انا محامي وانتِ قضيتي الاولى والاخيرة 🫀

١

في بيت الجد عبد العزيز وتحديدا في غرفه رهف
رهف / مابي اقابله ياجدي مابيهم تركوني وانا صغيره والحين جايين بعد هالسنين ؟
الجد / ياحبيبتي سمعي لهم
قاطعته رهف / مابي اسمع شي منهم ولا رح اقتنع بكلامك ابدا مابي ياجدي
الجد / يابنيتي ابوك جاي اليوم وجاي خصوصا يبي يشوفك اطرده يعني ؟
رهف وخانقتها العبره/ اي اطردهم مابي ياجدي
دخل ماجد و شاف رهف بهذه الحاله
ماجد / رهف شفيك حبيبتي
رهف وهي تبكي / مابيهم ياماجد قوله مابيهم
ماجد قرب منها ومسح ع راسها / مين الا ماتبينهم ياروحي
رهف / عبد الرحمن وزوجته وعيالهم مابيهم
الجد/ لاحول ولاقوة الابالله
ماجد / خلاص حبيبتي اهدي شوي
رهف / مابي طلعني مابي اشوفهم
ضمها ماجد وهو يمسح ع راسها لين تعبت من البكي ونامت طلع ماجد الصاله لابوه وامه واخوه وعيالهم
ماجد : يبه عبد الرحمن بيجي ؟
الجد : اي يبه دق علي امس وقال خلاص بيجي وبيستقر بالرياض هنا ويبي بنته
عبد الله : بس يبه رهف رافضه تقابله
الجده : م تلام حبيبتي تقطع القلب وهي تبكي
حسين وهو يحس بمشاعر غريبه من يجيبون طاري رهف : جدي والحل البنت ماتبي ابوها مانقدر نغصبها على شي
الجد : اي وانا جدك مابي اغصبها وتتعب والله ياعيال محتار ماني عارف شسوي
ماجد وقف بعصبيه : والله م يوصل لها طول ماهي م تبيه
عبد الله : اهدأ ياماجد الامور ماتنحل بالعصبيه كذا
ماجد : شتبيني اسوي ياخوي تارك البنت ٢٤ سنه والحين راجع يبيها بعد م كبرت ؟
حسين : يبه ماجد معاه حق
عبد الله : ادري ان معاكم حق بس هذا من حق رهف اذا تبي تقابله مانقدر نقول لا
جواهر : ياحبيبتي يارهف والله تكسر الخاطر
اروى : جدي وين رهف الحين
الجد : والله يابتي بكت لين نامت من التعب
ماجد وللحين معصب : انا قلت اللي عندي عبد الرحمن مارح يقرب من رهف لين تقبل من نفسها
الجده : واذا ظلت ماتبي تقابله والحل ؟
الجد : راي من راي ماجد مانبي نغصبها على شي
عبد الله : ياخوفي عبد الرحمن يعاند و يسوي شي نندم عليه كلنا
حسين : مثل ايش يبه
عبد الله : يجبر رهف تجي معاه بالقوه اعرف اخوي عنيد و عصبي
جواهر : لا ياعبد الله يمكن تغير الرجال
ماجد : هذا اذا كان رجال
الجد بحده : ماجد وبعدين معك
ماجد : يبه ولدك شخص جبان وياريت رهف م تروح معه ابدا
الجده : يالله انك تمسح على قلب هالبنت وتريحها
___________________________________
في مطار الرياض
ملاك: والله خايفه م تتقبلنا ياعبد الرحمن
عبد الرحمن : في بنت ماتبي ابوها وامها ياملاك؟
ملاك : اي بس رهف م اي بنت احنا تركناها ولا سالنها عنها
عبد الرحمن: والله ظروفنا ماكانت تسمح
ملاك : الله يستر
اسيل : مره متحمسه اتعرف على اختي احسها تشبهك يمه
ملاك : اكيد بنيتي احلى
عبد الله : كلكم حلوين يلا خلنا نروح والله انا بعد ودي اشوف رهف
عبد الرحمن : يلا يلا
_____________________________________
في مكتب المحاماه
عبدالعزيز : لا تقولها جاي بالطريق ؟
حسين : اي والله ياخوي جاي وبنت عمك ماتبي تقابله
عبد العزيز: والله تكسر الخاطر لما اشوفها تبكي يصير فيني ابي اضمها من كثر م تكسر خاطري
حسين بغيره : خيير ياخوي لا تفلها بس
عبد العزيز : لا تغار مابيها خلها لك
حسين حس بنفسه : هي شفيك ترا بنت عمي لا اكثر
عبد العزيز بتسليك : اي اي واضح
حسين : شفيك ياخي تشككني بنفسي
عبد العزيز : والله ياخوي انا برايي قوم نروح البيت لا جدي يذبحنا
حسين : خلصت شغلك ؟
عبد العزيز : اي يلا قوم
____________________________________
في بيت الجد عبد العزيز تحديدا بالصاله
الجده : لينا لا تحطون الغذا عبد الرحمن جاي بالطريق
لينا : حاظر مدام
اروى : ورهف ؟
الجد : شفيها ؟
اروى تتوقع تجلس مع ابوها وامها على نفس الطاولة ؟
عبد الله : والله ماتوقع
الجده : والحل ؟
الجد : خلهم يحطون الغذا الحين
الجده : بس لعيال للحين م جو
دخلو عبد العزيز وحسين
حسين : جينا ياجده
جواهر : يلا يمه غسلو وتعال تغذو اروى قومي نادي رهف حبيبتي خلها تاكل شي من امس م اكلت شي
حسين : من امس !!!
جواهر : اي يمه
حسين : قومي يا اروى ناديها
عبد العزيز ضرب كتف حسين وهمس له: لهدرجة خايف عليها
حسين : شرايك تبلع لسانك
دخلت رهف : السلام عليكم
الجميع : وعليكم السلام
الجد : تعالي يبه اجلسي جنبي
رهف : امرني ياجدي
الجد : ماوراك دوام اليوم ؟
رهف : لا جدي اليوم مافي
حسين : شلونك يابنت العم
رهف بخجل : بخير انت كيفك
حسين : الحمد لله
قاطعتهم الجده : يلا ياعيال كلكم على الطاوله
الكل اجتمع على الطاوله وبدو ياكلون
عبد الله : اقول رهف حبيبتي كانك تعبانه
جواهر وهي تبي تلطف الجو : لا وين ماشاء الله جمالها يزيد يوم ورا يوم
اروى : يمه شرايك تخطبينها لولد خالتي
حسين هنا عصب : اروى شرايك تنطمين وتاكلين
رهف وهي مستانسة بغيره حسين: لسى بدري
حسين : يكون افضل
الجده : حسين شفيك اليوم
حسين : ولا شي ياجده
عبد العزيز ماسك الضحكة : جدي شفيك ساكت
الجد : ولا شي جالس اسمعكم
اروى: جدي امانه خلنا نسافر في الاجازه بليز
ماجد وهو داخل : اي جدي بلييز
اروى : يووو جا الغثيث
ماجد : فديت الوجه المبتسم انا ياناس
اروى بخجل : اقول تعال اجلس وانت ساكت
ماجد: لحظه بس
جا من ورا وضم رهف وهي جالسه ع الكرسي
ماجد : الحلوه رايقه ولا
رهف وهي تضحك : احد يشوفك يابعد عيني ولا يروق
ماجد : ياجعلني ما اخلا منك يابعد روحي
حسين : اذا خلصت غزلك اخونا بالله اجلس
ماجد : حاظر سيدي
خلصو اكلهم و جلسو بالصاله
لينا : مدام جواهر الحين نجيب الحلا ولا بعدين
رهف بحماس : يووو عمتي بليز قولي مسويه الحلا اللي احبه
جواهر بضحكه : طبعا كم رهف عندي انا
رهف قامت وباست خذها بقوه : فديت هالوجه انا والله اني احبك
جواهر : وانا احبك يلا قومي جيبه
رهف : حاظر الحين اقوم اروى قومي معي
اروى : والله تعبانه جيبه انتي
رهف : شرايك اوكلك بعد
اروى : ياريت والله
رهف : اقول قومي يلا
قامت رهف مع اروى وجابو الحلا وجلسو ضحك وسواليف مع العائله بس قطع عليهم صوت الجرس

حساب الكاتبة : ixr5510