بين الروح والرحمة

بارت 1

يــاهـــلا بنـــات اذا شفت تفاعل استمر بالقصه ♥

ــــــــــــــــــــــــــــــــــــــــــــــــــــــــــــــ

يتيمه ارويحتي بنص ناس
ماتعرف شنو؟ الرحمه

بغداد ساعه بـ ٥:٣٢ م

احنه مثل اي عائله عراقية الحزن يطوف بينا والظروف تتحكم بينا بس مع ذالك نكول الف الحمدلله وشكر اني انمار الاخت الاكبر الاهلي بابا حسين بغدادي وامي ايمان كذالك بغداديه امي وبابا تزوجوا زواج تقليدي اول سنه همه مشاكل قرر بابا يعزل عن اهلة من بعد المشاكل كدرو يتخلصون من المشاكل وتوترات وصارو يحبون بعض اهل بابا ناس من بوابه عرب عندهم الولد فدشي فجانو يردون ولد اما بابا يكول بنيه ولد الحمدلله وشكر اهم شي اتمامه الخلقه بفتره امي حبلت بيه واجيت للدنيا اني بس؟

اجيت بصحه مو تمام وتأخير بنمو مااكبر بسرعه ولا انمو بسرعه وراي بسنتين امي حبلت بولد ولكل فرحان بي وينتظرو شوكت تجيب ومن جابت اجه للدنيا علي بس للاسف اجه بي سكر وماطول اسبوع وتوفه بقت امي كاعده سنه وره وفاه علي صارت ضغوطات من اهل ابوي حبلت بولد نعادت فرحه لكل وصارو يخافون على امي من نسمه الهوى بابا كلشي يشتغل بدال امي لحد ماجابت اخويه حسن وطلع من نفس المرض السكري؟ رغم ماعند الاهل وراثه بس مانعرف شلون وليشش ديصير سكري وهوا حديث الولاده ؟

من بعد حرص اهلي على حسن وحليب سكري من الصيدليه كبر حسن وصار شهر ورا شهر حسن توفه؟؟؟
امي نفسيتها تعبت وتعبنه احنه تبهذلت احوالنه والفرحه مادامت علينه اهلي خوفهم عليه زاد وخصوصا ابويه من بعد حسن امي قررت متحبل بس رجعو ضغوطات من اهلها واهل بابا احبلي خلي يجيج طفل ينسيكم حسن وخليها على الله امي حبلت ! بنت والفرحه رجعت لبابا بس امي وضعها مامستقر دائما تتعب

ايمان ... حسين اني بعد مااتحمل راح اجيب

حسين .. بس يامره انتي بشهر ثامن بعدلج شهر اني احسبلج مثل مااحسب عمري

انمار .. بوقتها ماما طلكت وجابت من بعد روحه اربع حبوبات ميقبلن يجيبنها راحت للمستشفى وجابت اختي نور اسم على مسمى اجتي بصحه جيده رغم هي ثمينية ومدبدبه وتخبل ماشاءلله
... من بعد مااجت نور للدنيا اهلي الفرحه ماسايعتهم
بس من بعد فتره المشاكل بين امي وبابا رجعت؟

ايمان .. حسين تعبت منك اهلك يوزونك عليه طلكني اخذ بنياتي واروح الاهلي لا تشوفني ولا تشوف بناتك اخليك بحسرتهن

حسين .. اني مااطلكج اطردج لبيت اهلج وبس تحجين وتكولين طلكني ارفع دعوه واكول ماريد اطلكها هيه تريد طلاك واني اخذ البنات الي

--------------..

انمار .. بقت مشاكل اهلي لمده شهرين امي زعلت وراحت الاهلها اخذت نور واني بقيت عد بابا تعبت صحتي وبابا عنده شغل احتار بشغله وبيه مايكدر يعوفني بالبيت وحدي
ولا اني اروح البيت جدي الي همه اهل بابا اخذ زلم وعماتي وراح لبيت خوالي يرجع امي

حسين .. السلام عليكم يابه اني اجيت ارجع مرتي بنتي انمار تعبت بفراك امها وزعل مايدوم

ايمان .. اني ماارجع وياك جيبلي بنتي وكلمن بطريق وقراري نهائي

.... الكل اعترض على كلام امي ومن بعد مشادات كلام امي ماترجع لهذاك البيت تريد يشتري بيت اهنا قريب على اهلها وتكعد بي وافق بابا وباع البيت اشتره بيت بنفس المنطقه بس مو يم بيت جدي اهل امي المنطقه هادئه وشعبيه البيت نوعا ما تعودنه عليه نفهه وحلو ومرتب بس مو حديث على كد امكانيه بابا شويه شويه يعدله

انمار .. اني مااكبر بسرعه وضعيفه دائما بلمدرسه يقلدن عليه البنات عكس نور الي هي وصغيره مربربه ومفاتنها برزت بسرعه اروح وارجع للمدرسه بس اني مو شاطره اقره بس مااحفظ تعبت كلش

ايمان .. شلون بيج يمه مو سليتي كلبي وتعبتيني ادرس بيج وميفيد

انمار .. يمه حبابه خليني ابطل وابقه اكنس اهنا واعزلج وتعلميني اطبخ

نور .. كسولي ماتصيرلج جاره تردين صيرين خدامه كنس ومسح مثل ماما

ايمان .. يايا خلفله عليج يمه اني خدامه الفصعونه عينك عينك تحجيها ولج اكوملج بتجفجير على راسج

انمار .. تكنس وتطبخ مو خدامه هاي يسموها ام بيت ومعدله يمه معليج بيها هاي ثوله

نور .. اهو ياكلمه ردي بحلكي اروح اقره احسلي

انمار .. اني روحي بشغل احب اشتغل وانضف واعزل احب كلشي ارتبه اني ارتاح من اشتغل بس امي مو كلش تخليني اشتغل تخاف عليه اتعب طلعت للحديقه بابا مرتبها ومسويها حلوة تفتح نفس سكيت زرع وشلت الاوراق الواكعه عفت صونده تجري وصعدت فوك احب سطح لبست ربطه شلون ماجان وصعدت فوك

اباوع بصفنا بيت ضخم وحديقته مساحتها جبيره شفت رجال كاعد ومخلي جكارة ويجوي بجف مرة؟

عقلي وكف واني اشوف هذا المشهد جبت طابوكات وصعدت عليهن حته اشوف بوضوح اكثر المرة ساكتة وماتحجي ورجال يجويهاا ليشش ؟؟؟

صافنة بيهم رفع راسة واجت عيونه بعيوني شافني واكفه وصافنه عليهم بسرعه المرة طبت جوة ورجال كاام اني دنكت راسي بسرعه وطفرت جوة سويت درج شبختين من خوفني

ايمان .. يمه اسم الله شبيج ولج هم صعدتي فووك

انمار .. عفت امي تصيح عليه وطفرت للغرفه كلبي يدك بسرعه هسه اني شجاني وخليتهم يشوفوني ندكت الباب

ايمان .. انمار اطلعي شوفي منو

... نور حبابه كومي شوفي لباب منوو

ايمان .. ولج صخاام مو اصيح روحي فتحي لباب يمكن اجه ابوججج

نور .. ولي عني جاي اقره روحي انتي شعندج

انمار .. اووووف رحت للباب صحت منوو منووو ماتحجوون مو اكول منووو

.... يعني اذا اكول اني تعرفوني منو افتحو لباب

انمار . فتحت الباب جان اشهككك واني اشوووف .......يتبععع

ـــــــــــــــــــــــــــــــــــــــــــ..........
بنات حبيباتي اذا عجبتكم القصه صوتن واكتبولي بالكومنات حتلوا نقاط حته استمر ومااتاخر بتنزيل واشوف شوكت اكدر انزللكم بارتات '' ♥♥