He is Trying To Catch Me

Episode - 11(U & Z)

Unicode

နှစ်ရက်လောက်ကြာတော့ သူတို့ မြေကွက် အတွက် စာချုပ် ချုပ်ဖို့နေ့ရောက်ရှိလာသည်။ထိုနေ့တွင် Levi တို့ သူငယ်ချင်းတေအပါအ၀င် သူတို့လုပ်ငန်းကိုစိတ်၀င်စားသော ရှယ်ယာရှင်အချို့လည်း ပါ၀င်လာခဲ့သည်။အထူးသဖြင့် Levi တို့ စက်ရုံဆောက်မည့် ရင်းနှီးမြှုပ်နှံမှုအတွက် Steven သည် ရှယ်ယာရှင် များထဲမှ တယောက်ပင်ဖြစ်ချေသည်။စက်ရုံ ဆောက်လုပ်မည့် ကိစ္စ များကိုတော့ Levi သည် သူ၏သူငယ်ချင်း နဲ့ အခြားလုပ်ငန်းပိုင်းဆိုင်ရာကျွမ်းကျင်သူ တယောက်ကိုသာ စီမံခိုင်းလိုက်သည်။စာချုပ်ကိစ္စပီးသော် Steven က Levi ရှေ့သို့ရောက်လာပီး
" ရှယ်ယာရှင် များရင်မကြိုက်ဘူးလို့ပြောခဲ့သလားလို့ ကိုယ့်ကိုတောင်မှ ပထမတော့ လက်မခံချင်ဘူးလေ..ခု ကြည့်ရတာတော့ တခြားရှယ်ယာရှင်တေ များလာသလိုပဲနော်"
Levi သူ့ရှေ့ရောက်လာသောလူကိုကြည့်လိုက်ပီး စီးပွားရေးဆန်သောအပြုံးမျိုးဖြင့်
" ဒါပေါ့...ကျွန်တော်လည်း အရင်က လူအရမ်းများရင် ခေါင်းရှုပ်တယ်လေ ဒါပေမယ့်လည်း အခြားတဖက်ကကြည့်ရင် လုပ်ငန်းတခုဆိုတာက ရှယ်ယာရှင်များများ ကိုယ့်လုပ်ငန်းထဲရင်းနှီးမြှုပ်နှံမယ်ဆိုရင် ကျွန်တော့်လုပ်ငန်းလည်း ကြီးမားလာမယ် ကျယ်ပြန့်လာမယ် အဲ့ဒါကြောင့် ကိုယ့်တယောက်ထဲအတွက် ခေါင်းရှုပ်တာကိုစဉ်းစားနေရင် လုပ်ငန်းက ဘယ် မှာ ကြီးမားလာမလဲ
ကျွန်‌တော်က အခုလုပ်ငန်းတေအပြင် အခြားစီးပွားရေးတေလည်းဆက်လုပ် မှာဆိုတော့ ရှယ်ယာရှင် များများလက်ခံဖြစ်လိုက်တာပါ"
အေးအေးဆေးဆေး ဖြင့် ပြောသွားသော သူ့ရှေ့က ထိုကောင်လေးကို Steven ကြည့်လေ ပိုသဘောကျလေ ပင်။
' ပါးနပ်တယ်....လှည့်ဖျားတတ်တယ်...မြေခွေးလေး '
သူ့စိတ်ထဲမှာရေရွတ်နေမိသည်။

သူတို့နှစ်ဦးစကားပြော နေစဉ် အမောတကော ပြေးလာသောAustin က" မင်းက ဒီမှာပဲ ငါရှာလိုက်ရတာ ..." အသံပြတ်တောင်းတောင်းဖြင့် ပြောလိုက်သည်။
Levi သည် Austin အရေးတကြီးပြောစရာရှိမှန်းသိလိုက်သည်။သူ့မျက်နှာမှာပြေးလာသောအရှိန်ကြောင့် ချွေးများပြည့်နှက်နေသည်။Austin အမောဖြေပီးမှပဲ Levi သူမေးချင်သောမေးခွန်းကို မေးလိုက်သည်။
" မင်းက ဘာဖြစ်တာလဲ အရေးတကြီး စာချုပ်ကိစ္စလား "