وردة الشهم

الاحداث الاخيرة...

ريحانة

بعد ما تصاوب شهم اعتزل العمل وكعد فترة كلش طويلة بدون عمل لحد ما استقال تماما من العمل

وبدة يشتغل باستيراد الشركات وفتح افرع خارج العراق

جنا عايشين بسلام لحد ما اجة اليوم المشؤوم والي خلة شهم تتهزهز الثقة بيناتنا اليكم التالي::-

بعد ما كلت لشهم عن القصة راد يقراها وانا ما وافقت كتلة اكو شغلات خاصة بينا احنا البنات مو بس قصتي قصة فرح وحور ورقية

تفهم هذا الموضوع وعبالة قصة عابرة ما كتلة بخصوص الماضي ولا هو عبالة ذاكرتة بالقصة

بيوم جنا كاعدين والكعدة ما تخلة من مناكر رقية وتيمور واوسم ومداهرة وي شهم وانا

اندك الباب البيت بشكل سريع ومرعب فزعنا كلنا

لكينا عمام شهم الي هم ابو سهاد مرتة السابقة وعمة الثاني تفاجئنا كلنا لان طول هل سنين بس سامعة بسيرتهم وما شايفتهم اصلا

من بعد سلام وكلام تعالت الاصوات كل احنا خفنا راحو ودخلو الشباب ثلاثتهم اوسم سند شهم عيونهم مجمرة جان يوم جمعة وكل احنا مجتمعين

اول ما دخل سند وما نحس الا ضرب حور راجدي كل احنا فزعنا وتيمور دفع سند وترادد وياه ليش تضربها

::- اكسر ايدك ما تضربها تكعد مثل المطي تتفاهم وياها امشي اطلع برة

وذاك سند عيونة بكصتة راد يهجم ع تيمور صاح بيهم عمي كل احنا مصدومين وحور فاتحة عيونها تبجي الي حيرنا لا شهم ولا اوسم ادخلو يعني شنو يعني موافقين

خفنا حيل وعمي باوع النا وكال::- بوية شنهي سالفة القصة الي كاتباتها

انخرطت عافيتنا وكمنا نحجي شهم لزم الموبايل مالتي وضربة بالحايط سواه طحين وعاط بية اروح من وجها

رحت لفوك وكلبي مقبوت من بعد ساعات من العياط والتكسير والصياح صاحلي اوسم حتى انزل نزلت كالولي اراسل الكاتبة شوك واكلها تلغي القصة اباوع للبناات مدنكات ويبجن والجهال تتصارخ والولد واكفين مثل الملك الموت ويخازرون بينا انخرطت عافيتي

اخذت الموبايل ولتصلت ع البنية ولان رقم غريب ما ردت زاد القلق بية وهم يزيدون غضبهم رجعت كتبت الها برسالة
::- شوك ردي انا ريحانة

اتصلت وشافتها بسرعة ردت وكالت: :- شكو ريحان وين خطج وليش متصلة من هذا الرقم

حجيت الها بالمختصر السالفة وطلبت منها تنهي القصة فاجئتني من طلبت تحجي وي واحد من الولد والي صدمني شهم من وافق يحجي وياها وهذا الكلام الدار بيناتهم ::- السلام عليكم خوية

- وعليكم السلام اهلا خوية

- بلا زحمة ممكن اخذ من وقتك دقيقة اذا ممكن