ينآغيني ويگلي عيونك يخبلن
والله خلاف وجهك ريتهن يعمن
꒷٠꒷⏝꒷۰꒷⏝꒷۰꒷⏝꒷۰
كعدت ثاني يوم الصبح ع صوت طكطة جاية من المطبخ عرفتها خالتي باوعت لساعة لساتها ب6 كمت واني تعبانة حيل واجر بروحي جر رحت للمطبخ وخالتي خطية مسوية ريوك وواكفة ع جاي تنتظرة يخدر ابتسمت
::- صباحو خالتو الحلوة
ابتسمتلي وعيونها تضحك كالت بفرحة
::- هلا يبعد خالتج تعاي سويتج بيض بالزعتر مثل ما تحبين
ابتسمت ورحت حظنتها وبستها من خدها وهي خطية فرحانة حيل احس بيها ريحة امي خالتي فقيرة عمرها ما سمعتلها كلمة حلوة من احد بذاك زواجها رجلها جان مو زين وياها ورجعت لخوالي مسوينها خدامة الهم ولجهالهم ورجعت تزوجت واحد اضرب من القبلة وهم ما حالفها الحظ وطلكها لذلك هي تفرح بالكلمة الحلوة تفرح بالاهتمام تنهدت ضايجة عليها باوعتلها ونزلت عيوني ع بطنها خليت ايدي عليها
::- ها شوكت تشرف بنوتي
ضحكت وخلت ايدها بمرح ع بطنها وكالت وهي تضحك وفرحانة
::- بعدني شهر الخامس ما قبطتة
هزيت راسي وحجيت بحماس
::- يا الله ولله مشتوقة اشوفها تشبه منو
ضحكت وسكتت وبعدها رحت وغسلت وفرشت اسناني وبدلت ملابسي لان اليوم استاذ يوسف يمر علية ياخذني للشغل اشرف علية ويفهمني شغلهم كعدنا ناكل اني وخالتي بكل هدوء اتذكرت حور بالي يمها تنهدت اتصلت عليها ما تجاوب كلت اكيد ملتهية وعيب الح خاف سند يمها ومتكدر ترفعة جنا مسوين كروب اني وفرح وبتول وحور كتبت
::- صباح النوم بنات شلونج حور اخبارج
شفتها صح واحد ولا وحدة من البنات شافنها قفلت الموبايل وكملت لميت الماعين اتصل علية استاذ يوسف وطلعتلة للباب جان جاي وبكامل اناقتة هو صاحب عيون خضر وجميل وضخم حيل ابتسمت
::- صباح الخير استاذ
رد باحترام
:: اهلا ست ريحان صباح النور
بعدها فتحلي سيارتة الفخمة وصعدت بالصدر وكلت بامتنان
::- مشكور استاذ
ابتسم وهز راسة وما رد وهو صعد بمكان السايق وساق السيارة جان الجو كلش حلو رغم ثلج بارد حيل حجيت
::- شلون متحملين برودة الجو اني جنت ببغداد اكول ماكو مثل برودتها
ضحك وكال
::- تعودنا ولا تنسين احنا شمال والشمال دائما بارد ممطر شتاءاُ
ابتسمت وهزيت راسي وما رديت بعدها كال
::- ست ريحان باعي ابوج عندة محلات ثنين هنا واحد من عدهم انسد والثاني مفتوح لان مشترك بي هو وابوي وبالاضافة الى هاي العمارة الي ساكنة بيها انتي طبعا هاي ما تعب لان الوالد الله يرحمة من بداية مسجلها باسمج بس شوي المحل شغلتة عرقلة لان تاخذيلج اقل شي شهر باتمام يلا يتحول كلشي لان الوالد ماخذها من جمعية وكل سنة ينعرض للمزاد واخر مرة انعرض للمزاد اشتراه تاخر باربيل
أنت تقرأ
وردة الشهم
Детектив / Триллерبين فقدان الاهل وطمع وجشع المقربون تولد فتاة من رحم الوجع فتاة قوية لا يمكن ان تكسرها الحياة تقف بوجه كل من يحاول ان يتقرب منها فهل تسمح بذلك الشخص الشهم بأن يطرق ابواب قلبهافالنتابع معا قصة وردة شهم
