وردة الشهم

بارت الـ26

گتلها::- مو مال انعشگ عسكري وگلبي من التعب ما ضال بيه حنيه
گالتلي::- اليڪدر يضم وطن گله بوسط هذا الگلب يگدر يضم بنيه....
▬▭▬▭▬▭▬▭▬▭▬▭
هلو بنات شلونجن انشالله تكونن بخير الله شاهد علية بيت عيالي بيت الشيخ والبنات كلهن مجتمعات تعرفون عطلة وكذا الله شاهد يمكت بالبيت 25 نفر ما الحك ابد ولا جاي الزم الفون

المهم عذرني ع سحك 🙂❤️
▬▭▬▭▬▭▬▭▬▭▬▭

كعدت وخالتي ام فرح وهي تكول بحنيتها المعتادة

::- كومي يمة نامي جوة لا تنامين هنا تتكسرين

هزيت راسي وجريت حسرة حسيتها شكت كلبي تعبانة ما اكدر ابقى هيج وياه ما اكدر اجيت لهنا بس حتى عمتة ما تسمعني كلام وما تكلي شعدج جاية وضالة هنا ردت ادخل ذاك البيت واني عروس حسيت كلبي ياذني كام تعبت من تفكيرة ومن طريقة كلامة الجارحة اعرف الي مار بي لو يتحملة جبال جان انهدمت بس هو كتم بكلبة بس اني شنو ذنبي اريد افهم شنو ذنبي اني تعبانة فوك ما تعباني يزيد علية التعب من كلامة وطريقة تفكيرة بية لازم اسوي حل لنفسي لازم مراح ابقى هيج بس شلون اعوفة??! مجرد خليت هذا الاحتمال وكلبي خفق بقوة رافض الفكرة نزلو دموعي بحيرة شسوي حتى لو رحت المن ابقى منو الي شعور انو تكون وحدك لا سند ولا اهل تنتمي الهم شعور يوجع ما اكدر اترك شهم واعيش شعور الوحدة بالنسبة الية خليني احترك بنارة ولا اعوفة بس ريحان فكري بنفسج شوية فكري الى متى تظلين تحت شكوكة وغيرتة وطريقة تفكيرة حسيت نفسي بدوامة من الافكار افكاري كامت تتناطح مع بعض دخت حيل وابهى علاجي ما جايبتة استغفر الله يا ربي وتالي!!! حاولت اهدي نفسي بس ما فاد افكاري جاي تاذيني وقربة من نار والابتقاد عنة مثل محاولة انتحار فاشلة لا تكدر تموت وتخلص ولا تكدر ترجع لان شفت الوجع ما تكدر تجربة مرة ثاني اني هيج مقسومة نصين ظليت هيج لحد ما اذن الاذن واني ما نايمة رغم الدكتور كالي ممنوع التعب والسهر بس وين حرام ريحان ترتاحلها يوم وتضحك جنت اكول خلاص ريحان حياتج تعدلت وراح تعيشين وي الشخص الي حبيتي ونتعالج سوة بس الضاهر تفكيري خاطئ لازم الكالي حل مع نفسي اي هذا هو القرار الصحيح كمت بسرعة صليت واخذت استخارة للامام الصادق وجان المكتوب "امشي فيها" استغفرت ربي وعدتها وطلعلي مرة ثانية نفس الشي نزلو دموعي هذا هو باجر لازم الكالي حل صبح الصبح واني ما نايمة منتظرة ع نار واساسا كلبي وراسي احسهم ع خلاف كل واحد يحجي شكل كلبي يريدة يحبة وعقلي يريد راحتة باوعت الساعة سبعة جنت كاعدة ع نار منتظرة الساعة دقيقة دقيقة بدلت بسرعة وطلعت مستعجلة حتى ما كلت لخالتي طالعة ما حبيت اكعدها من النوم وازعجها رحت اجرت سيارة وانطيت العنوان واني كلبي احسة يريد يطلع من بين اضلعي ويوكفني عن قراري وصلت ونزلت اباوع للبيت نزلت دمعتي مسحتها بقسوة وحجيت بيني وبين نفسي،
::- يلا ريحان تكدرين تسويها يلا
اخذت نفس عميق وشجعت نفسي ورحت بسرعة دخلت للبيت اول ما دخلت جانت هدى وحور ينظفن بالطارمة تلكني وسلامهن حار وفرحن من اجن دخلت لجوة وجانت عمتة موجودة وخالتي جاي تطبخ بالغدة صبحت عليها وعمتة ردت
::- هلا بيج يمة نورتي البيت