وردة الشهم

بارت الـ15

مثل سجينتك
راح انسحب بهداي

ايهاب المالكي

---------------------------------

ريـحـان

لعبن لعب البنات بالركص والاغاني وكلهن يردحن ع ساجدة عبيد ويركصن وفرحانات اجن يكومنا اني وحور ثنيناتنا رفضنا اني ما اعرف اركص اروح افشل روحي وحور مغندة وقافلة فد نوب كل شوي رائي الها قبل شوي تريد تكوم تركص بس الضاهر تعاركو هي وسند اووف منهم رويسية شوية واجت سمر عود اني عروس لابسة فستان يمكن لو تندك تطلع بغداد كلها ظليت صافنة والمكياج والشعر النسوان اباوعلهن كامن يتنادسن بيناتهن وحدة تكول للثانية مني هاي الحلوة واذا مزوجة او لا حتى حور جرتني وحجت

::- ولج هاي شنو عزاا حورية نزلت من الجنة ولله عشت وشفت حور العين بالارض عبالي بس بالجنة

سكتت اباوعلها فعلا حلوة كلش حلوة وكامت تركص وي البنات وتتمايل بخصرها ع الاغنية البنات الي جانن يركصن وخرن ع جهة وظلت هي وحدها تركص ركصها يخبل وهو البنية حلوة ولطيفة وما شايفة شي منها بس ولله احس ما مرتاحتلها احسها تتصنع العفوية بس هي ابد مو هيج بعدها كعدت وسلمت ع بنات وشقة وضحك انوب راحت لخالتي وعرفو عليها هي ام شهم واكلتها وشربتها بالسلام وعاد خالتي فقيرة ماتت بيها بعد كلبي وبعد عمري درت وجهي هسة اني شكو البنية هي هيج طبعها اجت باركت لجور باوعتلي وضحكت ابتسمت الها حجت

::- ولله ما ردت اجي بس،شهم عزمني ولح الا اجي احظر وكال متكمل الحفلة بدونج نورينا بجيتج

حسيت نار وصارت بنص كلبي ابتسمت الها وحجيت
::- طبعا ما تكمل بدونج هو يعتربج مثل اختة

حسيتها ضاجت من ردي ابتسمت الها وهي كالت
::- شنو هاي الشارع مليان زلم الله ينطي العافية شهم هو بس،شافني عبرني وصارلي سد بيني وبين الزلم

احسها دخنت شلون توم وجيري من يعصبون تطلع الحرارة من اذانهم اني هيج حسيت الحرارة تطلع من عيوني ابتسمت الها وما رديت عليها وهي ظلت كلساع وحدة من النسوان تكللها انتي متزوجة او لا واني افور ما اعرف شبية البعض يفكروني اغار منها لان احلى مني بس لا ابد مجاي اغار منها وهي حلوة حيل حيل حلوة واني جاي اعترف حتى احلى مني بس اكو شي بداخلي مجاي يرتاح الها شافتني مركزة بية ابتسمت الها ردتلي الابتسامة بعدها اجت فرح وخطية حظنت حور وحور عبالك جانت حابسة دموعها بس حظنتها كامت تبجي والنسوان يصيحن لا تبجين ما يصلح وهي حور ونهدت شيسكتها اشرت لفرح حتى تبتعد وفعلا ابتعدت عن حور واجت حظنتني

::- حبيبتي

باوعتلنا وكالت
::- وكبر للفاهيات يعني بنية عانس واجت تباركلجن غير تكللها يوم الالج

ضحكنا اني وحور واجت نور لا فاهمة السالفة لا تعرف فرح جرتها للحلبة اي حلبة سون القاعة وكامن يركصن انوب نور كومت سمر وبدعن بالركص لا كعدن ولا هادن شوية وشفت دخلت البنية الي ذاك اليوم صارت مشكلة بسببها ووكع شهم اعتقد اسمها شيماء وكفت كبالنا واجتها ام سند