نور. نايمه واسمع صوت دكات خفيفه ع شباك فزيت خايفه خاف احد يسمع الصوت كمزت فتحت الشباك
وليد. وين جنتي صار ساعه ادك سمطتني الشمس
نور. حبيبي جنت نايمه
وليد. ليش ممداومه اليوم؟
نور. سيف مخلاني
وليد. ليش شعنده وياج؟
نور. دا احجي وسمعت صوت خطوات سديت الشباك بوجهه ورجعت نمت جان تفتح الباب امي
زهره. نور ماما كعدي صار الظهر
نور. كاعده ماما
زهره. كومي اليوم بيت عمج عشاهم يمنه كومي ساعديني
نور. منو بيت عمي؟
زهره . عمج خالد وعمج رضا منو غيرهم
نور. تمام ماما شويه والحكج
نور. كمت دا اشوف وليد اذا راح لكيته مموجود رجعت سديت الشباك وكعدت . اعرفكم بنفسي اني نور عمري ١٩ سنه طالبة سادس عايده سنه وكابوسي السادس وليد ابن عمي من جنه صغار واحنه نحب بعض كبرنا سويه وكبرت محبتنه ويانا عائلتي متكونه من سيف الاخ الاكبر عمره ٢٧ وحنين اختي متزوجه واني بزر الكعده نجي ع عمامي عمي خالد عنده ٤ ولد وبنات ٢ رشيد الابن الاكبر ٣٠ عباس ٢٨ووليد ٢٧وحيدر ٢٦ . البنات حور عمرها ٢٢وحوراء١٩ وعمي رضا عنده زيد٢٩ واحمد٢٧ وشريان٢٥ وادهم ٢٣وجعفر ٢٠ سوده عليه مسمي ع اسم جدي هههههه الكل يصيحله جعيفر وشكد يضوج من اسمه نجي ع عمي حارث عمي حارث عدنا خلاف ويا قبل وجدي متبري منا من جان طالب جامعه حب وحده اهلها سمعتهم مو زينه اخوانها ساكنين السجون وابوها يشرب وعنده ماضي والدين كاتلهم جدي مقبل يخطبها لو تبقه عنده علاقه بيها بس عمي حارث بقه يحبها وفديوم ماخذها وشارد ومتزوجين واجانه وره اسبوع يكول مرتي هاي جدي كلش تعصب وطرد عمو حارث وكله يااني يامرتك وهوا اختارها وطلع من البيت قبل ليطلع كال اني متبري من حارث دنيا واخره حارث لا يدخل بيتي ولا يوكف ع جثتي وفعلا ابويه وعمامي عادو عمي وشدو ويا مع العلم عمي حارث ويانه بنفس المنطقه يفصلنه شارع بس ودائما نشوفهم بس محد يتقرب منهم بس اني وبدون محد يعرف عندي علاقه ببنات عمي حارث ههههه كلش احبهن والله المدرسه كله سويه وبس نطلع اسوي نفسي ماعرفهن اصلا وهنه هم مثلي هههه
زهره. ولج نور كومي ساعديني
نور. جايه جايه غيرت ملابسي لان جنت لابسه تراك وولد عمي يجون من وكت وخاف وليد يشوفني ويسويلي سالفه رتبت شعري وخليت الشال ع ركبتي وطلعت اساعد ماما نظفت المطبخ وساعدتها بالاكل صارت الساعه ٤ ونص جنت بالمطبخ دا اغسل المواعين والشال ع كتفي جان يدخل وليد
وليد. نور عيوني
نور. فزيت من سمعت صوته ابتسمت وهمست بصوت ناصي ماما بالاستقبال
