وردة الشهم

احداث

هلو بنات شلونجن اخبارجن طبعا امس نهيت القصة واجاني هجوم قوي من البنات ع فد اسئلة البارحة كعدت وي ريحان وشكو سؤال سالتنا جاوبتني علية

ترة ولله هي الي ما قبلت اوصل القصة لل40 تكول احداث مملة وماكو فد حدث مهم بالباقي فاختصرنا القصة ترة مو اني 🌚🤦🏻‍♀️

وصدك راح امسحها قناة التلي وادزلجن الرابط من جديد ودخللة احبجن بناتي 🥺❤️

البارحة قريت تعليقاتجن وعيوني تدمع كلش فرحت من شفت موصلة شعور ريحان وباقي الابطال لاعمق نقطة بيجن وكلش حبيت تعاليقجن يا رب تدومن الي اني لو ما انتن ما اصعد بالقصة الفضل الجن من بعد الله وتوفيقة❤️

يلا نبدي بالاحداث 🙂❤️
.➛ ✿✿ ✿✿ ✿✿ ✿✿ ➛.

- شنو صار بسالفة الباب مال السطح

لحد الان السبب مجهول ومحد عرف منو هذا الي يدخل للبيت بس شهم ذكي شك باحد الحراس وغير الحراس والحمدلله ما نعادت هاي السالفة

- شصار بمرتة السابقة وابن عمة

مرتة السابقة جانو خافينها اهلها وبعدين زوجوها واطلكت ورجعت تزوجت واطلكت لحد ما اتزوجت واحد تكول خالتي زايعتة الكاع وعصابجي

اما ياسر خطب مرتين وفصخ وبعدين عرفو بانو يزور اوراق فصلو من الشغل وحاليا مستقر بالخارج

الحوبة تخطي وما تعدي ما علينا بيهم الله يغفرلهم

- اوسم شنو دراستة

اوسم يموت يموت ع دراسة وكمل ماستر بغداد وطلع الاول ع الدفعة مالتة وبعدها قدم دكتوراه بايران وكل فترة يروح لهناك واختصاصة فلسفة وعلم النفس

- ام فرح شلون ماتت

باحداث كورونا انصابت بكورونا وظلت مريضة وما طابت المرض اثر ع كلاتها ووحدة وكفت والثانية تعبت لحد ما ماتت الله يرحمها ويغفر الها كلش طيبة وحنونة ريحان مرات ادزلي فيوزات تبجي وتحجي عنها

- هم مو تزوجو من زمان ليش رهف صغير وبس بنية عدهم

حبيبتي تعرفن ريحان عدها ضغط وكلما يصير عدها طفل لنص الرابع ويصير اسقاط واربع مرات سقطت لحد ما راحو لتركيا وظلت نايمة بالمستشفى سبع اشهر وهم بعدها بنهاية الثامن وجابت عملية وشهم حلف ما يخيلها تسوي اطفال بعد وبيدة ينطيها المانع بس ريحان ام الراس اليابس تكول تكبر رهوفة واسويلها اخوات واخوة

- الابطال شكد اعمارهم
حبيبتي هذا الشي خاص بيهم هم المهم احنا قرينا قصتهم وخلونا ندعي الهم بالسعادة وراحة البال ولله يسعدهم ما نتعمق بغير شي

الابطال هم عدهم مواقع تواصل
ريحان عدها بس حسابها كلششش كلشش ضعيف ومتابعة بس بيجات طبخ وها كامت تسويلهم كيك وتكول شهم يقرة الف اية يلا ياكلها يكول خاف نتسمم من كيكتج المحروكة وتكول ازعل ويجي يراضيني باغنيتنا القريبة من كلوبنا هي "احلا من كلمة احبك"

شهم عندة حساب وطاااااااككك بالk والتعاليق ادخللهن واضحك وحدة كاتبة هذا دويغر وحدة كاتبة هذا عمو الملا اموت من الضحك وحدة كاتبة هذا السرسروغي مالتنا وهو راد عليها "عفواُ?" والبنية مخلوسة ما رادة بعد متت من الضحك

تيمور عندة حساب ويومية رافع المتابعة ومرجعها خبلني

رقية تنشر يومياتها وشنو سوت وتصاميم بيتها وغرفتها وحسابها هم بالk

حور اسمها تركص بالستوريات عالكة الستوريات وكلة ساجدة عبيد

سند حسابة هم زين بس مو مثل رقية و شهم

فرح ما تهتم لمواقع التواصل وقليل تلزم موبايلها ع كولتها ما عندي مجال الزمة

اوسم عندة حساب بس قلة ينشر بي وحتى من واحد يراسلة وين يلا يرد

اما بالنسبة تردون حساباتهم فهم ما يقبلون وحجت ريحان ع القناة التلي واعتذرت منجن

- نور واحمد شصار بيهم

نور تعينت بمدرسة اهلية واحمد هم تعين

- يوسف ابن خالتها ليش ما نذكر

يوسف خطب زينب بت سعدية والحمدلله هو وامة كاعدين بنفس الشقة ووردة اختة تخبل جنها لعابة وصارت صف ثاني ابتدائي

.➛ ✿✿ ✿✿ ✿✿ ✿✿ ➛.

هاي جاوبت ع اسئلتكم وانشالله ما اكطع بيكم وكل فترة انزللكم اخبارهم

قناة التلي مسحتها وسويت جديدة
هذا يوزرها اتمنى تشتركون بيها

@sh2001ok

بالنسبة لبارت قبضة الملار راح انزلة بعد اسبوع لاني بي هواي تفاصيل وهواي احداث وانشالله اسبوع وانشرة ❤️

حسابي الانستا shok.albsaoya

تابعني والي ما يطلع عدها حسابي اني خالة الرابط مالتة ع حساب مال الواتباد ادخلن علية

دمتن في حفظ الله ❤️
احبجن ❤️