بين الروح والرحمة

بارت 26

بعدني
لكل حزن تايه
تفاصيلك توديني

ـــــــــــــــــــــــــــــــــــــ

كاعدين بالمكتب والغضب مقتحمهم

مهيمن ـ

ماااكووو ماااكو حته طرف خيط نلزمه ماكووو رااح اتخبببل

مجيد ـ عجيييييييب شلووون ترووح اخخ

مهيمن ـ تصرفها تصرف بربووك ولج احنننه ننتظر خبر منج تكليلنه على رساله ترحيين تصرفين بكيفججج

مجيد ـ مهييييمن لسااانك

مهيمن ـ اخ راسي حطيت ايدي على راسي ورفعته ليفوك

مجيد راح اتخببل اني ماضل عقل بيه لا ليلي ليل ولا نهاري نهار يعنيي رقم نحدد موقعه نلكا بـ اماكن تااافه شنننووو من ناااس حاسبين لكلشي

سحب نفس من الجكاره وزفره

مجيد ـ ضلتنه اهنا مامنها فايدة انا رايح الابـو انمار

سحب سويج وكام

مهيمن ـ جاي وياك

.........................

بتول ـ

لبست بوشيه وعبايه وحجاب حته جفوف لبست رحت وصلنه دلاني على البيت ايدي على كلبي وصلت بابهم لكيته مردوده دكيتها خفيف ماطلع احد دكيتها حيل طلع رجال يخبل

حجيت بكلبي ـ خرب يومج نور شنو من اخو هذا

مهيمن ـ تفضلي

بتول ـ حرت شسوي وشلون اطلب وخايفه لا انكشف بقيت ساكته

مهيمن ـ رايده شي محتاجه شي

بتول ـ اي محتاجه مديت ايدي اله

اباوعله تنهد وحك راسه

مهيمن ـ انتظري ثواني

بتول ـ رد الباب وطب جوه تدنيت شويه وفتحت لباب بقيت اباوع على البيت حلو ومبين دافي بي حنيه الله يطيح حظ امج يانور شلون تعوفين جهالج وهذا بيتج وترحين وفوكاها تخطفيهن ناس تتحسر وناس تتبذر

بقيت واكفه واباوع والعن بكلبي على امهن شويه واجه رجال بس يشك شك جمدت بمكاني يااربي شلون بيهم هذوله عائله لو حلويات معقوله اخوان نور

مجيد ـ تفضلي خويه

بتول ـ توترت وماعرف شسوي احس راح انكشف

ـ تسلم اخوية منتظرة لولد

اباوعله مركز بعيوني وبحركاتي خفت منه صاح نزيت رجع باوعلي وصاح

مجيد ـ مهييييمن مهييييمن

مهيمن ـ جاااي جاااي

مجيد ـ فضهااااا

بتول ـ شويه واجه يركض خفيف عرفت اسمه مهيمن بس هذا شنو اسمه ماعرف مدلي ايده بيها فلوس اخذتها وهذاك يباوعلي تشكرته ورحت امشي سريع كلبي يدك وصلت راس الفرع سياره عمر تنتظرني وصلت قريب يمها باوعت لبيتهم لكيته طالع ويباوع من بعيد عفت سياره عمر وطلعت كبل عبرت شارع وكفت نزعت البوشيه اختنكت منها ونزعت لعبايه ثواني وطبك عمر يمي صعدت بسرعه