وردة الشهم

البارت 3

- شبدر مني ويشح ودَك ؟
- مثل سبحة عجايز ﭼـنت ماهدَك .

- - - - - - - - - - - - - - - - - - - -
تخربطت رقية بالدوام و خابرت الخط كاللها اني ماكدر اجي احتارينا وياها وهي بس تبجي راسها وبطنها كتلها جهزي نفسج اني اوديج رغم بابة منعني اروح بيها منا منا بس اضطريت وضعها مو مال اخليها تروح تكسي وهي موجوعة لبست وراح ويانا فراس جان باين الخوف بعيونة كتلها وين بيتكم حجت كوة تجر الكلام

::- بالزيونة منطقة *** فرع ***

تجمدت بكاعي بيت شهم هنا ظليت ساكتة حجة فراس

::- يلا يمعودة

حجيت اسحب نفس واحاول اهدي نفسي،
::- يلا يلا

حجة
::- اسوق عنج اشو تخربطت احوالج

::- لا لا بس توترت من وضع رقية

مشينا ورقية تلوب وفراس عينة عليها اخر شي نامت بالكشن الورة حجيت

::- خليها انهد حيلها من الوجع

::- بية ولا بيها ريحان حسيت الوجع بكلبي

ابتسمت
::- الله يجمعكم بحق الحسين دكولللها خل نفرح بيكم

::- شاكوللها لج غير بعد ما تباوع بية لج نور كالتلها اخطبج لاخوي لعبت بيها لعب

::- هم صح رقية هادئة مو مال هذا التصرفات

::- اي شسوي ما تكليلي شاسوي اروح اخطبها فجائة ماتقبل

::- هم تدخل وياها بسين وجيم يمعود

::- حيرة

::- الله ما يحير عبدة الله كريم

::- ونعم بالله
وصلنا المنطقة فراس يندل بيتها صفيت يم بيتهم وكعدناها رادت تمشي ماكدرت وكامت تبجي رفعها فراس الة وحظنها وصاح

::- ريحان دكي الجرس

وفعلا دكيت الجرس وطلعلي واحد من الحراس جان ابوها مسؤول جبير بالدولة كوة دخلونا لجوة من شافو وضع رقية دخلنا وامها وابوها تلكونا من الباب ودخلنا وياهم سين وجيم

::- ليش جبتوها وليش ما خابرتوها

::- انتم منو اذا بنتي صارلها شي انتم تتحاسبون حجة فراس

::- الله بالخير عليك عمي البنية زميلاتنا واتصلت بخطها ما قبل يجيها اضطرينا نجيبها بسيارة ريحان

::- مشكور عمي ما قصرتو تعرف هل وكت ما يتامن تفضلو نضيفكم شي

::- لاعمو مشكور راجعين لكليتنا

::-لا ولله ما طلعون

باوعت لفراس اريدة يرفض بس اسو مشة كدامي اففف منك فراس دخلنا الاستقبال مالتهم وكعدنا بي حجيت