ERROR-SIGNAL(Completed)

32.ကယ်တင်ရှင်

ဖြစ်ပျက်သွားတဲ့ကိစ္စတွေက နည်းနည်းများနေတာမို့ အားလုံးကိုခြုံငုံသုံးသပ်ဖို့ခဏတာအချိန်ယူလိုက်ရသည်။

အခုသိလာရတာသမျှမှာ.

- သားသတ်ရုံပိုင်ရှင်ညီအကိုနှစ်ယောက်က လူတွေသတ်ပြီး ကိုယ်တွင်းအင်္ဂါတွေကိုမှောင်ခိုလုပ်တယ်။

- Jay hyungက သူတို့နဲ့ရန်သူဖြစ်ပြီး သူတို့လုပ်ထားတဲ့သက်သေတွေ Jay hyungမှာရှိနေတယ်

- မန်နေဂျာက ရန်ငြိုးကြောင့် အကိုကိုသတ်လိုက်တယ်

- ညီတစ်ဝမ်းကွဲဖြစ်သူက Jay hyungဆီက မှောင်ခိုမှတ်တမ်းတွေနဲ့ရချင်တာမို့ ကျွန်တော့်ကိုပြန်ပေးဆွဲလာတယ်။

wow အမှုက တစ်ခုတည်းမဟုတ်ဘူးဘဲ လူသတ်မှု ကိုယ်တွင်းအင်္ဂါမှောင်ခိုလုပ်မှု ပြန်ပေးဆွဲမှု ။

ညဦးကပဲ ဆူဘင်းအိမ်မှာ ညစာစားရင်း အမှုကလွယ်နေတယ်ဆိုပြီး သံသယဝင်ခဲ့ပေမယ့်ဒီလောက်ကြီးမားသွားမယ်လို့တော့မထင်ခဲ့မိပါ။

အခုတစ်လော နောက်ယောင်ခံလိုက်ခံနေရတာတွေ ပြီးတော့ မနက်ပိုင်းဆို Jay hyungက ကျွန်တော့်ကိုမသိချင်ယောင်ဆောင်နေတတ်တာတွေရဲ့အဖြေကို အခုမှသိလိုက်ရသည်။

Jay hyungက တကယ်ပဲ ဘာအလုပ်တွေလုပ်နေတာမို့ ဒီလို အန္တရာယ်များတဲ့ မှောင်ခိုကောင်တွေနဲ့ရန်သူဖြစ်နေရတာလဲ။

အခြေအနေကိုအကြမ်းဖျင်းသဘောပေါက်သွားပြီးနောက်ပတ်ဝန်းကျင်ကိုရုတ်တရက်သတိရလိုက်မိတော့
မန်နေဂျာဆိုသူက ကျွန်တော့်ကိုကြိုးချည်ထားတဲ့ဆီလှမ်းလာနေတာကိုတွေ့လိုက်ရသည်။

သူက အရင်နေ့က သေဆုံးသူဆရာဝန်ကိုရက်ရက်စက်စက်သတ်ခဲ့တဲ့ လူသတ်သမားပဲ
ကျွန်တော်က သူလူသတ်မှန်းသိသွားတော့ ကျွန်တော့်ကိုပါသတ်ပစ်လောက်လား။

ကိုယ့်အတွေးနဲ့ကိုယ် ထိတ်လန့်သွားမိတာကြောင့် ချွေးပင်ပြန်လာသည်။

ထိုသူက ကျွန်တော့်နားရောက်တော့ ခြေထောက်နဲ့ လက်မှာချည်ထားတဲ့ကြိုးတွေကိုဖြုတ်ပေးနေသည်ကိုတွေ့လိုက်ရသည်။

" စိတ်အေးအေးထားပါ မင်းကိုငါမသတ်ပါဘူး ဒီညီအကိုနှစ်ယောက်ကိုသတ်ပြီးရင် ငါကိုယ်တိုင် ရဲစခန်းမှာသွားပြီးဝန်ခံဖို့စီစဥ်ထားပြီးသား သူ့ကိုမသတ်ရသေးလို့သာ ရဲစခန်းမသွားသေးတာ
သူတို့နှစ်ယောက်က တရားဥပဒေရဲ့အဆုံးအဖြတ်နဲ့ မထိုက်တတ်တဲ့သူတွေမို့ ငါကိုယ်တိုင်စီရင်ချက်ချပေးမှာ
ငါကတော့ တရားဥပဒေရဲ့အဆုံးအဖြတ်အတိုင်း
ကျေကျေနပ်နပ်ခံယူမယ် "