَا يَحْزُنْكَ قَوْلُهُمْ إِنَّا نَعْلَمُ مَا يُسِرُّونَ وَمَا يُعْلِنُونَ (76) أَوَلَمْ يَرَ الْإِنْسَانُ أَنَّا خَلَقْنَاهُ مِنْ نُطْفَةٍ فَإِذَا هُوَ خَصِيمٌ مُبِينٌ (77) وَضَرَبَ لَنَا مَثَلًا وَنَسِيَ خَلْقَهُ قَالَ مَنْ يُحْيِي الْعِظَامَ وَهِيَ رَمِيمٌ (78) قُلْ يُحْيِيهَا الَّذِي أَنْشَأَهَا أَوَّلَ مَرَّةٍ وَهُوَ بِكُلِّ خَلْقٍ عَلِيمٌ (79) الَّذِي جَعَلَ لَكُمْ مِنَ الشَّجَرِ الْأَخْضَرِ نَارًا فَإِذَا أَنْتُمْ مِنْهُ تُوقِدُونَ (80) أَوَلَيْسَ الَّذِي خَلَقَ السَّمَاوَاتِ وَالْأَرْضَ بِقَادِرٍ عَلَى أَنْ يَخْلُقَ مِثْلَهُمْ بَلَى وَهُوَ الْخَلَّاقُ الْعَلِيمُ (81) إِنَّمَا أَمْرُهُ إِذَا أَرَادَ شَيْئًا أَنْ يَقُولَ لَهُ كُنْ فَيَكُونُ (82) فَسُبْحَانَ الَّذِي بِيَدِهِ مَلَكُوتُ كُلِّ شَيْءٍ وَإِلَيْهِ تُرْجَعُونَ (83)
صدق الله العظيم♡
ــــــــــــــــــــــــــــــــــــــــــــــــــــــــــــــــ
بعد كده البنات قامو ظبطو الاوضه بعد كده قعدو كل واحده علي تليفونها و لينا طلعت كشكول الرسم و الاقلام وقعدت ترسم فساتين وبدل رجالي وبعد ما خلصت دليلا و ميرال كانو معجبين بلرسومات اوي
ميرال: بجد الديزين جميل اوي
دليلا: انتي هتعمليلي فستان فرحي خلصانه
لينا بضحك: خلصانه
ميرال: طب ما تبداي وتعملي مشروع
لينا: مش عارفه
دليلا: هو اي الي مش عارف انتي عندك موهبه ولازم تستخدميها
لينا: بس كده انا محتاجه حاجات كتير ومحتاجه مكان
ميرال: مكان ليه ما تحطي الحاجه في اوضتك لما نرجع
لينا: اوضتي مش هتكفي القماش و المكنه ده حوار
ميرال بتفكير: يبقا تخدي الاوضه الي جنب المكتب
لينا: اوضه اي
ميرال: في اوضه جنب مكتب جدو بس مش جنبو اوي يعني المهم انها اوضه كبيره و كده كده مقفوله
دليلا: يبقا اتحلت
لينا: هو جدو ممكن يعترض
ميرال: انتي هبله اكيد لا ده هيفرحلك
لينا: خلاص ماشي
دليلا: خلاص احنا هنبدا في اقرب وقت
لينا: هنعمل اي
ميرال: ننزل نجيب المكنه و كل الي محتجاه
لينا: بس انا معرفش اماكن اجيب منها
دليلا: المكنه امرها سهل هنجيبها اولاين و القماش هننزل الازهر نجيب منها
ميرال: بس هنقولهم اي واحنا رايحين
دليلا: احنا هنروح يوم الجمعه و السبت و مريم مش هتعترض يعني احنا كده كده هنبقا قاعدين مش بنعمل حاجه بس مش دي المشكله
لينا: اومال اي
دليلا: عربيتين الحراسه الي معاكو دي مينفعش تروح هناك بيها
ميرال: طب هنعمل اي
لينا: احنا ممكن ناخد ياسر و حازم بس ولما نوصل هناك يقفو في مكان معين واحنا هنلف لفتنا و نرجعلهم
دليلا: خلصانه كده اتفقنا
ميرال: هل هنقول للعيله
لينا: اه مظنش يعني هيعترضو
ميرال: مش عارفه بس هيقولو ان لازم يبقا معانا حد واحنا ماشيين
دليلا: والله العيله دي قلبها خفيف اوي... هيحصلكم اي يعني
لينا: مش عارفه والله عيله اوڤر
ميرال: طب يلا يختي منك ليها نقوم نلبس
لينا: هي الساعه كام
ميرال:سبعه
دليلا: طب يلا
البنات قامت و جهزو و نزلو وهما بيهزرو
كاميليا بإستهزاء: الثلاثي المرح وصل
دليلا: يافتاح ياعليم يارزاق ياكريم
ميرال : فكك منها و يلا احنا
كاميليا: وياترا العربيه الي جابتك امبارح يالينا هتجيبك تاني
لينا ببرود واستفزاز: اول ما تبقا حاجه تخصك هاجي احكيلك علطول
هاجر (واحده معاهم في السكن): مش حاسه انك مزوداها ياكاميليا
مريم خرجت من مكتبها
مريم بحده: محدش يتخطا حدودو... يلا يابنات روحو الجامعه
لينا و دليلا و ميرال خرجو وركبو العربيه
لينا: عملت اي يا ياسر
ياسر بفرحه: صالحتها
دليلا: الف مبروك
ميرال: وعملت اي مع سهى
ياسر: عملت زي ما قولتلو و خطيبتي فرحت اوي لما شافتني عملت كده
حازم: جدع...(بإحرج) اه عيد ميلاد ابني انهارده لو حابين تحضرو يعني
ميرال بأبتسامه: كل سنه وهو طيب
حازم: وانتي طيبه
دليلا: انا جايه مليش دعوه بلعيال دي
حازم بضحك و ابتسامه: تنوري
لينا: عندو كام سنه
حازم: سبعه
لينا: ياعمري طب هتعمل العيد ميلاد فين
حازم: في نادي***
لينا: خلاص يبقا ان شاءلله احنا جايين
حازم: تنورو والله(بعد كده بص ل ياسر) اه صح هات خطيبتك معاك
ياسر:حاضر
ـــــــــــــــــــــــــــــــــــــــــــــــــــــــــــ
البنات وصلو و راحو الكافتريا علشان مكنتش لسه محاضرتهم بدات
دليلا بإستغراب: هو اي موضوع العربيه الي كاميليا قالتلك عليه ده يالينا
ميرال: اه صح انا بردو مفهمتش قصدها
لينا: امبارح بعد ما روحت ل زين قولتلو وصلني انت و خلي حازم و ياسر يخدو بقيت اليوم اجازه علشان مبقاش مبينه اني راحه علشان ياسر بس ف لما وصلني شكل كاميليا شافتني ولما طلعت قالت كلام سخيف وكده بس انا طنشتها يعني
ميرال: مهزقه اوي
دليلا: البت دي محتاجه العلقه التمام
لينا: اه والله
ميرال: حرام عليكو ده انتو ادتوها علقه موت المره الي فاتت
دليلا: ياستي عادي... انا هقوم اجيب الفطار
لينا: متجبليش علشان مش جعانه خالص
دليلا: اخر مره كلتي امتا
لينا: امبارح
دليلا بدهشه: ومش جعانه!! ده انا بجوع كل خمس دقايق
لينا بضحك: بلهنا والشفا
دليلا: الله يشفيكي
البنات قعدت تضحك و دليلا راحت تجيب فطار وقعدو فطرو ولينا قعدت تشرب عصير مكس فراوله بعد كده كل واحده راحت المحاضره بتاعتها
ـــــــــــــــــــــــــــــــــــــــــــــــــــــــــــــ
بعد مده في مكتب زين
الباب فتح مره واحده
ادم: اخويااا
زين بضحك: في حد يدخل كده يابغل
ادم دخل وقعد علي الكرسي
ادم: الحق عليا جيت اسالك عليك
زين: حبيبي
ادم: اخبارك اي
زين: تمام الحمدلله قولي صح وصلت امتا
ادم: امبارح بليل يادوب خدت دوش و نمت نوم القتيل
زين: الله يكون في عونك
ادم :يارب...(بخبث) واخبار لينا اي
زين بإستغراب: كويسه
ادم بخبث: يارب ديما
زين: بتسال ليه
ادم: اصل بقالي كتير مكلمتهاش وبعدين هتلاقيك كل شويه بتكلمها
زين بحده: ادم!
ادم: الللاه انا بقول الحقيقه صح بردو ولا اي
زين: عاوز اي
ادم: وانا هعوز اي يعني ده انا جي اسلم عليك و نيتي صافيه خالص
زين ملحقش يتكلم و كان تليفونو رن وكانت لينا
ادم خد الموبيل من علي المكتب بسرعه قبل ما زين ياخدو وفتح المكالمه
لينا: اي يابني
ادم بضحك: لا انا اخوه
زين: هات الموبيل ياض
ادم: هسلم عليها الللاه
لينا: عامل اي يسطا ليك واحشه والله
ادم: والله وانتي كمان اخبارك اي و الجامعه اخبارها اي
لينا: يادوب اهو لسه خارجه من المحاضره
ادم: ربنا معاكي
لينا: ومعاك بقولك اي
ادم: اي
لينا: انت فاضي انهارده
ادم: اه ليه
لينا: عارف حازم الحارس الي معايا
ادم: اه مالو
لينا: عيد ميلاد ابنو انهارده وانا عاوزه اروح انا و ميرال بصراحه وهو عزمنا
ادم: طب حلو هيبقا فين
لينا: نادي***
ادم: خلاص هاجي معاكو
لينا: طب ما تقنع زين و تيجو انتو الاتنين و نقول ل اركان و ديچه يجو ونتقابل هناك
ادم: اشطا اوي
لينا: خلصانه اقنعهم انت بقا
ادم: من عنيا يلا سلام
وقفل الخط
ادم بص علي زين و لقاه متعصب و تكه صغيره و هيكون يهجم عليه
ادم حط التليفون قدام زين براحه و قام بخوف
ادم بخوف: طب س.سل.سلام انا ياخويا
و خرج بسرعه
زين بص علي الموبيل لقا لينا بترن ف رد
زين: الو
ادم دخل المكتب بس كان وشو بس هو الي باين وهو مستخبي وراه الباب
ادم: انا نسيت اقولك
زين قطعو بزعيق: برررره
ادم خرج بسرعه و لينا ماتت من الضحك
لينا بضحك: استهدا بالله بس
زين:ده مستفز
لينا بضحك: اخوك بردو ولازم تستحملو
زين ابتسم علي ضحكها: ماشي يختي
لينا: انا قررت قرار وعاوزه اخد رايك فيه
زين: طب قولي
لينا حكتلو علي انها تشتغل علي موهبتها و تصمم هدوم
زين: طب الموضوع حلو اوي و بعدين انا اول ما عرفت ان عندك الموهبه دي شجعتك عليها صح
لينا بيأس: صح
زين: مالك
لينا: مفيش
زين: مش عليا مالك بجد
لينا بيأس: خايفه افشل
زين: بس هتبقي حاولتي
لينا: بس فشلت
زين: انتي عارفه مين الفاشل
لينا: مين
زين: الي وقف عن المحاوله لكن الي بيجرب و بيحاول انو يطور من نفسو ده مش فاشل
لينا: تفتكر ممكن انجح
زين: انا واثق فيكي و بعدين انا جنبك اذا كنتي فاشله او ناجحه بس متنسناش انتي بس
لينا بضحك بسيط: عيب يابا ده انت الاساس
زين بضحك: والباقي شنط و اكياس
لينا بضحك: بلظبط كده
زين: طب قوليلي هتنزلو الازهر ده امتا
لينا: يوم الجمعه او السبت لسه هنشوف
زين: اممم ماشي
لينا: هتيجي بليل
زين: اجي فين
لينا: اه نسيت اقولك عيد ميلاد ابن حازم انهارده وهو عزمني انا و ميرال و دليلا
زين: ايوه و عزمني انا كمان بس انا مش عارف اروح ولا لا لسه
لينا: تعالا نروح و هنجيب اركان و ديچه و ادم و هنبقا كلنا اتجمعنا
زين: خلاص ماشي هعدي عليكم بليل انا وادم و نروح
لينا: خلصا بس هنعمل اي في ياسر و حازم
زين: يا ذكيه حازم خد نص يوم و علي ياسر هخليه ياخد هو كمان نص يوم علشان هيروح
لينا: خلصانه يابا
زين: خلصا... الله يخربيتك خلتيني اتكلم زيك
لينا بضحك: يابني دي لغه العظماء
زين: اوماااال
لينا: يلا سلام
زين: سلام
ـــــــــــــــــــــــــــــــــــــــــــــــــــــــــــــــ
في الكافتريا كانت دليلا خلصت اول واحده و قاعده مستنياهم و تليفونها رن و كان باباها
دليلا بفرحه: اذيك ياحجيجه
محمود: الحمدلله ياقلب الحجيجه عامله اي
دليلا: انا الحمدالله بخير انت اخبارك اي انت و ماما
محمود: احنا كويسين ياحببتي هاا هتنزلي الاجازه امتا
دليلا: احمممم
محمود: في اي
دليلا: ماهو مفيش اجازه الاسبوع ده
محمود: عملتي اي يامصيبه
دليلا: هقولك
دليلا حكت الخناقه
محمود: انتي قولتيلي علي البت دي قبل كده و قولتيلي انها بترخم عليكي
دليلا بضيق: اه هي بت مستفزه اصلا
محمود بعصبيه: هو انا موديكي ليه بقا ان شاءلله علشان تتعملي ولا علشان البت دي ترخم عليكي
دليلا: اهدا ياحج وبعدين فكك منها انا بعرف اوقفها عند حدودها كويس وبعدين خلاص دي اخر سنه يعني
محمود بعصبيه: بس هي مزوداها يادليلا
دليلا: خلاص بقا يا حوده خليها عليك المرادي
نعمه(مامت دليلا): انت بتكلمها
محمود: اه
نعمه: طب هات
نعمه خدت التليفون
نعمه بعصبيه و زعيق: انتي يامئصوفه الرقبه هو احنا ودناكي هناك علشان تتخانقي ولا تتعلمي
دليلا بخضه ممزوجه بخوف: اي يانونو ياحببتي اهدي
نعمه: اهدا اي واتنيل اي انا مش قولتلك بلاش خناق و ان دي اخر سنه و عديها وخلاص
دليلا: ايوه حصل
نعمه: اومال اتخانقتي ليه
دليلا: يانونو البت مستفزه والله غزب عني
نعمه: وهو كل مل تتخنقي مع حد تقوليلي مستفز
دليلا: لا ما خناقاتي الي في السكن كلها مع البت دي اصلا
نعمه: كمان
دليلا: خلاص بقا يانونو قلبك ابيض قوليلي عامله اكل اي
نعمه: كشري
دليلا: يسلام يانونو ياجامد
نعمه: لما تيجي هعملك
دليلا: اشطا هاتي بابا ارغي معاه
نعمه: خدي ده انتي لو ضرتي مش هتعملي كده
نعمه ادت التليفون ل محمود
محمود: اي ياروحي
دليلا: عاوزه استأذنك في حاجه
محمود: قولي
دليلا حكتلو علي العيد ميلاد
دليلا: ينفع اروح؟
محمود: هتروحي لوحدك؟
دليلا: لينا و ميرال معايا
محمود:بس!!!
دليلا: يابابا ده في نادي وافق بقا علشان خاطري
محمود: ماشي بس متتاخريش وطمنيني عليكي
دليلا: حاضر ياقلبي يلا سلام
محمود: سلام
دليلا قفلت معاه و لينا دخلت وقعدت بتعب
ـــــــــــــــــــــــــــــــــــــــــــــــــــــــــــــــ
في ناحيه تانيه كان ميرال خلصت المحاضره و خرجت علشان تروحلهم الكافتريا و يادوب خرجت من المدرج ومشيت شويه صغيرين و سائر جيه قدامها مره واحده
سائر: ازيك
دليلا سابتو و مشيت بس هو وقف قدامها تاني
سائر: بتتهربي مني ليه
دليلا: عاوز اي
سائر: نبقا صحاب اي رايك
دليلا: مش بصاحب ولاد
سائر: بترتبطي؟
دليلا: لم نفسك
سائر غمزلها: طب ما تلميني
سائر بدأ يقرب عليها  ف ميرال رجعت بسرعه بخوف و لقت حد ضخم وقف قدامها بسرعه وكان وشو ل سائر و ضهرو ل ميرال ف معرفتش هو مين غير لما سمعت صوتو
أسر بحده: في حاجه يا سائر
سائر بضيق: لا انا كنت بتكلم انا وميرال عادي
أسر قرب من ودان سائر واتكلم بحده: ميرال لا
بعد كده بعد و لف ل ميرال الي كانت مرعوبه من سائر
أسر: يلا
سائر بصوت واطي و عصبيه مكتومه: مش هسبها هي ليا
ميرال مشيت مع أسر وهي حاسه بشعور الامان
أسر: رايحه فين
ميرال بصوت شبه مسموع وباصه في الارض: الكافتريا
أسر بعصبيه مكتومه: انتي ليكي علاقه ب سائر
ميرال: لا هو الي بيفتح كلام معايا
أسر: بعد كده لما يكلمك سبيه وامشي ولو عمل حاجه تاني قوليلي
ميرال: حاضر
أسر: كنتي سرحانه ليه طول المحاضره
ميرال: معلش بس تعبانه شويه
أسر: الف سلامه عليكي
ميرال:الله يسلم حضرتك
أسر: تعبانه مالك
ميرال: دور برد بسيط
أسر: طب لو احتاجتي حاجه قوليلي
هما وصلو الكافتريا ووقفو علي اولها
ميرال بإبتسامه بتقتل اسر: شكرا
اسر بإبتسامه: العفو
ميرال راحت للبنات و اسر مشي
ــــــــــــــــــــــــــــــــــــــــــــــــــــــــــــ
ميرال قعدت و دليلا و لينا في حاله صدمه
لينا بصدمه: مين ده يابت
ميرال بإحراج: دكتور أسر
لينا: الي خديجه قالت عليه
ميرال:احم اه
دليلا بدهشه: و وصلك ليه
ميرال: هقولكم بس اهدو
ميرال حكتلهم الي حصل
لينا: هو سائر مش عاوز يجبها ل بر
دليلا بعصبيه: ومش هيجبها غير لما بتربى
ميرال: اهدي يادليلا خلي السنه تعدي بلطول ولا بلعرض بقا دي اخر سنه
دليلا بدهشه: اي يابت الهدوء الي نزل عليكي ده
لينا بغمزه: ما دكتور اسر طمنها
دليلا يخبث: اه صح
ميرال بإحراج: لمو نفسكو
لينا: ايوه ياعم ماشيه معاك
دليلا: بلا وكسه ده لو جيه قالها بحبك في يوم هترفضو
لينا: ليييه ده قمر ماشاء الله وبعدين باين اوي انو بيحبك
ميرال: ربنا قال(ولا تواعدوهن سرا)
لينا: كلامك صح بس افرضي جيه اتقدملك
ميرال: هرفض طبعا
دليلا: ليييه
ميرال: مش عاوزه اتجوز انا اللاه و بعدين فككم هو مش بيشوفني حاجه غير اني اختو الصغيره ف متركزوش بقا
لينا: طب يلا يختي منك ليها عاوزين نروح و نشوف هنلبس اي بليل دي مصر كلها هتحضر
دليلا: ليه مين هيجي
لينا: هحكلكم في الطريق
هما خرجو وركبو العربيه
ــــــــــــــــــــــــــــــــــــــــــــــ
أسر: دكتور في الجامعه عندو 29سنه طويل وجسمو رياضي و بشرتو لونها قمحي عنيه عسلي فاتح اكتريه البنات بتكرش عليه وشخصيتو جديه وبارده مع الكل
ـــــــــــــــــــــــــــــــــــــــــــــــــــــــ
لينا: جبتلك مصر كلها تحضرك العيد ميلاد
حازم: بجد مين جي
لينا: زين و ادم و اركان و مراتو
حازم بدهشه: بجد
لينا: اه والله كلمتهم وقالو ماشي هيجو
حازم بإبتسامه ممزوجه بفرحه: ده انتو هتشرفونا والله
بعد مده كانو وصلو و اول ما طلعو السكن كان حازم و ياسر مشيو و عربيه الحراسه التانيه فضلت الموجوده
ـــــــــــــــــــــــــــــــــــــــــــــــــــــ
البنات قبل ما يطلعو الاوضه راحو ل مريم و استاذنو منها وهي وافقت بعد كده طلعو الاوضه وفضلو يشوفو فساتين يلبسوها
لينا لبست دريس لونو زهري وكان بسيط جدا وعليه رسومات خفيفه وكانت جميله جدا
ميرال لبست دريس لونو سكري كان شكلو بسيط و كانت شبه الفراشه
دليلا لبست فستان لونو اسود وكان تحفه عليها و كان عليه رسومات بسيطه بس مخليه شكلو تحفه وكان شكلها يجذب اي حد
وكل واحده حطت ميكب بسيط
عدا الوقت و زين و ادم بقو تحت ورنو عليهم و نزلو
كاميليا بإستهزاء: ادا اميرات ديزني رايحه فين كده
دليلا ببرود مستفز: بصراحه معنديش مزاج اتخانق معاكي علشان مبسوطه ف متحاوليش
بعد كده سابوها ومشيو
البنات خرجت و كان زين و ادم قدام السكن في العربيه بتاعت زين ف راحو ركبو وزين اتحرك ومكنش في حراسه
ادم: لالا احنا كده هنتخانق انهارده
لينا بضحك: ليه
ادم: هتتعاكسو من الحلاوه دي
لينا: اخوياااا
ادم: شق الشقايق (بعد كده بص ل دليلا) انتي دليلا صح
دليلا: اه
ادم: دي ميرال صدعتنا من كتر ما تتكلم عنك
دليلا حضنت ميرال: حبيبه قلبي دي
ميرال: اختييي
زين كان سرحان و مبتسم
لينا: سرحان في اي يازين
زين: هاا ولا حاجه
بعد كده الكل بص ل زين و لينا بخبث و زين مكنش واخد بالو بس لينا اتحرجت
لينا بتغير الموضوع: كلمت اركان و خديجه
ادم: اه و زمانهم في الطريق وفي موفجأ
لينا و ميرال و دليلا بصو بفضول
لينا: موفجأ اي
ادم: لما تروحي هتعرفي
لينا: اشطا
هما كملو الطريق و وقفو عند محل لعب و كل واحد جاب لعبه و غلفها علشان العيد ميلاد بعد كده وصلو النادي و فضلو مستنين اركان و خديجه بره
وبعد مده بسيطه كانو جم و سلمو علي بعض و خديجه و دليلا يعرفو بعض و قابلو بعض كذه مره و صحاب
خديجه: اي بس القمرات دي
لينا: قلبي ياديچه
دليلا: انتي الي قمر والله
ميرال: حبيبي ياناس
اركان بصوت واطي: محن
خديجه: بتقول حاجه ياحبيبي
اركان: لا ياقلبي
لينا: احنا مستنين مين
ادم بملل: الموفجأ
زين بإبتسامه: اهو وصل
كلهم بصو وكانت عربيه ذاك داخله عليهم
لينا بدهشه ممزوجه بفرح: بتهزور! ذااااك
ذاك نزل من العربيه راحلهم و لينا راحتلو بسرعه و حضنتو
لينا بفرحه: وحشتني يازوز
ذاك بفرحه: وانتي كمان
زين بضيق: العشق الممنوع بدا
هما ضحكو علي زين بعد كده ذاك سلم عليهم بس وقف عند دليلا و همس ل لينا
ذاك: مين القمر دي
لينا بضحك مكتوم: دليلا
ذاك بصدمه وصوت عالي شويه: دليلا
دليلا رفعت حاجبها: في حاجه
ذاك: ما مستحيل الرخمه الي كلمتها مع لينا تكون دي
دليلا: ماتحسن الفاظك يابغل
ذاك : بغل مين يابت
دليلا: ايوه انت
اركان: بسسس اهدو يلا ندخل احنا كده اتاخرنا
هما دخلو و سلمو علي حازم الي كان عارفهم كلهم علشان بيشتغل مع زين من زمان وهما كانو عرفينو وبعد كده ادو الهداية للطفل و احتفلو بلعيد ميلاد بعد كده العيد ميلاد خلص و هما راحو قعدو علي كافيه
لينا: وصلت امتا
ذاك: انهارده علي العصر كده بس لما عرفت انكم هتتجمعو قولت لازم اجي بس اي رايك في الموفجأ
لينا: احلا موفجأ والله
دليلا بصوت واطي وكانت قاعده جنب لينا ف سمعتها: بلا وكسه
لينا كلمتها بصوت واطي ومحدش خد بالو: خلي اليوم يعدي
دليلا: ماهو قال عني رخمه
لينا: بيهزر ياستي
دليلا: ماشي عشانك انتي بس
لينا بعتت لزين علي الوتساب انها هتقوم تقف بره وانو يجي وراها
لينا استنت لما زين بص في التليفون وشاف الماسدج و هز راسو براحه ب ماشي
لينا: انا هخرج اعمل مكالمه علشان هنا مفيش شبكه
الكل: ماشي
هما صدقوها فعلا علشان مكنش في شبكه في المكان بعد كده لينا خرجت و رنت علي زين و هو فتح
زين بتمثيل: الو....ايوه انا سامعك
ادم: مفيش شبكه هنا اخرج بره
زين شاورلو ب ماشي و خرج لقاه لينا ف راحلها
زين: في اي
لينا برتباك: عملتلي اي في موضوع طنط سماح
زين: طنط سماح مين
لينا: مرات عمي يا زين
زين بكدب: معلش بس نسيت الموضوع ده خالص
لينا: زين انت بتكدب
زين: لا انا فعلا نسيت
لينا بخوف: زين هي كويسه
زين: قريب هخليكي تشوفيها متقلقيش عليها
لينا بخوف: زين انا حاسه ان في حاجه كبيره انت مخبيها عليا انا قلبي واجعني و كده في حاجه مش كويسه هتحصل
زين: متقلقيش صدقيني اول ما تيجي الفرصه هخليكي تقبليها و تكلميها كمان طمني انتي بس قلبك
لينا: هحاول يلا انا هدخل
زين: انا هعمل مكالمه و اجي وراكي
لينا: تمام
لينا دخلت و زين رن علي حد
زين: هي عامله اي دلوقتي
: حالتلها بتسوء بس احنا بنحاول
زين: تمام ابقي كلمني قولي وصلتو ل اي
: تمام
بعد كده زين قفل و دخل
ذاك: بذمتك في حد يجي عيد ميلاد ب اسود
دليلا: اه انا وبعدين انت مالك
ذاك: مالي في البنك
دليلا: ده انت غني بقا
ذاك خمس في وشها: الله اكبر في عينك
دليلا: اتنيل
ذاك: داهيه تاخدك
دليلا: داهيه تاخدك انت
خديجه بضحك: والله نفسي اكمل المسرحيه دي بس يادوب اروح
ادم: انا بقول كده بردو
زين: طب يلا
هما حاسبو بعد كده كل واحد ركب العربيه و روحو و كلهم نامو من التعب
ـــــــــــــــــــــــــــــــــــــــــــــــــــــــــــــــ
اقابلكم في البارت الجديد يااخواتي
تفتكرو سائر هيعمل اي؟
وليه لينا بتقول ان هي و زين صحاب بس؟
واي هي الذكريات؟
واي اخرت كاميليا؟
و هل فعلا هيحصل حاجه لطنط سماح؟
الكاتبه" چنا عمرو" مونتاج "حبيبه شريف"

دا العِشق مَلوش أصل وتفسِير، ويبَان في عيونَك مهمَا دارِيت'