بين الروح والرحمة

بارت 2

أنتَ وين ؟
وآنهَ وين ؟
آنهَ قصتيّ وياك قصة
أنكتبت بورقة قَديمة وخَط حزيّن .

ــــــــــــــــــــــــــــــــــــــــــــــــــــــــــــــ

واني اشوف نفسه الرجال عزا هذا شديسوي بابنا !

انمار .. حجيت بتلعثم وارتباك تفضل رايد شي

مهدي .. ابو البيت موجود

انمار .. لا بشغل ليش تفضل احجي
اباوعله ولا كانو نفسه الي جان يعذب المره هذا الكدامي شخص هادئ وملامحه بارده ولا حسسني شافني قبل شوي

مهدي .. صيحيلي الوالده عندي موضوع وياها

انمار .. بقيت صافنه عليه من طلب امي وكال عندي موضوع وياها صرت سعفه هذا شيريد يسوي شنو ناوي اني وصافنه اجتي امي

ايمان .. تفضل ابني كول

مهدي .. السلام عليكم يمه احنه جوارينكم ثاني بيت بيت ام مهدي الاهل طلعو زياره ومابقه احد بالبيت غير اني واختي تدرس وهسه صارتلي شغله مستعجله صاحبي سوا حادث بلا زحمه عليكم خلي اي وحده عدكم تروح يمها البيت جبير وماكدر اكعد اقفل ولا اكدر اعوف اختي وحدها وهيه تستحي تجيكم اقنع بيها متقبل

ايمان .. لا ابني صدك جذب تدلل ان شا۽لله ماكو شي واحنه اهل حق الجار على جار هسه ادز بنياتي يمها لا يضل بالك

انمار .. اباوع ومصدومه شلون يحجي ويا امي وعبالك يعرفها من سنين صدك هااي اختةة زين شلون يجويهاا بقيت حسبه تجيبني وحسبه توديني فززني صوت امي وهيه تكول

ايمان .. انمار انتي واختج روحن يم البنيه خطيه وبس يجون لو يجي احد ترجعن بسرعه خووووش

نور .. يمه اني ماروح جااي اقره

انمار .. حته اني مااروح

ايمان .. يا يا يردن يفشلني ولولد بالباب ينتظر ولجن كووومن بسرعه وانتي نويره لبنيه تدرس كومي ادرسي وياها تسويلج واهس واتعرفن عليها

نور .. يمه يخرب واهسي وتشتت افكاري خلي اكمل وعود ارروح خلي انمار تروح ماجاي تقره

انمار .. اني شعليية واروح ولا اوصل هم
ندكت لباب عرفته هوة

ايمان .. انمار بسرعه البسي حجابج وصايتج لا اطيح حضج لولد يدك بالباب بسرعةةةة

انمار .. اوووف اوف لبست شال ولفيته مخربط ولبست صايه وطلعت لكيته واكف ومنتجي ع حايط سلم ع امي ومشينه اباوع على حركاته يسد بيده ويفتحهاا فتح الباب وطبيت نبض كلبي احسه صار بلعومي طبيت للحديقه وحجيت وينهاا

مهدي .. طبي جوة بلمطبخ تلكيها هذاك الباب

انمار .. اشرلي على باب بس مارحت كلبي نقبض واني اشوف المكان جانو كاعدين بي كلتله صيحها ماكدر اطب وحدي