وردة الشهم

البارت 4

ريح تاخذني لكتر وتردني ريح
كلشي ماكو بكلشي ماكو اعثر وطيح

منصور البدر
---------------------------------
ثاني يوم كعدت من الصبح متاخره محد موجود بالبيت ظليت افتر بالبيت صعدت لفوك لغرفتي راسلت بابا كال شويه وجاي هو راح يجيب الغداء لكيت غرفتي هوسه كمت عزلتها ما ادري منين طلعت لي الندارة ونزلت لجوا كملت باقي تنظيف البيت ضليت كاعدة اتصفح بموبايلي لحظه خطرلي انه ارجع حسابي القديم بس تراجعت ماكو اهم شيء من كرامتي اتخايل شهم يصير عنده بنيه ويكعد وياها يعلمها وينصحها مثل ما كان يسوي وياي ابتسمت لتفكيري عجيب مره اكثر من سنه وانا ما نسيته هواي متابعين يححون وياي ويروحون يمرون مرار الكرام الا هو مر على قلبي اجا بابا خطيه جايب اكل اول ما شافني ضحك كال

::- هذا خلاف امك ناكل من المطاعم ههه

::- لا تكول الها هيج عىليك الله بابا هسه تشيخ علينا

ضحكنا هو دخل يبدل واني جهزت الاكل واخذني لواهس حسيت روحي حسيت روحي ام بيت وكعدت اسوي زلاطه ولبن وهالشغلات اجا بابا وابتسم على منظر الاكل و كال و هو يكرص خدي عفيه بنيتي النادره كلش فرحت بهذا الاطراء من بابا وفكرت لو شهم يسمع كلام بابة اكلنا واني خلصت الطاقه اخذت المواعين وخليتهن على السنك هي جنينه من تيجي تغسلهن بابا كال سوي شاي سويت شاي وانطيتة صعدت لفوك متحمسه اعرف شصار وي فراس ورقيه اتصلت على المجموعه ما رد علي بس احمد وكال نور بالسوك حجينا شويه وكتلة
::- متحمسه اعرف شصار وي رقيه وفراس

::- يا معوده دخيلج هو هذا بيخير شراح يسوي هسه يكضيها تصفن بوجه البنيه

ضحكت وكتلة ههه هم حقه ترى رقيه صعبه واحد يحتار شلون يصارحها

::- الله الستر اللي احبها مسترجله لو مثل رقيه كان انتحرت

ضحكت و نهيت الاتصال ويا بس يجون نرفع اتصال

::- تمام
عاد اني لفيت راسي ونمت كعدت على رنه التلفون احمد يتصل على المجموعه بسرعه جاوبت اول ما جاوبت حجيت ها فراس بشر

فراس
::- ولكم كلتلها كلتلها هلهلو

نور
::- كللللووووووىللللليييييششش

::- صىوات صلوات

احمد
::- استجنن خل نشوف شمصخم صاحبي واعرفة

فراس
::- فديتك ضلعي الخايس

احمد
::- مو اعرفك مادبرها

::- هسة غير يحجي دحجي اصار

فراس
::- لك اول ما داومنا خطيه هي كانها مضيعه شيء ضلت تتلفت وتدور عليكم رحت لها سلمت عليها بالكوه ردت السلام حجيت وين البنات كلتلها ما ادري حتى احمد وما موجود عندج خبر عنهم قالت لا كاعده بلاستيج وانا كعدت وراها اشوفها مرتبكه مو على بعضها انكسر خاطر عليها و للحظه اجيت اكوللها هاي خطه بس تراجعت هذا الشيء عجبني انطونا رايست عزمتها على حسابي وبالف يا علي قبلت رحنا للكافيه بين مواضيع المواد وبين الامتحانات فتحت وياها موضوع الزواج شفتها خجله وارتبكت وحمر خدودها ضحكت وضليت على هذا الشيء بالف يا علي هي تجاوب كدرت اسحب خجلها ضلينا بين المحاضرات اللي ما تخلص اخر محاضره تعمدت اخرها على مود ما تتدخل وفعلا الاستاذ طردنا وما خلانا ندخل ضاجت هي وكالت خلنا نروح نكعد كيفت كل الطلاب داخلين محاضرات الا احنا وصارت السنتر هادئه بدون مقدمات قلت لها احبج رقيه ظلت صافنه وبديت اشرح الها عن حبي وشوكت حبيتها ما انطت اي رده فعل بس خجلت وهذا الشيء مبين عليها لان خدودها صارن حمر يمكن بدايه خير وتوته توته خلصت الحتوته