مادآم عندي گلب شايل تفاصليچ ،
لو عمر يگضي ويرد ماصيرن الغيرچ
.................
انمار ـ
مر اسبوع اني مااحجي ويا مجيد وهو عايفني بس على كد سؤال يحجي وياي ضجت من الوضع الي اني بي الا متى ابقى اهنا يعني ماعولت اطلع من سجن مهدي نوب انسجن ويا مجيد
ـ بيوم كاعده بالستقبال والشوك اكل كلبي على اهلي هو طالع يطلع ومن يرجع كالب وجه كمت وحاولت افتح باب الاستقبال بس مقفول رحت لباب المطبخ هم مقفول مثل مهدي بالضبط ويكلي لا تقارنيني بي حياتي صارت سجن بسجن
طكت روحي كعدت باب المطبخ وبجيت بحركه وصياح
مرت ساعه تعبت وكمت وبلاعيمي طكت من الصياح غسلت وجهي وكلبي مفرفح اريد شي يهدئني وانتقم
دورت المكص لكيته بجراره الكاونتر اخذته ورحت لغرفته اول مااجت عيني على الفرشه الموجوده على الجربايه لونها رصاصي كصيتها وكصكصت المخاد فتحت كنتوره اجاني عطره غمضت عيني لثواني وفتحتها طشرت ملابسه اخذت الدشاديش وكصصتهن كلشي كصيت مابقيت
الضحكه نرسمت بوجهي واحس انتقامي بمكانه اريد افرفح كلبه مثل مافرفحني
فتحت الجراره لكيت عنده ساعات ركعتهن بالحايط الي تنكسر والي متنكسر بس المهم اطلع غضبي الميز مخلي عليه بس عطرين
حاولت افتحهن بس مانفتحن ركعتهن بالكاع فردشت كلشي احس كلبي هسه ارتاح طلعت وقبل لا اسد باب الغرفه اخذت نظره عليهن ضميري وجعني بس لاا انمار احسن خليها هاي مفاجئه اله
سديت الباب ورحت للمطبخ اخذت طماطه قويه ثرمتهن ورشيت ملح
ـ نفتح باب المطبخ درت وجهي شفته هو كلبي خمشني بس الابتسامه نرسمت بوجهي درت وجهي وكملت رش الملح اخذت شوكه وعفته ورحت للستقبال شغلت تلفزيون وكعدت
ـ مااجذب خفت من رده فعله وتندمت بس بنفس الوقت اكول يستاهل بقيت اكل واباوع على تلفزيون بس بالي يمه
ـ شوي وسمعت صوته صاحلي خنست وغلست بقيت اباوع
مجيد ـ وييييينج
مجيد ـ مو اصيييييح انماااار
انمار ـ اجه وكف باب الاستقبال وايده على خصره
ـ ها ماسمعتك
مجيد ـ تعاي
انمار ـ صاحلي ومشى صار عندي مغص بطني عفت الماعون ورحت ورا
ـ دخل بنص الغرفه فرك راسه دنك واخذ ردن قميصه
انمار ـ وكفت باب الغرفه للحتياط كلشي يصير حته اشرد بسرعه
مجيد ـ شنوو هاي حالة الغرفه شنو هاي ملابسييي
انمار ـ حتى توب تستاهل
أنت تقرأ
بين الروح والرحمة
Horror❗تم توقيف القصه مؤقتآ 🔞 هي من عنبٍ وخمر ، هو من نارٍ وجمر ! روح فتـاه تبحث عن الرحمـة !؟ بدأ : ٢٠٢٢/١١/١٧
