انا محامي وانتِ قضيتي الاولى والاخيرة 🫀

٢٩

في مكتب ماجد كان جالس ويكلم ريتاج
ريتاج : ماجد عن الهبل شنو تبي العرس اسبوع الجاي وين قاعدين حنا
ماجد : وين الهبل يابنت الحلال كل شي تبيه تحت امرك بس قولي تم
ريتاج : ماجد منجدك انت ؟ العرس يبيله تحضير من قبل وقت مايصير كذا لا تستهبل
ماجد : اقولك كل شي تبيه يحضر شفيك ياريتاج خفي على قلبي تكفين
ريتاج : مدري مدري صعبه اخاف الناس يفهمون غلط
ماجد : ياشيخه طز في الناس انا محد يهمني غيرك تسمعين ؟
ريتاج : اففف منك اففف
ماجد : يازين الـ اف ياناس طالعه من فمك تجنن تدرين ؟
ريتاج : ماجد تكفى حبيبي اصبر شوي بعد
ماجد : لين متى طيب
ريتاج : لين نجهز شوي شوي وبعدها العرس
ماجد : وانا اقدر ارد لك طلب ماتدرين كيف اني مييتت علييك
قطع عليه حسين وهو داخل
حسين : اصلب نفسك بس قال ايش قال ميت عليك
ماجد : حبيبي اكلمك بعدين زين ؟
ريتاج بخبث : خليك معي بيبي مابي احد ياخذك مني انا اموت عليك
ماجد انصدم من كلامها وكح وفتح ازاز ثوبه : انتي شناويه عليه ها ؟
ريتاج : هذا جزاتي اغازلك خلاص اخر مره
ماجد : ياشيخه افا عليك بس كم زوجه عندي انا
ريتاج : وحده وياويلك تفكر بغيري بذبحك
ماجد : الشرع حلل لي اربع
ريتاج : اذبحك معهم ياماجد والله
ماجد : امزح معك انا ما ابدلك بمليون بنت و اصلا ليه انا اقدر ؟
حسين : خلاص عاد الله يلوع كبدك فكني منك ومن حبك سكر ابيك بسالفه
ماجد : حبي اكلمك بعدين
ريتاج : قول احبك وسكر
ماجد : شنو يعني بتفكري بخجل مثلك لا والله اني احبك واموت فيك بعد
ريتاج : يمه منك وانا اموت فيك بعد
سكر ماجد والتفت لحسين : خيير ياعدو الحب انت وش تبي
حسين : لا والله لا عدو الحب ولا شي انا بعد احب زوجتي بس شوي شوي خلك ثقيل
ماجد : اي خير ان شاء الله وش تبي ؟
حسين : قم معي بنتغذا برا مع الشباب
ماجد : كل تبن الحين مقاطع مكالمتي مع زوجتي عشان غذا مع وجيهم شسوي فيكم انا
حسين : هي هي شفيك انت كله غذا
ماجد : على حسابكم لكن
حسين : امشي معي مابخليك تدفع بس فكني منك
—————————-
عند رهف في غرفتها كانت جالسه وماسكة الجوال شافت ستوري بنت كانت حاطه اقتباس ( عندما توقف قلب أبي سقط قلبي أنا ) سكرت الجوال وظلت تفكر هل بيجي يوم وبتفقد امها وابوها كانت خايفه مره من ذي الناحيه فقررت تعطيهم فرصه اخذت الجوال ودقت على جدها
الجد : اميرتي كيفك
رهف : ياعين اميرتك انت جدي في احد في البيت ؟
الجد : عمك وزوجته وابوك وامك وجدتك ليه ؟
رهف : ولا شي الحين جايه البيت
اخذت شنطتها وتوجهت الى محل الورد
اخذ باقات ورد وراحت البيت وصلت البيت وشافتهم كلهم متجمعين ابتسمت ودخلت عليهم : السلام عليكم
الكل : وعليكم السلام
تقدمت لجدتها وباستها واعطتها باقه ورد
ونفس شي للجميع وجا وقت ابوها وامها
وصلت عند ابوها وكان جالس يناظر فيها ببتسامة
تقدمت وباست راسه : تفضل يبه
فز عبد الرحمن ومسكها من اكتافها وصار يهزها : شقلتي يارهف ؟
رهف ودموعي تنزل ضمتها بقوه : يبه لا تتركني مره ثانيه تكفى يبه لا تبعد عني مو بحاجة لاي شي غير حنانك
ضمها بقوه وصار يمسح على راسها وهو يبكي : مابتركك يارهف مابتركك لين تتركني روحي اخيرا ياعين ابوك سامحتيني اخييرا
جت ملاك وضمتها وهي تبكي : يابعد روحي انتي يارهف
مسكت وجهه بيدها : قولي انا مين !؟
رهف وهي تبكي وضمت امها : يمه تكفي خليك معي تكفي
ملاك : مارح اخليك تعالي يا أمي اجلسي بحضني تعالي
جلسو كلهم وحطت رهف راسها بحضن امها وملاك طايره من الوناسه اخيرا رجعت بنتها رهف لها يوو يامشاعر هاليوم الكل كان مبسوط بصلح رهف مع اهلها وطبعا ابوها حاول يفهمها ليه اضطر يتركها بس رهف رفضت تعرف السبب
—————————
بالليل كانو الكل مجتمعين بالحديقة وشابين نار كانت الجلسه تجننن
اسيل : جدي بعد اذنك واذن ابوي وعمي انا قررت قرار ومابي احد يناقشني فيه
الجد : قولي يبه شفيك
اسيل : مابي عرس
الكل انصدم من كلامها
ملاك : يمه مايصير كذا انتي بنتي اكيد ابي افرح فيك
عبد الرحمن : غريبه ياملاك انتي كنت رافضة الزواج كله
ملاك ابتسمت وباست راس رهف اللي كان بحضنها وضمتها اكثر : مو بنتي رجعت لي ؟ سوو اللي تبونه
عبد الرحمن : نسوي اللي نبيه ؟
ملاك : طبعا
عبد الرحمن بمزح : خلاص اتزوج الثانيه ؟
رمت عليه المخده : جرب ياعبد الرحمن والله اذبحك
ضحكو كلهم والتفت الجدة لاسيل : يمه اسيل مايصير لازم عرس تفرحي فيه هذا اليوم اللي تحلمت فيه كل بنت
اسيل : بس انا م احلم فيه
عزيز بصدمه: يعني انتي ماتبيني؟
اسيل خافت يفهمو غلط : لا حبيبي مو كذا قصدي
عزيز : اجل ؟
اسيل مسكت يده : انا ابي اكون معك مابي عرس مابي اشياء تافهه خلاص الملكة وصارت انتهينا خلاص
العم عبدالله : يابنتي لا نسوي عرس كبير حفله بسيطه
جواهر : اي تلبسين الابيض وتفرحين امك وتفرحيننا وبعدين ماتبي يشوفك عزيز بالابيض ؟
اسيل بدموع : مابي مابي انا عرس مابي افهموني تكفون
رهف قامت وجلست جنبها ومسكت يدها : انتي خايفه من ايش ؟ ليه ماتبي عرس ؟
اسيل ناظرت عزيز : خايفه وبس وانا عرس مابي تفهمون ؟
قامت وتركتهم كلهم تحت تاثير الصدمه
عزيز : انا بقوم اشوفها
الجد : قوم يبه وطمننا
قام عزيز لها ودق باب غرفتها مالقى احد توقع انها بالحمام بس نفس الشي مافي احد راح غرفته لقاها حاطه راسها بين ركبها وتبكي على سريره دخل لها وجلس جنبها ومسح على راسها
عزيز : حبيبة القلب شفيها
اسيل : ليه مو فاهميني ؟
عزيز : لان مافي اي شي يستدعي انك تلغي العرس
اسيل : مابي
عزيز : ماتبين اشوفك بالابيض واخذك قدامهم ونعيش احلى ايام حياتنا ؟
اسيل: الا بس
عزيز : انا م اقولك خلينا نسوي عرس كبير مع ان ليه لا يعني عادي بس بما انك رافضه فكره العرس احنا نسوي العرس قبلهم ونسوي عرس بسيط في قاعه او في بيت او اي مكان ويكون محفوف بس في الاهل اللي نبيهم شرايك ؟
اسيل : متى طيب ؟
عزيز ابتسم : متى تبيه يصير انتي ؟
اسيل : الشهر الجاي
عزيز قرب منها حيل وهمس : مستعجله علي ؟
اسيل بعدته بمزحه : يع قوم عني
عزيز : انا يع ؟ خلاص زعلت منك
وقام مسوي ان زعلان
اسيل بخبث : اجل نلغى العرس
عزيز رجع لها : تخسين العرس بنسويه يعني بنسويه
ضحكت وضمته : اففف يالعنيد
عزيز : بس تحبيني مو ؟
اسيل : طبعا