چان عمري نهر غافي ..
وماية صافي ،
وخنچرك مثل البلم ، بالليل طرّه !
ويا نهر ، والحسرة حسرة !!
كون اذب ثوب الحزن وانه بشبابي
والحزن عالخد اسطره ..!
هيَّ حسرة وأمنية أنسميها فكرة !
-كاظم إسماعيل الكاطع
بين الروح والرحمة
لا تنســون التصويت والكومنتات بين الفقرااات !♥
ـــــــــــــــــــــــــــــــــــــــــ . . .
نـور -
صار الصبح وكعدنه لتمينه على الريوك بس بابا مو على بعضه باله مو يمنه شارد
نور ـ بابا ليش مااكلت
ما حاجاني باوعت لـ انمار ورجعت حجيت
نور ـ بااابااا
فز وباوعلي
حسين ـ هاا وياي
نور ـ اي ليش ماتاكل والجاي برد
رفع الكلاص واخذ رشفه قليله ونزله وكام
حسين ـ مااشتهي بابا انتو اكلو الف عافيه
نور ـ راح وباوعت على انمار
شبي بابا مالاحظتي باله مو يمنه
انمار ـ والله مادري عوفي تعبان اني اتأخرت راح اروح
نور ـ خلي بابا يوصلج بطريقه واخذي المفتاح لا تنسي
انمار ـ لا اتأخر اني رايحه اي عفيه ذكرتيني
نور ـ كيفج رحت جبتلها المفتاح ونطيته الها راحت صارت ساعه بـ 8:35 استغربت بابا بعده مارايح للشغل شعجب مو من عادته رحت لغرفته دكيتها اجاني صوته
حسين ـ فوتي بويه
نور ـ لكيته هستوه مبدل ملابس دوام
حسين ـ ها انواره
نور ـ بابا صارت ساعه ثمانيه ونص شعجب مارحت للشغل
اباوعله ابتسملي وكال
حسين ـ هسه رايح
نور ـ بابا اذا مريض لو تعبان ابقه لا تروح
حسين ـ لا مابيه شي
نور ـ طلع وصاني اقفل الباب قفلتها ولميت سفره البيت وراهم موحش كلش نضفت البيت وهو اصلا نضيف ماعدنه جاهل صغير يوسخ ايدي وايد انمار بي دائما نضيف دخلت للحمام شبحت وكملت سمعت تلفوني يدك نشفت روحي وطلعت رقم منتظر يدك عليه كاتبه عليه M فتحت حاكيه وخليته على ميز اغير ملابسي
منتظر ـ صباح الخير يحلوة
نور ـ صباح النور شعندك تتصل
نعم صوته وكال
أنت تقرأ
بين الروح والرحمة
Horror❗تم توقيف القصه مؤقتآ 🔞 هي من عنبٍ وخمر ، هو من نارٍ وجمر ! روح فتـاه تبحث عن الرحمـة !؟ بدأ : ٢٠٢٢/١١/١٧
