دردش مع فيصول

مشكلتي مليت

أنا مو زعلانة من حدا ، و لا بدي انتقم ولا احقد ، بس الفكرة اني مليت
انا بضل اتحمل، و اصبر بس الناس مو رضيانة تستوعب انو بمل، بمل حتى من كلمة أسف اللي بتنحكى بعد غلط تكرر نفسو الف مرة
بمل من الزعل .. من حرقة الدم ، بمل لما ضل احكي و اللي قدامي ما بيتغير، بمل من الحضور الباهت ...  بمل لما حاول صلح علاقتي ب ناس ما فارق معن أصلا

و هالمرحلة بتكون اسوء من الزعل ، لانو الزعل ممكن ترضى بعدو و تنحل الأمور ، الزعل يعني عشم، يعني لساتك عندك امل انو يصير شي و يتغير الوضع !

بس لو وصلت مرحلة الملل هي صعبة ، انت ما بدك حدا يراضيك لانك اصلا مو زعلان ، و لا متعشم بحدا ولا الك خلق تحكي بمواضيع حكيت فيها مليون مرة قبل هيك
أنت بكل بساطة لا بدك تسمع شي ولا بدك تحكي عن شي ، ما بدك تعرف اي شي اصلا
"انت تقريبا بتكون اكتفيت من كلشي "......