بين الروح والرحمة

بارت 35

تراودني فكرة الإنتحار ؟
بجرعة مخدرات زائفة ،
مثلاً :
كأن تمري من أمامي وأنا
أتعاطاك خطوة َخطوة ..

"انتحار بطريقة لطيفة جِداً "♥️

.....

نور ـ ليش منروح احنة وحدنه

حسين - بطريقه يوصلنه مابيها شي بنتي

نور ـ اوف

انمار ـ باوعتلها ورجعت باوعت على بابا عقدتها صايره ويا مهيمن خلال ثواني اجه صعدنا وعينه على نور خفت لا بابا يحس لان نظراته فاضحته ونور اخ يانور متجاهلته وعينها على الدرب سرحانه

ـ درت عيني عنهم وصفنت بالفراغ

حسين ـ يلا بابا انزلوو انمار نور

انمار ـ ها اي اي نازله

ـ فززني من صفنتي بابا يصيحلنه وصلنه نزلت وعيني صارت على مدينة العاب

نور ـ الله مدينة

حسين ـ ههههههه حلوه المفاجئة مو

انمار ـ فدوووه بابا فرحتنه هوواي

ـ مشينه بسرعه وبابا يضحك ويصيح علينه تحولنه لـ اطفال مثل فرحتهن من يجيهم العيد ويرحون للالعاب

ـ دخلنه وجانت اجواء تخبل صعدنه بالعاب خفيفه وبسيطه مو تخوف جان يوم كلش حلو

حسين ـ تكسرت تعبتني ولجن اكعدن شوية

انمار ـ بابا الاجواء كلش حلوه اهنا

حسين ـ ههههه الله يدوم الفرحه على وجهكم حبيباتي

نور ـ ابتسمت على حنيه ابوي شكد حنين وكلبه طيب

ـ فرشنه على ثيل وكعدنه ماقبلنه نروح على كراسي راح بابا يجيب النه حلويات ونمانم اكل

انمار ـ فدوه لوجهج ليخبل

نور ـ هاي عليه

انمار ـ هههههه اي اكو غيرج اهنا وجهج حلو من تبتسمين

نور ـ تدنيت يمها واخذت ايدها بستها غرغرت عيوني دموع بس مسحتهن بسرعه ماريد اخرب هذا اليوم لحلو

ـ اهو هذول شجابهم

انمار ـ منوو

نور ـ باوعي اهناك يم بابا

انمار ـ باوعت والضحكه نرسمت بوجهي لا ارادياَ

ـ مجيد ومهيمن واكفين يم بابا يضحكون ومنطلقين

نور ـ شوفي شلون يضحكون لغسل مفضوحين

انمار ـ يا اسم الله عليهم اسكتي عيب نور

نور ـ ماطيقهم خصوصاَ مهيمن وين مانروح يجي ورانا يفتر لا شغله ولا عمله ميستحي وبابا انطا عين زايده

انمار ـ نور حبيبتي شبيج منفعله وتحجين شوفي وجهج شلون صار احمر باوعي ايدج شلون ترجف شبيج متكليلي عوفيهم واسكتي