أمس رشّيتك عله فراشي
حزن وردي وقفلت الباب
ــــــــــــــــــــــــــــــــــــــــــــ
نور ـ
صحيت على ايد تمسح براسي فتحت عيوني بغرفه مرتبه وبيها اضويه وبنيه كاعده يمي وتمسد على شعري ابتسمتلي
بتول ـ صح النوم يحلوة
نور ـ رفعت ايدي وجعتني
بتول ـ على كيفج حبيبه بيها كانيولا لا ترفعيها
نور ـ اني وين منو انتي اجه بابا وانمار اجت
بتول ـ انتي يمي اطمني
نور ـ منو انتيي وين بابا
بتول ـ اني بتول انتي نوور اسمج موو
نور ـ هزيت راسي وتذكرت صار رفعت ايدي المابيها شي وحطيتها على عيوني بجيت
لزمت ايدي بتول ونزلتها مسحت دموعي
بتول ـ لا تبجين حبيبتي كلشي ماصارلج والحاول يعتدي عليج عمر بيده راح يعاقبه
نور ـ اريد انماار اختيي محتاجتها
بتول ـ اني يمج حبيبتي بس هسه ارتاحي
نور ـ فدوه طلعيني منا
بتول ـ ماكدر مو بيدي
نور ـ وخري عني كلكم حقراء وخري
دفعت ايدها عني ولزمت الكانونه جريتها اريد اكوم اطلع
صاحت عليه ولزمتني
بتول ـ هيي انتي مخبله ايييدج
نور ـ وخرري لا تلزميني وخرري طلعوووني منااا وين ايماان ليششش حبستيني اهنا ليش ليششششش
بتول ـ لزمتها تدفعني ايدها تجري دم وهيه متدري احسها تهسترت كعدت بالكاع وتملخ بنفسها ماكدرت عليها
بتول ـ عمررر عمررر اصيح ميسمع ركضت دكيت لباب لان قافلها من بره عمرررر تعااال
فتح لباب وطب باوعلي بنظره غضب وركض عليها لزم ايدها وهيه تدافر وتحجي وتغلط
عمر ـ جيبي الابره شمنتضرهه
بتول ـ ها اي اي
ركضت جبت ابره مهدئ ضربتها اني شويه وهدئت غمضت عيونها شالها وخلاها على جربايه غطيتها وكعدت اضمد ايدها اجه عمر وكعد نباوعلها ملامحه هادئه وبيضه ثلج خدودها حمر وجلغتهن بضافرها
بتول ـ شنو ذنبها هاي طفله ليش حابسيها
عمر ـ حكم القوي على الضعيف ماعدها ذنب
بتول ـ لشوكت تبقى اهنا المن تابعه
عمر ـ ماعرف شنو غايتهم وشنو يردون بالضبط
بتول ـ منو همه
عمر ـ امهاا و
بتول ـ امها ومنو
أنت تقرأ
بين الروح والرحمة
Horror❗تم توقيف القصه مؤقتآ 🔞 هي من عنبٍ وخمر ، هو من نارٍ وجمر ! روح فتـاه تبحث عن الرحمـة !؟ بدأ : ٢٠٢٢/١١/١٧
