انا محامي وانتِ قضيتي الاولى والاخيرة 🫀

١٧

ملاك : لو تنطبق السماء على الارض م خطبتها لك انا ابي اخد خواتك وامشي وانت تبي تتزوج
عبد الرحمن : اهدي ياملاك خلينا نسمع من الولد
الجد: اسكتو كلكم انا هنا وبعد تتهاوشون قدامي اشوف مالي حشيمه
عبد الرحمن : محشوم يبه تفضل
الجد : يبه اروى تعالي جنبي
قامت اروى وهي تتظاهر القوة بس من داخلها خايفه كثير يبعدوها عن عبد الله وتقدمت قدام عيون اخوانها وابوها وامها وجلست بالقرب من جدها
الجد : يبه اروى انتي تبين ولد عمك ولا لا
ناظرت اروى ابوها
الجد : ماعليك من ابوك انتي قولي تبيه ولا لا
نزلت عيونها اروى بالارض بعد م تجمعت دموعها
رفع راسها جدها ومسح الدمعه اللي طاحت : ماعاش من يطيح لك دمعه وانا جدك اذا ماتبينه والله م يطولك
اروى بتسرع : ابيه ياجدي انا احبه
ادركت اللي قالته : اءءء اقصد يعني اللي تشوفه
ابتسم الجد وقال : خلاص اروى لعبد الله
فز عبد الله: والله ياجدي والله ؟
الجد : من عمرك انا امزح معك ؟
الجده : شرايك ياعيال
عبد الرحمن : انا ماعندي مانع اهم شي ولدي يكون مبسوط
العم عبدالله: وانا بعد ماعندي مانع
الجده : وانتم ياحريم وش رايكم
جواهر : رايي من رايكم ياخالتي م اطلع عنكم بكلمه
ملاك : انا م موافقه مابيها لولدي
عبد الرحمن : ملاك م انتي اللي بتعرسي ولدك يعني هذي حياته وهو حر
الجد : حسين و عزيز عطونها رايكم
حسين : يبه دام اروى راضيه خلاص مالنا كلام
ناظر عزيز الى اسيل بمعنى ان اتكلم واشرت له ان اي تكلم : يبه بعد اذنكم انا عندي شي ابي اقوله
الجد : تبي اسيل ياعزيز
عزيز : اي يبه ابيها
فزت ملاك : تعقب والله ماعطيكم عيالي اسيل ورهف وعبد الله انا كلهم م موافقه على زواجهم ومحد بيقدر يتزوج منهم بدون اذني
الجد سفهها وقال : يبه اسيل وش رايك انتي
اسيل بخوف وحيا بنفس الوقت : جدي انا
عبد الرحمن: قولي يبه اذا تبيه تم
ملاك : منجدك ياعبد الرحمن ؟
عبد الرحمن : اششششش انا كلمتي وحده العيال هم اللي بقررو حياتهم مب حنا
اسيل : يبه انا بصراحه
الجده جت وجلست قرب اسيل وصارت تمسح على راسها : قولي يمه تبيه ؟
اسيل اشرت براسها بمعنى اي
ابتسم عزيز وقال الجد : على بركه لله بس خلي رهف تجي ونخلي ملكتكم كلكم بيوم واحد
عبد الله: والله وبتاخذون خواتي ياحسين
حسين : ليه يالحبيب انت ماخذ خدامتنا مثلا
الكل ضحك على كلام حسين تحت انظار ملاك الحاقده

في اليوم اللي بعد صحت رهف وناظرت جنبها شافت ريناد نايمة ابتسمت ومسحت على راسها فزت ريناد خايفه
رهف : بسم لله عليك اسفه والله ازعجتك ؟
ريناد : اءء لا لا بس خفت شوي
رهف : اسفه والله م قصدي بس شكلك وانتي نايمه لطيف
ريناد : ششكرا
رهف : يلا قومي ياحلوه خلينا نفطر ونغير جو الكئابه شوي يلا
ريناد : انا مثقله عليك صح ؟ همي ثقيل على القلب
رهف : بسم لله عليك ليه تقولي كذا
ريناد : ابوي كان دايم يقول لي كذا
رهف ببتسامه : ماعليك والله انك خفيفه على القلب وتنحبين بسرعه
ريناد : وانتي بعد ، ابوك يحبك كثير صح ولا مثل ابوي
اختفت ابتسامة رهف : اءء ماعلينا من هالموضوع يلا قومي نفطر
قامت رهف وجهزت فطور حلو كثير لريناد وكملو فطورهم بالسوالف و الامور الحلوه خلصت الفطور وتوجهت الى مركز الشرطة
الضابط : حضره المحامية رهف اهلين نور المركز
رهف : بنورك ياحضره الضابط
الضابط: امريني جايه علشان القضيه تبع البنت ؟
رهف: بالضبط هذي ريناد البنت اللي حكيت لك عنها
الضابط : اهلا ياريناد تفضلي
ريناد : اهلين فيك
الضابط: الحين انا كلمت العساكر يجيبون ابوك وزوجك وبيتم التحقيق معهم لا تخافي انتي بأمان
ريناد: ما اخاف وانا عند رهف
رهف : ياروحي انا
الضابط : يخليكم لبعض بس مع ذلك خليك هنا شوي لين يجو
وبهذي اللحظات دخل ابو ريناد وفهد
فهد : رهف انتي وش جابك وبعدين الحقيره ذي وش تسوي معك
رهف : ماحقير الا انت ياتافه ماخذ لك بنت قاصر وبعد معذبنها ؟ اي نوع من الذكور انت
فهد : الموضوع م كذا يارهف
رهف : شلون اجل الموضوع تتوقع بصدقك يامريض
ابو ريناد : ياقليله الادب بتفشيلنا قدام الناس وقدام الجماعه
رهف : على تبن الناس والجماعه كلهم م يسوو ظفر واحد من ريناد
الضابط : اسكت انت وهو مابي اسمع منكم شي
فهد : وش ذي العدالة ماتبينا نتكلم شلون بندافع عن الاتهامات هذي مو زوجتي اصلا
هنا عصب الضابط وضرب فهد كف : م زوجتك قلت لي وعقد الزواج اللي بينكم و الولد اللي ببطن البنت الصغيره وش ذا ياحقير ياعسكري اخذوهم من قدامي
رهف : وكلتك الموضوع ياحضره الضابط
الضابط : ماعليك يارهف الموضوع عندي انتي بس عليك بالمحكمة تقدمي الادله قدام القاضي والقضيه بعون الله محلولة
رهف : مشكور ماقصرت يلا حبيبتي ريناد امشي معي
طلعت رهف وهي متطمنه من ناحيه القضيه