انا محامي وانتِ قضيتي الاولى والاخيرة 🫀

٢٠

في اليوم اللي بعده جلسو العائله كلهم على الفطور
الجد : خلاص الخميس ملكة عزيز و حسين و الاسبوع اللي بعده ملكت ماجد و عبد الله
عبد الله : شنو جدي ليه احنا اخر شي ؟؟
ماجد : اي صح يبه ليه هالبقر قبلنا
حسين : اقول انت وياه هذا الصح
الجد : بزران انتم ؟ تراها ملكة مو حلاوه
عزيز : مثل م قال جدي اهدا انت وياه في النهايه ترا مابيطيرون حريمكم
البنات كانو جالسين و ماكلهم الخجل و الابتسامه مافارقت وجيهم فجأه دخلت لينا وكانت نفس وضعها اللي قبل الكدمات كانت ماليه وجهها رهف شافت زول لينا بس م انتبهت لوجهه وقالت : لينا حبيبتي وين قهوتي ، رفعت راسها الى لينا وشافت وجهها وفزت
رهف : شنو هذا لينا ؟؟ رجع مد يده عليك ؟؟؟
لينا : انسه رهف صدقيني هالمره غير
رهف : شنوو اللي غير تبي تجنيني
الجد : يبه رهف اهدي شوي خلينا نفهم السالفه
حسين : حبيبتي اهدي وبعدين لينا هذا الحقير زوجك وينه ؟
لينا : استاذ حسين صدقني اللي صار انو كان جاي من برا ومعصب وانا ضغطت عليه بطلباتي
رهف ضحكت بسخريه : ضغطتي عليه ؟؟ تستهبلين ؟ هذا واجبه اصلا ؟ وحتى لو قلنا ضغطي عليه يضربك كذا ؟؟ امشي معي بنرفع قضيه عليه ؟؟
لينا : لا لا انسه مافيني شو بدهم يحكو علي الناس فوتت ابن عمه الى السجن مافيني دخيلك
رهف : تستهبلين لينا ؟؟ هامك الناس وم همتك نفسك ؟؟؟ مافيني صبر يالينا ما بجلس انتظر لين م يجيني خبر موتك على يد الحقير زوجك
الجده : لينا اتركي اللي في يدك و تعالي معي الصاله
قامو الكل من على الفطور وجلسو بالصاله مع لينا
الجده جلست وجلّست لينا قربها وصارت تمسح على راسها : يمه لينا انتي بغلاه بناتي و م يغلو عليك ولا شوي بس مايصير ياحبيبتي لا تتخيلي اني اشوف بنتي تتعذب واسكت
لينا ببكى : ياستي مافيني مشان الله افهموني
حسين : لينا انتي خايفه من شي غير كلام الناس ؟
لينا : اي هو كثيير خطير بيعمل بلاوي في اهلي مشان الله افهموني
رهف : مستحيل مايقدر نخلي لكم حمايه اي شي لا تخافي حنا معك جدي قول شي
الجد : وش اقول يابنتي انتي مكفيه بس يالينا يابنتي اذا تبيني نقدر نساعدك ولا عليك ولا تظلي مع الحقير ذا
اقتنعت لينا بكلامهم وقالت : طيب واذا تعرض لاهلي شو بعمل
رهف : مايقدر ماعليك بس انتي بلييز خلينا نرفع عليه قضيه تعنيف و قضيه طلاق
الجد : مثل م قالت لك رهف كلنا معك بس انتي اخطي هالخطوه
لينا : طيب امري الى الله بس
رهف : قومي معي ولا تقولين بس اخلصي قومي يلا
لينا : اي بس وشغل البيت ؟
رهف : مابنموت ياسعاد خانم البيت مليان مساعدات امشي قدامي
اخذت رهف لينا وطلعت معاها الى مركز الشرطه قدمت بلاغ على زوج لينا المريض في مركز الشرطه لما جابو زوج لينا
الضابط : لينا هذا زوجك ؟
زوج لينا : لينا ياكلبه شو بتعملي انتي هون ؟؟
لينا : اي سيدي هذا زوجي
زوجها: احكي معي انا ياحقيره شو بتعملي هون وليه جايبيني
الضابط : اششششش انت اسكت مابي اسمع صوتك
لينا : مشان الله ياحضره الضابط ساعدني مابدي اجلس معه كل يوم بيضربني وبعدين يجي يعتذر
الضابط : عندك عيال يالينا ؟
لينا : لا ماعننا قبل شهر تجوزنا
الضابط : شهر ياندل وتضربها كل يوم وبعدين تسالها بكل وقاحه شنو تسوي هنا
زوج لينا : فضحيتنا الله لا يوفقك
رهف : اششش اسكت بس قال ايش قال فضحتينا محد فضحك غير سواياك السوده
الضابط : ياعسكري اخده الى غرفه التحقيق
اخذو زوج لينا و تطمنت رهف ان مارح يقدر يقرب من لينا
رهف : وقضيه الطلاق ؟؟
الضابط : ماعليك بتتطلق وبتاخد حقوقها كلها
لينا : انا مابدي شي بس بدي يبتعد عني
رهف : الا تبي،  شنو فوق الا سواه فيك بعد بتتنازلي عن حقوقك ؟؟ لا والله يعقب
الضابط : مثل ماقالت رهف مايصير
لينا : واهلي ؟
تنهد الضابط : اهلك مارح يصير فيهم شي والوضع بيدنا ومثل ماتقولو انتم حطي يدينك في مويه بارده
ابتسمت لينا : كثر خيركم مابعرف شو بدي اقول
رهف : قومي معي نروح البيت وسوي لي قهوه وبعدين يصير خير
طلعت رهف مع لينا و اعتقل زوج لينا والمحكمه بتكون اسبوع الجاي قبل ملكة رهف بيوم