بين الروح والرحمة

بارت 10

‏من طحت يمَك حزين ، استغربيِتك
ثاري مو كلمّن تحبة يصير بيتك .

بين الروح والرحمة

أصعد بطولك حمامة وأكعد بفيك حزين

اتفاعلو بيـــن الفقــرات وعلقـوو ولو بنقطـه
لا تنسون التصويت ♥

ــــــــــــــــــــــــــــــــــــــــــــ

وصلنه للبيت وامي عزمتهم يمنه بس ماقبلو تعبانين نزلو الغراض وراحو طبيت وسلمت على بابا ونور شويه وامي صاحتلي رحتلهاا للغرفه مااحس الا راجدي سطرني سطر شهكت متفاجئه اول مرا امي تضربني

ايمان .. ولج فشلتيني كدام هدى ساعه ندوور عليج نلكااج تفترين ويا ابن عمهم شلوون ترحين وياا شلووون

انمار .. يمه ولله مالي شغل هوة كليي

ايمان .. ولج فشلتيني فشلتيني كسرتي وجهي ولد غريب ترحين تفترررين ويااا امشي طبي لغرفتج لا اموتج هسه اهنااا

انمار .. رحت للغرفه ونهديت بالبجي ونور تحضني وتسئلني شبيج واني بس ابجي كلام امي صح تندمت كلش تندمت وقررت ارجعله الملابس بس بعدين كلت لاا اضمهن ومالبسهن شويه واجتي امي ضايجه مني بس كلتلي البسهن واصورهن لهدى اني هم لبستهن وخليت نور تصورني بدون ماتطلع وجهي دزيتهن وسئلتها على مهدي كالت صار احسن

ماعرف شنو مشاعري اتجاه مهدي بس مو حب قوي بس حبيت وجوده بحياتي شخصيته حلوة بس غاامض كلش غامض ماعرف شنو ورا وشنو من سر عنده متقلب ماعرف مشاعره الي شنو راسلته اتطمن عليه وره نص ساعه جاوبني اني بخير لا يضل بالج باجر جايكم نكمل الباقي ونشتري الذهب
كتبتله ماشي تصبح على خير شافها ومارد صاحولي للعشه كلتلهم ماشتهي نعسانه اريد انام

هدى _ عرفت مهدي اجته الحالة ماماخذ حبايه لو باقي شويه جان تخبل علينه بس الحمدلله مجيد ويانه وطلعه بره منطي الحبايه خمس دقايق ويرجع طبيعي عافنه وراح للبيت انمار ماتختار ولا تكلب بالملابس تكفلنه بيهن اني وامها نصيحلها بس تقيسهن لو نكللها هذا لون لو هذا وهي اي لو لا حته حلو مو حلو متكول اختارينه اني وامها ملابس نريدها تقيسهن صحنالها ماهيه المحل جبير ومقسم اقسام دورنه عليهاا ماكوو امها رادت تتصل عليها بعدين تذكرت ماجايبه موبايلها اتصلت على مجيد اشوفه طلعتت رايحه وياا

كلش نغثيت وحسيت امها ضاجت رحنالهم ولكينه مشترين ملابس حس عليه مجيد ضايجين ومكلوب وجه امها بس ماهتم النه؟ مجيد شنو ناوي ماعرف ردت بعد نشتري بس ماقبلت انمار رجعنه للبيت وطمنت على مهدي كعدت بالاستقبال شوية وصلني صور انمار بس جسمها بدون وجه وشعرها نازل حيل حلو ناعم اشوفهن وابتسم ماحسيت الا نجر موبايلي من ايدي باوعت مجيد هذا