غركان و بدت تزرك شفافك .. موت
و ولا تبقى ترى بكشايتك مؤمن
محمد الزركاني
- - - - - - - - - - - - - - - - - - - -
طلعت من الكلية تعبانة حيل وحيلي مهدود اففف شهل حر ركبت سيارتي وبوجهي للبيت صفيت السيارة بالكراج ونزلت احس معدتي تصوفر ابد مااكل شي برة البيت ما استنضف ابد الا من طبخ امي دخلت وريحة الدولمة شكت خشمي صحت
::- يوووووم اليوووم مسوية دولمة
اجتني وهي ضحكتها الترد الروح كلما اشوفها
::- هلا بيج يوم اي بدلي وتعاي نصب ابوج كال اتاخر اليوم
ضحكت ورحت حظنتها وبست راسها وحجيت
::- تمام
صعدت الدرج وغميت كصتي صحت
::- يوم مو تنسين الخبزة جوة من تكلبيها
حجت بصوتها اليضحك
::- اي مامة ما انساها
ضحكت وكملت للغرفة مااكل الدولمة اذا مو خبز جواها اموت عليها وخاصة دولمة امي اخذت تراكي ع سريع ودخلت لجوة اسبح ع سريع وجاي انشف شعري بالشسوار صاحت امي من جوة
::- ريحانة يوم وين صرتي
حجيت مستعجلة
::- يلا مامة اجيت
مشطت شعري وسويتة ضفيرة ونزلت لجوة وريحة الدولمة تخبل دخلت للمطبخ وامي محظرة اللبن والطرشي والزلاطة بست ايدها وحجيت
::- ميتة ميتة جوع
حجت
::- لج يوم ولله عليتي كلبي ترحين من الصبح وما تاكلين شي هناك ليش يا امي
حجيت
::- مامة ما استنضف اكلهم وتدرين مااكل بس من ايدج
ضحكت وكالت
::- بعد يومين تزوجين شلون بيج
حجيت واني اكل
::- اخذج وياي ماعوفج لو اجيبة اكعدة وياكم ليش يهون علية فراكم
ضحكت امي عبالها اتشاقة بس اني صدك جدا متعلقة باهلي وحيل حيل احبهم همة هم مدلليني دلال ابوية تاجر مال ذهب وعند عمارات خير من الله طبعا جدو مجان عندة ولد غير بس ابوية وبعد ما مات جدو بقى الورث لابوية وابوية شاطر استغل ورث وفتح بي عمارات وبيوت وعندة محل ذهب وحالاتنا ميسورة اني ادرس مرحلة اولى كلية لغات انكليزي جان معدلي يدخلني طب اسنان بس اني احب هل قسم ورحت قدمت علية بابة علمني السياقة من جان عمري 16 سنة ومن دخلت ال18 بنجاحي من السادس اشترالي. سيارة بس كلشي حسب الحدود ماطلع بيها بس للدوام طبة وطلعة وحدي ماكو حجاب والصلاة وقراة القران التزام تام نكعد للصلاة الصبح هم التزام جدا احب حياتنا ومستقرين بيها اكلت وامي رادت تغسل ماعين ما قبلت و طلبت منها تروح ترتاح راحت واني غسلت ماعين ورحت بوجهي ع سريري وذبيت نفسي ونمت ما كعدت الا ع صوت المنبة جانت الساعة 6 العصر نزلت لجوة لكيت بابة ستوة جاي استقبلتة وبوستة وحجيت
أنت تقرأ
وردة الشهم
Детектив / Триллерبين فقدان الاهل وطمع وجشع المقربون تولد فتاة من رحم الوجع فتاة قوية لا يمكن ان تكسرها الحياة تقف بوجه كل من يحاول ان يتقرب منها فهل تسمح بذلك الشخص الشهم بأن يطرق ابواب قلبهافالنتابع معا قصة وردة شهم
