واسولف بيك حسبالي
السوالف وادم وتسمع
وحسبالي الوهم ينفع
وحسبالي الطيوف شوف
تجيب عيونها وتدمع
وحسبالي اليغيب يرد.. وحسبالي الگلب يشبع
شمدريني اليروح يروح ..بس البشر مايقنع
اثاري مسودن وحنيت .. ومتاني الوكت يرجع.
࿐໋࿐໋࿐໋࿐໋࿐໋࿐໋࿐໋࿐໋
وصلنا لمحل الفساتين ودخلت وانصدمت بجمالها جنت اباوعلها ومبهورة بيهن اتقرب مني سند وهمسلي بسخرية
::- لا تفتحين حلكج كانج ما شايفة
باوعتلة بنص عين وحجيت باستهزاء
::- اي انت الشايف ابو النسوان
باوعلي بخزرة واجة الولد سلم علية واني من كد ما معجبة سلم شلونج خوية واني دايرة وجهي الهم رديت بهلا وسكتت وظلو يسولفون اول حسيت جرني باوعلي معصب
::- ليش ما تصيرين ادمية الولد سلم عليج شلون تردين بهاي الطريقة كلما احاول اصير وياج انسان بس انتي بتصرفاتج تجبرين اطلع الوحش البداخلي حور عقققللليي
كز ع الكلمتة الاخيرة نكثت ايدي منة وكتلة واني معصبة
::- عجبك عجبك هذا طبعي محد كالك تعال واخطب تريد تفصخ روح افصخ
باوعلي بطرف عينة ورد بسخرية
::- اي افسخ وتظلين طول عمرج بيت خوالج هو ابوج وما رايدج وين ترحين
فتحت عيوني مصدومة هو حجاهن بشقة بس احسهن كطعن نياط كلبي دمعن عيوني ودرت وجهي هو بسرعة ادارك الموقف وكال
::- يلا اختاريلج بدلة
باوعتلة بغضب واني عيوني بس ارمش تصب بس هيهات انزلهن كدامة عفتة ومشيت لبرة طلعت من المحل كلة لحكني للشارع عيونة براسة حجة وهو كوة مصبر نفسة ما يسحلني بنص الشارع
::- حووور شبيييييجججح لا تخبليييني
حجيت ببرود عكس البراكين الي بداخلي
::- رجعني للبيت
مسح ع وجها واستغفر ويباوعلي صافن بوجهي تنهد وكال
::- حور بنيتي حبيبتي مشي اليوم ع خير وبعدين نتعارك بالبيت مو هنا
حجيت كازة ع اسناني
::- رجعني للبيت لا ولله اعيط واصرخ واكول مهددني حتى اتزوجة
فتح عيونة مصدوم سحبني من كتفي ويسحل بية للسيارة وصلنا للسيارة وفتحها وذبني ذب بيها وصعد هو يغلط واعصابة صايرة نار
::- بت الكلب وتكلي احترمني لا تغلط علية كلما اكول كبرت وصار براسها خير ترجع تزعط بروحها من طاحظج وحظ ابوج الما عرف يربيج بت المطي
حجيت واني افور مهما صار يبقى ابوية وما اقبل علية
::- انت ابن المطي
فتحنا عيونا ثنينا من الكلام الي كلتة مصدومة شلون غلطت علية وع ابو باوعلي والشرار تشع من عيونة ردت ادارك الوضع كتلة
::- سند اني مو
أنت تقرأ
وردة الشهم
Детектив / Триллерبين فقدان الاهل وطمع وجشع المقربون تولد فتاة من رحم الوجع فتاة قوية لا يمكن ان تكسرها الحياة تقف بوجه كل من يحاول ان يتقرب منها فهل تسمح بذلك الشخص الشهم بأن يطرق ابواب قلبهافالنتابع معا قصة وردة شهم
