នាពេលល្ងាច នៅតាមបណ្តាដងផ្លូវនៃទីក្រុង Los Angeles កំពុងតែមមាញឹកក្នុងការធ្វើចរាចរណ៍ ។ ភ្លើងសញ្ញាពណ៌ខៀវសម្រាប់អ្នកដើរថ្មើលជើងឆ្លងផ្លូវ បានលោតឡើងជាហេតុអោយក្មេងសិស្សសាលា ក៏ដូចជាមនុស្សឯទៀតនាំគ្នា ប្រញាប់ឆ្លងអោយដល់ត្រើយម្ខាងទៀត មុនពេលភ្លើងក្រហមលោតមកវិញ ។
“អ៎ាយយ... សូមទោសៗ” ចៃដន្យនាយតូចរូបស្រស់ម្នាក់ រត់ឆ្លងថ្នល់ជិតដល់ត្រើយទៅហើយ តែភ្លើងសញ្ញាក្រហមក៏លោតឡើងមកមុន អ្នកធ្វើដំណើរតាមរថយន្តក៏ចាប់ផ្តើមបរទៅមុខបន្ត នាំអោយនាយល្អិតម្នាក់នោះ ប៉ះទង្គិចជាមួយរថយន្តសេរីទំនើបមួយគ្រឿង ដោយអចេតនា ។
“មិនប្រយ័ត្នសោះ!!” អ្នកបើកឡានរអ៊ូចុងមាត់ទាំងគ្រវីក្បាល សឹមបើកទៅមុខបន្ត ជៀសវាងកកស្ទះចរាចរណ៍ ដែលខុសពីអ្នកជាចៅហ្វាយ អង្គុយនៅកៅអីខាងក្រោយគងអន្ទាក់ខ្លា ដោយភាពស្ងៀមស្ងាត់ នឹងបានសម្លឹង មើលមុខកំលោះវ័យជំទង់ ខ្ទង់អាយុ២០ឆ្នាំស្តើង ដែលរត់ប៉ះឡាននាយអម្បាញ់មិញ ទាំងញញឹមតិចៗចេញមកយ៉ាងចម្លែក ។
“លោកម្ចាស់ញញឹម??” ស្ទេវីន សួរទាំងភ្ញាក់ផ្អើល កាលបើក្រឡេកភ្នែកមើលតាមកញ្ចក់ ឃើញចៅហ្វាយរបស់ខ្លួនកំពុងញញឹម ។ តើគេស្រវាំងភ្នែកទេដឹងនៀក៎??
“ក្មេងនោះ... គេស្អាតណាស់!!” ម្តងនេះនាយជំនិតរូបសង្ហា វ័យ២៩ឆ្នាំឮហើយភ្ញាក់ឡើងភ្លាត់សម្លេង ព្រោះតែមិនដែលឮលោកម្ចាស់របស់ខ្លួន លើកសរសើរនរណាម្នាក់ឡើយ តាំងពីដើមមក ។
គេតាមបម្រើនាយតាំងតែពីអាយុ ១០ឆ្នាំរហូតមកទល់ពេលនេះ វាមានរយៈពេល១៩ឆ្នាំហើយ វាក៏ជាប្រវត្តិសាស្ត្រផងដែរ ជុងហ្គុក អាដាមសៀរីស៍ សរសើរពីសម្រស់នរណាម្នាក់ ថែមទាំងញញឹមទៀត ។ ព្រះអើយវាស្ទើរតែមិនគួរអោយជឿឡើយ!!
“លោកម្ចាស់ចាប់អារម្មណ៍គេឬ?!!”
“បើជួបគេម្តងទៀត គេនឹងក្លាយទៅជាកម្មសិទ្ធិរបស់យើង!!” សម្តីមួយប្រយោគនេះ វាបានបញ្ជាក់ច្បាស់ណាស់ ថាបុរសមានអំណាចម្នាក់នេះ កំពុងតែប្រាថ្នា ចង់បានមនុស្សដែលខ្លួនទើបតែប្រទះភ្នែក មិនបានមួយនាទីស្រួលបួលផង ។
YOU ARE READING
អំណាចនៃបេះដូង(Completed)
Actionគ្រាន់តែជួបគ្នាដំបូង គេក៏អាចធ្វើអោយបេះដូងបុរសឈាមត្រជាក់ រង្គោះរង្គើបានយ៉ាងងាយ ។ ជុងហ្គុក អាដាមសៀរីស៍Xថេហ្យុង អេលីសសៀរ៍
