بين الروح والرحمة

بارت 20

احنه  شدَّه ..
احنه گطره ماي ..
وگطرة ليل تتلاگه إعله وردة

إحنه غِصة تين
و شهگة عطر تتلاگه بمودَّه ...!
             
ـــــــــــــــــــــــــــــــــــــــ

انمار ..

بقيت اباوع على نور وعلى الولد انتبهت فاتحه الباب كلها وبدون حجاب بسرعه رديتها حجيت وعيني على نور الي وجه ينطي الوان

انمار - تفضل منو حضرتك

مهيمن - السلام عليكم اختي بيت ابو انمار صح

انمار - اي صح

مهيمن - الوالد موجود

انمار ـ لا ماموجود تفضل رايد شي

مهيمن ـ علمود الشغل صار سو۽ فهم اريد اتفاهم ويا بلازحمه من يجي بلغو بجيتي

انمار ـ ماشي ان شا۽لله

سديت لباب وطبينه جوه نور وجه مخطوف سئلتها شبيج ليش نصدمتي من شفتي الولد

نور ـ انمار هذا الولد اعرفه

انمار ـ سئلتها بخووف وين تعرفي

نور ـ هذا اشوفه يراقبني دائما لو يم المدرسه لو براس الفرع يوكف

انمار ـ مامعقوله نور يجوز مشتبهه

نور ـ لالا مامشتبهه متاكده حته حجيت ويا

انمار ـ عطت بيها شنو حجيتي هذا شوكت الحجي صار واني ماعرف ليشش تضمين علييه

نور ـ ماردت اسولف وتكبر سالفه اني شفته يم المدرسه ورحت رزلته

انمار ـ شنو رزلتي شعرفج ميسويلج مشكله انتي اصلا شلون ترحيين وتحجين ويا منتظر عنده خبر لو لا

نور ـ لا

انمار ـ استغفرلله ياربي جييبي موبايلي

اخذت الموبايل واتصلت على بابا عبرت لـ 11 ومااجه بقينه بقلق صارت لـ 12 خابرني كال فتحو لباب طلعت اركض فتحته دخل وجه تعبان تلكيته وكلبي يدك بسرعه

انمار ـ حبيبي بابا وين صرت ضل بالي عليك

حسين ـ اسف بنياتي تأخرت عليكم وخليتكم بقلق

نور ـ حضنته واني كلبي يدك عليه وجه تعبان ومتروس تراب

انمار ـ وخري خلي يدخل يرتاح

نور ـ ابتعدت عنه ودخلنه جوه غسل وجه وايدينه وكعد بالكاع قدمتله مي شربه وطلب كلاص ثاني تعبان كلشش سوده عليه

انمار ـ بابا شنو من شغل هذا يخليك للـ 12

حسين ـ باجر اسولفلكم اريد ارتاح هسه

نور ـ ماتتعشه منتظرينك

عكد حواجبه وكال
حسين ـ ليش بعدكم مماكلين