وردة الشهم

البارت 2

حنيتلك
‏وادري اليحن
‏يبچي ويموت بسكتة
‏مو مال نتعاتب بعد !
‏راح المعاتب وكتة
‏ومن ياهي ابدي بفركتك
‏خليتني معلعل واون
‏ماضل وجع ما ضكتة .
- - - - - - - - - - - - - - - - - - - -

مرت الايام واني ع تواصل ب شهم ومرة جنا نتواصل وكال

::- اكلج انتي ما شوفج تقرين

::- شقرة غير خلصت

::- شنو شتقرين جيبي ملازم الثاني وكعدي اقري جيبي معدل عالي ليش ما تفكرين بنفسج

::- يمعود هو الجامعة تسخت ينجحوك

::- وياج ينجحون بس انتي طلعي معدل بلكي تتعيين

::- المن اتعين ابوية عندة خير من الله

::- الج لنفسج شنو ما ناوية تعتمدين ع نفسج وتكونيلج اسم غير اسم ابوج الي سواه الج

::- دام ابوية بضهري مااختاج شي

::- ولو راح اضوجج وعذريني مو قصدي بس نفكر لبعيد اليوم ابوج يمج وساندج تمام باجر عكبة وين ترحين طبعا الله يحظة ويخلي الج

::- ابوية مامن مستقبلي

::- عبالج الناس تخليج هيج ترحمج غلطانة اذا مو البنية مكونة نفسها بنفسها مراح تكدر تعيش بهل مجتمع

::- هسة شنو

::- جيبي ملازم اتواصلي وي زميلاتج وجيبي واقري اذا طلعتي من الاوائل بسرعة تتعيين

::- مالي خلك ولله انت بطران

::- لج انتي صدك تحجين الواحد اذا مايتعب ع نفسة عليمن يتعب

::- مالي خلك اقرة عود بعدين

::- شكد طلع تقدير معدلج

::- متوسط

::- عفية عليج هاي انتي بنية ومتوفر كلشي كدامج وتقديرج متوسط لو تشوفين البنات يدرسن ع شمعة وكلة امتياز

::- ترة مو سالفة شمعة وتوفير بس واهس ماكو

::- انتي سوي لنفسج واهس واكغدي اقري

::- شلون بالله

::- اسمعي قران حتى ترتاح نفسيتج وبعدين كومي سوي شغلات كوزات زبيب حليب بالعسل و اكعدي درسي

::- ههههههههه الله كريم عود

::- لا تستهزئين وكومي هسة ساعدي امج بالتنظيف اشوفج دوم لازم الموبايل

::- امي شاكيتلك و اني مادري

::- ولج اضنج ما تسوين شي بالبيت

::- ههههههه ربيت اضافر واخاف عليهن يتكسرن

::- بالعطلة تربين اضافر وبالدوام ملتهية جا شوكت تساعدين امج