انا محامي وانتِ قضيتي الاولى والاخيرة 🫀

٣٢

الدكتور : مو مشكلة معذوره ، المريض حاليا وضعه مستقر بس مع الاسف المريض ممكن ان يجيه شلل مؤقت برجله يعني مابيقدر يمشي عليها لفتره معينه بس ان شاء الله مع العلاج الطبيعي بيقوم
رهف : ش ش شلون يعني ؟
ماجد : رهف حبيبتي تعالي نجلس وانا افهمك
رهف : مارح يقدر يمشي ؟؟
الدكتور : لفتره مؤقته يارهف بس مع العلاج بيقوم
مشا الدكتور وجلست رهف بصمت مو عارفه شتقول
ماجد : انتي عندك مشكلة فيه اذا ما مشى ؟
رهف ناظرته بصدمه : منجدك ؟؟ والله لو ينشل كله ومايقدر يحرك اصبع له اشيله بعيوني انا بس خايفه من رده فعله حسين اذا ما مشى بيتوقف شغله وهو اكثر شي يحبه بالدنيا شغله و عمله
جواهر جت وجلست جنبها : بس يحب رهف اكثر
ناظرتها رهف بدموع : بس ياخالتي
جواهر : يمه رهف قلبي محترق عليه اكثر منك بس حسين الحين يبينا جنبه نسانده مايبينا ننهار
رهف : حاضر ياخالتي حاضر
طلعو الممرضات ومعاهم حسين على السرير اول ماشافته رهف فزت : حسين حبيبي انا هنا موجوده حسين فتح عينك تكفى
الممرضه : لو سمحتي لازم ناخده الغرفه الحين
ملاك سحبت رهف : يمه رهف ناظريني
رهف ظلت تناظر حسين : يمه بياخذونه ابي اروح
ملاك مسكت وجه رهف: ناظريني رهف
ناظرتها رهف بعينها التعبانه
ملاك : تبينه يقوم ؟
رهف : ايي ايي ابيه يقوم
ملاك : معناتها بتصبري بتتحملي تبينه يقوى ؟ قوي نفسك عشان ياخذ القوه منك سامعتني ؟؟
رهف اشرت براسها بمعنى اي
ملاك ضمتها : خلاص يمه امشي يلا
وصلو غرفه حسين اول م شافته رهف ركضت وجلست جنبه وهي ماسكه يده وتبكي
الجد جاها وحط يده على كتفها : يبه رهف اصبري يابنيتي ان شاء الله بيقوم بالسلامه
رهف : ان شاء الله ياجدي
الجده : قومي يمه نروح
رهف وعينها على حسين : وين
الجده : البيت يمه خلاص الوقت تاخر
رهف : مارح اطلع من هنا الا مع حسين
عبد الرحمن : مايصير كذا يبه يلا قومي
اروى : رهف حبيبتي اذا تبيه يصحى خلك قويه وقومي
رهف : لا هو يبيني جنبه وبعدين انا زوجته مالي دخله البيت الا معاه
عبد الله : يارهف مايصير كذا قومي معنا
رهف : والله لو تقوم القيامة ماقمت الا معاه وهذا انا قلت لكم تبون روحو انتو انا بظل مع حسين
ماجد : رهف اتركي لعناد وامشي معاي البيت
رهف : مالي دخله البيت بدونه سامع ؟؟ البيت والله ما ادخله بدون حسين وهذا انا حلفت روحو و اتركوني معاه 
الجد : طيب مانروح البيت نطلع برا اي مكان
رهف : مارح اطلع من المستشفى الا يدي بيد حسين
الجده : لا حول ولا قوة الا بالله يابنتي مايصير كذا بتتعبي
رهف : مابي مارح اقوم
ظلو يحاولون فيها لين عجزو وطلعو ظلت رهف طول الليل مع حسين تقرا عليه ايات القران الكريم
__________________
عند اروى في البيت كانت جالسه بالحديقه وتبكي
طلع عبد الله يدورها واخيرا لقاها بالحديقه
عبد الله : اروى حبيبتي وينك تعبت وانا ادورك
اروى مسحت دموعها بسرعه : ويني يعني هنا وين بروح
عبد الله : انتي تبكين ؟
اروى : هههههههه انا ؟ وببكي بعد ؟ متى شفتني بكيت اصلا ؟
عبد الله : صح انتي البنت القويه اللي ماتبكي
اروى : اي نعم قويه و ما ابكي عشان شي تافه عندكم اعتراض ؟ واصلا بيقوم ليه ابكي كفايا دموع رهف
عبد الله : اخوك حسين شي تافه ؟ طيب تراه مابيمشي يقولون ؟ ورهف منهاره عنده ؟ تتخيلي شغله بيتعطل ؟؟ متخيله نفسيه اخوك وتقولين شي تافهه !!! كيفك بس انا ابي اخبرك اخوك بتصير نفسيته زفت بسبب اللي بيسمعه بما
طبعا عبد الله تكلم معها كذا بذي القسوه عشان يبيها تطلع اللي داخلها مايبيها تكتم وتتعب
اروى هنا نفجرت بكاء :  بسسسس خلااااص يكفيييي تمام ادري انبسطت الحين لما شفتي ابكي ارتحت ؟؟؟ خلاص يكفي ياخي وربي جالسه احاول اكون قويه عشان الكل بس محد يحس فيني مو قادره هذا حسين نور عيوني ماقدر اتحمل اذا صار فيه شي ليت السكين كان بقلبي ومو فيه ياعبد الله مو قادره والله مو قادره ارحموني تكفون حرام عليكم انا من سمعت بالخبر وانا احاول اكون قويه بس مو قادره وربي مو قادره خلاص ياخي حرام والله حرام
ضمها عبدالله لصدره : اشششش خلاص طلعي اللي داخلك كله حبيبتي
ظلت اروى تبكي فتره طويله شوي لين حس عليها عبد الله انها نامت بحضنه حملها بحضنه و اخذها غرفتها جا بيطلع بس مسكت يده : لا تروح
عبد الله : طيب حبيبتي بظل لين ترجعي تنامي
اروى :خلك معي تكفى محتاجتك
عبد الله : ماشي نامي يلا وبعدها بروح
اروى قربت منه وحطت راسها بحضنه : لا خلك معي مابيك تروح ابد
عبد الله : ابشري ابشري ياعين ابوي نامي انتي
اروى ناظرت فيه : اذا نمت لا تروح تمام ؟
عبد الله ابتسم وباسها بعد عنها وحط جبينه على جبينها وقال بهمس : ابشري ليه انا اقدر ابعد عنك
ابتسمت اروى ونامت بحضن عبد الله من التعب اللي كانت تحسه
________
عند عزيز كان جالس بغرفته وحاط راسه بين رجليه ويبكي ندق الباب انسدح وسوا نفسه نايم دخلت اسيل له
جت وجلست جنبه بالسرير صارت تمسح على خذه وتمسح بقايا دموعه وتقول بهمس : لا تخبي عني دموعك ياروح روحي انت خلني معاك بيوم الاسود قبل الابيض
عزيز فتح عينه وقام حط راسه بحضنها وصار يبكي بصوت مكتوم
اسيل صارت تمسح على راسه : اشش حبيبي ان شاء الله بيصير زين لا تحاتي ياعمري كون قوي عشان اللي حولك بس طلع ضعفك قدامي انا زوجتك
شالته راسه وصارت تمسح دموعه وتبوس وجهه كلها بعدها حضنته بقوه : تعبان ياعمري ؟
عزيز : اااه اي والله تعبان يا اسيل ودي بس لو ارتاح من هالمشاكل والبلاوي اللي تطيح فوق راسي
اسيل : انا عندي حل لك
عزيز : شنو
اسيل عدلت جلستها وصارت جنبه اشرت له يجي بحضنها
حضنها عزيز وصارت تمسح على راسه : بقرا عليك ايات قران وصدقني بتهدا تمام ؟
اشر لها عزيز براسه ان تمام
صارت تقرا عليه ايات قران من اللي حافظتنهم
لين حسته هدأ شوي : شتحس فيه ؟
عزيز : راحه مو طبيعيه يا اسيل خلينا نعيدها كل مره
اسيل : ابد ابشر باللي تبيه يابعد راسي متى ماحسيت بضيقه حضنتي يحتريك و ايات ربي تمسح عليك
ضمها عزيز اكثر : اشش الحين ابي انام عشان يجي بكرا بسرعه
اسيل : زين يلا نام
________________
عند ماجد كان مايختلف حاله عن عزيز كان منهار بس محد حوله ريتاج في بيتهم ولا تدري ومايبي يدق عليها ويزعجها الحين بس كان في شخص حاس عليها دق الباب ودخل
ماجد : عبد الرحمن ؟ فيه شي ياخوي
عبد الرحمن جا وجلس جنبه : تفكر مو حاسس فيك ؟
ماجد : ليه شفيني مافيني شي
عبد الرحمن: ياماجد مو ضروري الرجال يكون قوي دايم لازم تجيه حالات ضعف وانت اليوم حاولت تقوي غيرك بس وانت مين بيقويك ؟
ماجد نزل راسه وصارت دموعه تطيح : بس طول عمرهم يقولون لنا الرجال مايبكي
عبد الرحمن : لا ياخوي يبكي نبكي ليه مو بشر حنا ؟
وبعدين ابكي ليه تكتم بقلبك تدري لما كننا صغار انا واخوك عبد الله كنا نتضارب كثيير وكان ابوي قاسي علينا ف كننا اخر الليل نجلس انا وهو
قاطعه العم عبدالله: ونبكي اي كنا نبكي خوفا من ابوي ما نبكي قدامه بس اخر الليل كنا نبكي انا وعبد الرحمن
ماجد : رهف بعد كذا تدري ؟
عبد الرحمن : كيف
ماجد : رهف لما كانت صغيره ماتبكي قدامنا ابد الا يوم قفطتها انا بالمخزن كانت جالسه تبكي بصمت ولما سالتها شفيك قالت مابي جدي يدري اني ابكي عشان كذا جيت هنا
عبد الرحمن : شفت كيف ؟ مو بس البنات يبكون حنا احنا لكبار نبكي
جلسو ذيك الليله كل واحد يشكي لثاني همومه جلسه اخويه بدون نفس ثقيله بينهم
__________________
عند رهف الصباح في المستشفى كانت حاطه راسها وتناظر حسين فجأة حست فيه يتحرك
رهف : حسين حبيبي تسمعني
حسين : رهف وين رهف
رهف : انا هنا حبيبي هنا
فتح عينه وشافها : ماصار لك شي صح
رهف بدموع : ماصار شي حبي قول لي شنو حاسس فيه
حسين : ليه البكا ياعين حسين
رهف : شلون ماتبيني ابكي وانت بهالحاله ليت الوجع بقلبي
حسين : اسم لله عليك ياروح حسين وطوايفه الا اقول رهف
رهف : قول حبيبي
حسين : ليه م احس برجليني ؟ شنو من البنج يعني ولا
رهف : اءء حسين انا بنادي الدكتور
حسين : رهف انا اسالك جاوبيني ليه م احس برجليني
رهف : حسين شايفني دكتوره ؟ مدري بروح اسال
حسين : لا تدرين ليه تهربين عيونك عني شفيني انا
رهف نزلت دموعها : حسين
حسين : شفيني يارهف تكلمي
رهف : حسين انت
بهذا الأثناء دخلو العائله كلهم يسلمون على حسين ويتحمدون له بالسلامه
حسين : رهف ناظريني
رهف : حسين تكفى
حسين : شفيني ليه م احس برجلي اخلصي تكلمي
دخل الدكتور : السلام عليكم كيفك ياحسين
حسين : دكتور رجلي م احس فيها ممكن تخبرني لان واضح زوجتي تبي تخبي عني
رهف : لا حسين مو كذا
الدكتور : بصراحه ياحسين انت عندك شلل مؤقت
حسين ضحك بسخرية: شلل؟ و مؤقت ؟
الدكتور : اي
حسين : ماشاء الله ومتى بينتهي الشلل المؤقت ذا
رهف : حبيبي مع العلاج بتطيب
حسين : مع العلاج ؟
الدكتور : اي بس لازم ننتبه لجرحك زين
حسين : ماشي ماشي
طلع الدكتور جلست رهف جنب حسين : حبيبي نقول الحمد لله وبعدين انا معك كل شي بنتخطاه مع بعض
الجده : اي يمه حسين صدقني خيره لك
جواهر : وبعدين تذكر لما نكسرت رجل رهف شقلت
رهف : شقال خالتي ؟
جواهر : قال الله يبيها تستريح شوي عن الركض
رهف : الحين انا كنت اركض ؟
حسين : وانا صادق وانتي بزر كنتي كله تركضين
رهف : والحين دورك تستريح شوي
حسين : الحمد لله
رهف : اي كذا نحمد ربي على كل شي
ماجد : وبعدين احمد ربك بتجلس في البيت مروق والكل يخدمك وحبيبتك جنبك وش تبي اكثر
حسين : الحمد لله