بين الروح والرحمة

بارت 4

...!
احياناَ نكون مو احنه    نتصرف على حسب الاخرين مثل مايردونه بالضبط ندفن نفسنا بمسطلح الاهل يعرفون مصلحتك احسن منك انت ماتفهم انت ماتعرف انت انت انت لحد مانضيع وتضيع ارواحناا وافكارنا يضيع مستقبلنا نتحول الى دميه كل واحد يريد يمشينا ع طريقته لا على طريقتنا ..

أنا غـير موجود , أنا ثغرة بين ما أُريدُ أن أكونه ,  وماصنعه مني الآخرون .

فِرناندو بيسوا

   بين الروح والرحمة
_________________...

‏‏ضَعت كَلش مِن لگيتك .!

انمار .. كاعده وصافنه اني مو حمل زواج ولا مسؤليه اني احس بروحي طفله ماشبعت من حنان الاهل ولا من طفولتي صح كبرت بس كبرت همومي وياي كبرت بس الكبر جسمي مو عقلي اني اعترف واكول عقلي ماناضج وخصوصا مهدي من بعد سوا وياي شلون اتقبله اني اريد احس بالحب اريد احس بالامان وياا مو احساس الخوف فزيت من صفنتي ع ايد نور حطتها ع جتفي

نور .. شبيها لحلوه ضايجه

.. وطاكه روحي هم سمعتي صار اني ماريد ازوج

نور .. وليش تنقهرين بابا مو كال الامي كليلهم بنتي صغيره وماانطيها هسه

.. بس امي ماراح تعوفني بحالي وخصوصا الهذول شافت بيتهم بعد

نور .. لا انتي غلطانه امي شافتهم متمكنين وماراح تعيشين بالفقر والجوع ياكلج رادتج تستقرين وشويه حالتج تصير احسن

.. يعني بشنوو احسن نور لا تخبليني بابا عايفنه جوعانات لاا اشو مدللنة حته اذا ماعنده ميكول ماعندي وحالتي شبيهاا

نور .. اهدي على كيفج اعصابج استرخي وخليها ورا الله الي كاتبه يصير واذا متقبلين مااكو احد يجبرج يلا كومي نطب جوة بردت دنيا شوية

انمار .. طبيت وياها جوة ورحنه لغرفتنة احاول انام بس يانوم اليجيني طبعي مكروهه اي شي يصير ابقى افكر بي تفكير يموتني تمددت على جربايه وضليت استغفر بكلبي

استغفرلله استغفرلله العظيم استغفرلله رب العالمين
استغفرلله واتوب اليه استغفرلله من كل ذنبً يحول بيني وبين محبت الله استغفرلله العظيم من كل ذنبا عظيم .

ثكل لساني ونعست كلش نمت ..

______________________....

   في البصرة ١٠:٣٢م

يبا امس خابرتني بنت عمي تشكي من مهدي يريد يخطب بت حديثة تنظلم ويا الركلة وهو ماهو طويب 

فرقد .. خايب وليد من حقة جا شني نمنعه من الزواج

مجيد .. يبا ماكلت نمنعه بس يطيب ويزوج حرام تنظلم بنيه الناس