انا محامي وانتِ قضيتي الاولى والاخيرة 🫀

٢٥

في المزرعه وصلو العائله وتوزعو يجهزو الاغراض
البنات في المطبخ والشباب برا
عند الشباب
ماجد : اففف طيب الدنيا برد وجايبينا المزرعه ليه
عزيز : اقول جهز وانت ساكت بلا قرقرة فوق راسنا
ماجد : ياربي وش ذي البلوه اللي بليتني فيها
حسين : استغفر بس وبلا هدره عبد الله روح جيب الاغراض من عند الحريم
ماجد : ليه هو يدخل يعني ؟؟
عزيز : ياغبي وش فيها اللي داخل زوجته وخواته
عبد الله : يلا ومنها اناظر في الحب شوي
حسين : حظك يامعلم
مشا عبد الله وارسل الى اروى
عبد الله : اروى حبيبي اطلعي وجيب اغراض الجلسه معك
عند البنات في المطبخ
اروى : ياخي والله برد هذا الظهر وكذا كيف بالليل
اسيل : ولا يهمك عبودك يدفيك
الجدة : اسيل اسكتي وكملي شغلك بلا قله ادب
رهف : يمه الله يهداك وين قله الادب مو عبد الله زوج اروى
ناظرت اروى بجوالها وكتبت له : جايه عمري
اخذت الاغراض وطلعت له
عبد الله كان يناظر الجهه الثانيه من الباب جت له اروى وضمته من ورا ابتسم عبد الله من حس بيدينها الناعمه عليه والتفت لها : يالبيه يالعشق وينك ابطيتي عني
اروى قربت منه وحاوطت رقبته بيدها وعينه بعينه : اشتقت لي ؟
انصدم عبد الله من جرأتها معاه بس مع ذلك كان مبسوط : حبيبتي اذا م اشتقت لك اشتاق لمين
ابتسمت اروى : اقول عبود حبيبي شرايك نأجل عرسنا شوي
عبد الله بعد عنها : انتي قلتي ان تبين تحددينه ليه الحين غيرتي رايك
اروى: حبيبي عشان نجهز وكذا
عبد الله : اروى صاحيه انتي ؟ وش بتجهزي كل شي جاهز انتي بس جهزي نفسك
اروى : اي تجهيز نفسي يبيله وقت عبد الله شفيك
عبد الله بحده : ليه انا قلت لك غيري بنفسك شي ؟؟ كله فستان وكم غرض اللي بتشتريه والا انتي تدوري حجة عشان تبعدين عني يعني
اروى قربت منه وضمته : اششش حبيبي مو كذا والله بس عشان ابيك تشوفني غيير بالعرس مابي يمر عرسي كذا ابي اكون غير
ضمها عبد الله وصار يشم شعرها ويمسح عليه : حياتي انتي كل شي بالنسبه لي وبعدين انتي حلوه بكل حالاتك يلا عاد اروى لا تعذبيني خلينا نتزوج بسرعه ونرتاح وتكوني معي
اروى بعدت عنه وقالت بهمس : وامك ؟
عبد الله : شفيها امي ؟
اروى : ماتبيني زوجتك مسوي ماتدري ؟
عبد الله : انا ابيك انتي وماعلي من احد تمام ؟
ابتسمت اروى : طيب خذ الاغراض وروح يلا
عبد الله قرب منها ومسك خصرها : بس انا ماشبعت منك والحل ؟
اروى صارت تلعب بأزرار ثوبه وتقول : ولا انا بس مايصير لازم تروح
ابتسم عبد الله على حركتها وقرب ببوسها بس قاطعه صوت الكلب وهو ينبح
لزقت اروى فيه : عبد الله تكفى بعده تكفى
ضحك عبد الله: منجدك خايفه منه
اروى : تكفى بعده مابيه تكفى
ابتسم واخذ شي من الارض ورماه بعيد ولحقه الكلب
ابتسم ورجع لها : وين وصلنا حبيبتي
اروى ودموعها مغرقه وجهها : ماوصلنا مكان وخر عني
عبد الله : افا تبكين من كلب ؟ يخسون ياعين ابوي يبكونك وانا حي
ابتسمت اروى بخجل : اقول خذ الاغراض ويلا باي
سحبها بقوه : بوسيني وروحي
اروى : تحلم مابي
عبد الله : اجل مافي روحه
اروى ابتسمت بمكر : غمض عينك
غمض عينه عبد الله وبسرعه هربت منه وهي تضحك : قلت لك مستحيل ودخلت داخل
ابتسم على حركتها واخذ الاغراض وهو يقول : ياخي والله احبها