هاذه المنه خايف جنت اكلكم
اجه الموت الكدر يبعدني عنكم
ابروني الذمه خو مازعلتكم
مو قصدي الله شاهد جنت احبكم
يحيى العلاق
- - - - - - - - - - - - - - - - - - - -
ثاني يوم كعدت عركانة راودني حلم غريب لزمت كلبي ينتفض بطريقة غريبة بالحلم شفت جدو ابو ابوية اني ماشايفتة مات واني عمري 4 سنوات وجنت ماتذكرة ابد المهم شفتة كاعد وي ابوية وثنينهم يضحكون ولابسين اسود جدو لزم ابوية و راحو اني خفت ابقى وحدي كمت اركض وراهم بس هم يبتعدون عني اكثر صرخت اركض وابجي لحد ما وكعت وتحول كلشي ضلام خفت حيل من حلم وكعدت مفزرعة باوعت للساعة ب6 اخذت ملابسي ورحت للحمام اسبح نزلت لجوة امي دتسوي ريوك صبحت عليها وكعدت ع كرسي هادئة احس الحلم هد حيلي كعد بابة صبحت علية انتبهو علية مالي خلك كال بابة
::- ها بابة شبيج
::- راودني حلم غريب بجدو
عقدو حواجبهم باستفهام وكال
::- خير انشالله شنو هو الحلم
بديت احجيلهم الحلم ضحك بابة وكال
::- ماكو شي بنيتي امس اني تصدقت ع روحم لفقير ويمكن هو راضي علية وهل اجاج بل حلم
سكتت نوعا ما اطمئنيت حجت مامة
::- ريحان
::- ها مامة
::- محمد ابن خالتج راح يخطب
حجيت بعدم اهتام
::- صلوات
حجت امي بترجي
::- يمة ماغيرتي رايج اأمن عد بيت اخوي احسن من الغريب المانعرف شكو ماكو
نفخت بملل وابوية رد
::- جنان سدي الموضوع وبتي مانطيها لمحمد
::- ليش شناقصة محمدد
::- اقل اقل شي ممكن اكولة هو الولد عطال بطال وبدون شهادة وبغض النظر عن الشغلات المو زينة بي
::- ليش عطال بطال جاي يشتغل بمحلات ابو وخير من الله وع شغلات جان مراهق وانجرف للطريق الغلط وهسة كبر وعين الله علية
::- انت كلتيها بمحلات ابو مو هو بعد يومين ابو يسحبهن يبقى هيج
ضليت اباوعلهم شلون يجادلون وما راضيين تنهدت وترخصت من السفرة صاحو وراي بس تحججت
::- تاخرت عندي متحان
خليت وطلعت صرت ازهك من هل موضوع امي تحب بيت هواي وتعتبرهم الذكرى الوحيدة من اهلها فهمناها بس ليش مصرة تزوجني محمد رغم تدري مااريدة وتعرفة كلش زين يومية سكران يومية مسويلة مصيبة لهلة اففف اميي افففف ركبت سيارتي ورحت للدوام نور واحمد ما مداومين بس فراس ورقية لكيتهم ديتناقشون بموضوع الخطوبة ترخصت وعفتهم براحتهم وهيج كضيت يومي الاساتذة مو كلها اجتنا ملتهين بالامتحانات اني اخر محاظرة الاستاذ ما اجانا ركبت سيارتي ورحت مريت من نفس الطريق الي شفت بي شهم عسى ولعلى اشوفة بس خابت امالي السيطرات بس المرور بيها اختنكت وظليت افتر رفعت تلفوني واتصلت بابوية
أنت تقرأ
وردة الشهم
Детектив / Триллерبين فقدان الاهل وطمع وجشع المقربون تولد فتاة من رحم الوجع فتاة قوية لا يمكن ان تكسرها الحياة تقف بوجه كل من يحاول ان يتقرب منها فهل تسمح بذلك الشخص الشهم بأن يطرق ابواب قلبهافالنتابع معا قصة وردة شهم
