هم مثلي كلبك مانسه
وهم بعد من تمشي بدرب
تذكرني خطواتك بعد
تترك فراغ لخطوتي
لا تسكت ال لا بينت
بين اثرهه ابعبرتي
بس ردت انطيك اخر مابقه
او هوه شبقه
مني خذت كلشي وبقت
دمعات ليك بذمتي
________________
بقلم الكاتبه: نسمه المالح
___
لتنسون التصويت_⭐
******
نور. خليت الشال على راسي ونزلت سانده نفسي ماكو احد بالاستقبال فتت للمطبخ ماكو احد طلعت للحوش بوجهي حته مفكرت بشكلي بدون عبا طلعت فتحت الباب ومشيت بخطوات متعثره فتحت باب بيتنه وطبيت كعدت بباب الحوش ابجي واعيط( وينج يمه تعاي شوفي شسوه بيه هذا الحقير) طلعت امي تركض من شافتني وكفت متجمده وطلعت وراها حنين تركض باوعتلي مصدومه واجت عليه تركض
حنين. شصااير ولج
زهره. كومي يمه كومي
نور. كومتني حنين ساندتني دخلتني للمطبخ وجابتلي كلاص مي اخذته منها ايدي ترجف شربت شويه وخليت راسي بحضن حنين حجيت واني اشهك(لتخلونه ياخذني مارجع والله مارجع )
زهره. ولج يمه سولفيلي شبيج
نور. حجيتلها كلشي واني اشهك وابجي وهي كاعده يمي وتمسح بدموعي خليت راسي بحضنها وغمضت عيني احس خلصت طاقتي بعد ماكدر حته افتح عيوني فزيت على صوت الباب يندك بقوه رجف جسمي من سمعت صوته ركضت امي شويه ودخلت وهوا وراها عيونه ناطه وملامح الغضب تارسه وجهه كمزت من شفته تقدم بتجاهي ركضت للاستقبال وهوا مثل البرق صار وراي ولزم ايدي وامي تركض ورا وتتوسل
زهره. على كيفك يمه جاهل ماتفتهم الضرب مايفيد والله ييمه
نور. جرني من ايدي يسحل بيه واني اتوسل بامي تمنعه ياخذني حنين واكفه على صفحه تبجي بدون متتدخل وامي تمشي وراي وتبجي هنا صدك حسيت نفسي ماعندي اهل وهوا اهلي سحبني من بيتنه لبيتهم بدون ميحجي حرف شمرني بالحوش وطبك الباب بكل قوته رجع دار وجهه عليه احس الدم يبس بعروكي
حجيت بتوسل (لاتضربني امير لاتضربني) تقرب عليه صاك سنونه ويحجي بصوت عالي
امير. شلوون تمدين ايدج عليهاااااا
نور. مسحت وجهي وكمت وكفت ارجف (والله ماسويت شي ماضربتها والله) دار وجهه مني ودفر الباب ورجع لزمني من ايدي وجرني للغرفه دفعني وقفل الباب من بره عليه نزعت الحجاب وكمت اتفقد وجهي احس نار مشتعله بوجهي وجسمي وكفت كدام المرايه شصاير بوجهي ماكو شبر بوجهي مابي اثر ضربه وتعنيفه الحقير مجنت متوقعه منه يمد ايده عليه ويضربني بهاي الطريقه نزلت دموعي واني اتفقد جسمي كله اثار وكدمات ضرب رفعت عيني على المرايه ومسحت دموعي والف فكره براسي انتحر واخلص منكم كلكم لو اعوفكم واشرد واخليكم حافي يردم حافي تمشيت للجربايه تمددت وكل شبر بيه يأذيني الله ينتقم منكم كلكم الله ياخذك سيف الله ياخذك كله بسببكك بجيت بجيت لحد مغفيت فزيت الدنيا ليل كمت دايخه حاولت افتح الباب لسه مقفول رحت للحمام توضيت وطلعت صليت وصفنت على الجنطه تذكرت الموبايل ركضت للجنطه طلعته فتحته مابي شي خليته على الشحن ولازمه كلبي بايدي لا يجي واحد ويشوفه باوعت للساعه ب٩ حيلل اني شكد نايمه ضليت اروح وارجع بالغرفه جوعانه وخايفه ومادري شسوي اخذت الموبايل وفتت للحمام خليت رمز الشبكه تذكرت ريم ردته لجعفر مره كدامي نزلت الواتساب وفتحته اول منفتح انصدمت بكمية الرسائل الجايتني من وليد واكو رسائل قديمه من حنين وصديقاتي تجاهلتهن كلهن وفتت على رسائل وليد اقره ودموعي على خدي من اول يوم سافر لحد اخر رساله قبل ساعه كاتبلي
