𓍢 ָ ּ 𓈃 𓍢 ָ ּ 𓈃 𓍢 ָ ּ 𓈃 𓍢 ָ ּ 𓈃
- انه الچان يدري عيُونچ تضيعّه وعشگها ...
𓍢 ָ ּ 𓈃 𓍢 ָ ּ 𓈃 𓍢 ָ ּ 𓈃 𓍢 ָ ּ 𓈃
هلو بنات شلونجن اخبارجن انشالله تكونن بخير 🥺❤️
گ تذكير لقلبگ الجميل انتِ جميلة فأبتسمي ❤️
غلسن ع السحك كتبتة واني مستعجلة 🙂💔
𓍢 ָ ּ 𓈃 𓍢 ָ ּ 𓈃 𓍢 ָ ּ 𓈃 𓍢 ָ ּ 𓈃
ريـحـان
طول الطريق واني اسمع اهاتة وحسرتة احس كلبي داخل بدوامة تارة اريدة وتارة تعبانة وحابة اروح وابعد لمكان بعيد كمية التناقض العندي مو طبيعية كلش تعبانة ومنهلكة نزلنا مسافة الطريق ماعرف شنو صار بس فتح الباب ونزل وبعدها اخذ مي وسكبة ع بنيد كام يطلع بخار ظل واكف تقريبا عشر دقايق وبعدها صعد حجيت
::- شكو شبيها للسيارة
رد بضجر والضوجة مبينة ع وجها
::- حمت
عقدت حواجبي
::- جا اكو سيارة تحمى
ابتسم وباوعلي
::- اي جا وحد
ردت بسخرية
::- شعجب تكول جا ما تكول لعد
سند راسة وباوعلي بذوبان وكال
::- جا وشحلات الجا بحلكج يلجنوبية
خجلت حيل ونصيت راسي خجلانة من عندة حمحم واني رديت
::- شوكت ترجع تبرد
رد هو مغمض عيونة
::- فد دقايق
وفعلا دقايق انتظرناها ورجع شغلها وكملنا طريقنا طول الطريق ساكتين ماكو كلام يجمعنا وصلنا للبيت والعجيب مرتب هاي ثاني مرة اشوفة كلما ندخلة بكون مرتب عجيب اذا هو مترك شلون يبقى هيج ظليت افكر ياااا بس لا شهم متزوج وزوجتة هنا مخليها عززاا اي اي لعد وين تروح هو هنا مخليها انقهرت وعبست وجهي هو انتبه علية وتنهد وكال
::- ادري بيج ما تردين تجين واني جبرتج وخليتج كدام الامر الواقع بس. لازم نحل الي بيناتنة
باوعتلة بضوجة وحزن
::- شنحل?? شهم شنو الي ينحل
تقدم وكعد ع رجلي جنتي كعدة ع قنفة وهو سحب ادية وكال
بصوت مخنوك وذايب
::- ريحان ما اريد اخسرج بعد ما لكيت العلاج لروحي التعبانة ما اريد اخسرج
دنكت ودموعي تصب
::- شهم اني تعبت تعبت ما جنت هيج اني ما جنت
::- وداعتج ارجعج ريحان القديم الي ما تهتم بس بالنوم والاكل وكيكتها المحروكة
ابتسمت مجاملة هو باس راسي وحجة بكل حنية ولهفة وحب
::- جوعانة وردتي ??
هزيت راسي باي مو مال اسوي روحي زعلانة وكذا اني وقت الاكل انسى الزعل والمعارك واسرفن اداناتي واكل اخلي الكرامة تلطم بالزاوية كام وكف كال
::- راح اجيب غدة من برة واجي شتردين شمشتهية انتي
ريحان بهدوء
::- بكيفك اي شي
أنت تقرأ
وردة الشهم
Детектив / Триллерبين فقدان الاهل وطمع وجشع المقربون تولد فتاة من رحم الوجع فتاة قوية لا يمكن ان تكسرها الحياة تقف بوجه كل من يحاول ان يتقرب منها فهل تسمح بذلك الشخص الشهم بأن يطرق ابواب قلبهافالنتابع معا قصة وردة شهم
