تسوي روحك جاي تنسى
وماتجيهم
ومن بعيد هواي تنشد عليهم
يمتى ناموا ؟
يمتى فزوا ؟
والقميص اللايگ عليهم !
تبدل ..بعده نفسه؟
تسوي روحك تچذب وكُلك صدگ
غطي گلبك
ذاك هو مبين بگلبك عشگ ..
---------------------------------
ريـحان
- كلهم استقبلوني استقبال حلو رفعت عيني بعيون سند لان جنت خايفة من ردة فعلة ابتسملي رديتلة الابتسامة بخجل اجة يمي شهم وكعد ع تخم اليمي
اوسم
::- شوكت لحكت تشتاق
شهم
::- انجب
تيمور
::- هو العندة هيج فاهية يمكن يكرطها كرط زين ومنا صابر
شهم
::- انت هم انجب بعد روحي
تيمور
::- ع راسي خالي
شهم
::- غصبا عليك
اوسم
::- اي بشر شلون اللقاء
شهم ساكت منطيهم اذن الطرشة وهو كلساع يسالو مدري عليمن اجة يمي اوسم وكال
::- شلونها حلوتنا
ضحكت
::- شعجب مو فاهيتنا
::- تستاهلين ولله شلونها فاهيتنا
ضحكت وهزيت راسي
::- بخير
::- طبعا طبعا بخير شهم ما مقصر حتى وجهج مورد
عقدت حواجبي ما فاهمة قصدة اجتة دفرة برجلة من شهم لزمها متالم ويضحك
ام تحسين
::- ولله يخالة البيت مو حلو تعودنا عليج هاي عملة تسويها ولله انتي طلعتي وشهم بعد ما طب البيت
باوعت للشهم ابتسم ونزل راسة
هدى
::- ولله كلت راحت بعد ما نشوفها همزين اجيتي
بتول
::- ديلا وفي نذرج وجيبي الطلي
ام تحسين
::- انتي تحظرن المهد قبل الطفل كولن يا الله
هدى
::- باين يمة باين يشع شع من عيونهم
كلهم يضحكون الا اني حتى شهم يبتسم وساكت
هدى
::- اخوي واعرفنة لو كان جذب جا كال
شهم
::- بعد اخوج ساكت لا ما اكدرلج لا انتي ولا الحجية لو اكلجن هسة كل الي تحجن ماكو منة صح تصدكني
هدى
::- اكيد ما نصدكك
ضحك هو والكل يضحك لفت نظري ابن تحسين الجبير عينة ما شالها من حور وحور تباوعلة وتنصي التفتت لجهة سند عيونة مركزة وياهم عجيب امرهم شكو شديصير
اوسم وتيمور وباقي الولد راحو للبرة واحنا كعدنا كعدة نسوان ظلن يسالني وين جنتي وين رحتي وظليت اسولفلهن كلشي يصير بعد يومين اذا صارت قسمتنا يكولون وين راحت وين بقت فما حبيت اخلي علامة علية من هسة خالتي ام تحسين لازمة ايدي وطبطب عليها وتهون علية وكالت انعم ع الله ع الناس استقبلوج عدهم كل هل فترة وكالت لازم تعزميهم بحساب انتي بتنا هم صانوج وحافظو عليج عزميهم خل نتشكرهم فرحت حيل ودمعن عيوني من كلامها ضحكت ومسحت دموعي
أنت تقرأ
وردة الشهم
Mysterie / Thrillerبين فقدان الاهل وطمع وجشع المقربون تولد فتاة من رحم الوجع فتاة قوية لا يمكن ان تكسرها الحياة تقف بوجه كل من يحاول ان يتقرب منها فهل تسمح بذلك الشخص الشهم بأن يطرق ابواب قلبهافالنتابع معا قصة وردة شهم
